http://www.youtube.com/watch?v=FgoPISrXfdI
真係玩嘢! 今日我地去出生註冊處到同BB改名, 因為改左做百軒之後, 發覺BB好百厭, 同埋好多人都覺得百軒好老, 所以亞DEE 越諗越唔鐘意, 所以今日終於去改左, 改做叫靖軒!
亞dee 仲衰到, 改完, 番去屋企之後, 同bb講, 改左唔鐘意可以再改架, 因為媽咪大把錢!!!
呢兩日亞 B 都好"蚊", 食奶食到一半, 就發皮 4, 仲好唔好老皮潻. 我初頭以為因為好熱, 所以佢先咁"蚊", 但係又好似唔係. 之後我問亞媽, 佢話亞 B 可能好祛, 叫我地買 d 開奶茶比佢飲, 所以今日就去買左番嚟, 睇下飲左會唔會好 d !
唉, 好迷網, 都唔知點!
今日終於都同亞 B 攞左出世紙喇, final decision係叫百軒! 真係風回路轉, 因為之前嗰日, 我地打算改做尚賢, 但係尚賢, 尚賢, 叫下叫下, 好似好普通, 所以亞 dee 臨去之前, 改為叫百軒!
雖然百軒好似好老咁, 但係希望亞 B 第日大個, 會好似黃百鳴, 陳百祥咁, 有自己一番嘅事業!
今日我地去左書局, 買左本改名嗰 D 書, 諗住都要睇下究竟幫亞 B 改番個名, 因為嗰兩個師傅比嗰 7個名, 我地真係頂唔住!
不過, 原來睇過本書, 改個名真係唔容易, 因為要睇佢欠乜, 加埋 D 筆畫又要好, 個名D筆畫又要一個單數, 一個雙數, 一個要高音, 一個要低音, 加埋又要好聽, 你話有幾難呢!!!
真係頭都暈埋!
真係唔好似d bb面前講佢好乖, 因為講完之後, 就開始 lai 嘢!
因為肥滕滕之前真係好嘈都唔醒, 成日瞓.........但係而家, 小小聲佢都郁一郁, 夜晚有幾個鐘唔肯瞓, 成日好似想食奶咁, 都唔知佢想點! 不過直至而家, 都唔算好難湊!
雖然我好多時都好眼瞓, 好辛苦, 但係真係好開心!
今日另外嗰個師傅比埋名喇, 不過仲衰過之前嗰四個, 一聽到真係想嘔都嚟唔切:
1)季雍和
2)季楠承
3)季雋青
呢幾個名睇起嚟雖然好似好 special, 但係 d 讀音就好普通, 因為我地最憎d 音好似係成, 俊, 南呢d, 所以之前嗰4個+呢3個, 我地都唔會要, 因為真係過唔到自己!
唔通真係要自己改.......
