壓死人~

朋友話睇到我FB d相覺得我瘦左, 所以攞個磅出嚟睇睇!

叫滕滕企上去, 嘩~ 19kg, 差唔多成42磅!

真係重到可以壓死人, 唔怪得當落車見佢瞓著覺抱佢行番屋企時, 抱到我手都斷埋!

而我, 就真係輕左, 輕左兩磅喎, 真係唔洗轉登去減喇!

攰到呢~

今日食完LUNCH, 我地就番左公司, 因為要攞契妹份生日禮物呢~

因為今日係星期日, 公司冇人, 所以滕滕襯我去toilet, 就係到同我玩伏呢呢~ 可能公司好大, 佢好似好好玩咁囉!

今日車程都幾長, 搭完巴士搭地鐵, 搭完地鐵就行過去尖東站到, 諗住行冇耐會到博物館, 點不知行到隻狗咁, 早知係尖沙咀站出啦!

今期有舊巴士睇, 不過多人多到呢~

好彩影相時搵到個有利位置啫~

一路以嚟, 同滕滕出街佢都冇喊過, 不過今次破例喇! 因為今日去我公司時, 佢見到把傘, 佢堅決話要攞走, 咁好冇問題, 不過攞傘嘅代價係出街有嘢睇時唔好叫我抱(因為唔夠高要抱起嚟睇), 冇得買玩具, 同埋把傘一定要自己攞! 就係因為博物館今期講舊巴士, 所以滕滕lai嘢, 因為佢好想買巴士! oh~ sorry 囉! 講明左叫唔好攞傘, 咁既然咁堅持一定要攞就更係有代價啦! 結果, 企左係博物館外面自己飲泣左成5分鐘! 飲泣完就再同我講: 我想再入去睇!

睇完約左契E食飯, 一未見就尤自可, 一見就痴左線!

出左街成日, 我已經都唔搭巴士, 因為怕太耐, 所以搭紅VAN 番去, 點不知一上VAN仔, 滕滕就問我: 幾時到呀? 落車未呀? 係唔係差唔多喇?

我知, 因為佢好攰好眼瞓, 開車冇耐就已經得番半隻眼囉~

P.S. 睇番D相真係好好笑, 張張相滕滕都係揸住把傘, 一方面覺得佢好慘, 不過就抵佢, 另一方面覺得自己都幾衰, 不過就真係應該要咁做囉~

只要不變其實就已經足夠~

係FB到add左個僱傭申訴group, 呢個group 係比我地d僱主大家討論下自己d工人! 係一唔知, 一知原來有好多工人都好恐怖!

有d做左一個星期, 一個月 or 幾個月之後就開放玩嘢, 呢樣又唔做嗰樣又唔做, 一時又話呢到痛一時又話嗰到痛, 一係就話好辛苦, 比番一個月通知個太太話唔做! 有d僱主, 一年就已經比左4個個工人抄魷!  比工人抄魷or 頂唔順個工人, 一樣都要比機票同埋一個月通知, 加加埋埋, 起碼唔見兩皮嘢都冇走雞!

我, 自問對個工人唔差, 有時銀行假我都會比下半日佢去同朋友食下飯, 佢生日聖誕節我都會比佢晏d番, 屋企d嘢冇咩特別我唔會理佢, 就算我屋企裝左cam, 佢都知我唔係望佢而係望住個仔! 好似之前咁比左個wifi pw佢, 心散左一輪而家又正常番!

而家d電話plan 實在太平, 流動上網實在太方便, 所以有時都擔心佢同滕滕出去上堂時會唔會一路行一路玩電話, 不過好彩嘅就係, 滕滕係出面時, 一唔拖個工人, 個工人就即刻打電話比我報串!  之前避開唔講而家有咩apps好用, 個工人無啦啦自動話比我知, 佢而家打電話番印尼都唔需要比長途電話費, 因為用app打好方便! 而且仲耐唔耐整張相比我嘆~

所以我唔望個工人越做越好, 只係正正常常我都已經好開心, 因為網上面嗰d實在太恐怖喇!  之前已經諗定左, 佢正正常常咁做埋呢個contract, 我就會比多一個月人工佢, 佢開心時又努力幫我!  結果, 終於今晚我忍唔住同左個工人講!

我份人好心急, 一諗到or決定左要做嘅嘢就想快快趣趣攪掂, 開心嘅嘢好想快d即刻去同人分享, 有著數嘅就好想即刻供諸同好, 唯獨係唔開心嘅事, 唔講唔會有人知亦都唔會比人發覺~

希望個工人真係可以安安份份咁做落去啦! 因為我唔想煩多樣嘢呀!

多謝你!

知我心情唔好嘅人唔係好多, 因為我唔想太多人走嚟關心我, 如果可以or容許嘅話, 我會去一個冇人識我嘅地方去冷靜下, BUT 現實係唔可以, 因為我有個滕滕係屋企日日咁等我番嚟!

我, 呢世人好彩嘅就係識襯D朋友都係好嘅, 因為唔好嘅我已經一早疏遠左佢!

今日收到STAN嘅禮物, 見到當堂差D喊左出嚟! 

只係一個關心, 一個慰問, 就已經好足夠! 多謝你 !

加油呀, 豬仔!

尋日滕滕喊晒話喉嚨痛唔想番學, 去睇左醫生食左藥, 番嚟之後就好似10日冇瞓咁就瞓左成兩個幾鐘! 可能因為剛放完5日嘅中秋假, 所以隻豬仔唔多唔少唔想番學都有d關係, 不過佢好彩, 因為Dr話佢真係有喉嚨發炎!

尋日懶左一日, 連眼貼都冇貼, 算啦! 見你真係有小小唔舒服!  所以頭先我問滕滕今日係唔係番學貼左眼貼時, 佢同我講: 媽咪, 我隻左眼而家睇嘢清楚左呀!

嘩~~~! 聽到之後真係開心到呢,  當堂激動到d胃酸湧晒上嚟, 開心到我即刻胃痛!

11月中會番去專科到覆診, 希望到時醫生話滕滕有進步啦!  真係, 好耐都未試過有咁開心喇~

垃圾嘅生意人!!!

 

幾年前有朋友介紹左隻洗頭水除頭皮, 主要支對有菌嘅頭皮, 表哥用左覺得好好, 所以嗰時幫我朋友買左成7/8支!

過左幾年之後, 朋友已經冇再賣髮品, 而我用牌子名上網去search都好難搵下!  有一次問係個親子group到問, 睇下有冇人識賣髮品嘅人啦, 結果小b媽有一日通知我, 佢係大埔廣場見到有得賣, 就幫我買左一支喇!

收到之後, 我第一時間打電話間嘢到問, 原來係九龍都有分店架, 咁就正啦, 因為我可以係九龍買嘛!

打去旺角串個牌子出嚟問, 條女好撚串, 佢答我"吓? 咩話?" 感覺就係佢唔撚識英文, 叫我講中文! 亞姐, 我都唔九知中文係咩, 知就一早同你講中文啦, 你咁撚串! 最後我要講左3次佢先答我有! 呢個moment d態度都仲係差架, 而我就再問佢我買6-8支, 請問可唔可以減價呢?! 條女係呢個時候先好少少語氣答我, 要問問老闆先可以覆我!

收線, 我條氣唔撚順, 因為我買嘢, 條女仲咁撚串! 支洗頭水平架咩??? $250/支, 唔係平喎, 我仲講明最少要6支, 咁都唔開心? 唔撚係呀化!  所以我再打去銅鑼灣間分店問! 今次條女正常好多喇, 正常語氣正常回答, 而我就張頭先打去旺角嘅對話講一次比佢知, 講明我唔想同旺角嗰邊買, 所以叫佢幫我check下個價錢可以平幾多!

過左5分鐘, 有個電話打嚟, 係一個男人嚟~

男: 你究竟想點? 打嚟打去, 問嚟問去, 你問咁多次都答左你啦!

(嘩~ 唔撚知, 份人拗d, 都比佢嚇襯囉, diu佢那星, 黑社會打嚟咁!)

我: 你究竟係邊個呀?

男: 我係負責人!

我: 我係想問支洗頭水嘅! 你係老闆呀! 因為你旺角個同事, 我覺得佢好冇禮貌, 所以我再打去銅鑼灣問!

男: 咁唔洗講咁多嘢啦, 長話短說喇! 咁你問咁多次, 都係咁嘅價錢架啦!

我: 咁即係買6/8支都係唔係減10蚊呀?

男: 係!

之後對話, 我就問佢如果我買, 可唔可以唔落鋪頭買, 叫佢比公司戶口我入落去, 而個仆街到收左線之後就whatsapp佢公司a/c no. 比我!

真係吊那星, 叫我長話短說吖嗱! 收左線之後, 個腦就即刻彈左"髮品"呢兩個字出嚟, 我唔信搵唔撚到第二到有得賣! 等你咁九七串!

唔明點解我之前淨識用個牌子去search, 所以搵極都搵唔到, 只係搵到間總代理! 一打髮品, 直頭出左yellow page 出嚟, 全部鋪頭都係賣髮品! 結果, 搵左呢間!

呢間, 個女仔好nice, 又肯幫手, 未比錢佢都留貨比我聽日去攞, 仲要平左成$25/支! 所以唔洗講咁多我就同佢買左5支, 因為佢只有5支係手啫!

之前嗰個仆街男到左6點幾就又whatsapp 我, 又打嚟搵我, 我冇覆亦都冇聽電話, 因為同佢講都嘥九晒我d時間! 到夜晚十點, 佢又再whatsapp 我話: 6-8支存貨係旺角有, 可以隨時落去買, 已經留左比我喇!

留你老母啦留! 你老味叫我長話短說! 話比你個你個staff同你趕客, 仲要叫我唔洗講咁撚多嘢! 你咁撚勁, 收皮啦, 仆街!

退役~

呢個剷, 有幾多開心時刻?! 好多好多!



呢個剷, 由姨甥仔細細個開始, 就已經陪伴住我地! 

呢個剷, 唔止幫我個姨甥仔剪過髮, 佢老豆都有剪過! 

呢個剷到左而家, 已退休喇, 因為已經開始叉唔到電! 插住電制都唔多得喇!  我好唔捨得佢, 因為嗰時嘅環境唔算好好, 但係就好開心!

到今時今日叫我唔要佢, 真係有D唔捨得! 不過, 人就係咁, 唔得就冇得再留戀, 因為要嚟都冇用! 呢個就係我嘅性格!

買左個新嘅番嚟, 用過都唔錯, 都幾強勁!

呢SET嘢, 又唔知可以陪伴住我地幾多年呢~

專科醫生~

尋晚卦左8号風球, 直到今朝10點先落波! 今朝冇番, 但係今日下午都請假, 因為今日約左去同滕滕見專科醫生!

專科, 真係比較仔細好多, 就連滕滕副眼鏡啱唔啱度數都check 埋!

原來我一直以嚟, 以為滕滕戴左眼鏡之後佢應該係睇到嘢 - 呢樣嘢係錯架! 原來佢戴左眼鏡都仍然係未必睇到嘢! 醫生仲好串咁答我, 如果戴左眼鏡就已經可以睇到嘢咁簡單, 就唔需要轉介去專科啦! 好! 真係串得好!!!

上次個視光師要滕滕每日貼眼3個鐘, 但係今次醫生要佢貼夠4個鐘! 而且仲同我講應該要貼到8歲!

8歲??? 係!!! 醫生話因為到8歲個眼球先停止發育!

Oh, my god!!! my poor 豬仔!!!

上次係視光師到買左盒眼貼比滕滕, 貼左3個鐘搣番出嚟真係幾係嘢!  因為皮膚有熱力, 張膠布會越貼越實!

所以我剛淘左個眼貼套番嚟!

woo~ 當堂舒服晒囉!

幾靚吖~

舊年係宜家買左個被套, 好靚架, 車車嚟嘅! 真係唔明囉, 咁靚點解冇床單出架???

所以我叫左個FRD幫我買, 跟住番嚟我自己改裝!

一個被套, 原來可以變做兩張床單, 仲可以整埋枕頭袋一SET!  不過, 連拆連車, 足足攪左我3個鐘, 車到我腰骨都斷埋!

雖然係辛苦, 不過又真係好靚喎!

滕滕見到都好like, 佢仲答應我下午會過嚟瞓喎!

手作仔之 - 斜揹袋

呢排做左好多手作仔嘢, 之前因為滕滕去上堂, D notes 成日都要帶個袋去, 所以我就買左畫板袋比佢喇!

個畫板袋冇得斜揹只係上膊, 如果只係上膊我就覺得唔好囉, 因為佢地咁細個揹會成日跌落嚟架, 所以我又淘左d accessory 番嚟自己去加工喇!

最抵死嘅就係買嗰條帶居然同本身條帶極度襯色!

唔知滕滕第時大個, 會唔會記得佢細時好多嘢都係我呢個亞媽同佢加工嘅呢~~~

亞公傻架!

亞公係舊年年尾, 送左呢架搖控飛機比滕滕!

真係痴線架!!! 搖控車都未玩的掂, 就仲飛機!

上個月, 亞公應該痴線痴到醫唔到囉, 因為佢買左架仲大架嘅!


入就入晒電喇, 明明都著晒燈, 但係就攪嚟攪去都唔知點飛, 所以就睇下本說明書啦, 點不知第一頁就已經寫住: THIS IS NOT A TOY!

放埋左一邊一陣之後, 郁下個control, 就開始無啦啦郁喇!

一係唔開, 一開原來呢架嘢唔係講少, 見佢咁強勁, 所以我即刻想捉住, 我怕飛去滕滕到整到個仔時就大獲!!!

而我不幸, 好過個仔受傷囉~

我只係捉住啫, 就已經係3條血痕! 見到當堂好驚囉, 滕滕仲呢埋入間房到叫唔玩喇!

之前買架細嘅都已經同亞公講唔好買, 因為佢跟本都唔識玩, 而家仲嘥成千幾蚊去買隻咁大隻, 真係想問下亞公係唔係痴左線囉!!!

家教~

我一向都好唔LIKE比人話我冇家教, 而滕滕我都唔想佢咁樣比人話, 續語有云"禮多人不怪", 所以每對任何人都應該要有禮貌嘅!

我好著重身教, 因為我好想信有報應, 我點對人, 第日滕滕就會點對我! 我自細就見到亞媽成日都同亞婆傾計, 而到而家我好多時都會自不然咁大小事都好自動咁同亞媽講! 

星期日同滕滕去攞眼鏡, 等左成15分鐘未有人安排, 滕滕就開始唔耐煩, 接住就當然開始問我點解咁耐都未有得攞, 而我就點左滕滕去問個receiption究竟幾時有眼鏡攞! 滕滕真係開始大個喇, 我隨意咁叫佢去問, 佢就唔多驚咁行埋去就講: "唔好意思呀! 我想問下我幾時有得攞眼鏡呀, 因為我等左好耐喇!"

又一個surprise囉! 我冇諗過滕滕第一句就講"唔好意思", 因為我點去佢問時, 我只係隨意咁話如果你想知就自己去問!  而佢識講"唔好意思"呢句先, 相信係我平時係街到唔想自己盲中中搵路時講第一句嘅說話, 而呢句說話, 我估唔到滕滕入晒腦!

努力中~

淘左個咁樣嘢玩具番嚟!

呢副嘢話係可以幫助弱視, 可能係因為多窿窿要佢地篤落去啦!

第一次玩, 滕滕覺得幾好玩, 不過唔知可以玩幾耐喇..........

頭暈中~

上個星期三開始直到今晚, 一連5日學校都會有小學嚟做present介紹自己間小學!  其實佢係話for K3家長, 但係我都有照去聽, 因為我由細到大唔係係屯門住, 我唔熟呢個區嘅小學, 所以我搵左幾間嚟聽, compare下有咩分別!  上星期三聽左一間, 呢間係我心宜嘅其中一間!

間學校聽落好似幾好, D配套又夠, 而且我最鐘意就係上英文堂係全英文, 上中文堂係全普通話! 但係一去到講測驗考試呢到, 聽完之後我即刻打退堂鼓! 因為個校長話, 一年有兩個學期, 兩個學校加埋有4次測驗4次考試!!!! 一聽到"4次測驗4次考試" 加埋即係8次, 個心就即刻此諗"唔撚係吓嘛, 痴線架!" 結果聽完, 當堂唔想揀!

同學個朋友係呢間痴線嘅學校到教書, 同學嘅朋友話呢幾年佢間學校仲難入, 因為質數比以前更好(以前已經好好)! 吓~ 質數好唔好我就唔知囉, 只係知道你間學校痴撚線囉, 咁多測驗考試, 想人讀死咩!  我姑姐都係教書, 佢話有D學校真係一年4次測驗4次考試, 而且D家長仲好鐘意潻喎!  講番10年前姨甥仔由P1-P5都係我去handle佢d學業, 嗰時一星期有一次中文一次英文默書, 一年有3次測驗+3次考試, 呢個過程嗰時我都已經覺得接得好密, 因為個個星期默兩次書, 跟住就好快咁又話有測驗喇, 再過一次就考試, 考完試之後又再開始一星期嘅兩次默書, 跟住再過冇耐好快又話測驗! 嘩~ 真係人都癲囉!!! 好彩嗰時姨甥仔聰明接得住, 而我對佢用嘅方式係啱咋, 如果唔係佢死時我都好辛苦架!!!

今晚聽埋最後一場喇, 小小資料都有嘅, 出年開學時再聽多次, 希望唔洗咁頭暈啦~

DAY 1~

今日好重要, 因為今日第一日要滕滕貼眼貼, 而且仲係貼住嚟番學!  所以我今日同滕滕番左學我見番工, 因為我知我要安撫佢!

果然不出我所料, 當我同滕滕貼左眼貼之後, 佢同我講佢好唔舒服, 佢想除! 我當然知道唔舒服啦, 手指就咁貼膠布都有感覺, 更何況遮住隻眼! 所以我又再一次鼓勵滕滕: 只要努力, 左邊隻眼睛就會好快好番, 我已經同左老師講叫佢幫助你, 我地每一個都會明白你了解你, 所以唔怕架, 只要辛苦一陣, 一放學姐姐就會即刻幫你除番佢出嚟!

一放學老師自動咁打電話比我匯報番滕滕今日嘅情況, 而且仲同佢調前左嚟坐之餘, 仲同其他小朋友解釋滕滕隻眼睛要做練習, 係呢個moment佢有時可能有d嘢做唔到, 如果見到咁嘅情況, 希望其他小朋友去幫下佢!  呢個老師都算係幾好架喇, 佢有care我嘅擔心, 亦都有care到滕滕嘅心理狀況, 所以老師同我講只係最初滕滕一入班房時係唔自然之外, 跟住之後佢都已經冇咩事回復正常喇! 最好笑嘅就係, 老師送左個燈籠比佢地, 老師問小朋友佢地個個都話送比媽咪, 而就只有滕滕一個話送比爸b! 而聽日嗰個先送比我喎! 老師笑住同我講, 佢雖然遮住左隻眼睇嘢唔好, 不過佢仲有一把好叻嘅口講嘢!

幸福的亞媽~

月頭心情唔好, 一次過買一個袋一個銀包, 買完覺得未得, 就再走去淘左一個皮袋兩個皮銀包, total 用左兩萬三!

一次過用咁多次, 除左生仔找數嗰一次之外, 呢次係最甘! 以為心情會好番d, 其實都未, 因為我想去剪晒d頭髮! 我好撚想剪九晒佢! 但係結果冇去, 因為如果剪晒佢, 咁我以後要個幾個去修一次, 咁樣仲撚煩, 所以唔剪喇!

亞媽話牙痛, 牙醫叫佢去種牙, 今日我就陪亞媽上去見醫生再了解下種牙呢樣嘢!

種一隻牙要萬三, 亞媽要整3隻, 即係三萬九! 亞媽成日話生我地出嚟係搵佢攞債, 所以今次佢要整牙, 我就話嚟攞債嗰個係你囉, 你而家要整牙, 咁即係我要還債! 以前你比錢我cool牙, 而家輪到我還番比你!

我成日都同亞媽講其實佢好幸福, 因為佢有3個仔女, 佢而家有咩事, 我地3個冇人唔會唔理佢!  唔會好似我奶奶同我講: "老人院叫我留仔女電話, 我都唔知留邊個好! 最大嗰個(家姐)份人靠唔住, 講完冇左件事! 第二嗰個(家姐), 由年頭話忙, 到而家都未見過個影! 就連電話都冇一個打番嚟! 最細嗰個(即係我老公), 又係成日唔見人, 成日都番左工, 想搵佢整屋企d嘢, 講左又唔記得完全冇左回事! 所以我都唔知應該番邊個個電話比老人院好!"

做亞媽, 最開心就係莫過於老左d仔女仍然會理佢囉~

乖仔~

自從我同滕滕都知道佢左隻有問題之後, 佢都知道自己要戴眼鏡, 而且一定要長期戴住眼鏡, 隻左眼先可以用番, 所以佢冇咩點抗拒!

不過有時做父母就真係好擔心同唔開心知道自己仔女有事囉! 有一晚我問滕滕, 其實佢係唔係知道自己一隻眼睇嘢清楚, 而一隻眼睇嘢係蒙查查架?! 滕滕點頭! 仲要係好用力去點!

點解? 點解自己個仔隻眼有事, 我一D都察覺唔到架??? 醫生話因為佢右眼係冇事,所以我係好難去知道原來佢睇嘢係唔清楚! 但係, 我覺得唔係藉口囉, 點解我咁大意一D都留意唔到!!!

尋日下午, 有電話打嚟話可以提早今日去攞眼鏡喇! 同滕滕出去時, 佢都好似平時咁一樣痴左線咁開心!

我成日都仍住佢有小小唔開心囉, 因為上次係醫生到驗眼, 明明都冇尿痾佢都話急, 咁我就知佢心情有變化! 小朋友唔識表達, 我明白, 所以我而家就算知佢左眼差, 我都盡量去講多D嘢去鼓勵佢要記得戴眼鏡, 叫佢記得成日戴住就會快D好番冇事!

副眼鏡, 我點都要搵副綠色嘅比佢, 因為滕滕好鐘意綠色, 所以就算戴左眼鏡變左四眼豬仔都好, 副眼鏡都係佢最鐘意嘅顏色嚟!

左邊塊鏡片真係幾厚囉~  今日亞婆生日, 見到咁晒公婆舅父, 個個一睇就睇到佢隻左眼好深!

聽日我唔會要佢貼眼貼住, 等佢戴一日去適應下先, 星期二我先同佢貼, 貼左先入學校! 我已經同左老師講喇, 如果見到佢貼左眼貼番嚟, 就幫我去同小朋友解釋下滕滕隻左眼要練習, 所以先貼住膠布一段時間!

雖然老師話會幫我同D同學講, 盡量都唔好比滕滕有hard feeling, 但係呢樣嘢我都真係最擔心囉.........

你真係好叻仔!!!

尋日真係好忙, 忙到我都真係散咁濟, 我都唔明點解滕滕咁勁, 一句攰都冇講過!

淨係驗眼配眼鏡都攪左兩個半鐘, 攪完仲要趕住化驗所抽血, 因為醫生打嚟叫得閑帶滕滕去描血驗下D乙型肝炎抗體仲有冇, 如果冇就要去打針!

因為滕滕之前見過我打針, 所以佢知道我話同佢去打針時, 佢只係輕鬆咁問我"打針係唔係好似你咁, 有小小痛架?!" 所以我一路以嚟, 都唔敢同滕滕講係抽血, 我只係同佢講去打針, 因為我怕佢會驚!

去到化驗所, 有個女仔幫滕滕抽血, 一睇, 我就知知地LAI嘢, 因為個女仔一D都唔老! 我睇見佢拍左滕滕隻手兩下跟住就拮左支針入去! 我個心諗 "咁快拮! 得唔得架???" 結果, 佢拮左支針入去, 就不停咁左撩右撩, 真係大獲囉! 見佢咁樣我就即刻話, "如果唔得就攞番支針出嚟啦, 你係咁撩, 我睇到都好痛呀!"  而係呢個moment, 我見到滕滕"就"晒眉好無奈又好痛咁望住嗰個女仔, 係冇喊架!  而我又再一次話, 如果你唔得就不如搵過第二個入嚟啦, 唔好好似頭先咁拮左入去搵唔到就係到撩嚟撩去喇!

過左一陣, 另外一個女仔入左嚟, 又係拍拍滕滕隻手, 睇下條血管出唔出到嚟先拮針落去! 但係呢個女仔我都好驚囉, 因為都係後生架, 佢拍兩下又摸下又再拍兩下, 咁即係佢都冇信心拮針落去囉! 結果, 第三個男人出現喇, 而呢個就老d喇!  我見個男人拍幾下又再"禁"下條血管又再拍下, 我眼見條血管出晒嚟喇, 個男人就手都震埋咁拮針落去! 而呢個時候, 滕滕見到有血出就喊喇!

我可憐嘅豬仔~ 媽me都真係赤到不得了囉! 眼見比人拮左咁耐! 所以我都唔理3721, 就算滕滕有咳都好, 我都即刻比糖佢食, 等佢食糖開心下喇! 因為真係心痛死我囉!

番到屋企, 一路沖涼, 一路食飯, 跟住到瞓覺, 我都仲係不斷咁讚緊滕滕頭先打針真係好勇敢, 而且仲同滕滕講番頭先個姑娘手勢好唔掂, 下次真係唔好再搵佢! 而滕滕, 我每一次讚佢, 佢都沾沾自喜咁覺得佢自己真係好叻囉! 而今日去畫畫, 番嚟仲同我講佢同佢畫班d同學講佢打針好叻好叻!

好叻~ 我都真係覺得你真係好叻! 真係好叻!!! 

遠視.......

8月23去左母嬰健康院做視力檢查, 檢查發現滕滕左眼有遠視, 而右眼就正常, 醫生話咁樣嘅情況, 照理應該係先天而不是後天, 因為如果係後天因數的話, 理應兩隻眼會有同樣問題!

醫生話滕滕兩隻眼有咁大嘅分別, 要轉介去專科去進一步評估, 而我都同滕滕BOOK左期係呢個月23号見專科醫生!

其實我都幾擔心, 因為醫生話佢左眼遠視都幾深, 所以佢而家平時其實係用右眼睇嘢, 而因為個腦潛意式輸入左右眼嘅清晰影像, 因此左眼而家係放埋左一邊係冇用到, 如果長此以往落去繼續唔理佢, 咁佢隻左眼就會廢左武功唔到, 即係會盲!

經小B媽介紹之下, book左間私營嘅驗眼中心今日去驗, 個結果係左眼有5百幾度遠視, 而呢個程度係好嚴重!!!

唔洗問我就已經預左一定要同滕滕配眼鏡, 因為我希望佢可以用埋左眼去睇嘢, 而個視光師都比左d exercise 我要幫滕滕去train隻左眼! 因為佢話佢而家呢個年齡發現, 仲可以有時間去追番, 就望佢好晒都望佢可以追番上嚟都好!

話下個星期可以攞到眼鏡喇, 希望滕滕唔好扭計啦, 因為攞左眼鏡之後就可以開始同佢train 左眼喇~