好hea~

其實當滕滕越嚟越大個, 越嚟越懂性, 我某程度上有d位唔係咁開心!

因為我日日就見到滕滕咁~

唔使番學, 就更係咁上下, 日日都係屋企行嚟行去, 攪呢攪路, 交流流又一日!

不過我睇見滕滕日日咁, 我就覺得好浪費, 係浪費晒d時間! 可能係因為屋企唔會有老人家係到, 所以我成日都覺得滕滕好孤單! 雖然話就話有工人姐姐係到陪佢, 但係工人就係工人, 就算工人同佢玩都唔係好似我同佢玩咁, 或者係公公婆婆咁, 係用心嚟同佢玩!

只係我估, 我估滕滕可能其實每一日佢都好似我地番工咁, 我地就等收工, 佢就等我地收工! 我諗唔知係唔係終於都等到我地"番屋企喇", 嗰一刻可能係全day 最開心嘅時候! 因為聽奶奶講, 佢一日都同佢講住: "爸b番工搵錢錢! 媽咪番工搵錢錢!" 

可能佢地而家都仲未知咩係"番工", 咩係"搵錢錢", 但係我覺得佢地已經知道, 爸b &媽me 每day都一定要番工, 唔番工唔得! 所以有時星期六想偷雞出去一兩個鐘, 同隻豬仔講 "媽me番工好快番", 咁佢就會唔再嘈唔再話要跟出街喇!

所以我真係好想滕滕可以快d 番學, 我唔想佢日日係屋企咁, 因為睇見佢得自己一個係屋企到, 冇嘢做就賴係地下上面都唔知仲乜, 一日老黑都係戇居居咁得自己一個, 好似好可憐咁~

一步一步嚟啦~

我實在頂唔順!!! 本身馮小姐係負責洗米煮飯, 而下半part 洗碗就係我負責, 就算而家唔講嘢, 呢樣嘢都係不變!

我之前已經講過, 我只係食大半碗飯, 但係馮小姐成日唔覺意就打爆我碗飯, 而佢自己呢, 就由之前嘅一大碗變左而家只係半碗!

之前佢打爆我碗飯, 佢話係因為覺得我食得太少會唔飽喎! 佢真係痴撚線, 佢生績都唔關我事, 仲乜嘢我要食咁多呀!!! 所以有次我專登去煮飯就煮少d, 費事佢比咁多飯我! 雖然煮少左, 但係佢仍然繼續打爆我碗飯, 真係佢老味吖!!!

因為上個星期開始, 我已經發覺佢又打爆我碗飯喇, 所以今日我又早d出去裝飯, 費事又比佢打爆啦, 不過一打開個煲蓋, 我就見到d飯其中有一半係放左d麥皮係上面, 係比佢自己!

其實比我見到仲好, 因為我今朝已經同左佢講, 以後逢星期一都唔出去食喇, 叫佢自己預備自己! 原因唔想同佢食, 因為唔想佢見到我去街市買乜佢又買乜, 而且都唔想佢有機會比佢同我講嘢, 因為佢今日又同我同我講佢姑奶d嘢, 又問我個仔食胡仔d嘢, 又同我講佢姑奶又話佢!

我想問, 究竟真係蠢得咁交關, 定係面皮厚得咁交關呢???? 我已經成個半月有多唔同佢講嘢架啦, 如果比著係我, 我就一定唔會再聊對方講嘢或者問對方嘢, 但係我唔係好明, 點解佢都仲要問, 仲要講呢?????????????????

我會一步一步嚟, 而家同佢講左星期一帶嘢番嚟食, 再過一陣, 我就同佢講唔再係公司煮飯, 因為我唔想再煩!!!!!!!!!!!!!!!!!

唔係好明!

其實好多時我都唔想同亞媽頂咀, 不過唔知點解佢下下都係咁!

我已經唔係第一次講, 如果佢地兩老要入嚟, 唔好撰星期日, 因為星期日個工放假, 如果佢地入嚟, 就做到我仆街! 而且滕滕沖涼、食飯都唔可以佢地幫我, 所以由佢地入嚟嗰刻開始, 除左食飯嗰廿幾三十分鐘我係有得坐係到食飯之後, 就一直做到九點幾!!!

亞媽成Q 日就卦住去佛堂, 每個星期三&六, 過時過節初一十正之前又要去正日又要去, 跟本一個月最少去10日以上! 有時都因為做節做正日, 佢又話要去佛堂就同佢嘈幾句!

老豆有時係平日有嘢做, 幫下人地手, 所以week-end 都好攰唔想入嚟屯門咁遠, 所以其實佢地星期六入嚟就係最好! 因為星期六個工人係到, 第二日又係星期日, 攰d都可以瞓晏d, 但係無奈亞媽成Q 日都唔想星期六!

我問亞媽, 你番左佛堂十幾年, 你個心境應該已經係化它架啦, 應該係無欲無求, 我唔係好明, 點解你仲要求呢樣嘢, 又要求嗰樣嘢, 個人應該係不求欲望架, 但係真係唔明點解你仲話要做節, 又要入嚟玩孫, 又要人同你食生日飯呢! 你成日乜嘢都係佛堂行先, 屋企永遠都排第二, 咁點解成日都要求我地咁多嘢呢?! 因為佛堂都已經係生命嘅全部啦, 咁既然樣樣嘢都係佛堂先! 咁請問又使乜有親情呢?!

亞媽話佢入嚟做得我幾多啫, 最多佢煮飯比我食喎! 講真, 你入嚟都仲要你煮埋我比我食, 我就真係過唔到自己囉, 仲有, 亞媽係廚房煮餐飯, 個廚房就好似打仗咁, 淨係呢D理由, 就已經唔容許我比你入廚房啦!

所以我都唔知點好! 比佢地星期日入嚟又唔係, 唔比又唔係! 但係我真係好想星期日休息下囉!

我好賤！

星期六同嫲嫲&梓祐飲茶, 坐左成個幾鐘, 隻豬仔都冇話扭計要走, 所以跟住嫲嫲就係到講梓祐個乞衣後母個仔, 嘈少一陣都唔得, 更何況話坐係到飲茶咁耐!

梓祐講佢個同父異母嘅細佬, 成日都走埋去攪佢、打佢, 有時仲好似撩交打咁, 好惡咁問佢咩事! 而每一次都係細佬走埋去打佢佢先還拖, 而次次還拖完個細佬就係到大叫話"你打我呀", 跟住個乞衣後母就出嚟鬧佢!

嫲嫲講, 就算細佬做得幾唔啱, 個乞衣後母&老豆都唔會同個仔糾正或者教番正確, 每一次只唔啱都一定係梓祐, 所以嫲嫲詰細佬整下整下, 自己唔老嚟, 就會好大力咁去打人, 搵個頭去撞人, 係間屋都大叫大喊, 慕求人人都要聽佢要求!

不過梓祐而家十三四歲呢個年紀, 無啦啦比人打, 佢想還拖係好正常啫, 但係我同梓祐分析過, 雖然無啦啦比人打, 條氣就更係唔順, 但係如果佢出手還拖, 到時佢細佬有d咩事, 佢呢一世就死更, 仲要死得好慘, 所以我同佢講, 如果下次細佬無啦啦再過嚟攪你, 你就"的"佢番去比你個死人亞E, 等你個乞衣亞E教佢好定唔教佢, 等佢自己嚟, 唔使你出手!

因為如果個乞E唔教訓佢自己個仔, 仲好, 因為你第時大個就可以現場睇到一幕又一幕 虐待老人嘅現場版, 真人show! 我叫梓祐, 你問下你自己有幾憎你個乞衣, 而呢個問題你唔使答我, 你自己答你自己就得喇, 如果你想你個乞衣亞E第時老左比個仔打, 咁你就唔好還拖尤得佢喇! 因為我話有時有D嘢, 唔係睇而家, 係睇將來! 雖然而家條氣唔順, 不過忍忍佢, 第時大個就有好戲睇! 我話就算嫲嫲到時死左, 我諗佢係個天上面都會係係到笑緊!

我知道我咁樣教梓祐係好賤, 不過佢咁樣對梓祐, 我真係好想佢自己個仔收佢囉!

又嚟~

啱啱先出左篇blog係講馮小姐, 都未夠一個星期, 我又嚟寫佢喇!

我篇blog 係lock左架, 點解佢好似心有寧犀咁嘅?! 因為我今日又見到佢上淘寶睇揼喇, 睇完揼, 就睇我買比滕滕嗰d玩具水果! 其實我好唔想睇到, 我只係經過佢側邊啫, 點解經兩次都要比我睇到呀?!

呢d人真係好討厭, 仲係討厭到極點!

"暗"瘡!

以下內容, 有不雅成份!

幾個女人舊同事走埋一斉, 真係有講不完嘅嘢! 而且, 以前嘅feel 番晒嚟, 又講戲集, 又講護膚, 天南地北講事非, 乜都講得一餐!

上個星期五食飯, 就講左一樣嘢係我好想知, 就係寺瘡!

自從入左呢間公司之後冇耐, 我就發現去完大便之後, 清潔嗰時有血!

起初都不知幾鬼驚, 都唔知咩事, 以為什麼內臟有咩問題, 後嚟問一問d朋友, 先知道應該係寺瘡!

一同呢幾個舊同事講起, 原來佢地個個都有! 仲要係大家離左職, 開始坐係寫字樓先開始! 而咁啱有一個, 仲要係4月嗰時做左手術! 佢話做完之後好似冇做過咁, 而且大便仲快過以前喎! 但係唯一佢話唔好嘅, 就係做之前要飲一杯嘢, 跟住就不停咁痾, 模求做手術前要痾清!

我同老公講我大便完有血, 老公就叫我去睇醫生做手術! 做手術, 唔好喇卦, 又要留一晚係醫院, 又要打針, 可唔可以唔好呀! 打針都唔係main point, 留院我先唔想呀!

但係, 唔割好似會有機會流血不止架, 死啦, 唔知點好呀!

學習~

星期六去整牙, 個牙醫識左成十幾年, 識到好似朋友咁济, 講嘢都唔使就住就住!

我帶埋滕滕去比佢睇下d牙, 最重要就係知道佢d牙有冇哨牙! 吹開水, 佢問滕滕幾多歲, 我跟住就答佢, 我未教, 跟住佢又再問1跟住係咩, 我又再答, 我未教, 佢只係識數由one to ten, 如果問跟住係乜, 佢唔識, 因為佢唔識咩係"跟住"!

牙醫fd聽到我連續兩次都話未教, 佢就小我喇, 佢話我仲咩唔教佢, 好要而家教啦!

又係自我檢討嘅時候!

而家日日, 我都仲係同滕滕train 緊A-Z, 中文&英文嘅11-20, 仲有color, 仲有動物, 仲有身體各部份!

A-Z, 26個英文字母, 佢只係有4-5個仲未得, 仲係skip skip地, 有d未發到音!

中文&英文嘅11-20, 我未試過要佢自己一連串背出嚟, 每次只係跟我讀, 而有時佢可以自己讀出跟住嗰個字係咩字, 而且每晚, 我都會讀4-5次!

而color, 我唔知佢玩嘢定係點, 有時blue, green, purple, black, white, red 都可以話比我知, 但係有時就個個都係green!

動物呢, 基本嘅dog, rabbit, horse, fish, turtle, zebra, cat 都識, 只係仲有幾個基本嘅, 就成日唔記得! 

仲有身體, 好多大部份都識晒, 除左我都唔識嗰d, 而且係瞓覺前係咁篤落我到, 自己係咁講d部位出嚟, 講完仲話"好嘢"!

佢而家, 我想問係唔係要攪掂晒以上呢d先好再study 其他嘢?! 其實我晚晚咁train佢, 我都有時都想停下, 但係點解牙醫fd話我好多嘢都唔教佢???

其實人地問滕滕嘢, 我就更係第一時間教滕滕啦, 但係唔係講一兩次佢就可以記得架嘛~ 而家牙齒fd咁講, 咁我係唔係再要努力d呀?!

你咪當我係傻仔~

夏天, 滕滕沖涼可以係個浴盤到玩水, 而係夏天嘅必定動作嚟!

今年開始熱用盤沖涼嗰時, 我會hou滕滕玩玩下水唔覺意就拉開個塞, 由得d水慢慢流走晒, 咁我就要滕滕起身抺身喇!

滕滕起初由冇為意, 到發現有水聲而又唔知係邊到嚟, 到左今日我同佢沖涼嗰時, 一拉開左, 佢就即刻發現個塞被拉起!

今日, 我拉起左個塞之後, 睇到佢反應相當快, 要即刻塞反住個窿, 跟住就已經推開我隻手喇! 幾次之後, 我就張隻手放係個窿旁邊, 用手指尾til起啦, 點不知比佢話我, 係咁話唔好唔好!

我諗滕滕真係開始大, 真係唔好仲當佢係一嚿飯, 係一個傻豬仔喇  !

 

 

唔通人有我有?

尋日同班舊同事食飯, 而呢班舊同事都識得馮小姐嘅, 同其中一個傾開計, 我真係忍唔住講左馮小姐D嘢出嚟, 正因呢個舊同事都有個女, 所以我同佢講馮小姐同個仔相處D嘢, 大家都有共鳴!

就例如好似同個仔沖涼咁, 做媽媽會好enjoy可以同個仔/女完成成個沖涼過程, 因為係呢個過程, 大家都好明白係親子時間, 而且當係初生時, 可以自己一個完成係好有滿足感, 但係馮小姐係唔會, 佢話佢一定要個工人係到佢先可以同個仔沖涼, 因為佢話好驚佢個仔郁! 而佢同我講呢番話嗰時, 佢個仔已經有5個月!

而係尿片方面, 我同個舊同事都覺得, 寧願多一個幾毫, 都想買隻尿片比個仔用, 會舒服d而且冇咁焗, 但係馮小姐就唔認同, 因為佢覺得橫掂兩三個鐘都要換, 何必要買咁貴, 因為用完就掉!

再講, 大家屋企都有工人, 而屋企多個外人其實係好唔舒服, 所以如果一到假期, 自不然都唔想見到個工人, 希望自己一個family 有私人空間, 不過馮小姐就唔係, 因為佢冇左個工人, 就好似唔識湊個仔咁!

我唔明, 點解佢咁鐘意學我, 我話夜晚堅持自己湊番個仔, 佢又話要; 之前佢未諗住賣車嗰陣, 又話要買我撰左嗰類型car seat; 我話一生人生得嗰一兩次, 所以我話要係私家生等自己舒服d, 佢頂住頭皮都死都話佢又要舒服; 我買隻彈狗、買個泳池, 總之我買過d咩比滕滕玩, 我都睇到佢係淘寶搵; 就連我買d咩比個工人食, 佢都又話要買埋一份! 咁我想問, 係唔係我做d咩, 買d咩都要避開你, 唔比你睇到呀???????? 我同你fd就話冇所謂啫, 你估我而家同你好fd咩??????????

由我去旅行前到而家, 已經個幾月, 呢個幾月我都冇同馮小姐講多句私人嘢, 因為咁樣, 我覺得好開心, 唔使成日聽到佢講d廢話, 而且當佢係工作上有問題嗰時, 直接了當咁同佢講都不知幾爽, 唔使下下用串佢嘅方法去話佢!

學芒媽話事計, 而家大家嘅關係都唔係好, 都唔會有得番轉頭架啦, 何必仲另自己辛苦, 呢, 所以我希望以後都係咁, 因為朋友傷, 同事唔傷!

我家的傻豬仔~

前兩晚, 隻豬係到瞓覺時候都仲唔想瞓, 廳燈都已經熄晒, 只係淨抵個工人係到預備steam d 奶樽, 係呢個moment, 呢豬仔就係咁係個廳到跑, 仲跑到跌抵左係地下!

我一知道佢跌左係地, 我就即刻話: "好嘢! 抵死! 唔好理佢呀! 抵你唔瞓就係到跑吖嗱! 抵死!!!" 隻豬仔聽到我咁講之後, 就已經知道我係唔會理佢, 所以佢就即刻係到叫: "姐姐呀~ 姐姐呀~ 跌呀~跌呀~"

我知道佢同個工人求救之後, 又再講多一次唔好理佢, 不過隻豬仔都係唔死心咁叫住個工人啦! 係我命令之下, 個工人更係唔會理佢啦, 而隻豬仔見到咁樣情況, 就走入嚟房好慘咁望住我係到喊!

二話不說, 我就話佢好唔上床係到跑, 而家痛啦, 仲唔抵死! 一路鬧佢, 佢就一路同我要紙巾呀~ 紙巾呀~  跟住我比左張紙巾佢等佢自己抺下d鼻涕眼淚, 點不知隻豬仔雖然係喊緊, 但係佢唔記得左攞紙巾係幫佢自己抺, 居然幫我抺喎! 佢一抺落我塊面到, 我就已經忍唔住大笑, 仲問佢: "你問媽me攞紙巾係幫你自己抺鼻涕, 唔係幫媽me 抺喎, 你唔記得左自己係到喊緊咩?!" 跟住我又再大笑喇!

隻豬仔跟住就好似好瘀咁, 又跟我一斉大笑, 但係就整鬼我, 繼續用d紙巾幫我抺面囉~!

今年暫時唔再諗喇~

上個星期打去YWCA, 問如果in 下一年嘅K-1幾時有得攞表& interview!

一講滕滕個名, 老師已經記得喇(因為之前上過playgroup), 仲會錯意以為我想入讀今年K-1潻! 講清楚之後, 老師就話會同我開番個file, 因為我舊年已經in 過, 所以出年佢地一睇就知道有record咁會好d喎~!

直到尋日, YWCA個老師又打嚟, 今次係同我講, 如果佢地N班有位, 滕滕可以去讀喇!

好煩惱! 好煩惱! 因為YWCA係唯一一間我係聽過佢地嗰D教學方針, 而且自己都幾鐘意, 但係上網search, 就好少好少comment! 問朋友有好多都冇聽過潻! 所以自己諗諗下, 冇乜comment, 即係間學校唔算係好出名!

如果對比啟思, 啟思就係嗰D私營學校, 出外嘅activities好似比較多d, 而且我覺得呢d私營攪嘅, 佢地應該好希望攪到自己好出名, 慕求收多d學生去擴充業務!

再compare, YWCA係全日, 呢樣嘢其實我都幾鐘意, 因為而家日日睇滕滕係屋企冇所事事, 我唔想係佢呢個可以吸收&吸收能力時間咁強嘅時候去虛渡光音, 嘥晒D時間! 而啟思就只係番half day!

有諗過, 如果番啟思讀half day, 可以試下搵下d興趣班比滕滕下午去學下玩下咁好唔好呢?! 不過番學學費加埋興趣班就好大獲喇!

同老公商量過, 都係讀番啟思, 讀一年試下睇下咩環境先, 如果可以的話, 而又唔係太貴, 遲d睇下可以有咩興趣班啱滕滕上囉!

所以我諗我都係要股票上面出出入入下, 如果唔係, 邊到得嚟咁多錢呀  !

Ada, I love u so muchhhhhhhhhhhhhhhhhhhh!!!!!!!

識左成三十年, 真係唔同d!

上個星期同好朋友講, 我想叫佢幫我買lotion, 佢二話不說第二日就已經幫我買左, 仲即日係美國寄出比我!

我冇諗過佢會寄咁多支比我架! 因為我叫佢幫我買兩支lotion啫, 佢話如果唔超重就買支shower gel比我試下喎!

見到total 有 5 支, 真係suprise喇!!! 再睇下, d 郵費要成USD41!!! 仲貴過呢 5 支嘢呀!!!!!!!

咁你話! 你話呢D朋友, 真係係邊樹搵吖! 如果可以的話, 來世再做朋友我都願呀! 因為呢D咪講心囉~~~!!!

唔該~

尋日話完個工人好唔比滕滕自己"不"飯, 今日我係個cam到見到個工人已經比滕滕自己"不"喇!

今晚一入到屋, 又係見到滕滕啱啱食完飯仲係張high chair到, 一問個工人, 佢就答我滕滕自己仲可以食晒成碗飯!

但願以後如此啦, 因為條豬係同我一斉食都係有1/5-1/4淨, 淨抵嗰d就要我餵埋佢, 咁如果佢平時習慣自己食都可以食晒, 咁就更係very good喇!

 

唔該幫幫手啦!!!

今日, 我又見到! 我又見到個工人餵滕滕食飯!

我都已經唔係講過一次, 我要滕滕自己食飯!!!!!!!!! 因為我同滕滕食飯嗰時都係咁, 佢都係可以自己食, 所以我唔明, 個工人點解唔比滕滕自己食!

原因, 我估到: 工人餵就唔使等佢咁耐, 因為滕滕自己食就一定係耐好多! 而且滕滕自己食, 有可能食到成地都係, 佢要抺地要做多D嘢!

今晚我番到嚟屋企, 又見到個工人係到餵滕滕喇, 咁啱食正條水, 可以即刻話佢!

我同個工人講, 由聽日開始, 我唔要再見到係佢餵, 我係要佢自己食! 係要佢自己揸住隻spoon 嚟食! 如果再係咁, 我會打去agent 到投訢佢架!

我又同個工人, 佢學食飯係成長嘅一部份嚟, 仲咩事你唔比佢學先?! 係唔係佢6/7歲你都仲想餵佢先?! 仲咩事佢學"不"飯你唔比佢學先?!

我不斷係咁"俄"佢, 佢終於都講出口, 佢話因為佢食得耐喎!

我之後又再同佢講多次, 如果佢再唔比佢自己"不"嚟食, 我一定打去agent 到投訢佢!

Happy Father's Day~

尋日係父親節, 要預早成一個星期叫老公唔好開 OT, 原本佢尋日要加兩班, 但係我唔想今日等佢瞓醒先有得去玩, 所以好彩老公可以唔番通宵!

咁熱, 其實去游水就最正, 所以我地去左石澳! 好熱, 真係好熱, D沙係好燙腳架!

一嚟到, 唔好講有冇車位, 或者要等幾耐, 都未到個公眾停車場就已經入都唔比入, 比D警察blk住, 咁你話有幾多人呢~

我都話, 滕滕最肯坐定定就係係玩沙嗰時, 可以玩起碼成半個鐘先起身一次!

以前未生滕滕, 老公都會走埋嚟欖下我錫下, 而家, 只係會不停係咁咀滕滕!

我當然有咋型啦, 不過佢問我: 你兩歲咁細個咩?!

呢個豬仔都好玩嘢, 明知我地叫佢影相, 叫佢十次著左九次都唔理你, 幾難先影到一兩張相!

去完沙灘, 就搵老豆食飯, 我發現, 滕滕鐘意老豆多過亞媽!

因為可能老豆差唔多日日都打電話嚟搵滕滕, 而且見到面又成日同佢玩, 所以滕滕口邊成日都話: 公公呢?! 公公喎! 公公係屋企!

自我檢討 II~

話說有個星期日同滕滕落公園, 因為有個o靚仔帶左d玩具嚟, 但係又唔係係公園玩, 只係揸係手到, 而個o靚仔係見到滕滕望住佢d玩具, 而又冇意識係會同滕滕一斉玩, 或者想借出嚟比人玩, 我見咁嘅情況, 我就帶滕滕走, 去左第個公園喇!

我同家姐講左呢個情況, 家姐話我做法有問題!

因為佢話既然係咁, 就尤得佢地兩個自己解決! 如果滕滕想玩人地d玩具, 就教佢要問人地可唔可以! 如果個小朋友係想 share, 就可以順便教埋滕滕, 人地借比你, 你就要借番比人, 即係比佢知道咩係share!

但係當個小朋友唔肯借比佢, 咁又可以順便教佢, d嘢係人地, 未必會借比你玩!

而我選擇左走去第二個公園, 就係我有問題, 家姐話我係到逃避喎!

我嘅說法係: 滕滕都冇帶玩具落公園, 我又點可以教到佢同人互相share? 再者, 我跟本見到個小朋友係唔想借比人玩, 我又仲乜要留係到, 等自己個仔睇見人地d玩具而冇得玩, 另到佢唔開心呢?! 而且, 明知個小朋友係唔會借出嚟, 咁如果滕滕真係走去問人地借嚟玩, 換來人地好直接咁say no, 仲咩事要自己個仔咁hurt 呢?!

我又想問下你地, 我唔想滕滕唔開心, 寧願行去第二個公園玩, 我有冇問題, 而你地又會點做?!

因為家姐話我覺得個小朋友唔想借比滕滕, 只係我覺得, 係我主觀, 但係當時個小朋友睇見滕滕望住佢d玩具, 佢真係張d玩具收埋係後面, 仲揸到實一實喎!

 

自我檢討~

星期五同表姐講開自理, 我就話自理, 我教滕滕都得啦, 不過表姐一聽到就叫我食屎!

呢兩日對住滕滕, 我就係到自我檢討, 睇下自己有冇需要改善地方!

到目前為止, 其實當我喝住滕滕叫佢stop, 佢都會停一停, 咁當然更有challenge 我嘅時候啦, 但係係平時, 如果我叫佢唔好擒上個柜到, 佢都有停到, 唔上去!

到食飯時, 如果我係屋企, 我一定要佢坐係張high chair 到同我一斉食, 起初佢都有唔想, 但係當我堅持要佢坐係上面, 佢都聽我講坐係到同我一斉食飯!

有時係屋企, 佢會叫我開電視比佢睇dvd, 但係我唔想成日比佢習慣睇電視, 我話唔開, 佢都係扭一陣跟住就算, 因為我想比佢知, 唔係佢要就要比, 就算扭計都唔係一定有!

當去街嗰時, 有時佢會好high咁唔比我拖住, 但係到人多或者過馬路嗰時, 佢都知道&明白要我拖實佢!

唯獨係佢戒片一事, 真係好難control, 因為我唔係成日係屋企!

而生活規律, 而家做所有嘢, 都好定時定候, 如果要比佢知做嘢一定要係咁嘅時間去做咁嘅嘢, 我相信唔係可以一時三刻, 而且佢而家仲咁細個, 就算同佢講佢都未必明! 因為如果番學係學自理, 我都覺得唔係短日子可以即時生效!

所以我想問下你地, 我有咩需要再注意, 因為我話我會教滕滕自理, 但係表姐就覺得我唔得, 所以佢先叫我食屎!

兩隻牛仔!

今日約左熙媽出嚟tea, 呢兩隻"牛仔", 係第三次見面!

上次兩次見面, 係冇乜交流, 今次好d喇~

因為熙媽叫熙熙揇住滕滕, 佢兩個就............

一斉揇住跌左落地!

而我隻豬仔, 就玩到唔想走!

不過, 上左個氹氹轉之後, 就想走喇, 因為d o靚仔轉得太快, 佢好暈有d驚!

而滕滕玩完之後, 就輪到熙熙上去, 而且仲轉到跌左落嚟呀, 好彩冇咩事咋!

下次真係得閑再要約過再玩過喇, 因為滕滕都不知幾開心!

懊惱~~~

今日下午收到保良局電話, 佢話仲有個學位, 問我要唔要!

而家打嚟就更係有人唔要先嚟比我啦! 原本好開心架, 不過, 左諗右諗, 我唔係好想比滕滕讀一間以自理能力為主嘅幼稚園囉! 雖然而家好多小朋友都有公子公主病, 但係我唔見得呢樣嘢係重要過學習囉, 而且我又唔見得我會尤得滕滕乜都唔使做囉, 再加上我又唔係嗰D乜都可以嘅媽me!

表姐話最緊要睇個小朋友喎, 睇下佢要D咩, 不過佢咁細個, 佢又點知邊樣係好啫, 你叫佢撰, 佢更係知成日有得玩好架! 而且佢仲話唔想自己個女有個唔愉快童年! 但係我就咁覺得囉, 如果個亞媽成日都話讀書係唔愉快, 咁D仔女就一定入晒惱一樣係唔愉快啦, 同埋, 愉唔愉快, 都要亞媽去control架嘛, 唔通個仔女讀極都讀唔到都迫佢咩, 咁樣就更係唔愉快啦!

而家今時今日呢個社會, 我想滕滕讀到幾多就幾多啦, 除左佢讀唔上啫, 因為讀書係佢自己唔係人地, 辛苦嗰廿幾年, 以後人生就可以有幾快樂就幾快樂喇!

唔係自己人就真係唔係自己人~

有時都認同老公講, 上契嚟仲乜吖! 如果做朋友係投契, 都唔使上契啦~

其實我有hard feeling都唔係第一次, 話說有一次係fb到見到契妹個妹對拖鞋, 我話好靚, 叫亞妹幫我去太子旺角睇下(因為亞妹住係太子頭), 因為佢話佢屋企附近大把, 不過我見佢睇左成兩星期都唔覆我, 咁我就問佢有冇啦, 原來佢唔知係幾時去睇左幾間話冇喎! 當時我真係好一個迷, 因為佢又話大把, 但係換嚟又話冇! 同埋, 仲係要等佢得閑先幫我去睇!

當然啦, 我唔通見人地唔得閑都要佢即刻幫我睇咩, 更係ok先幫我去睇啦, 但係今日唔得都聽日得, 聽日唔得都後日得, 後日唔得就大後日都得卦! 我見亞妹住太子頭, 就係見佢咁近先叫佢幫我行過去睇睇啫, 又唔係叫佢去老連咁遠! 唉~ 仲要係唔問都唔覆!

而今次, 我叫去幫我去花虛睇下d假水果, 因為我同佢講D水果係想嚟同隻豬仔再 in 下 K-1, 買嚟train 下隻豬仔! 而亞妹就同我講: "好呀! 你趕唔趕? 我得閑去幫你睇下啦!"

我印象中, 我每次叫我細佬做嘢, 佢唔會同我講話得閑先幫我去睇, 尤其係聽到我話係比滕滕~ 講真, 如果真係可以等佢得閑先幫我去睇, 咁我自己去都得啦, 使鬼叫你咩!!!

係唔係我要求過高?! 我都唔係成日叫人做嘢啫~更何況話叫得做家姐&亞妹, 更係有一定感情先咁叫啫~ 定係我自己諗多左覺得"契妹"應該都會係第一時間幫我呢~

唉~ 有時我真係係到諗, 契妹定係貪我對佢出手闊先同我上契呀???

ABCDEFG...........

唔知係我自己比壓力自己, 定係呢個HK比緊壓力我!

自從舊年去 interview 之後, 發現想讀一間幼稚園原來係好難, 你好想入, 但係唔代表佢要收你! 就算你搵到間學校, 都發現而家好多家長係好痴線! 因為我有個客個仔大滕滕兩個月, 佢同我講歲半就比個仔去上堂, 上下英文堂!

滕滕! 從佢日常生活, 我唔見佢係聰明, 仲好似蠢蠢地(似我老公就大獲!!!), 就係因為蠢蠢地, 所以, 我而家晚晚同佢唱ABC, 希望可以早D識得廿六個英文字母!

唱ABC之餘, 仲想 train埋佢由eleven to twenty! 因為我想今年再同佢in K-1, 所以我又要同佢train 水果, 又要同佢train color............ 呀~~~!!! 我就嚟頭暈喇!!!!

亞媽, 我就嚟比你吹爆!!!!!!!!!!!!!!!!!!!!!!!!

不如你唔好做啦!!! 我怕我對得你耐, 我會爆血管呀!!!!!!!!!!!!!!!

亞媽今日帶左d薑醋蛋番嚟公司比我食, 話說十點幾, 我同個客收左線打比老闆問佢嘢, 我老母就行過嚟指住我嚟話, 話我好張d薑醋蛋放入微波爐到叮! 因為係同老闆講緊電話, 我已經揮手示意叫佢唔好出聲, 唔好再鬧, 但係我老母都唔理我, 繼續鬧!

收左線之後, 我真係好火咁出去話我老母"乜嘢叮薑醋"呀!!! 因為我冇叮, 而係微波爐裏面, 係馮小姐個飽嚟! 所以我已經忍唔住鬧番我老母轉頭, 問佢有冇睇清楚究竟個微波爐裏面係乜嘢先好去鬧人呀!!! 仲有, 當其時我已經揮手叫佢唔好再講, 但係佢都仲繼續, 有冇尊重人地架!!! 好彩老闆冇問我咩事啫, 如果問我, 我都唔知點解釋呀!!!

大佬亞媽! 你估我係公司唔撚使做架, 就算你話我等我收左線先好嚟話我吖! 就算我唔係同老闆講緊電話, 同個客講緊都唔好啦! 唔該你啦, 可唔可以辭職唔好做呀! 次次都係係d唔適當時候做d唔適當嘅嘢!!! 你一行過嘅地方見到我, 就望我一眼, 行咁多次就望咁多次, 大佬你估我係監犯要比你昅住呀???

你次次都唔用下個腦去諗下d嘢應唔應該做, 我點頂得你順呀!!! 你以前都唔係咁唔化, 點解你而家越嚟越反眼架??? 可唔可以叫亞婆報一報夢話下你呀, 我真係好頂你唔順呀!!!

所以亞媽尋晚醒, 唔入嚟我到, 因為費事比我再話佢! 而我奶奶聽到我同老豆講呢單嘢, 佢都要我唔好咁勞氣! 唔勞氣就假啦, 就嚟爆血管啦我!!!

係唔係去過街就開心100日呀????????

有個星期四, 老豆同亞媽話聽日入嚟, 跟住到左再夜d, 奶奶就話又入嚟!

好啦, 入入入, 咁鐘意咪由你地入囉! 更何況你地一斉入嚟, 我唔使分開兩次服侍你地, 仲好!

因為老豆話早d入嚟同滕滕出去飲茶, 所以奶奶打電話嚟入嚟嗰時我就叫佢晏d到, 一係就記得帶鎖匙嚟, 費事到時冇門口入啦!

到今日, 又係咁! 老豆尋晚打嚟, 又話今日帶滕滕去飲茶, 而奶奶上次聽到我話老豆帶滕滕去飲茶, 佢今朝又一早就打比我問滕滕飲茶可以食d乜, 因為佢又話帶滕滕去飲茶!

我想問, 係唔係同個孫出過街會開心100日架???? 奶奶聽見我老豆帶佢去飲茶, 佢又要同佢去, 其實出過街係唔係開心d架?! 係唔係出去, 會覺得蝕左???

一個迷~

上個再上個星期日, 帶左滕滕落樓下個公園玩, 到左冇耐, 就見到一個哥哥(應該大滕滕半年到)就行埋嚟公園玩, 不過佢當時手揸住一架車車同埋一樣唔記得左係咩嘅玩具, total係兩樣, 每隻手係一樣(唔知佢攞咁多玩具嚟公園仲乜, 因為已經冇手去玩公園嘅嘢喇).

滕滕一見到有個小朋友嚟左, 第一時間都幾開心, 但係一見到個哥哥手上有玩具之後, 我睇到佢好想好想玩人地d玩具囉! 小朋友就係咁架喇, 見到人地d玩具係香d嘅, 更何況我地都冇帶玩具落公園, 所以哥哥手上嘅玩具就好似吸左滕滕埋去咁吸住, 唔行開!

而呢個哥哥, d玩具我冇見佢玩過, 全程只係揸係手, 而佢個媽媽, 都係全程睇住本雜誌, 冇理過個仔!

滕滕都算係咁, 冇話要攞人地d玩具, 亦都冇話要, 不過邊有小朋友唔想玩人地d玩具, 而當時個moment, 我就覺得個哥哥都feel到滕滕想玩佢d玩具, 但係, 我亦都覺得, 個哥哥跟本係唔會比滕滕一斉玩, 因為我覺得個小朋友落嚟公園, 只不過係想有玩具係身邊陪佢一斉玩, 即係去邊都揸住d玩具!

咁我又唔係好明, 都落公園啦, 點解都仲要揸住d玩具呢? 去公園, 唔係玩公園d設施嘅咩, 請問d玩具要嚟仲乜呢? 既然d玩具唔想同人share, 咁仲咩要攞落公園呢, 咁落公園都唔係玩玩具, 咁落玩具落公園又仲乜呢?! 咁如果落公園係玩玩具, 咁仲咩落公園玩, 唔係屋企玩呢?!

滕滕仲未到呢個階段, 亦都唔知遲d會唔會想攞玩具落公園, 不過我估我唔會比佢咁做囉, 因為落公園就玩公園嘢啦, 仲乜仲要攞玩具落去玩啫! 所以過左一陣, 我唔想再比滕滕有機會想玩個哥哥d玩具, 我地就行左去另外一個公園到玩喇!

d人真係好無聊!!!

我已經blk住晒d blog, 唔比老公個舊同事個老婆入嚟睇架啦, 以為佢上個星期初睇過, 就已經唔會再入嚟, 點不知d人咁唔知醜, 自己個a/c睇唔到, 就由佢老公個a/c入嚟!

入嚟仲乜7嘢吖, 就算用咩a/c都睇唔到架啦, 係唔係想試下我係唔係整左你去黑名單呀! 就算比你知道個真相又點吖! 都已經講到明blk晒個blog架啦!!!

d人真係唔知醜, 仲要係好撚煩!!!

究竟幾時先可以攪掂呀!

我諗已經有兩個幾三個月喇!

由一開始廿三四度, 我已經同個工人講要同滕滕介片! 直到而家都仲未得!

個工人, 講又唔聽我講, 初初叫佢定時定候就要叫滕滕痾 V V, 佢唔聽, 因為佢唔係成日記住, 所以滕滕成日都瀨尿, 好啦, 見佢成日瀨尿, 又多左一大堆褲仔要洗, 所以就同佢著番片片喇! 大佬, 咁攪法, 又著番片, 咁點戒呀! 跟住同佢講滕滕就嚟要番學喇, 我唔會再買片片, 要佢一定要依時依候叫滕滕痾 V V, 好啦, 係就係依時依候, 不過到佢去煮飯, 又同佢著番條片片! 頂~ 咁即係想點先! 大佬, 你一時一樣, 如果係滕滕, 我都唔理你啦!

而家, 我叫個工人唔好理佢, 如果瀨尿就尤得佢瀨喇, 希望瀨得一兩日就會醒覺, 自己叫出聱啦~!

唉~ D工人真係麻叉煩!!! 叫你咁做就咁做啦, 我請你番嚟係聽我做嘢架, 唔係你想點就點, 我唔想鬧你, 但係好聲好氣同你講, 你認左我兩日又轉番你鐘意嘅模式, 大佬, 係唔係下下要我惡住咁話你呀?! 再係咁落去, 幾時先同滕滕戒到片呀! 頂!

你去左邊?!

滕滕而家講電話, 又唔肯收線, 而且仲講埋d唔知咩嘅外星話! 明明都識識地講嘢架啦, 反而而家玩嘢係到呢呢古古, 唔知講乜!

今日打電話番屋企, 同個豬仔講左兩句之後就話收線啦, 又係咁囉, 死都唔肯收, 跟住又講埋d唔知咩嘅外星話喇! 收唔肯比人收線, 咁就唯為唔出聲尤佢講飽佢!

過左一陣, 我都冇理個豬仔尤得佢係到講(即係我都冇心機聽), 不過佢就突然聽到佢係到講: "喂?! 喂~! 喂~~~~~!!!"

聽到佢咁叫我, 我當堂笑左出嚟, 因為原來佢都會發現我唔知去左邊架, 就係到喂喂喂咁搵我喇  !

可唔可以唔好同我講嘢呀?!

自從冇乜再同馮小姐傾閑計之後, 大家都好少對話, 以前公事上, 我地都係用MSN溝通, 正路而家咁少對話, 都應該係MSN啦, 不過奇就奇在佢而家反而唔用MSN, 有事就走嚟同我講!

唔係好明, 明明以前都係用MSN架啦, 而家我唔同佢講其他嘢, 就更加都係用MSN, 但係點解反而而家唔係呢? 其實我唔同佢傾閑計, 心人都應該有D數, 唔使下下都做到咁出面吓嘛~!

唔做情婦真係嘥晒!

今日老闆又同我開所謂嘅會! 佢解釋比我聽, 凡事都唔好下下追住人, 因為一個人頂唔順就會爆, 我下下迫到條八婆咁盡, 佢真係遲早一日會唔做!

唔做??? 我唔相信囉!!! 條八婆已經過左50, 又未結婚又冇家庭又冇男朋友, 佢唔做, 請問去得邊??? 唔好話我講嘢衰, 你估佢真係唔使繼續搵d姑婆本呀!!!  仲有, 佢同老闆做嘢咁"瞓身", 老闆換光管, 佢可以係老闆腳下揸住支光管預備遞上去比佢, 好似怕老闆會差錯腳跌落嚟, 預備接住老闆咁, 所以佢跟本預左埋下半世比我老闆啦, 因為我斷定左, 佢都一定唔可以係出面搵到多一個老闆係好似而家呢個咁好, 更何況佢搵唔搵到工都係一個問題!

以上嘅事實, 我豪不保留咁一五一十同我老闆講番出嚟, 原因係個八婆會計同老闆講, 我成日打單佢, 連打單d對話都話埋比老闆聽, 所以我對條八婆唔會再有保留, 既然佢咁識做戲, 同老闆講完就叫老闆唔好話我, 怕我唔開心喎! 我真係想問, 咁一路講有冇一路喊呀!!!

til~ 咁叻做戲, 唔做情婦真係嘥晒啦!!! 但係又唔知自己年近已經老年啦, 過左50都仲唔係亞嬸亞嬋呀! 唔叫你亞婆, 已經好比面你啦, 嗅四! 既然你都已經話晒比老闆聽我點單打你, 咁即係我再講都唔緊要啦!

好攰喔~

今日都算係有番D氣息, 因為一早起身過左一陣, 就開左個水池比滕滕玩水, 玩左一個鐘到, 老公就起身同我地食完嘢就番工, 而我同滕滕就去左市中心搵補鞋佬整我D鞋!

番到屋企都3點幾喇, 同滕滕沖完涼就同佢瞓覺, 瞓醒左我地就去公園喇, 玩左一個鐘就番屋企又沖多次涼!

計埋今朝開水池比滕滕, 今日就濕左3次身, 而我呢, 個身咪痴粒粒囉! 去完公園玩完番嚟, 開左盤水比滕滕玩, 自己又成機坐係旁邊休息下之際, 我唉左一聲話好攰, 滕滕就即時問番我: "好攰喔~" 咁我就答佢係好攰呀! 再過多一陣我又唉一聲, 再講真係好攰! 滕滕又再同我講: "好攰喔~" 10秘唔使之後, 滕滕就拍一拍我爻頭, 點兩下佢個豬頭又再講: "好攰呀!"

大佬豬仔, 你就更係爽啦, 我成日冇停過喇!

 

真陰公~

今日, 成個人都好似唔想郁, 又唔想做, 今朝已經好勁咁整左烏東比滕滕食, 自己嗰份都唔想額外去整, 所以冇味就冇味, 食埋同滕滕一樣嘅嘢, 有嘢食左落肚唔餓就算喇!

不過今晚, 我真係唔想入廚房, 所以我拖左滕滕落街, 買左個飯盒兩份!

係滕滕出世以嚟, 最陰公嘅一日, 要食飯盒! 而我, 冇胃口到, 連盒飯都食唔晒, 食到一半, 覺得已經唔餓就已經唔想再食, 食淨半盒飯掉左喇!

.................

今日心情好番d, 因為約左朋友去佢屋企探佢! 玩完一個下午, 就去左深水埗食飯, 因為老豆約左姑姐&大佰一斉做節, 好耐冇見過咁多親戚喇!

因為早幾年同老豆嗌左交, 連老豆d親戚都絕交埋! 今晚食飯, 我發板, 叫左好多餸, 因為有個自以為事嘅姑丈係到, 所以唔貴唔叫, 仲要埋單唔該過嚟我嗰到!

忙左一日, 滕滕就好開心喇, 有得食有得玩, 而且一番到嚟就已經變左隻懶瞓豬喇!

原來, 其實, 跟本........

今晚, 同個朋友食飯, 而呢個朋友識左都有一段時間, 不過今晚都係第一次見, 所以都幾緊張啦~

我直覺覺得佢知道我唔開心, 所以我係佢個fb到聽到佢話今晚佢個拖友倍唔到佢, 就隨意咁就話諗住搵佢食飯啦, 點不知佢好認真咁話約一日出嚟食飯喎!

呢個朋友仔好傻, 諗嘢唔會好似我咁複雜, 所以我覺得佢成日都會好開心, 就係因為咁, 我越嚟越發現我條頭腦線真係有料到, 就係我嘅疑心真係好緊要! 好多時我唔想諗, 但係個腦係不由自主去諗一d唔好嘅嘢!

我唔想, 不過好多時都唔由我control, 而且同呢個朋友仔食完飯, 我發現到原來其實我跟本好蠢, 蠢到連去做一個好老婆都做唔到! 因為我嘅性格、成長, 另到我越嚟越同老公溝通唔到, 我唔想同老公嗌交, 但係往往自己忍唔住嘅性格, 攪到我同老公成日冷戰!

有時我係到問自己, 點解老公明知我係咁樣, 都唔遷就我, 但係問番自己, 明知老公都係咁, 點解自己都唔可以忍下!

我唔知自己情緒上係唔係有問題, 但係我呢排真係好唔開心, 因為每每諗起老公好似對自己莫不關心嗰時, 我就真係好想喊, 好想問自己點解做人老婆做到咁, 係唔係個問題係自己到.............

點解你咁叻嘅?!

尋晚預備同滕滕瞓覺, 係張床之際, 佢無啦啦同我講痛痛, 我就問佢邊到痛啦, 佢居然拿起個睡袋, 跟住再拿起埋件衫, 指住個肚同我講佢痛痛喎~

我摸一摸佢個肚仔, 果然係凍凍地喎, 咁我就知佢同我講佢肚仔痛喇~

豬仔, 點解你咁叻, 識得話比媽me知你肚仔痛嘅?!

吸塵機係佢朋友~

我都唔明, 人地話小朋友好怕聽到吸塵機d聲, 我隻豬仔一聽到就即刻走埋嚟, 仲要吸埋一份!

上次去契妹到, 自從見到吸塵機之後, 就一路話要吸, 吸到走都唔肯放手, 一路吸, 吸完呢到吸嗰到, 吸完廳就走去吸房, 吸完房又出廳吸過!

請問, 你同吸塵機好fd 咩???

我家的頑皮仔~

睇下呢隻豬仔!

每日都係咁樣擒擒擒! 唉!