我真係諗極都唔明, 點解講極滕滕都仲係咁粗魯??? 成日都已經叫佢溫柔D, 斯文D, 乜真係咁難咩?
過年之後第二副新眼鏡收到喇, 而呢到PARTS少左, 所以真係又冇咁易鬆喎! BUT, 冇嘢鬆, 原來都有嘢可以爛嘅!
係唔係個口冇嘢好做, 好痕呢? 咁都要放入口到咬? 講明架喇, 再咬就真係要打嘴囉!
換左耳勾之後, 只外嗰副有3件細PARTS 都要換喇, 因為之前整過之後用左一日就開始又鬆, 咁即係代表D PARTS 唔換唔得囉! 因為呢副眼鏡多PARTS時又多顏色揀, 所以今次嚟個CROSSOVER, 將3件PARTS換左橙色!
今日新鮮熱辣到手, 滕滕一見到之後, 即時要換! 更係啦, 咁鬼靘, 我話換左做橙色, 就真係冇錯呢! 下次如果又要換, 等我試下換藍色先!
一個識左廿九幾年嘅中學同學, 早個幾星期我反九佢枱!
呢個同學, 由佢離婚, 到再同另外一個大家都好熟嘅男同學再結婚前, 大家都好FRD好好, 耐唔耐會大家出嚟見面吹水, 但係我勢估唔到由佢結婚之後就改變晒!
我係個group 發表我想講嘅偉論之前, 有一個同學叫我三思! 一思二思三思, 我都係一次兩次今次已經係第三次, 我真係忍唔住要出聲, 如果叫我唔出聲唔講, 第日唔啱傾就講少d, 我就真係做唔到, 因為我個人一就一二就二, 我性格係唔可能咁樣就當冇事!
其實事情冇咩大不了, 只係呢個同學一次兩次三次咁放飛機! 有事唔出嚟冇問題, 但係我地打算約出嚟之際, 佢話冇時間冇心情, 但轉個頭就係FB 到post 左相佢同人地食飯! 我想問, 咁你當我地係咩? 麻煩係唔係都唔好咁事無忌憚咁show出嚟比全世界人知, 係唔係都blk晒我地呢幾個, 唔好比我地知你講一套做一套吖!
事實我真係好嬲&好失望, 點解佢而家變左咁嘅???
呢個同學同另外一個同學結左婚之後, 乜叉佢都話"我老公話! 我老公話", "我問下老公先"! 吊那星, 你老公我地唔識架??? 你老公我地都係識左廿九幾年, 我地成班女仔吹水, 乜七都話老公話老公話! 我真係覺得有點兒那個囉!
一個教書做主任, 一個做法援, 我真係唔明白點解個腦咁廢嘅, 搵agent請工人明明話要個工人7月中先到, 但係個agent 同佢講佢都唔知點解個工人無啦啦5月頭就已經到左喎! 真係幾撚好笑, 個agent買機票比個工人嚟架, 個agent話都唔知點解會早到, 佢兩個居然都信!
有左bb想買cam, 發個問題係個group chat到, 答佢個cam d嘢, 佢就話我老公個朋友話係咁咁咁, 我老公個朋友話係乜乜乜, 但係我老公個朋友話係物物物喎! 結果佢同我講佢老公個朋友話, 唔係個個cam都支援到所有寬頻公司, 呢一刻我真係忍唔住即彈佢, 既然你老公個朋友咁勁, 咁有乜你都問佢啦, 你老公個朋友應該乜嘢都識可以答到你架喇! 我真係仲好想講, 有冇人咁唔用腦諗嘢架, 一間公司出部手機出嚟, 會唔會某d 電話公司用唔到呀, 麻煩唔該用下個惱諗下嘢啦!
其實我真係好撚頂佢而家唔順, 乜撚都老公老公!
發表我嘅偉論之後我就quit左個group, 既然生活裏面佢兩公婆就只有大家嘅存在, 咁不你地如入洞住啦!
其實我真係唔明, 夾柜走貨已經唔係今時今日嘅事, 亦都唔只試過一次, 點解到今時今日, 居然仍然係錯同一樣嘅嘢, 出現同一個問題??? 話, 已經唔係第一次, 已經係N咁撚多次, 點解仲可以比人小完仍然都一樣, 態度亦照舊???
我真係比馮小姐激撚到噴火, 老闆居然話而家唔係太忙就算啦! 大佬, 就係而家唔太忙就可以做咩就錯咩嘅呢??? 究竟有冇帶個腦&用個心去番工架??? 比人話得多都瘀啦, 唔好撚話比我知比人話得多就化撚左呀!
自從佢因為嚿橙就去鬧個女之後, 我到而家真係完全唔想同佢講嘢, 因為佢D後母樣完全出晒嚟, 再加上佢做嘢做到咁撚HEA, 叫九左佢唔好成日上網睇埋D無謂嘢, 又叫九左佢用個心去做嘢, 但係仍然都係咁撚樣, 我都唔明, 點解可以咁厚面皮~
我教向教滕滕都係以自己做人嘅中旨去教, 我希望去教出一個明白事理, 懂得去分辨事非嘅人! 不過我知道, 唔係我教佢咩佢就吸收D咩, 因為有時都要講DNA嘅, 如果萬一佢遺傳左佢老豆OR我d 壞處, 真係有時想教番啱都難!
有次滕滕叫佢老豆順手係佢隔離遞個remote control比佢, 點不知老公唔幫佢攞, 滕滕跟手就話佢老豆咁衰, 而我嗰次唯一係到扇風點火咁同滕滕講, 既然佢咁衰, 咁佢以後叫你幫佢攞嘢, 你咪唔好幫佢攞囉! 但係滕滕居然答, 咁我又唔想好似佢咁衰呀! 聽到, 我好surprise 囉!!!
尋晚臨瞓前我地又傾計, 我呢排就不斷咁提起其他同學, 目的就係想佢同其他同學玩多d, 唔好同一個麻煩同學玩, 因為佢媽媽麻鬼煩, 小小事都化大! 但係滕滕呢, 佢feel到我唔想佢同嗰個同學玩咁多, 而同我講, XXX只係講過一次大話啫, 媽咪你原諒佢, 比一次機會佢啦! 咁佢如果改過唔再講大話咪得囉! 我一聽到, 我真係估唔到我個仔而家已經識得諗呢D嘢, 我真係唔可以唔承認佢開始大個喇!
上星期學校有兩日叫穿校服番學, 因為有人嚟影學生相, 而我又同舊年一樣, 都係自己嚟!
如果我想影得個輪廓清晰D, 就要用單鏡機, 但係出嚟嘅效果其實我次次都唔係好滿意, 因為我冇買閃光燈, 所以次次都會有個背影, 如果執走晒個背影, 就好似CAP圖咁好唔自然~
之後, 我又試下用手機, 出嚟嘅效果雖然唔SHARP, 但個背影容易執走喎!
我好失敗囉, 學過PHOTOSHOP都冇用, 屋企冇佢個SOFTWARE 都唔知點整, 而舊年就用小畫家去攪, 1出8, 而今年呢, 就唔洗煩喇, 而家D apps真係犀利到呢, 一揀左張相, 佢就自動同你攪掂!
仲可以係屋企print埋, 真係爽到呢~~~
真係連出門口都可以慳番!
相隔兩個星期, 第二隻係今晚都比我攪掂埋左!
上次甩第一隻時, 呢隻都只係小搖, 真係估唔到咁快就已經甩埋出嚟!
其實咁快, 我覺得係隻豬仔應該成日搵條利去撩佢攪佢, 如果唔係點會快得咁交關先!
早兩日滕滕都已經同我講好鬆, 問佢洗唔洗我同佢tick隻牙出嚟佢又話唔洗, 今晚又同我講隻牙好鬆佢覺得好辛苦! 結果今次一下一拉我就攪掂左! 今次喊都冇喊, 佢話因為完全唔痛喎!
更係啦, 上次比個工人嚇一嚇, 個工人又話佢好驚, 驚啫, 都唔洗講出口吓嘛, 你估我唔驚架, 我都驚驚地架, 但係如果就連我都驚埋出嚟, 咁個仔應該仲驚囉! 所以, 亞媽比個仔嘅勇氣真係不可以缺少!
呢幾個月係淡季, 公司唔係好忙, 我都唔明點解唔多嘢做, 但做襯D嘢出嚟就一定係錯係有問題囉!
由馮小姐生左仔番工嗰一刻開始, 我就已經覺得佢做嘢有問題! 我當你生左冇幾耐, 一時handle唔到屋企公司d嘢, 咁比半年時間你, 理應都已經有足夠時間去normal番啦, 而家個仔都3歲半啦, 都係一撚樣冇改過!
唔多嘢做, 做份packing list得嗰一兩個item要做半日, 咁如果多嘢做咁請問幾時先做撚完呢??? 嘢又唔係多, 成撚日都做錯! 已經話過佢, 冇嘢做就唔好撚成日上BK, 話撚完之後嘅第一日就冇上, 但係第二日又即嚟!
就早兩日叫佢出E-mail 問forwarder d 嘢, 問完睇都唔睇就forward比我, 裏面d details 跟本就唔清楚! 一次兩次又係咁, 真係忍唔九住同佢講, 以為出左e-mail 人地覆左就就咁forward比我就當自己完成左個工作, 麻煩可唔可以用個心嚟做嘢架???!!!
自己嘅本份都未做好, 又唔用個腦去諗, 又唔用對眼去睇, 求撚其咁做左就當自己已經做好??? 我真係好想睇下你係出面咁樣做嘢, 會唔會比人吊撚爆囉!
近排成日係環酵個谷到睇, 已經心郁郁好想整, 因為唔浪費之餘就最緊要減少開支, 真係十分環保!
已經叫左個工人留番抵D橙皮係到, 儲得咁上下我就出擊喇! 呢樣仲等緊夠量出擊時, 首先我整左樽焦醋先, 因為只需要要材料就OK喇!
我係食呢方面真係幾孤寒自己, 我唔需要食太好, 亦都唔講究, 因為食完之後嘅結果都係一樣, 只嘗口引就比咁多錢, 肉痛之餘又浪費, 我真係唔多捨得~
所以就連兩支果醋我都唔捨得比多5蚊, 結果我只係買左一支水果醋一支白醋, 其實溝埋都唔覺呢!
等左24小時就可以飲, 飲左一啖第一個嘅感覺係幾"喝"喉, 真係有負出才有收獲!
入左一支落樽帶番工飲日抖嗰兩次, 真係好期待一個月後嘅我有冇輕到~
呢排實在太多負能量, 身邊好多事都唔太開心, 我唔知可唔可以解決到, 但係我好希望可以去令到佢地改變思想!
係唔係正如嗰個濕九睇相佬咁講, 我呢一生人就係會不斷咁要去解決問題! 對某D人嚟講, 呢D可能係挑戰, 但係對我嚟講, 呢D咁不斷嘅挑戰, 我真係好想停下休息下, 因為我咁大個人都未真正咁抖過!
放鬆D其實好容易講, 人人都叫我唔好揹咁多嘢上身做, 其實係唔係我想嘅呢? 如果可以, 我都唔想做到自己隻狗咁!
其實呢個幾星期心情都唔係咁好, 由從姨甥仔單嘢開始, 而今日又同我大細佬嘈!
好日都唔見下, 見就嚟母親節我就話食飯喇! 如果唔係過時過節想見下佢, 平時我都唔打攪佢, 因為佢身邊有個衰老婆, 就連帶個女嚟比我老豆老母見下都唔得!
我呢個細佬又係唔爭氣, 怕個老婆怕到死, 個老婆唔洗大聲佢都已經怕左佢! 所以過時過節食飯, 我從來都唔望佢會帶個女出嚟, 自己細佬一個就已經夠!
亞媽係個group 到問大細佬幾多個出嚟, 因為要book枱喎! 一早我就已經同亞媽講啦, 多一個小一個到時加減咪得囉, 仲問要問呢, 所以我又再一次講: 唔問唔會唔開心, 問左唔答就會唔開心, 就算答左都可以唔係, 咁問嚟仲乜! 就係我呢句, 細佬就火嚟, 話我講嘢有骨!
有骨咩??? 唔需要咁樣囉, 有咩就直接, 唔需要有骨, 話你就話你, 我唔洗轉彎抺角, 直接吊九你唔洗怕你, 因為你係我細佬!
而家生仔係唔係真係咁可怕, 姨甥仔係咁, 細佬係咁, 老公又係咁, 個撚個仔都係冇撚用!
今朝姨甥仔嫲嫲打電話比我, 佢話佢個仔同個乞E一家三口去左旅行, 問我今晚上唔上去食飯, 當然我第一時間答應佢, 因為我都好多年冇上過去, 而且我仲有一樣好緊要嘅嘢做.......
開飯前, 嫲嫲同我講多謝, 多謝我照顧左佢個孫咁多年, 開飯後, 嫲嫲好感慨咁講話我已經有6年冇上過嚟呢到食飯, 自從我同佢個仔&個乞衣完全反晒面之後.......
咁多年冇上去, 真係有無限嘅感慨, 因為我仲見到當年嘅一個相架, 全部都係姨甥仔小時候嘅相, 而且仲見到當年我送比佢地個大鐘, 仍然仲係幅牆上面~ 唯一最大變化嘅就係以前係一個小豆丁, 而家就係一個高頭大碼嘅年青人!
時間過左, 人都變左, 我對住呢個姨甥仔, 最令到我開心嘅就係佢終於大個, 但係亦都同時令到我好唔開心, 因為佢話佢要去日本, 仲可能打算以後唔番嚟!
我今晚單拖上嚟食飯, 食完飯之後, 我就入佢房開佢波! 點解, 佢人生, 係HK係唔係真係冇嘢留戀, 係唔係做乞衣都要係日本做, 點都要做日本乞衣, 都唔寧願係HK做乞衣! 我真係從來都冇諗過點解佢咁鐘意日本! 一個鐘頭嘅傾談&解釋, 我真係好希望佢先去了解所有嘢先再作決定, 唔應該連公開試都放棄! 我真係唔希望佢仍然都係咁固執, 令到自己冇得番轉頭.......
我都唔明, 5/6/7歲換牙係正常過正常, 點解我個滕滕5歲換牙, 我堂家姐就話佢唔正常, 係唔係有問題?!
滕滕兩歲幾先講多嘢, 我堂家姐又話佢唔正常, 又話佢有問題, 叫我同滕滕去睇醫生!
滕滕BB出牙時成日咬嘢, 我堂家姐又係話佢唔正常, 話佢有病!
滕滕係我個仔, 我當然唔想佢唔正常, 但係我好客觀咁睇, 我真係唔覺得佢有問題囉, 亦都唔覺得佢需要去睇醫生, 點解佢成撚日都要話我個仔有問題呢???!!!
佢成日攞自己個仔嚟做標準, 但係個個小朋友發育都唔同, 點解佢個仔係咁而我個仔亦都要係咁先???!!!
我個滕滕雖然有時曵, 但佢會按我指示去做, 佢明事理,我覺得佢under my control! 咁樣, 又唔見佢話滕滕唔正常???!!!
由滕滕隻牙開始郁, 佢就質疑佢係撞到先郁, 並唔係自然郁! 咁如果撞到先郁, 咁個咀會有損架吓化!
我真係唔明!
今晚放工番嚟入屋冇幾耐, 滕滕就已經忍唔住同我講佢隻牙鬆到好唔舒服, 咁我又問佢, 不如我幫佢tick下隻牙啦!
一問佢即答好! 而我就二話不說咁同佢攪掂左隻牙喇!
新嚟嗰個工人真係唔錯, 我未出手時佢之前已經講定怕滕滕會好痛喎, 一唔講就尤自可, 一講隻豬仔就咋嬌咋痛咁大喊左幾聲! 真係幾聲啫, 多都冇!
攪掂左隻牙之後比佢等左一陣先食飯, 而呢碗飯足足食左成粒鐘! 乜, 真係好痛咩??? 但係囉, 食完呢碗飯之後食薯片又好快喎, 咁即係唔係咁痛囉!!!
小朋友5/6/7歲換牙我覺得正常過正常, 但堂家姐就好似覺得滕滕好唔正常喎, 話佢咁早甩牙! 因為佢話佢個仔D牙郁都未郁, 所以就覺得我個仔唔正常喎, 而且仲問我有冇問我個牙醫姑娘朋友!
見你咁擔心我個仔咁唔正常, 咁我咪問下囉! 姑娘朋友第一句都係話: "小朋友5/6/7歲換牙係好正常喎! 點解D人讀咁多書個腦都係咁蠢嘅!" Wahahaaaaa......一聽到我覺得好正囉!!! 及後我即時再更進, 讀得書小都唔代表會聰明架喎, wahahahaaaa........
姑娘朋友話, 如果小朋友常常食嘢時都用牙咀嚼, 咁佢D牙就會快搖快甩, 相反如果個小朋友成日都唔用牙去食嘢, 咁佢有可能冇咁快甩, 而有D就連恆齒頂到上嚟都未郁, 咁呢D就要去牙醫到脫喇! 聽完之後我張呢番說話同我堂家姐講番, 我堂家姐就安慰番我咁就唔洗咁擔心啦! OH, SORRY, 我答佢: 我從來都冇擔心過, 我問姑娘朋友, 只係想話番比你知, 因為只係你單方面擔心啫!
真係好撚憎呢個世界咁多事事非非, 我真係覺得好!撚!煩!
我老母, 成撚日都諗住好心去問一下, 好心去關心下, 講嘢又唔經大腦, 結果就換來我個細姑姐張我媽嘅意思反轉晒仲要唱佢!
呢個姑姐係十幾年前都係咁樣話我媽, 之後我就一直好九憎佢, 老豆生日咩節日我都話有佢冇我! 我話老豆生日請埋佢食飯要幾多錢啫, 不過我寧願比乞衣都唔會請佢食飯! 但我更加估唔到嘅係亞媽原來一直都唔知咩事我咁憎呢個姑姐!
當姑姐張亞媽嘅說話反轉唱開之後, 再由我堂家姐把口講番比我知! 其實我每一次一聽到我都好嬲, 嬲亞媽點解成日要同佢地接觸!亞媽就係一個咁蠢嘅人! 往往好多嘢佢都睇唔透! 睇唔透都唔緊要吖, 我同左佢講最慘就係唔撚信我, 仲要堅持己見呢下先把幾火嘛, 往往番嚟就係兜個圈比人唱比人話!
今晚去完奶奶到食飯番緊屋企時, 滕滕突然間好緊張咁同我講: 媽咪, 媽咪! 我隻牙好似就嚟甩喇!一聽到佢嘅語氣, 就有如有個大肚婆同個老公講: 老公老公! 我好似生得喇!
聽到滕滕咁講, 我第一時間想佢冷靜D唔好咁驚, 所以我就同佢講唔好郁嚟郁去喇, 唔好再搵條利頂佢喇, 到番到屋企時我即刻預備杯凍水比你, 如果真係甩出嚟的話, 你就含住啖凍水含到D水熱左就吐出嚟再含第二啖! 話說完滕滕就成個身體薑硬左咁唔郁喇!
番到屋企睇, 發覺真係幾甩下, 但又"丁"住D又唔係咁容易甩到喎!
其實我真係好想一下咁"tick"左佢出嚟, 但係又怕到時"tick"唔出, 條友仔小小痛就係到咋嬌, 因為當個工人講佢都有小小怕時, 滕滕都"啊"左一兩聲!
咁既然甩唔出, 即係仲有嘢痴住啦, 所以我就隨佢幾時甩就幾時甩喇! 但係係呢個moment, 我發現隔離嗰隻牙都開始搖搖地, 而上面本身都搖搖地嗰隻大牙仍然都仲只係小小搖, 換然之呢隻甩左, 應該到隔離嗰隻, 跟住見會到上面........
