一直以嚟, 我最擔心滕滕講嘢有問題, 之前比姑姐嚇到鼻哥窿都冇肉, 所以我成日都會留意住滕滕講嘢情況!
尋日, 滕滕無啦啦指住我個鼻, 講: nose, 跟住又指住我隻眼, 講: eye, 跟住又再指住我隻耳仔, 講: ear! 嘩~ 真係驚喜!!! 我第一時間走出房同老公講滕滕咁樣講! 姑娘, dr, 好多朋友都同我講, 男仔會係遲d講嘢, 佢唔肯講, 係因為佢仲儲緊係個腦到, 係時候就會爆發出嚟!
平時滕滕唔會做主動架, 每次都係我叫佢講佢先講, 有時仲唔理我! 所以佢無啦啦出口自己講左咁多隻字, 真係好suprise, 仲要係好好好驚又好喜!!!
今日睇第三次, 終於買左喇! 比之前個死人工人比滕滕玩到部細機玩到爛左, 真係好唔方便, 攪到死兩個月都冇乜同滕滕係屋企影過相咁济!
原本我想買richo d 機,不過老公聽到個價錢就話我買部傻瓜機都買成4千蚊, 問我係唔係有病! 好啦, 佢話我有病, 咁我咪叫佢撰囉, 不過佢就即刻洒手寧頭! 唔撰咁貴, 咪撰低一個level 囉, 老公就話個樣好膠! 咁即係咁又唔係咁又唔係啦!
第二次, 個sales 介紹panasonic, 話個鏡影相出嚟真係幾靚架! 老公又話都唔知係唔係! 睇嚟睇去, 都係冇結果!
就嚟過年喇, 我唔想過年冇相機用呀!!! 老公因為過年初一、二都要番工, 咁我一個人單拖出去, 攞部大機真係好攞命架, 所以今日同老公講今晚真係真係要去睇喇!!! 去睇之前, 我又再一次講, 如果既然買機, 冇奶油買埋d又舊款, 像數又唔高架嘛!!! 雖然係傻瓜機啫, 但係如果影d相出嚟唔靚, 咁我寧願唔買喇, 最多唔撰新款, 但係d質素唔好太差囉!
可能老公都認同我嘅講法, 所以去到佢都冇reject 我問個sales richo d 機嚟睇! 個sales 知道我地係要嚟影滕滕, 所以佢sale 我地光圈比較大小小嗰d 機, 再講幾講, 佢攞左部sony比我! 部sony一揸上手, 影左幾張, 我就即刻鐘意左佢喇!
因為滕滕隻腳咁摷都影到出嚟, 你話部機幾ok 呢~
個新工人嚟左幾日, 睇落去都算正常, 起碼正常過之前嗰個好多好多先啦!
不過, 滕滕唔知咩事, 換左呢個新工人之後就開始越嚟越曵, 呢幾日食飯都唔肯坐係張high chair 到, 不停咁喊同叫, 死都唔肯坐, 就算我打番去, 個電話開左個speaker 鬧佢, 都係好不願意咁坐抵! 個工人講, 佢其他嘢都冇乜嘢, 男仔都係成日走嚟走去, 攪嚟攪去, 唔算係d乜嘢, 只係食飯就曵囉!
第二日單對單, 個工人同我講佢開左電視比佢睇, 佢先肯食晒碗飯! 我一聽到開電視?! 唔係嘛, 個工人問都冇問過我可唔可以開電視就比佢就開左比佢睇, 慕求佢食晒碗飯!
但係, 我唔鐘意咁囉! 我要滕滕食飯, 係要坐定定, 玩住玩具嚟食都還可以, 但係睇電視真係NO WAY 囉! 而家個工人比一個次佢, 我真係好怕滕滕以後都要就死喇!!!
今日係第二日滕滕同個新工人單對單! 我冇係公司成日望住隻眼, 不過就開左聲聽, 今日成日都聽到滕滕係到發皮4!
唔使睇, 我知道滕滕"恰"個新工人, 個工人叫佢做D嘢, 佢實係唔肯去做先發出D咁嘅聲音! 不過我冇睇到, 因為今日都係忙到死!
6:15PM, 我睇一睇個CAM, 睇到個工人揸住滕滕碗飯四圍走嚟餵佢, 跟住我就打電話番屋企, 問滕滕仲咩唔坐係張HIGH CHAIR到, 跟住個工人同我講, 佢死都唔肯坐, 係到發皮4! 其實我尋日都同個工人講過, 如果滕滕好曵就打比我, 開個SPEAKER 等我鬧佢, 但係個工人冇, 可能怕我做緊嘢唔得閑! 不過, 我睇到呢隻曵豬, 我真係忍唔住打番去鬧佢, 叫佢好SIT DOWN 食飯!
番到屋企, 未開門, 滕滕聽到鎖匙聽都係例牌咁好HIGH係到叫, 迎接我番嚟, 不過佢諗都諗唔到我一入屋就好惡咁望住佢, 問佢仲咩今日咁曵曵! 訓話完一輪之後, 滕滕好似知衰, 唔咁出聲, 跟住就係咁係到講曵曵, 曵曵!
個工人同我講, 佢已經鬧佢, 叫佢唔好曵曵架喇, 不過佢雖然好惡咁望住佢, 但係滕滕仲係到笑, 仲要係對住佢笑, 個工人話跟住佢都忍唔住笑! 唉~ 你話死唔死!
滕滕仲要郁下手打個工人, 唔使講, 更係又比我鬧+打手手啦!
點解換左個工人, 我個滕滕曵左咁多嘅???
上個星期, 簡直係人都癲! 抄左個工人, 嚟左個新, 好多嘢都要同佢講, 但係又唔可以比壓力佢, 因為我本身唔係要佢一講就識、就知、就記得(雖然我好想), 都要比小小時間人地嘅, 最緊要係有心去做!
公司又忙到反艇, D客一係唔攪我, 一攪我就一斉同一時間嚟攪我! 攪到好似一日30個鐘都唔夠時間做!
好喇, 今日馮小姐第一日番番工, 我都預左佢今日都做唔到D咩, 因為休息左咁耐, 第一日番嚟都係要慢慢先可以過番比佢! 果然不出我所料, 佢今朝一朝, 半日都冇做過D乜嘢, 而且佢仲同我講佢仲好似遊緊暈咁!
今日番工, 個工人都OK, 佢好似攪得掂, 唯一有小小唔得就係滕滕, 係滕滕"恰"佢!
老闆冇見我幾日, 佢又話我瘦左喇! 鬼咩, 星期三開始放假, 第一晚做到點幾, 第二晚做到十二點幾, 第三晚星期五, 就因為下午番左工人整一整嘢, 唔記得帶隻手指番嚟先唔使整到咁夜咋! 到左尋日, 我頂唔順喇, 要去探DR, 因為喉嚨發炎!
我諗過多一兩日會好D架喇, 過番D嘢比馮小姐之後!
聽日就兜個死日工人走喇, 真係好開心! 就算好似之前嗰個咁借財仔, 我都冇咁憎佢, 而家呢個, 就真係日日都反爆眼!
好似尋日咁, 我叫佢比蘋果滕滕食, 佢居然尤得滕滕揸住隻膠叉係到走, 仲要比我見到隻膠叉D齒段左一支! 見到咁, 我第日時間喝停滕滕, 問個工人知唔知啦, 一陣滕滕食左落肚點算呀!!! 同個工人講, 佢居然仲懵下懵下, 去搵嗰支段齒! 你話死唔死吖, 我唔講佢都唔知, 一陣真係食左落肚, 我就真係死比你睇!
忍埋聽日, 叫佢抺埋D窗, 我就送佢一程架喇!!!
唔知點解, 真係睇到我眼火爆!!! 尋日老闆番嚟, 見到支光管壞左就去左換, 個仆街會計就好快咁出左去, 揸住支光管企左係老闆隔嚟, 預備第比佢換! 一睇到唔知點解我又好興, 因為我次次換光管, 佢都當睇唔到, 冇一次嚟幫下手! 亞媽係公司做PART TIME, 一輪就攞D隔塵網出嚟洗, 個仆街會計都係冇一次幫手, 仲要每次都同亞媽講佢佢邊到痛,邊到痛, 次次都有一個地方痛!
老闆男人一個, 使唔撚使你第支光管比佢呀? 你唔撚做一個接住老闆嘅動作怕佢跌落嚟? 咁你可以接住佢啦苯!!! 我亞媽成60歲人, 雖則佢染左頭黑髮好似好後生咁, 段估你唔好同我講佢似細個你呀???
我真係好想, 好想 & 好想, 過年連利是都唔封比個仆街會計! 不過家姐話我會好過份, 老公話我會好過份, 不過, 亞媽就話我唔鐘意咪唔好封比佢囉, 亞妹就話如果你真係咁憎佢, 想另自己開心D, 唔封就唔封!
唔封比佢, 乜好CHEAP咩??? 我真係覺得唔封比佢, 唔係好CHEAP囉! 因為我既然咁憎佢, 唔通10蚊都要比佢執藥? 佢已經成撚日係公司煲埋D成日藥攪到公司好嗅, 仲要比多10蚊佢執多一劑? 唔係呀化???
今日我已經決定左, 無論個新工人星期三又好, 星期四又好, 定係星期五先到, 我都諗住星期三就送而家個工人一程!
因為D大假已經扣到2014年, 個仆街冚家產會計同老闆講我D大假好難計, 所以老闆同我講, 佢會係我份雙量到扣錢, 計左之後, 佢話我今年雙量會有一千一百蚊剩! 老闆話唔同我扣晒, 笑住口咁講會留番D嚟比我過年喎! 唔好諗住有千一蚊剩係已經扣晒D大假, 只不過係留番D今年繼續再扣! 老闆咁講, 我就同佢講, 不如同我埋埋單啦, 橫掂我已經過左5年, 我可以有長期服務金, 一次過同我計埋喇!
老闆知道我一向唔鐘意個會計, 所以佢同我講扣左嗰D, 會私底下比留我! 老闆可能諗佢比番我, 我可能會冇事, 唔會嬲個會計, 但係佢可能諗都冇諗過, 就算個會計今次唔攪我, 其實我一樣都咁憎佢! 真係多謝老闆嘅幫忙, 因為就係因為呢次咁, 所以我好順理成章咁擺明黑個會計面!
老闆叫我唔好咁小氣, 唔好唔同個會計食飯, 但係唔知老闆知唔知, 當一個女人憎一個人嗰時, 係可以恨之入骨! 老闆已經同左我講左兩次叫我唔好咁小氣, 所以我都忍唔住答佢: "好小氣咩? 再小氣D都仲有喎! 我已經好比面佢, 只係黑佢面同埋唔同佢食飯, 如果我再憎佢多D, 佢同我講早晨, 我可以當佢透明! 再者, 你幾時有見過憎一個人, 仲可以同佢SAY HI & SAY BYE架???"
所以既然係咁樣扣剩千一蚊, 所以我唔理喇, 星期三開始, 我決定唔番, 星期三行刑!
星期二好凍, 朝早都係得6、7度, 所以星期一晚我就教個工人用個暖奶器, 不過只係講加上唔多over 上面個250ml個指引, 講左6、7次都唔撚明, 我都已經扯火! 老公叫個工人take notes, 我就即刻話寫乜吖, 寫左佢都係唔記得架啦, 佢第一日嚟呢到, 所有嘢我都要佢寫抵晒架喇, 咪又係乜7都唔記得!!! 所以縱使講得清清楚楚個暖奶器係點用, 亦都叫佢講番出嚟比我知, 但係星期二我一起身, 我都係同個工人講, 叫佢都係唔好用喇, 因為就算答我左係識, 都講到出嚟, 但係你都係唔掂, 因為你咁蠢!!!
星期一晚, 個房開左暖爐, 較去 "low" 就成間房暖晒, 又唔會好熱, 所以星期二朝早我就同個工人講叫係滕滕瞓晏覺嗰時較"low", 咁就算滕滕踢被都唔怕冷襯! 好彩老公星期二嗰日係off, 因為老公尋晚同我講, 個工人張個暖風機貼住張bb床嚟放, 仲要張個風口吹死, 吹住滕滕! 老公見到咁, 就即刻小佢啦, 個暖風機同張床咁近, 如果滕滕起左身係到攪個暖風機幾危險呀, 而且個暖風機使唔使吹死滕滕呀, 好乾好熱架嘛!!!
尋晚老公同我講完, 我今朝起身都忍唔住又小個工人!
我: 你仲咩嗰日張個heater 放係軒軒張床, 仲要貼住嚟放呀, 如果軒軒起左身攪個heater, 你知唔知好危險架???
工人: 我知!
我: 你知好危險你都仲放咁近係張床隔離?
工人: 我知嘅! 不過先生叫我關左佢!
我: 你究竟知唔知點解先生叫你熄左佢呀, 軒軒起身可以掂到個heater 架, 你知唔知好危險架!
工人: 我知!
我: 你知! 咁你答我點解你知你都仲要咁樣放到咁近張床??? 我要你而家即刻答我!!!
工人: 其實我想開, 不過先生叫我熄左佢!
我: 仲有, 你有乜理由張個heater 吹住軒軒架, 咁樣吹法, 佢好熱好辛苦同好乾架嘛! 你有冇用腦架!!! 你好答我究竟點解你知都仲要咁做!
工人: 我張個heater放係房, 係軒軒瞓覺時想開嘅, 不過先生叫我熄左佢囉!
我講左咁耐, 個工人原來跟本唔明白我地鬧佢乜, 蠢到連隻豬都醒過佢, 好, 就算蠢都好, 但係張個heater 吹死住滕滕, 呢樣嘢有幾蠢都諗到啦! 佢生存係呢個世界上, 簡直係污染!!!
尋晚都已經講左, 今晚要食埋嫲嫲比嗰半邊鹽雞! 今晚又唔記得!
我問個工人, 請問究竟你有d咩係記得嘅呢??? 你好似冇乜嘢你記得架喎??? 你個腦要嚟做咩架??? 你個腦諗d咩呀? 有乜理由我同你講襯嗰d嘢, 你好似冇一樣嘢係會記得!
老公都忍唔住出口, 又鬧埋一份, 話佢d菜、水果, 樣樣嘢都唔知屋企有冇, 爛晒又唔知, 做嘢唔係咁做, 人人都要番工, 如果我地咁做, 一早就比人抄左啦!
個工人答我, 佢好卦住個仔, 佢老公同亞媽咋佢型話佢好耐冇番過去, 佢想番去探下個仔喎!
好! 我下個星期就比你番去! 我會安排架喇! 跟住個工人同我講佢番去兩個星期就得喇!
哼!!! 真係痴九線, 仲話要番去兩個星期!
今日一共叫左4次個仆街工人落街, 次次都叫佢係樓下百佳買包幼鹽番嚟!
4點一次, 5點一次, 我番到屋企, 叫佢8點落一次, 9點再落多一次!
我番到時嗰時:
我: 點呀, 好唔好玩呀?
工人: (好無奈咁)..........
我: 乜唔係好好玩咩!
工人: 唔好玩呀!
我: 聽日需唔需要比你落多一日去買嘢呀?
工人: 唔需要喇!
我: 真係? 咁你而家再同我落去買多包鹽啦! (嗰時係8點)
工人: 好呀!
我: 一陣九點你再同我去買多次呀!
個工人出門口嗰時, 仲笑住咁同滕滕講bye bye, 我又出去喇!
~~~~~~~~~~
我: (9點鐘)你而家再落去買鹽!
工人: 哦! 好呀!
跟住個工人又笑住嚟同滕滕講bye bye!
過左一陣, 個工人番上嚟喇, 不過除左買左包鹽, 佢仲買左提子, 腸仔同埋有d嘢食!
我一見到, 我就話: 嘩! 唔怪得咁開心可以落去啦! 原來你去shopping!
工人: 唔係! 我只不過買小小嘢啫!
我: 唔係?! 你都早有預備啦, 已經袋定錢係身, 預備再去shopping 喇!
工人: 唔係! 我只係買小小嘢啫!
我: 都仲話唔係喎! 唔怪得先生同我講, 佢話覺得你覺得好似好得意咁啦!
都唔知乜撚嘢人嚟架! 係人係鬼落去咁多次街, 仲要天寒地凍, 個死人樣都仲要笑笑口, 都痴九線, 原來就係因為佢想買嘢!!!
我仲要忍, 忍到下個星期四五, 就可以 pand 九個工人走!!!!!
做左咁耐, 日日都要比我鬧, 我都唔7知佢究竟係唔係好想走!
尋日放半日去同滕滕interview, interview完就去買餸, 個仆街工人打嚟話冇豬肉, 我個心就諗, 佢好似醒左喎, 知道我地去買餸就打嚟話冇豬肉叫我地買埋!
不過, 今朝個仆街工人同我講, 就嚟冇菜同已經冇晒蕃茄!
佢老味!!! 真係火都嚟撚埋!!! 尋日明知我地去買餸都打嚟話冇豬肉啦, 仲乜九嘢唔叫我地買埋蕃茄同菜呀! 我當堂問佢係唔係覺得好好玩! 佢話佢去街市買喎, 街市佢又唔知係邊, 買乜撚嘢呀!!! 佢話係樓下百街買, 但係樓下冇我想買嗰d蕃茄呢! 所以我同佢講, 叫佢出荃灣買, 因為屯門冇!
條仆街工人仲蠢撚到話好遠, 問我係唔係一定係荃灣先可以買到! 唔係去荃灣買, 你識係屯門買咩!!!
等老公醒左, 我就叫老公叫個豬兜工人同我落樓下百佳買3包幼鹽,分3次落去!
等佢咁撚過引, 小極佢都係咁, 明知我地去買餸都唔出聲!!! 正仆!!!!
上個星期六, 我同滕滕去左珈琳 interview, 因為表姐講左一句, 佢話佢只係識九龍塘嗰間, 咁我就開始打左個問号喇!
因為1.乜九龍塘有間叫珈琳咩? 2.如果真係(唔通真係?), 會唔會有咁筍嘅嘢係屯門區呀?
因為都唔得閑上網check, 所以表姐講完我都冇理, 咁星期六就去左interview! 學校都冇乜嘢, 只係出面馬路修路我唔係咁鐘意啫, 不過都唔緊要啦, 因為我個心一心係想滕滕可以快d番學啫! 見完, 個老師已經即時話ok冇問題, 可以安排我係今年九月入學, 跟住就遞左張銀行入數紙比我, 叫我去交留位費喇! 我一見到係中信嘉華, 我就問老師有冇其他銀行, 因為呢間好似唔就腳, 跟住老師就望實我咁答我: "哦, 唔係呀, 嗱我地呢間學校一出轉右就有間中信嘉華, 直頭係隔離架咋, 你可以一陣入埋比我地都得架!"
係呢一刻, 我開始覺得有d唔對路, 因為好似冇咁"筍", 一 in 即收, 仲要好似急住叫我入錢比佢, 同埋老師剛才叫我可以一陣入埋錢留位比佢嗰一刻, 我覺得好似迷暈黨同補藥黨囉!
我真係頂佢唔順!!!!!!!!!!!!!!!!!!!!!!!!
係佢我係BLOG到識, 佢份人真係好一個迷, 佢同我講左好多關於佢自己嘅嘢, 起初都冇諗住佢咁Q煩, 但係識落左, 我真係估唔到佢煩得咁緊要!
早排心情唔好, 又比個工人煩到而家, 所以一見到佢打嚟, 我都冇心情聽佢電話, 因為佢嚟講去, 又係講佢老公D嘢! 佢老公係一個極到嘅衰男人, 衰到連男人都唔係, 我已經講左好多道理過佢聽, 不過佢份人又冇腦又唔去諗, 同佢講嚟講去都係運個吉, 所以我都唔係好想再理佢, 因為衰D講句, 佢都係自己"中"個頭埋去攞嚟賤!
我明白點解佢一個朋友都冇, 因為佢真係好煩, 份人又唔識做, 每當我唔得閑嗰時, 佢仲好唔識趣咁係咁搵我, 仲要同人講我唔聽佢電話!
原本我都冇諗住唔覆佢, 不過佢D攞命電話真係煩到你唔想打番比佢! 我都唔明佢已經係單拖湊住個仔, 應該好唔得閑先係, 但係佢都仲係不停咁打比人! 大佬, 我要番工, 佢唔使, 咁打過一次嚟我冇聽, 就已經可能我係唔得閑啦, 咁仲咩仲要不停咁打嚟先! 成日同人講, 我又唔聽佢電話! 人地都頂佢唔順, 叫佢放過我呀! 呢句"你放過佢啦", 咁都唔明??? 唔係卦!!!
我就係咁, 你越係打嚟, 我就越係唔聽, 你越係咁死煩, 我就越討厭你!
算啦, 見咁耐都冇覆電話比佢, 咪係FB到同佢講左一句: "亞仔大個左好多!" 之後佢就話好耐冇見我! 冇見我? 我連我自己D朋友都冇見啦, 更何況你? 跟住佢仲要話唔得喎, 一定要我搵個時間約出嚟喎!
天啊! 你冇嘢吓嘛!!! 你做人有冇咁唔知醜呀!!! 有人已經同左你講我比個工人煩到死咁济, 而家我都襯口同你講我好唔得閑啦!!! 請問你何得何能一定要我見一見你呀!
FINALLY, 我真係頂你唔順, 我已經DELET 左你!!!!!!!!!!!!!!!!!!!!
希望等多十日, 個AGENT 同我講個工人已經OK啦, 因為係呢段時間裏面我日日反眼, 冇日不反!
唔知呢D工人咩心態, 係唔係日日要比人小下佢先覺得舒服! 叫佢咁做, 佢就唔理你, 自己鐘意點做就點做, 叫佢唔好, 佢就偏偏就去挑戰你! 呢幾日, 日日都好凍, 我就要日日朝早出門口同佢講, 究竟要同滕滕著咩衫! 日日咁凍, 跟本就可以唔使講, 但係呢個工人唔講唔得! 仲要下下要同佢講得清清楚楚, 講完之後都仲要叫佢同我講一次, 因為佢話明, 其實佢係唔明! 想唔反都唔得!
煮餸, 到今時今日, 佢睇咁多書, 煮D餸都冇好食過, 不過係佢當初話佢煮餸唔係好得, 所以我可以容忍佢, 不過容忍係有限度架, 已經唔使佢煮, 等我番嚟整, 叫佢只係預備好D嘢, 佢都冇一樣係可以做得到!!!
個個星期日, 我就要做家務, 因為個工人唔知點解, 抺極個地都有垃圾! 初初佢抺地之前係冇掃地, 比我發現左之後就要佢掃左地先抺地, 但係到今時今日為止, 地下都仲係好多粒粒嘢! 隻豬仔有時又好曵, 執到D嘢叫佢比, 佢就偏要放落口! 張SOFA, 唔知有冇買錯, 因為D隙全部都有垃圾, 例如好似乾左嘅飯粒同埋餅乾碎, 個個星期日唔開吸塵機係唔得! 仲有張膠墊, 膠墊下面, 都不知有幾多頭髮痴住左, 我都唔明, 已經日日攞起張膠墊抺地同掃地, 都唔知點解咁都睇唔到!
你話幾攪笑呢~ 個工人今晚走嚟同我講, 佢好耐冇番印尼見個仔, 佢想問我佢幾時可以番去喎! 11月18日先到, 頭頭尾尾兩個月都冇就同我講佢想放假喎! 之前係AGENT到都已經講過, 就算比佢番印尼, 都要3/4月先可以, 而家未夠兩個月就想番, 好, 你唔使心急, 你就嚟可以一去不返架喇!!!
一見到, 我跟本就唔捨得放手!
係一本2011年嘅記事簿! 原本已經叫左家姐幫我問個保險agent 攞 diary, 因為我嗰個已經退左休, 而舊年嗰本都係老闆比, 所以今年真係要問人有冇!
點不知今日幫老闆去文具鋪買嘢, 比我發現左呢本記事簿! 唔知點解我對白色/米色格仔情有獨鍾, 因為我之前之前嘅電話套又係白色格仔, 而家張sofa 又係米色格仔!
今日番到嚟屋企再望多兩眼, 發現點解同張sofa 咁似嘅??? 好似有小小後悔, 應該撰黑色格, 因為白色好快污糟........
尋日同姨甥仔飲茶, 係閑談之中, 發覺做人後母甚艱難, 但係做唔係親生仔女嘅仔女就仲慘!
我真係好想知, 好想問, 個男人究竟知唔知自己而家個老婆咁樣對自己同前妻生嘅仔呢? 姨甥仔同我講, 當星期日個乞衣同佢個親生仔去左街嗰時, 個乞E冇放抵任何錢比佢食LUNCH, 如果食, 就自己煮即食麵! 咁請問, 如果換轉係佢自己個仔, 唔知會唔會叫佢自己煮即食麵呢? 姨甥仔話, 好似平時番學咁, 問個乞E攞錢番學, 個乞衣就話冇散紙, 一係就冇錢, 已經唔係一次, 而且好多時都係咁!
個乞E 可能知道平時嫲嫲會比錢姨甥仔, 但係嫲嫲比都係用佢自己D官材本攞出嚟, 就算係有比, 都唔關佢事, 佢嫁得比呢個男人, 就應該知道要照顧呢個小朋友!
因為生左之後都好少見到佢, 所以我每次見到佢, 都會比錢佢, 同埋買嘢比佢, 可能就係因為咁, 個乞E覺得姨甥仔收埋唔少錢, 所以番學嘅洗費佢都想唔比!
有時係到諗, 破碎家庭, 究竟跟亞爸好定跟亞媽好? 如果跟住個盲嘅老豆, 咁就不如唔好跟! 但係如果跟住個只係顧住男人嘢亞媽, 咁就真係唔知點算好!
所以我成日都同姨甥仔講, 叫佢努力讀書, 第日搵到錢就唔使再睇個乞E面口!
