??????????今日下午, 亞媽打嚟問我仲咩入咁多錢比佢, 而佢咁問, 已經唔係第一年問!
亞媽, 你係唔係失憶先?! 每個月我都入家用比你架啦, 而且每年年尾, 我都再入錢比你過年架啦, 咁二月頭比家用你, 二月中就比錢你過年, 咁又點會入多呀?!
舊年, 前年, 大前年, 大大前年都係咁, 仲咩你年年都要問一次先?! 你係唔係嚴錢多, 覺得個戶口好似多左好多錢, 唔知想點, 定係想我幫你諗下可以點先?!
我比得你, 你就袋左佢啦, 如果我冇錢, 我就唔會比錢你啦, 如果我唔夠錢用, 你估我仲比錢你咩, 你成日比你老公"困", 多個錢旁下身唔好咩?!
有時, 真係唔係好明亞媽點諗! 成日都慳, 乜都慳, 連坐兩個幾van仔番屋企都話要慳, 佢話行得多對身體好喎, 最慘你行得多, 又話腳踭痛呢! 成日為為埋埋, 都係為左我老豆, 都唔知為乜! 有時見我老豆成日恰佢, 我又唔底得就話番我老豆, 但係有時亞媽知我地幫佢, 佢又鬆毛鬆翼! 總之就........我都唔知點講!
上個星期凍到隻狗咁, 我同滕滕就成隻椶咁, 足足敷左差唔多一個星期mask, 個鼻先至冇甩皮咋, 嘩, 尋日開始暖番, 今日又濕到暈, 想點呀!!!
點知尋日冇望左成幾個月嘅廁所天花(由滕滕三個半月開始至到而家), 突然發現起晒毛點喎! 由滕滕出世已經叫左老公去搵人裝個假天花至到而家都未整好, 究竟又想黠呀!!!
呢兩晚都係瞓得唔係咁好, 因為星期日收到個消息話舊公司有個同事係年初三自殺, 而家已經唔係到喇!
雖然同嗰個sales 唔係好老友, 不過佢落親去shw 都會同佢吹兩句水, 因為我feel到佢以為自己係殺死女嗰d, 所以見到我呢d咁靚女嘅, 就更係一定會行埋嚟, 寒暄番兩句!
因為我或者佢, 都係係舊公司算係老屎忽, 所以我地識左都有357年! 所以一聽到佢咁, 就有d真係唔係好信! 尤其係佢呢d自命不凡嘅人!
呢條友個record 之前都已經唔係咁好, 上次佢離開舊公司, 係因為聽聞大耳洞追數追到上公司, 所以佢先至唔做, 不過事隔好似年幾之後, 佢又番番入去做, 因為有傳佢多客, 因為佢d客好多都係女, 仲要話個個都同佢有路!
我冇估錯, 佢可能同我差唔多大, 如果長命嘅, 人生一半都未有, 如果短命, 都只係一半啫, 有咩係咁睇唔開要行條不歸路呢?! 就算係爭大耳洞錢, 佢地最多都係打到豬頭咁去嚇下你啫, 佢都唔想你死左冇錢還架嘛?! 所以真係唔係好明呢d人點諗..........
好可惜............雖然我唔覺得佢靚仔, 但係佢應該仲有千千萬萬嘅女等佢比佢厄, 佢唔應該咁囉!
但係我都好多謝佢曾經好豪咁請我地shw 食 tea!
尋日食開年飯, 唔使問亞貴, 例牌都係食蠬蝦!
四個人, 叫左隻蠬蝦四斤十二兩! 縱使可以避過團年飯, 說服老闆叫佢叫隻蠬蝦細隻d, 但係呢餐開年飯就真係難逃一劫! 因為佢話新一年係新嘅開始, 第一餐一定要食得好, 所以都已經預左兩日lunch 都係蠬蝦餐(幾串呀, lunch 食蠬蝦喎 
頭先下午十二點幾, 銀行經理上左嚟, 同老闆吹左輪水, 老闆就突然入嚟同我講, 話一斉去鯉魚門食海鮮! 吓, 又食海鮮??? 係, 又食! 所以今日lunch又係食海鮮, 不過好彩唔係蠬蝦, 係鮮鮑、大蝦、象拔蚌刺身同瀨尿蝦!
咁尋日嘅蠬蝦就唯有留番之後嗰兩日食啦, 所以今個星期仲唔係
有個朋友係美國番左嚟, 所以呢個新年都好鬼忙! 差唔多老公唔使番工, 都約左朋友食飯! 不過, 我怕老公就嚟小我, 因為我真係同d朋友排到好密, 連我自己都有d頂唔順! 但係冇計啦, 鬼叫d時間有咁啱就得咁撟咩, 我都唔想架!
尋日約左亞妹食飯! 因為早左出太子, 所以就去左椰林閣食左個超級巨型嘅下午茶餐, 就係因為咁, 所以晚餐就要delay! 原本打算六點左右就去食, 因為就番滕滕食粥仔都係咁上下時間, 不過就係因為個巨型下午tea, 所以我地四個就唯有上晒車, 係架車到餵滕滕食粥!
食完粥都未諗到去邊樹食dinner, 不過因為都諗唔到仲想去邊, 所以我突然嗰一刻好想去据扒, 咁跟住我地就直飛入左西貢!
因為好耐冇去食喇, 而且嗰到d扒真係幾好架, 所以真係好想好想!
不過，諗諗下，因為情人節嗰日老公要番工，咁我就問佢係唔係當呢餐補足架？因為未生滕滕之前嘅其中一次情人節，我地都係係呢到食餐。。。。
新嘅一年, 有新嘅開始! 滕滕又有新嘅攪作! 因為唔知無啦啦仲咩佢呢排鐘意玩倒樹沖!
自從年三十晚之後, 佢就成日都係咁, 突然會反, 飲完奶又反!
豬仔, 請問你想點呀.......???
今日已經係第三次, 係第三次去睇醫生呀~ 由年尾病都年頭, 足足病左兩年!!!
去睇開呢個醫生, 唔係香港人, 係緬甸人! 個醫生好好人, 因為我知道有D老人家去佢到睇醫生, 係唔收錢架, 只係收藥費, 所以我覺得呢個醫生好好, 好有醫德, 所以識左佢之後, 我就冇再去睇第二個喇!
不過, 係呢間診所嗰個姑娘, 就唔係幾好喇, 成日都黑口黑面, 同我一樣, 天生個樣唔出聲就係一個黑人憎樣, 所以次次去親, 都冇乜一兩句, 直至有一次, 要帶埋滕滕去睇醫生, 先至見到個姑娘同滕滕玩!
但係, 最尾呢兩次都唔見個黑面姑娘, 原因係因為佢放十日假, 變左醫生太太就要出動喇! 年三十晚嗰日去到, 醫生太太就同一個病人講(應該係識左好耐嘅朋友), 話佢啱啱係緬甸番左嚟HK先一個星期, 咁嗰個病人/朋友就問佢有冇手信, 跟住醫生太太就話番緬甸係做善事, 係HK就有帶手信番去, 番嚟HK就冇喇! 你話, 你話! 係HK, 仲邊樹有D咁好心嘅人呢! 真係好難搵!
今日又要去覆診, 因為都仲未好番, 所以去到又見到醫生太太係到好忙咁行嚟行去! 到左攞藥嗰時, 醫生太太同我講, 同之前嗰D藥一樣, 都係咁食, 但係我就發現有一隻新藥, 所以我就話喇: "唔係喎! 呢隻藥上次冇架喎!" 跟住醫生太太就話: "係咩?! 跟住我又話: "哦, 你係唔係上次執漏左比我呀?!" 醫生太太就即刻睇張排板話: "睇下先! 冇喎, 上次真係冇呢隻藥喎, 係今次醫生先開比你架, 你睇下, 上次有5隻藥, 今次有6隻呀! 哦, 你蝦我!"
跟住大家就哈哈哈哈笑喇! 我真係未試過去睇醫生都睇得咁開心架! 因為只有試過一路睇醫生, 個醫生太太就係旁邊及住個老公就有!
今日去左梓祐個嫲嫲到拜年, 原本每年都係初二去架, 不過因為唔想見到d唔想見到嘅人, 所以就改左初三去喇!
一入到屋, 滕滕居然冇喊喎(係第一次去架) ! 真奇啦, 因為呢幾排去親邊個到, 一入到屋滕滕就一定喊, 仲要痴到我揇到我實, 唔可以放開手, 所以見佢唔喊, 我就仲唔成機鬆人咩!
我叫嫲嫲抱, 滕滕又肯喎, 我問嫲嫲: "你係唔係同佢開左光呀, 佢真係一d都冇事喎! 會唔會係因為以前係我個肚到, 聽慣左你把聲呢, 所以佢一d 都唔驚喎?!"
係嫲嫲到坐左一陣, 就番去亞媽到喇! 今次番去, 滕滕都冇啱喇! 所以真係好神奇, 唔通嫲嫲有d咩正氣比左滕滕???
嫲嫲比左ｄ豆沙角我食呀，好好味架！因為係東莞家鄉小食，叮熱左，都不知幾好味！
今年係第一年同滕滕過情人節, 亦真係只係我同滕滕過, 因為老公呢排痴左線, 不停咁OT!
滕滕D感冒好番晒喇, 因為佢已經成功咁傳染左比我, 所以今日我唯有咁 high 住去奶奶到拜年!
因為老公同佢亞媽拜完年之後要番工, 所以起初諗住同滕滕兩個去亞媽到拜年, 都冇去到, 因為食左藥, 真係 fing 到暈, 所以係奶奶到食完個 lunch, 就飛的番屋企! 以我平時唔會打的嘅人, 由荃灣飛的番入屯門, 就知我有幾 high 啦, 所以番到屋企, 餵完滕滕之後, 我地就一斉瞓左三個鐘! 好彩滕滕乖咋, 可能佢知媽me唔舒服, 所以倍左我瞓咁耐, 所以底錫 
呢個情人節, 就係咁過左喇!
今年情人節又係年初一, 亦都係第一個同滕滕嘅情人節! 真係我同滕滕架, 因為老公呢排痴左線, 又不停咁OT, 所以今日去左奶奶都食完 lunch, 老公就番左工喇!
原本嘅行程係同奶奶拜完年之後就會番去亞媽到, 不過跟住就改變左喇, 因為滕滕嘅感冒已經好得7788! 就係因為滕滕好得7788, 所以証明佢已經成功咁張佢d感冒傳染左比我, 就係因為咁, 我就 high住咁去奶奶到拜年!
食完碗湯圓, 我就二話不說咁話我要眠一眠, 因為真係fing得好緊要, 而奶奶就係因為我同我老公都係張sofa到瞓著左, 所以食飯都等到我起左身佢先可以食! 好彩, 滕滕冇喊, 如果唔係, 就連呢一個鐘都冇得瞓呀!
唉, 呢個新年真係病住嚟過, 去完奶奶到, 就即刻飛的番屋企同滕滕再瞓多三個鐘!
好彩滕滕都算係咁啦, 乖豬仔
啱啱已經到左大年初一喇!
今年寧捨唔同, 因為我家今年多左個滕滕豬, 所以好多嘢都唔同晒!
首先就係我自己今年年尾, 最終都係冇去掃貨, 因為跟本就冇日得閑過!
再者, 滕滕係年尾嗰個星期先嚟唔舒服, 所以都抽唔到時間去睇!
第三, 就係我地今年年三十晚去花市, 買唔到桃花, 因為D桃花仲"梅"過梅菜, 開晒都不特止, 仲要係乾晒黃晒, 咁點買得落手呢! 所以我地就改買串串金, 不過, D串串金都唔係好得好多, 因為都係開晒咁济, 只不過係未謝, 但係我諗買多可以擺多兩三日到, 所以又唯有再諗買咩花! 行完又行, 行完又行, 兜兩兩次, 所以就算喇, 百合啦!
睇下睇下，D百合都幾靚吖! 唔錯! 唔錯!
事發係係1月17日, 點解而家先POST出嚟, 係因為我而家先影到呢間鋪頭張相!
嗰日下午出左去同奶奶食 lunch, 食完我就要去荃豐到買奶樽, 因為嗰到有間嘢, 我有discount card, 所以買完之後, 就順便行下荃豐, 因為想搵條爛牛仔褲比滕滕過年!
因為滕滕未夠一歲, 所以好難搵到咁細條, 而且又要爛, 所以第一次行過見到呢間杏+橙鋪頭有, 都冇認真問過, 因為想行多幾間先! 不過, 去到最尾, 真係冇咁細條, 所以唯有行番轉頭, 入去問問!
見到有一條display出嚟, 都ok, 所以就問下最細條係幾大, 條八婆第一次答我已經唔係好有禮貌, 不過, 我算, 因為可能佢忙緊. 所以就問左佢攞左把軟尺嚟度度, 度完之後, 都覺得ok, 跟住就問條八婆幾多錢! 佢二話不說就答我: 嗰到咪有囉! 好啦, 我就攞個牌嚟睇, 一睇, 寫住 $349! .........$349??? 我double confirm 問條八婆: "條牛仔褲係唔係 $349呀?" 條八婆居然答我: "好出奇呀? 三百四十九蚊條牛仔褲未聽過咩?"
嘩! 我一聽到, d火就更係巴巴聲咁嚟啦, 所以我就答佢: "我真係未聽過一條bb牛仔褲要成三百幾蚊喎, 有牌子都唔使咁貴啦! 你咩牛仔褲咁巴閉呀!" 跟住同老公就即刻行左去!
一路行, 老公就同我講: 頭先條八婆仲要係到話: "車! 你咪唔好買囉, 跟本就冇諗住你地買架啦!" 一聽到, 我就問老公, 點解你唔同佢講, 你估你條牛仔褲相左金呀, 人地有牌子都值, 你咩貨呀, 不自量力!
你話! 你話! d 咩加橙鋪頭嚟架, 唔想做生意就咪開啦, 仆街, 咩預左我唔買, 你咩貨呀, 賤貨嚟架咋, 我怕比左我滕滕著, 我滕滕個身會生嘢呀, 你d賤貨咩咁巴閉呀, 嗰條咁嘅死人牛仔褲賣咁貴, 厄人咁多錢要嚟幫自己執藥呀, 八婆!
真係忍唔住, 點都要開番燈影低佢! 因為呢樣嘢時時都有發生, 係每日晚都係, 所以遲早都會影, 不如冒個險, 開燈影啦!
呢張係啱啱瞓左冇幾耐.......
過左一陣, 個頭已經去左第二邊........
跟住再過左陣就又變左喇.........
因為聽幾個媽媽講d小朋友係呢個年齡都係鐘意扒係到瞓, 所以由尋晚開始, 我已經唔再張滕滕反番轉, 尤得佢喇! 等大家都瞓等好d!
架車番左嚟一個星期到, 上個星期六無啦啦比架小巴撞埋嚟, 仲係撞左埋左邊車頭乘客位嗰邊!
原本嗰日諗住帶埋滕滕一斉出去, 因為表叔生日, 不過, 後嚟滕滕因為發燒先所以冇同佢一斉去咋, 如果唔係就嚇親我個肥滕滕喇!
而家呢個車牌, 計埋今次已經係跟左我地第三架車, 但係, 跟左三架, 三架都撞過! 老公個同事話個車牌好黑, 因為我地未要呢個牌之前嗰d車都冇撞過, 一d事都冇, 但係要左呢個牌, 就架架撞, 所以話好邪喎!
但係我同老公講, 會唔會係個人黑, 唔關架車事! 但係諗諗下, 又係真, 點解跟左三架, 三架都有撞吖! 所以可能真係換左佢會好似安心d, 因為老公要番晚班, 成日夜晚揸車架!
滕滕星期五半夜, 我已經發覺個頭仔有小小興, 諗住唔知係唔係本身天氣唔係好凍, 所以熱熱地唔出奇, 所以到第朝飲完奶過左一陣, 睇下會唔會都係咁, 飲完奶過左成半個鐘同佢探熱, 個result 係100度! 因為100度唔算高, 只不過係好輕微, 所以貼左退熱貼, 冇同佢睇醫生!
不過, 去到星期六凌晨三點幾到, 我發覺滕滕好似好滾, 所以叫醒左老公幫滕滕探熱! 嘩, 102呀! 跟住就即刻去雪柜攞上次肛塞嗰半支藥同滕滕塞住先, 因為上次半夜去睇24小時嗰d醫生唔係好掂, 所以唔想再去!
到左朝早, 同滕滕去睇醫生, 我問醫生可唔可以比d肛塞藥我看門口, 但係醫生睇下睇張卡就答: "唔得! 因為佢未夠一歲, 唔可以比肛塞藥, 因為如果退燒退得太快, 會抽筋架!" ..........吓! 唔係嘛, 會抽筋, 咁我尋晚半夜咪做左一樣好危險動作?! 嘩, 好彩冇事咋!
見完醫生, 係到等攞藥時, 我就同老公講: "d 24小時嗰d醫生真係好唔掂(我係去睇屯門錦華嗰間新X到睇架), 亂咁嚟架, 原來咁細個唔可以用肛塞架! 好彩上次滕滕冇事咋!"
曾經聽過人地話: 小朋友每發燒一次, 就會長高長大一點!
今日同滕滕影左幾張相, 再睇番, "E, 好似真係又大個左喎! 而且仲man左潻!"
滕滕豬, 點解你次次都等媽咪week-end 先嚟病嘅? 你係唔係唔想媽咪請假同你去睇醫生呢?!
因為有個blog友係fb到同佢講開的士佬, 所以就引發我係呢樹講番星期日所發生嘅事!
星期日契妹同佢男朋友入嚟搵我, 咁我地約左係市中心和民食嘢, 食完嘢就去左jusco買滕滕要食嘅食物! 因為我知道好多嘢要買, 所以我就揸左架車去市中心喇! 更係唔係我老公架車啦, 而係滕膝架bb車呀, 因為雖然我有牌, 但係一次都冇揸過 
食完嘢, 去完jusco, 咁我地三個人就打的番去我屋企! 當其時係咁樣分配架: 1)契妹男朋友-抱住滕滕坐係後坐, 2)契妹-攞住我個行理袋(有奶奶&滕滕所有要出街用嘅嘢), 滕滕嘅食物, 同佢自己個袋, 一共有兩大+1細袋, 佢坐左係前坐, 3)而我就接埋嗰架嘅重而又幾大架嘅bb車, 放係後排坐位, 放左係我隔離!
我一搬架bb車上車, 就即刻展開一場口角:
私機(好大聲咁即刻話): 喂! 你睇住我架車, 唔好整到我架車呀!
我: 我怕你架車整爛我架bb車咋, 整爛你架車!
私機: 嘩! 我驚你架車整爛我架車就真, 仲話我整爛你架車!
我: 我架車千幾千蚊, 我更係驚你架車整爛我架車啦!
私機(好惡死): 你架車幾千蚊好巴閉咩, 我架車幾百萬!
我: 你既然架車咁巴閉, 箱金架? 咁就唔好揸出街啦苯!
私機: 咁你架車又箱金架, 咁巴閉!!!
我: 你使唔使講嘢咁大聲呀! 嚇親我個細架! 我架車更係箱金架啦! 如果你架車箱金, 成幾百萬, 就唔好揸出街啦!
私機: 咩呀! 我講嘢係咁大聲架喇! 你講嘢夠大聲囉! 我架車點解唔揸出街呀, 我要嚟搵食架, 點解唔可以揸出街呀!
我: 咩呀! 我夠講嘢係咁大聲架! 你講嘢大聲, 我唔可以大聲咩! 你如果話你架車幾百萬咁貴, 咁巴閉, 揸出街把鬼呀! 既然咁巴閉成幾百萬, 你小心撞車呀! 幾百萬咁巴閉, 整個盒箱住架車啦苯!
跟住就停左幾秒, 大家冇出聲之後, 我就忍唔住再講.....
我: 都唔知係唔係男人嚟架, 人地嗰d的士私機, 見我一個女攞住架bb車都落車幫我手, 唔落車都叫我慢慢嚟, 你唔幫都不突止, 仲係到嘈, 都唔係男人嚟!
私機: 咩呀! 我叫你小心d睇住我架車之嘛, 咩唔係男人嚟呀!
我: 你連男人都不如呀, 你老味, 都唔係男人嚟架!
私機: 咩你老味呀, 你講咩你老味呀! 女人之家, 講咩粗口呀!
我: 你老味咪你老味囉! 邊個話女人唔講得粗口呀, 犯法架? 咁你拉我啦苯! 你老味!
跟住就落車, 再加多句: 你都痴X線, 咩你老咪! 男人都不X如!
我都未見過D的士佬咁仆街, 我攞住架BB車唔幫手都不突止, 仲要喝住我, 話我好整爛佢架車! 原本都唔想同佢嘈, 因為佢一開口就好大聲係到好似鬧咁! 如果唔係要將架BB車搬上搬落, 我一早就唔7搭佢!
滕滕兩個星期前就成日係到喊, 係嗰個moment, 可能縱慣左佢, 所以佢去到半夜係到喊, 我都"呆"佢, 直至佢瞓冧為止! 不過咁樣唔係辦法, 因為佢呢個星期, 已經正常番好多, 見到佢老豆都冇好似之前咁驚, 又肯比佢抱, 所以我希望可以還原番我正常嘅生活 - 就係半夜可以一覺瞓到天光!
因為已經成兩個幾三個星期, 晚晚半夜都要醒, 所以前兩日, 滕滕半夜係到嘈, 叫我嗰時, 我真係忍唔住...........
前晚半夜, 第一次佢叫我, 我都有抱佢, "呆"佢瞓, 但係一放番佢落床, 佢又係到嘈, 仲要即刻扒轉瞓, 我張佢反番轉, 佢又扒轉, 番反轉, 佢又扒轉, 如事者都成三次, 好啦, 見佢唔再郁, 我就上床瞓喇, 過左一陣, 佢無啦啦又係到叫我, 仲坐左係到, 咁我即係又要起身囉, 又再"呆"佢, 無求要佢以最快時間瞓番嘛, 不過, 放佢落床嗰時, 佢又好似之前咁反嚟反去! 所以第三次抱番佢起身嗰時, 我就真係火火地, 因為已經第三次, 唔知佢想點, 係想同我地瞓, 定係想我抱住佢抱耐d? 所以見唔對路, 佢未瞓番, 我就放番佢落床!
咁當然滕滕就一定嘈啦, 所以我就即刻好惡咁同佢講: "你究竟想點呀? 晚晚都係到嘈, 而家係覺豬時間, 你唔好再係咁喇, 你再係咁, 我就打cc pat pat 呀!!!"
講完之後, 呢個曵豬郁都唔郁, 一d聲都冇, 跟住就自己瞓喇, 連眼都唔敢望我!
吖, 你話係唔係唔鬧唔得呢! 直至到尋晚, 佢都冇再半夜醒喇! 咁你話佢係唔係蝦我吖! 真係要鬧先至聽話架!!!
突然想計一計, 滕滕邊忽似我, 邊忽似我老公........
由頭開始:
老公 我
頭髮質地: X
髮型: X
眼: X
眼眉: X
眼眉毛: X (終於都有喇!)
耳: --->兩個都唔似
口(咀唇型): X
牙: X
鼻: x x --->一半一半啦
面型: X
後尾枕: X(exactly same same)
-----------------------------------------------------------
7.5分 2.5分
你話死唔死, 如果唔係個鼻有小小似我, 我嘅分數都係只得2咋, 好彩而家多左0.5!
d人未見過我老公都會話似我, 但係見到我老公, 滕滕跟本就同我老公係 exactly the same! 連個懵樣, 都會我老公一樣! 但係我老公個樣雖然懵, 但係內裏就一d都唔懵, 唔知滕滕係唔係呢..........
今晚有個耐唔耐都有聯絡嘅舊同事打比我, 話佢對孖仔就嚟一百日, 想叫我同老公去食飯, 日期係2月28日! 我冇即時答應佢, 因為我話要睇下我老公到時番咩班先可以覆佢, 所以番到嚟, 我睇完之後, 就問老公嗰日佢有冇OT, 好彩問一問, 因為佢嗰日真係要OT, 仲係番早, 放下午三點幾!
所以頭先就打比個舊同事同佢講, 嗰日老公要番工, 所以唔嚟得! 佢一聽到, 佢就話叫我自己一個人嚟! 我問佢, 係邊到食, 佢就話係紅磡海逸酒店食 lunch buffet! 我都好直接同佢講, 我好難抱住個囝食buffet架喎, 如果好似一般嗰d 中菜咁, 我都還可以自己一個湊住個囝嚟, 所以食buffet就唔好喇!講完之後, 個舊同事就話, 你荒到時冇人幫你睇住咩! ................吓???!!! 唔係嘛! 我完全唔識你d朋友&親戚, 我點會將我個囝比陌生人睇住呀!
我講完之後, 佢就好冇引咁話: "咁算喇, 你唔嚟, 尤佢喇!"
收左線之後, 真係有小小興興地, 又係你想叫我同我老公一斉嚟, 我老公要番工唔嚟得, 我都冇辦法, 因為佢又未至於同我地 fd 到可以請假去飲佢嗰餐, 咁你話叫我自己嚟, 但係你係食buffet喎, 咁你叫我點樣抱住個囝一個人行嚟行去攞嘢食呀! 最離譜就係叫我將個囝比我唔識嘅人睇住!!!
唔好話我記愁, 滕滕滿左月之後, 佢上嚟我屋企食飯睇bb, 唔好話咩, 去人地屋企手信都冇, 你擺明去睇bb架啦, 尿片又唔買, 淨係帶梳焦上嚟, 仲要上到嚟, 帶埋個黑口黑面嘅女朋友上嚟(因為嗰時未結婚), 咁既然你地嘈交就一係就直頭唔好上, 一係就你自己一個人上嚟啦, 上到嚟就黑口黑面, 仲咩先得架! 我生左囝咁開心都係想同朋友 share 我嘅喜悅, 你地上到嚟就黑過鑊底, 咁想點呀!
原本一早已經買左嘢比佢兩個孖囝好耐, 而家你既然好似好唔alike 我去唔到食buffet, 咁即係d禮物唔使送啦?! 你都冇諗下我點可以一個人去食buffet, 我都係唔係可以唔使諗你呢???
到左4月14, 我就已經就嚟係呢間公司做左5年, 係呢5年裏面, 都係第一次, 亦希望係唯一嘅一次, 就係我老闆第一次同我發皮四! 佢雖然向我發皮四, 但係唔係鬧我, 而係話我嗰個同事+朋友!
上個再上個星期六(即係兩個星期前嘅星期六), 已經試過一次, 係有隻柜上唔到船, 因為海關玩嘢! 同埋呢隻柜已經因為改左船名嘅問題, 已經 delay左一個星期架喇! 所以上次老闆已經問, 點解我個同事+朋友唔直接打去廠, 直接同報關嗰個講有關事兒; 點解唔直接打上去大陸? 原因係佢冇申請長途! 所以佢打嚟比我, 同我講完之後, 叫我用公司手提打上去, 同佢地講! 當時老闆知道佢冇長途而叫我打上去, 已經反一反左眼, 因為唔係卦, 而家居然都仲有人冇申請長途??? 係! 真係有人係咁, 因為孤寒, 唔會打比佢係外地d朋友, 所以佢冇申請! 好啦, 攪一大爛餐, 終於攪掂左嗰隻柜! 不過, 好可惜, 上個星期六又嚟, 今次仲要係兩隻潻!
老闆一聽到, 又有兩隻又上唔到船, 跟住就開始興興地! 話點解我嗰個同事+朋友唔主動打電話上大陸問下究竟點, 成日等等等, 可唔可以主動d架, 打個長途要幾錢呀, 咁做嘢法咁得架! 直接d, 就係話叫先識去做, 唔叫就唔識做! 可唔可以醒目d架!!! 係最後, 老闆仲講左一句: 我最錯就係比你地星期六on-shift, 就算冇嘢做, 坐係到stand-by都好, 好過而家咁!
講真, 我從來都冇見過老闆咁架!!! 所以一出左佢房門口, 我就即刻打比個同事+朋友, 同佢講老闆炸型, 問點解之前係咁, 上個星期六又係咁, 個個星期六都係咁, 而且佢負責呢part嘢架嘛, 仲咩唔直接打比大陸, 下下都要搵我打上去! 因為本身報關嗰個都好攪笑, 有事就鐘意直接打比我嗰個同事+朋友, 唔鐘意就打比廠另外一個同事! 所以明明可以攪到, 都變左攪唔到! 所以其實我嗰個同事+朋友 & 呢個報關嘅同事, 跟本兩個都有問題!
我同個同事+朋友一講, 佢就即刻又死撐, 佢話佢有打, 仲叮囑嗰個報關同事, 有問題就即刻打比佢喎! 叮咩囑呀?! 我同佢講, 個問題係你冇打去跟進呀!!!
蝦! 你估都估唔到, 佢居然話: 既然佢咁講, 我都冇嘢好講!!!
第一, 你有打上去, 同佢講, 第一時間有問題, 就即刻打比你-----> ok, good!
不過, 你見佢地唔覆, 咁你可以打上去啦, 半個月前你唔知公司幫你登記左你手樹可以打 IDD, 但係星期六之後, 你知啦嘛, 咁你可以打啦, 但係點解你又唔打呢?! 你話你唔知佢地做嘢做成咁??? 你唔係嘛, 你40都嚟緊, 做嘢最少都做左起碼廿年, 係之前間公司你都要同大陸廠溝通架啦, 你唔好同我講你而家先知呀!!!
好喇, 而且出現左問題, 你居然同我講你覺得你自己冇問題, 仲好盡力! 唔係卦, 你好盡力??? 如果盡力, 你就唔會準時收工, 日日就遲番工啦, 比你出去放單, 早左成個鐘放早, 你都可以唔慚愧?! 話你唔啱, 你仲要話你冇嘢好講!
老闆都算係咁啦! 明知叫你出去放單係擺明比你早走, 你上次攪到我火滾, 係老闆叫我原諒你架! 你老豆死左, 老闆同你講, 成個星期你邊日有事辦, 就隨時晏番又或者早走都可以! 過年, 老闆買埋賀年禮品比我地去拜年, 你都好似有一份! 連係咩中秋、做冬、聖誕節、徐夕, 老闆成完 lunch之前冇耐, 都話做好晒嘢就可以早d走! 而家你做錯嘢, 就話老闆好咁話你?!
你冇嘢嘛!!!!!!!!!!!!!!!!!!!!!!!!!!!
如果唔係我將你係舊公司救左你出嚟, 你而家都賤過地底泥! 而家個老闆咁好, 你都咁講嘢, 夠薑嘅話, 你辭職啦, 唔好做囉! 嗱, 我比十萬個膽你, 你都唔敢呀! 唔好話我睇死你呀!!!
!!!
