AK47

上個星期六同滕滕去覆診, 係等緊睇dr嗰個moment, 有個亞媽帶個仔入診所, 而個仔就揸住支AK47入嚟(一把膠槍, 不過就有聲同埋有排膠子彈係到自轉(一路開槍就會自轉)), 雙死人眼對住個描準器開槍, 橫掃診所內所有人! 場面就好似睇戲咁.........

我唔明, 點解會有父母買呢D玩具比自己D仔女玩嘅??? 我好記得當日個小朋友個表情, 十足十D殺人犯咁, 目露兇光, 佢仲要開槍掃完D人一輪再開第二槍第三槍, 邊個小朋友行埋去佢到就對住邊個!

呢D小朋友, 好可能就係明日之犯~

正常嘅時候~

星期五晚, 老公番中班, 夜晚放工食完宵夜先番嚟, 咁見佢成日都唔夠瞓, 尋日就更係唔攪佢, 等佢瞓到飽晒自己起身啦!  尋晚番通宵, 今朝番嚟, 今日瞓到四點幾佢就起身喇!

呢兩日佢都冇OT, 所以都瞓到佢自己想起身先起身! 咁係呢兩日我發現佢個人夠瞓左, 係唔會好似平時咁郁D就發皮4! 而且十分之正常!

發現左呢個大發現之後, 我同左老公講佢呢兩日性情番番嚟, 唔會郁D就鬧人! 佢聽到就答我: 戇居!

舒服晒~

今日見得閑, 終於係個工人房到搬左個pc出嚟廳喇, 咁以後老公係到, 我都唔使睇見佢有得用電腦, 我就揸住個電話喇!!!

成個過程, 都係用左個幾兩個鐘到, 仲張個router 一次過跟埋出嚟, 煩就有d煩, 不過, 整好晒個人唔知點解舒服晒&安落晒囉! 再者有個同學提醒我去set一set個像素, 同埋, 聽日買埋條線出聲, 咁就大功告成喇!

不過, 用左電視睇左一陣, 對眼就好攰喇, d老花有又小小出左嚟喇, 尤其係唔夠光嗰時~

運吉!

個智能煲壞左, 之前我係yahoo拍賣網到睇下有冇d好似熙媽咁, 用左一次就唔用, 跟住就擺上網賣, 結果, 真係有喎!

有個女人, post左個primada上去, 話就話個保養去到2013年, 不過問佢有冇單時, 佢就答有, 不過唔會比, 因為佢同一時間賣幾樣嘢(同一張單), 咁佢就話如果比左我, 咁人地又要單整嘢, 咁佢就比唔到人地! 咁我就問佢, 如果到時我真係有嘢要整想要單時, 佢唔覆我, 咁我去邊到比單人地先???  真係唔想串佢囉, 不過, 係佢迫我!

佢個煲係舊款煲嚟, 賣八舊水! 因為我直接打過去primada到問, 佢地話copy 都可以架, 所以我留左個電話比個女人! 不過個女人唔覆我!

唔明d人係唔係賣嘢, 留左電話唔覆, 即係幾有誠意先???

搵到個朋友, 佢可以搵佢公司d sales 幫我買到呢個牌子嘅煲, 不過都係舊款, 但係, 可以平一舊水喎, 仲正, 即係$698有交易!

前日, 個女人係yahoo到覆我(佢死都唔打比我), 話最多平多50蚊比我, 即係$750喎!

睇見佢咁有誠意, 第一件事就更係多謝佢啦! 同埋, 再同佢講: 我已經買左個新架喇, 仲$800有找呀!

呢個女人, 都唔知係唔係路! 想賣嘢又唔check下個市價, 又話有單有保養, 但係又唔比單人地, 都唔知係唔係運吉架!

賤客一名!

呢個死人客, 真係賤到出水囉! 之前老闆想fight 抵d competitor, 所以見個仆街客唔覆, 就叫我降價比佢, 而個賤客就答我: 既然如你地係想做生意, 一早就好比個底價出嚟, 而家我同左第二個supplier confirm左喇, 嘛煩你下次早d, 唔好嘥時間!

好! 忍你個仆街! 所以打後三張單, 我地都係under cost 咁做比呢個仆街, 因為想拗單番嚟keep 住個production!

之後, 我地其中一個item 改左個模之後, 個價可以平過其他supplier, 而呢個仆街就好叉串咁問我, 究竟幾時同我地落單係可以跟佢要求嘅日期, 唔係佢跟我地production 嘅日期!

哈哈! 你呢個撚樣仲唔死! 我答佢, 因為我地呢個item 真係full capacity, 所以如果想有指定時間出貨, 咁或者你可以考慮下一次早d落單, 去hold個production! (因為個賤客成日都格價, 格完一大輪先嚟落單)

就係因為有個item改左模, d單簡直係痴左線, 因為另外有個客已經同我地排單排到去九月喇! 再者, 老闆想搶單, 所以乜叉佢都話應承左個客先, 所以咁就死啦, 因為呢個仆街其中有張單, 係5月頭出唔切比佢!

我已經去到而家先嚟send mail比佢話比佢知我地出唔切貨, 因為大陸開始停電, 點不知個賤客一收到個mail, 就即刻回覆番過嚟, 仲打長途過嚟"尋仇"!

呢個moment , 我更係當自己唔係公司啦, 不過佢都唔斷氣, 打左3次嚟! 而我3次都冇聽到!

final, 老闆張另一個客d貨比左先個仆街客先去窒住佢把死人口, 但係我都要諗個藉口去話點解而家又出到啦! 咁我就覆個賤客, 我地比左 undertable money, 所以就放電比我地開工喇! 點不知呢個賤客, 真係賤到冇人有囉, 佢覆我: Wow! Undertable money! J Do we need to compensate your costs?

吖! 咁多人死唔見佢死嘅??? 而家都攪掂左比佢啦, 仲要咁死串, 佢把口真係唔怕生嘢囉!!!

因為我係!

呢條友仔, 佢而家講d嘢真係有時吹佢唔脹囉!

有一晚食緊飯, 我叫佢......

我: 你好快d食飯喇!
滕滕: 仲咩叫我快d食飯啫~?!
我: 仲咩唔係食飯呀? 點解唔係快d食飯先?
滕滕: 因為我係季長滕囉(即係佢老豆)!

爆笑~

有個客, 佢大部份單都要出嚟hk夾柜, 裝DVDR, 次次佢都會要求我地裝貨, 最尾都要用兩塊卡板裝貨頂住D貨, 因為怕出嚟HK途中, 個柜仲有空位, D貨就係柜裏面撞到爛晒!

今次, 個客落呢張單, 唔需要嚟HK夾柜, 直接係深圳出, 成隻柜都裝卡板走!

馮小姐做左張生產單比我, 大把嘢漏就更架啦, 不過最攪笑就係, 我呢個柜成個柜都係卡板裝, 佢都仲要係個REMARKS到打: "請在最尾用兩個卡板頂住!"

一見到, 我就笑住問馮小姐: 你都知道呢個柜唔會出HK夾柜架啦! 你亦都知道呢個柜成個柜係要用卡板裝貨架啦! 請問, 你係個REMARKS到打"請要最尾用兩個卡板頂住!", 係頂邊個位頂邊到呢?

馮小姐答我, 佢都有諗過使唔使用卡板頂住, 不過佢話如果唔打, 一陣唔頂住, 怕D貨會跌喎!

 !!! 我真係忍唔住笑左出嚟囉, 我話: 你都同我上過廠, 你都知道點樣裝貨(用卡板), 就算係, 平時裝左貨廠都有SEND相過嚟, 咁我真係好想問下你,你話用兩塊卡板, 究竟係頂邊到, 邊到仲有位比你頂, 點頂法囉?! 係唔係要嚟頂住我個肺囉???

最多!

每一日, 滕滕講得最多就係:

點解唔比我睇嘅?

點解唔比我玩嘅?

點解唔比我飲嘅?

點解唔比我食嘅?

點解唔比我出去嘅?

點解我唔可以???

總之, 一唔比佢, 佢就問點解, 點解 & 點解? 而每次最少都要解釋完一次又再一次, 因為怕佢唔明, 所以要又再講!

p.s. 學我亞婆話齋, 一解左, 你就走啦!

開心的一晚!

今晚約左個大客食飯! 記得四年前第一次見面嘅時候, 大家都仲未有bb, 而家, 好開心, 一見到面就傾埋d仔女經喇!  平時同我contact 開, 就係左手邊嗰個喇, 而係我隔離就係佢家姐, 只會係亞妹放大假時先出現, 不過我同個客都一樣, 放假都會keep住check mail, 除左長假期啦~

今餐真係爽啦, 睇下隻鮑魚, 有差唔多成隻手咁大隻呀! 不過我個客, 只係食左一半咋, 當時, 我真係幾想同佢講: "不如我幫你食埋佢啦!" 碗翅同碗燕窩又係, 食剩一半, 好嘥呀!!!

因為個客叫我幫佢買iphone, 以老闆咁闊綽嚟講, 一買就買左3部送比佢地! 有時老闆講d嘢真係幾啱, 因為好後嚟買多部iphone, 如果唔係, 就唔夠回禮, 因為佢送左隻錶比我:



又買左支筆比老闆:

又買左盒玩具比滕滕:

其實, 好彩我都唔輸蝕, 因為我都買左個V-TECH嘅電腦比佢個女, 仲有幾盒茶葉禮品! 為起上嚟, 起碼唔係打平啦!

今晚餐飯都幾開心, 因為真係好難得有d咁好嘅客人! 

 

 

學我~???!!!

因為係手冊寫左D嘢問老師, 所以今日下午老師打比我覆番我滕滕呢排學校情況!

回覆情況OK, 冇早兩個星期咁, 真係比老師投訴佢超級曵! 老師話佢, 滕滕日日都要比佢先安落!

更係啦, 我而家日日都叫佢乖, 要聽老師話, 要聽姐姐話, 要做個乖寶寶! 講到自己都覺得個口嗅嗅地都仲要同佢講, 講, 講..........

老師仲話佢呢排講嘢好老積, 係學校, 佢成日都張個頭"HOME"埋去個同學到問 "XXX...., 好唔好呀?" 老師話聽到佢咁講嘢好想笑, 一方面係到諗滕滕係唔係學左佢講嘢, 定係學我講嘢!

其實唔使咁頭痕, 因為我番到屋企, 有時都仲係到做緊嘢/打上去廠, 而條友仔就會耐唔耐過嚟攪我, 咁我就會同佢講 "媽me而家做緊嘢, 一陣先同你玩, 好唔好呀?" 又或者我食緊飯佢又會過嚟攪我, 咁我又會同佢講 "媽me食緊飯, 一陣先同你玩, 好唔好呀?"

所以好明顯係-學我!

同老師講開, 有一樣嘢仲好笑, 就係星期日係屋企執衫換季, 我同滕滕講執完d衫先同佢去食tea, 過左陣, 滕滕入嚟見到好大堆衫係張床到就講: "咁多衫?! 唔係呀嘛!"

因為係臨瞓前, 我都會問下滕滕今日係學校食左d乜, 佢就會答我佢食左兩個/三個包包, 咁我聽到就會話: "咁多?! 唔係呀嘛!"

所以好明顯係-學我!

好叻咩?!

剛過左個星期日中午, 我問滕滕: 你想去邊到食嘢呀? 你想食麵麵? 飯飯? 定係麥當勞呢?
 
隻豬仔今次冇洒我, 好快就答左我食麥當勞喇, 咁我跟住就叫佢去痾V V 啦! 其實雖然道閘都比佢拆過, 裝番之後佢跟住無啦啦自己識得個橋門之後就自由進出, 但係就對我嚟講某程度上都幾好, 因為可以叫佢自己去痾, 唔使下下都要開比佢去, 縱使佢有時都會無啦啦係toilet 同埋個廚房行嚟行去, 鐘意就係我沖涼時開門問我係唔係係到涼緊涼, 但係明顯地佢係大個仔左, 可以自己攪掂喇!

滕滕去完痾v v 之後就好快行左嚟我面前, 我就好surprise 咁問佢, 你去左toilet 喇? 佢條友仔居然笑住咁答我: "幾鬼叻呀!"

 笑死我囉, 我問佢"真係好鬼叻咩?!"

鬼地方!

今朝去見客, 不過好快見完就好早番到油塘附近, 唔想番公司住, 因為公司個internet 有問題仲未上到網, 預備去食個早lunch之際, 就見到有間髮型屋!

之前已經覺得把頭髮好大把周身唔舒服架喇, 又唔想去電髮, 咁就求其搵間修修佢囉! 係間髮型屋門口我已經睇入去望下咩料, 見到門口又播d video, 講佢地好似有去做比賽, 又好似做d咩show咁, 我估應該ok, 咁就入左去!

洗完頭, 個五十幾歲染到好似亞Lo咁嘅髮型師就過嚟問我想點整喇! 我話想修修, 因為覺得好重, 但係又唔想剪得太短! 講完之後, 亞Lo髮型師就開始so quality喇!

佢一睇就話我把頭髮都電左幾耐下, 因為"塔塔地"! 佢問我係唔係過年前電喎! (我個心諗真係廢話!) 我答佢係過年前電, 不過唔會咁快又電, 因為半年到先電一次, 唔想傷髮! 佢可能見sale我電髮唔work, 就開始又問我把頭髮係唔係冇乜做黑, 因為好黑! 我答佢, 黑色好吖, 呢兩三年都興黑架! 同埋, 染左之後冇幾耐又要補染, 好煩! 佢聽到我咁講, 就話唔染成個頭都可以high light! high light??? 我話我好似廿幾歲興過之後就好似冇再興過喇喎! 講完, 亞lo髮型師居然同我講: "唔會架! 即係等同好似女人sexy一樣, 唔會話唔興架喎!"

佢一講完呢句之後, 我就好反感囉! 我只係第一次入去呢間髮型屋到剪頭髮, 第一次都唔使講埋d咁嘅嘢嘛! 如果唔係洗左個頭係到剪緊, 我會走囉!  佢一路再講, 又問我有冇睇尋晚金像獎, 我已經開始唔想答佢, 只係一味係咁睇本八婆雜誌, 中途又有兩個電話嚟, 講完我又即睇本雜誌, 但係我估唔到條友都仲係要講!

剛剪完, 其實我覺得佢係識剪頭髮呢方面係ok架, 不過把口就唔得囉! 剪完就開始整乾d頭髮喇, 我把係卷髮, 跟本就唔使用風筒吹架, 但係條友居然好似吹直髮咁幫我吹, 拉到去d頭髮一半就唔吹喇! 去到呢個位, 我冇出聲問佢點解咁攪, 因為我想睇下佢有咩花臣! 佢吹晒成個頭嘅頭髮一半之後, 原來! 原來! 原來佢想同我set 頭呀!!!

真係唔想話佢唔係痴撚線都唔得囉! 我嚟剪髮, 仲乜無啦啦同我set頭呀! 大佬, 我仲要番工架, 番到公司, 想嚇Q死人咩!!! 所以, 我見佢想同我卷起D髮嚟吹時, 我就即刻stop佢, 我話唔使set, 因為我要番工, 我唔想嚇襯人! 條友聽到, 佢都好婉轉咁話好啦, 下次先幫我吹靚d去街喎!

到臨走, 條友都仲要叫我考慮下下次整high light 喎! 因為葉德嫻都有整番兩三條係前面喎!

真lai嘢!!! 我今日咩事, 仲要入左間咁樣嘅鋪頭架!!!

星期日

今個星期我都冇同番老公講嘢, 因為洗禮單嘢我條氣都仲唔係好順, 咁既然佢成日番工都唔係屋企, 咁就早好不過, 起碼唔使成日見到佢係到上網, 因為我唔老嚟佢時, 仲見到佢上網, D火又嚟, 再者, 我同滕滕仲可以瞓得舒服D, 兩個人瞓晒張床!

今日星期日, 如果老公唔係番早班, 其實我都仲可以繼續唔睬佢, 不過佢四點幾番到嚟, 我想佢可以同個仔落公園一斉玩, 我都唔會叫滕滕問下佢一唔一斉去!

係滕滕曵嗰刻, 我發現老公佢變左! 佢冇再好似之前咁第一時間就鬧佢同話打去, 佢開始會去解釋比個仔聽! 見到佢咁, 我開始唔想再嬲佢, 縱使我仲係有小小唔老嚟佢!

唉~ 算啦! 我都想開開心心同滕滕一家去下街嘅, 所以去完公園, 番左屋企沖左涼就去左青衣城食飯喇!

其實, 我有時都幾衰, 係滕滕面前喊, 但係我真係忍唔住囉, 因為而家隻豬仔一聽到佢老豆大聲D嚟同我講嘢, 佢就即刻問我係唔係喊喇! 而家, 佢地真係開始大個喇!

夢想可能成真.........

滕滕由係我個肚嘅一刻開始, 我就個心諗"你雙眼, 唔該唔好似你老豆呀!"

不論當時佢係男or女仔, 我都諗住 "記住唔好似你老豆!"

不過, 好可惜, 越唔想, 就越似! 我當時只係個心諗, 已經唔講出口架啦, 但係你唔好咁啦!

呢幾日, 我發現滕滕雙眼突然會變左.........

遮住左邊先! 係唔係似我多左呢~ 不過, 一遮住右邊, 就即刻同老豆一樣!

今朝, 又有新突破!!! 因為變左咁...........

雖然唔係成日會double 雙, 但係, 我估遲d我可能真係會願望成真囉~

HAPPY FRIDAY!

 

尋日, 又收到份禮物喇!!! 真開心!

好開心張雪球去旅行都幾鬼有我心, 買左咁多手信番嚟送比我!



隻蛋, 尋晚第一時間食左喇, 溫泉蛋喎, 都唔知咩味! 蛋白就咸咸地, 但係個蛋黃好好味架!!!

仲有對耳環, 真係要搵日襯一襯佢先!

P.S. 真係有D想開你個真名! 不過就怕你介意!

安落晒~

尋日下午個agent打比我, 話收到入境處有信嚟叫個工人去見主任, 問我最快可以幾時比個工人去, 咁既然咁趕, 就更係今日一早去啦!

個工人好快就見完主任十點幾就打比我話可以走得喇! 真快! 番到嚟仲有封信話5月8日可以去攞visa喇!

唉! 終於攪掂晒喇, 機票今日又可以confirm埋, 又同左老闆講我又要請多幾多日假! 好囉~ 真係安落晒喇!

莫名其妙!

好朋友知道星期日洗禮一事, 佢專登今日過嚟搵我食lunch陪下我! 咁我當然好開心啦, 同埋, 佢知道我鐘意食黑朱古力, 佢又買左排氹我開心!

食lunch閑談中, 佢講到有幾個舊同學星期一一斉出左去食lunch, 其中一個F4 & F5係同班, 而呢個同學嗰時同我, 食lunch好朋友, 仲有另外一個好frd, 大家一斉玩架!

不過畢左業, 好多嘢都變晒, 因為呢個同學無啦啦信左基督教之後, 個人開始唔同左! 早十幾年之前已經覺得同佢講嘢, 唔可以講笑(以前我地仲改左佢個花名叫大笑), 而且仲有講咩佢都話: 你唔好咁啦!

而呢個大笑就同好朋友講我同滕滕洗禮一事! 因為佢好似好驚訝我係教徒嚟, 同埋質疑我洗禮嘅目的!

講完滕滕洗禮單嘢, 好朋友又講大笑呢個同學係見面中, 人人都比佢話, 因為出席食lunch都有幾個人, 呢個佢又話叫人地唔好咁, 嗰個又話人地唔可以咁, 跟住有d講自己老公點, 佢又開口話人地好講自己老公壞話, 總之人人講咩佢都話!

我同好朋友今日食lunch, 就真係係佢背後講佢喇, 因為一大班人識左咁耐出嚟見面, 更係吹下水, 你問下我, 我問下你, 各自各又講下自己嘢架啦, 咁當對方係好朋友先講d私人嘢架啫, 咁如果咁frd都講d官腔嘢, 我想問, 咁仲點算係好朋友呀???? 唔通佢d私人野留番嚟同基督講呀???

呢個大笑, 唔怪得佢話佢同佢老公從來都冇嗌過交啦, 而家我真係明喇, 因為佢話佢平時同佢老公都係係屋企改卷(兩個都係教書), 冇咩做, 咁冇咩做, 又唔講嘢, 又唔溝通, 唔怪得冇交嗌啦! 個人悶得咁緊要, 講襯樣樣嘢佢都話人地好咁樣講嘢! 我係佢老公, 都唔叉會同佢講笑啦, 仲點會有交嗌啫!

洗禮!

期待已久, 今日終於洗左禮喇!!!

感覺上, 好似有D從新開始嘅感覺!

     

今朝同老公嘈交, 因為我一早已經同左佢講滕滕今朝要去洗禮, 因為洗禮對我嚟講都幾大件事, 但係可能對佢嚟講, 跟本就唔係一件咩事嚟, 所以佢唔記得左, 仲BK左OT番通宵, 攪到今朝去唔到洗禮!

洗禮, 得個亞媽係到, 老豆冇左影, 感覺上等於單親冇咩分別! 所以我就同老公嘈起上嚟, 而且佢仲問我, 係唔係斷氣都仲要去!

我已經知道對眼喊到腫腫地之際, 就係趕住出門口嘅一刻, 我開左道鐵閘, 只不過係攞鞋出門口時, 滕滕就走去攪鐵閘邊有個窿(要嚟勾住個CLICK位個窿), 成塊皮介開左, 流晒血係到喊住叫我! 係呢一刻, 我同滕滕講, 叫佢乖D啦, 因為以後都唔會有人理我地兩個!

今日同滕滕洗完禮, 唔知點解, 好想同滕滕一斉番教會, 如果可以, 我希望可以同滕滕去望彌撒, 不過, 就有小小怕唔知滕滕會唔會係一個咁嚴肅嘅地方上攪攪震! 我同自己講, 我會去嘗試, 我會去努力!

姣婆守唔到寡!

講左成個月, 早兩日先CONFIRM晒D嘢, 今日決定BBQ!  原本就話去bbq, 講講下又話打麻雀, 但係又話亞SIR個太太會好悶, 咁結果就做左亞SIR覺得好悶嘅嘢!

好啦, 都BBQ緊啦, 亞SIR四點半有事要走先, 一走左, 又講開枱! 因為跟本就係姣婆守唔到寡! 結果爆冷去左我屋企開枱 !

我屋企副架撐, 真係搵死我, 因為已經10年冇搵過佢出嚟, 到最後, 都要問隔離周太借左塊麻雀板嚟一用囉!

我都執番身彩喇, 輸二百幾咋, 因為我成日都走雞, 又唔多留意人地做咩大茶飯! 另外嗰兩公婆total輸左成六舊水呀!

其實我唔想歧視!

睇完一個BLOGGER篇BLOG, 就好想打呢篇BLOG喇!

有次聽收音機講D老闆歧視D生左仔嘅女人, 因為話D老闆覺得有小朋友嘅女人, 會好煩, 成日要請假, 放工又要番屋企唔開得OT, 唔係咁樣就咁樣, 一時又話要早走, 總之呢D女人就麻煩啦!

其實我唔好認同, 因為我自己有滕滕, 我唔覺得我做嘢有D咩問題, 就算放左工/請左隻, 我唔係公司都一樣KEEP住睇E-MAIL! 有時諗, 我自己其實都係一個工作狂嚟! 去旅行都要帶埋個NB去!

話雖如此, 不過見到我公司個同事, 我就深深感受到一個有小朋友嘅女人, 係幾咁有問題!!!

1.佢生左之後, 應該識做嘅嘢, 大部份都唔識做唔識諗!

2.每事問! 個腦唔知點解唔識轉, 樣樣嘢都要走嚟問問問!

3.一D好簡單嘅常理, 例如大陸有公眾假期, 佢話佢唔知, 諗唔到廠會放假喎! (咁我想問, 點解HK紅假, 你就諗到自己放假呢???)

4.不停咁上BK網睇D媽媽吹水, 上淘寶買BB嘢!

佢呢D咁嘅人, 跟本就影衰晒我呢D人啦, 就算生左, 係唔係都唔應該工作表現咁差勁呢??? 唔通真係要人抄佢, 或者減佢工人先安落???  睇嚟, 呢D人真係唔見棺材唔流眼淚喇! 

攪掂, 真叻女~

原本今日約左舊同事食飯, 不過有人唔得, 所以就改期啦, 咁我就叫左兩老入嚟食飯喇!

影左呢張相, 幫老豆整左落個電話到做wall paper, 佢一見到, 就話可以show比d frd威下喎, 真係有d頂佢唔順!

見今日唔出街, 就去晒相, 整左d相同埋卦起d相架佢喇!

整好左, 都唔錯吖, 有時真係唔讚下自己都唔得!!!

X 廸士尼!

 

今日滿心歡喜, 因為約左熙媽一斉去廸廸尼~

約左熙媽兩點係欣澳等, 1點鬆D我地就已經到左東涌喇! 滕滕睇噴水睇到唔捨得走!

去到欣澳搭廸士尼線都未有落雨架!

點不知一落車, 就越落越大! 結果搭番車走囉~

唔好講滕滕, 我都幾失望架, 一心諗住同滕滕去玩嘛~  而滕滕, 如果唔係我話買車比佢, 佢都唔想走呀!

去番九龍, 就去左食嘢先, 不過一坐抵落D車出嚟玩, 就爭喇!!!

我都怕左佢地, 食晒就即刻去左冒險玩喇!

個心有D乸住乸住, 因為答應左老滕去廸廸尼玩又去唔到, 所以我要睇下D年票喇!

好耐唔一次!

今日, 係我第一日嘅攸長假期嘅開始, 而且又好難得老公今日唔OT陪我地! 食完LUNCH, 我地就去左市中心附近個公園玩喇!

真係天助我也, 因為我唔夠高同滕滕玩呢個運動, 所以我唔使陪走陪跑, 只係坐係到望住就得喇!

其實陪佢地玩都幾鬼攰, 玩左個幾鐘, 我地就好似玩左成DAY咁!

今晚老公身痕話要包雲吞食! 好, 咁我就為有好好地咁執下滕滕D冬天衫, 而老公, 就洒出佢嘅功夫, 用左兩個幾鐘去包好, 同埋煮好D雲吞比我同滕滕食! 因為我好久之前已經講明左, 我係呢一世都唔會識包雲吞架, 所以唔好妄想我會幫手包喇!!!

EASTER GIFT -II

今日, 收到好朋友嘅EASTER GIFT!  好開心!

排朱朱力原來好好味!

EASTER CAKE!

熙媽真係抵錫, 佢學完整CAKE, 就攞過嚟搵我食lunch, 送左個CAKE比滕滕~

唔係生日, 都有cake切, 你話滕滕幾開心呢~

熙媽真係好有心, 成日都會卦住我同滕滕, 真係有種被記住仲感覺, 好開心識到佢呢!!!

My favour 耳環~

膠耳環~

My favour 耳環~

勾耳環~