感覺上, 好似有D從新開始嘅感覺!
今朝同老公嘈交, 因為我一早已經同左佢講滕滕今朝要去洗禮, 因為洗禮對我嚟講都幾大件事, 但係可能對佢嚟講, 跟本就唔係一件咩事嚟, 所以佢唔記得左, 仲BK左OT番通宵, 攪到今朝去唔到洗禮!
洗禮, 得個亞媽係到, 老豆冇左影, 感覺上等於單親冇咩分別! 所以我就同老公嘈起上嚟, 而且佢仲問我, 係唔係斷氣都仲要去!
我已經知道對眼喊到腫腫地之際, 就係趕住出門口嘅一刻, 我開左道鐵閘, 只不過係攞鞋出門口時, 滕滕就走去攪鐵閘邊有個窿(要嚟勾住個CLICK位個窿), 成塊皮介開左, 流晒血係到喊住叫我! 係呢一刻, 我同滕滕講, 叫佢乖D啦, 因為以後都唔會有人理我地兩個!
今日同滕滕洗完禮, 唔知點解, 好想同滕滕一斉番教會, 如果可以, 我希望可以同滕滕去望彌撒, 不過, 就有小小怕唔知滕滕會唔會係一個咁嚴肅嘅地方上攪攪震! 我同自己講, 我會去嘗試, 我會去努力!
唔好咁唔開心。我諗你老公吾明白洗礼對你有幾重要姐。吾係有心 hurt 你。其他日子佢都有抽时間陪你地。緊張你地既！！
回覆刪除[版主回覆04/11/2012 23:42:36]講真, 我真係覺得洗禮差唔多等同結婚咁济架! 同埋, 我已經再三叮囑佢, 但係佢都仲要冇心肝我先唔老嚟咋!
佢成日咁樣OT，唔夠瞓，脾氣自然差了，你就再一次大方啲寬恕他吧!
回覆刪除[版主回覆04/12/2012 23:12:04]我明佢地唔想我嬲我老公, 不過我好唔開心, 係佢地唔知內情, 就話係我唔啱囉, 我明白佢地因為同我好FRD佢地先咁樣同我講, 不過佢地咁講, 我好委屈囉~
[林林回覆04/12/2012 09:49:58]佢地都係想息事寧人啫
[版主回覆04/11/2012 23:46:28]你地都唔知, d同學一個二個都話我唔啱, 唔應該嬲佢同埋同佢嘈, 但係有苦自己知, 我好委屈, 因為有d嘢, 我唔想打開晒個肚皮同佢地講, 所以我真係覺得我好委屈咁比佢地話我! 我已經開到口話唔想再同佢講呢個話題(話我老公唔嚟), 但係佢地仲不斷咁話我唔啱!
[Chris回覆04/11/2012 15:51:16]係呀... 雖然好難做到. 但如果可以咁樣唸. 自己開心d, 對方都唔會覺得我地煩 ^@^
男人係咁老粗架啦!粗心大意!好多時講了幾十次都係唔記得!
回覆刪除你老氣都無用架啦!咁咪只會多幾條紋,不過你可能仲未有,你皮光肉滑,我自從無孖B之後,就留有好多雀斑,都知點搞好!
[版主回覆04/16/2012 14:41:04]我皮光肉滑??? 我而家睇落去都有三十幾啦, 如果真係咁滑, 我想睇落去似廿幾囉