而家發皮四、唔LIKE 個樣, 就係咁架喇~
仲咩呀, 你嬲我呀????????
2010年7月30日 星期五
Good news & Bad news
尋日收到個好消息, 就係一個話唔想結婚嘅好朋友, 佢同我講佢10月結婚! 佢答我點解會結婚, 係因為佢覺得佢女朋友會係一個好老婆, 所以先至結婚! 好囉~終於都成家立室喇!
今日放工, 收到個壞消息, 係一個識左好耐同好FD嘅舊同事患左肝癌! 佢舊年先結婚架咋, 早嗰兩個月佢先同我講如果生BB, 都唔知點樣安排! 更可惜就係佢呢兩三年已經從良, 冇出去玩, 因為佢想搵個好女人做老婆! 好啦, 已經比佢搵到喇, 舊年仲結埋婚, 但係而家就出現左個壞消息!
本身我呢幾日已經心情唔係咁好, 今日仲要收到埋呢個唔開心嘅事!
Oh my god!
2010年7月29日 星期四
2010年7月28日 星期三
你又想氹我呀?
今日同馮小姐講開請工人, 因為佢話佢要請工人, 一嚟湊bb啦, 二嚟佢老公個女會搬番嚟住, 所以請個工人就可以一舉幾得!
佢11月尾預產期, 所以我提醒佢都係時候要開始睇下, 因為如果搵d未係hk做過, 咁預早3/4個月就差唔多喇! 不過佢話房屋處調遷嗰到要成12先有, 請左個工人番嚟唔知瞓邊喎~ 所以我提議佢搵d agent 有宿舍嘅, 咁咪可以解決到囉! 佢一聽到話去宿舍瞓, 就問我使唔使比錢架? 我真係忍唔住話佢忽忽地, 唔使比錢? 邊個請你呀?????
跟住佢知道要比錢, 佢就即刻縮沙話唔想比多幾舊水一個月喎! 唔想串佢都唔得啦! 我同佢講, 你有錢去私家開刀, 都唔爭再幾舊水啦!
到完飯之後, 佢上網睇 d 揹帶, 佢見到chicco 係yahoo拍賣賣百幾蚊, 就問我呢隻好唔好用! 我答佢chicco d quality 好"鞋", 唔舒服, 而且唔啱初生用! 係呢個moment, 我諗你地都會估到佢又係到套我!
佢問我邊隻好, 我答佢我唔知喎, 因為我只係用過combi &大陸嗰d布嘅, 其他一既我都唔知! 跟住佢就順理成章問我幾多錢喇! 佢知道d價錢後, 佢就"嘩"左一聲, 跟住我又講同一句嘢: "不嬲都同你講好多嘢要買架啦, 仲有喎, 唔係咁搵錢, 咁幾時搵呀?!"
我今次冇同佢講我有揹帶可以借比佢, 因為我有時都仲會用, 不過佢呢次, 我就真係又覺得佢好似上次咁又係到氹我囉~
2010年7月27日 星期二
2010年7月26日 星期一
望到岸喇~
要買嘅嘢, 點解好似買極都未買完嘅??? 滕滕出左世, 點解d嘢換極都好似仲要換嘅???
上個星期六同老公去睇過d餐枱, 都已經想買, 不過老公問仲使唔使再睇下喎! 仲睇? 唔係呀化? 幾難得可以等到佢得閑去睇下d傢俬呀?! 本身張餐枱冇乜事架, 但係因為怕滕滕"禁"住張玻璃反, 所以先換, 如果係咁再睇嚟睇去, 咁即係又要等呀? 我怕真係反左, 打爛左整到個仔嗰時後悔都冇用呀, 所以我今日就去左買喇!
原本星期六都睇埋sofa, 但係嗰到d款唔鐘意, 不過今次係觀塘呢間分店, 我發現左一張我鐘意架! 打比老公, 佢做緊嘢冇覆, 等左一陣, 我就決定買埋佢! 我都係第一次冇等老公confirm 就買左喇, 幾大膽呀!!!
希望快d送嚟啦, 因為張玻璃枱, 我日日都提心吊膽, 而張sofa, 我日日都唔開胃!!!!
2010年7月25日 星期日
可唔可以唔睇醫生?
尋晚12點幾sent左個sms比老公, 同佢講我好唔開心! 過左一陣佢打番嚟問仲咩事唔開心, 咁我咪同佢講我覺得好孤單、好孤獨囉, 成日都好似得自己一個人咁, 同埋成排成日都好不安, 更係好似覺得佢好似唔係番工咁!
佢聽完, 就笑住嚟問我係唔係痴左線, 仲咩咁樣諗!
而家老公成日都OT, 我都明白佢番嚟都已經好攰, 我又明白佢想搵多D錢, 而我又知道佢真係番工, 唔係去左玩, 但係我都唔知點解個惱成日都諗左D唔好嘅嘢!
老公打嚟同我傾左一陣, 之後心情就好似冇乜嘢喇, 但係都唔知點解瞓唔番!
我又諗番起, 自己尋晚喊到咁都唔知為乜, 未上樓就已經喊左出嚟喇, 見到滕滕又喊, 滕滕飲奶又喊, 仲要越喊越慘, 滕滕望住我都唔敢郁, 因為佢唔知我仲乜(喊到咁淒涼)!
失落............
唔知係唔係公老成日都卦住OT, 所以我開始越嚟越落得佢冷漠左我!
我今晚好唔開心, 唔知點解佢做每一樣嘢, 我都開始懷疑佢.................
其實佢之前都係咁, 但係唔知點解而家先開始覺得佢冷漠左我, 唔通我得閑過頭?
老公都話我呢排唔知仲乜, 疑心好大! 其實我都唔知點解, 而且我都覺得自己好似有D問題!
原本一D好平常嘅嘢, 例如如果佢加班OT, 加班OT放左工之後都只係得6個鐘頭相隔跟住嗰一班, 咁佢有時都會係公司瞓唔番嚟, 以前我唔會覺得係D咩, 但係而家唔知點解會諗佢會唔會厄我去左玩, 又或者諗佢唔知去左邊...........
我知道老公成日OT, 都係想搵多D錢, 而且我知道佢其實好辛苦, 因為自從轉左嚟呢到之後, 成日都唔夠瞓, 個人越嚟越殘! 見到佢一番嚟冇耐, 就已經攰到嘔, 係呢個moment, 我又覺得自己好衰, 咁樣去懷疑佢!
我明白已經12年, 當然唔會好似人地新婚咁啦, 但係我想老公關心多d我囉, 不過佢攰到咁, 唔通仲要理埋我d咁嘅嘢咩? ............
我control唔到我個惱, 因為唔知點解往往都成日諗埋d唔好嘅嘢................
今晚, 我好 sad, 喊左好多次, 但係又唔敢比老公知, 因為佢一定話我唔知痴咩線!
我個心寧好寂寞 好孤獨........................
2010年7月24日 星期六
2010年7月23日 星期五
唔好再比我見到你!
尋日朝番工, 見唔到條仆街! 可能佢以為我影到佢, 所以唔知係唔係避開我!
如果係就好喇, 因為我都唔係好想見到佢!
不過其實我都有D驚, 因為條仆街D眼神唔係咸濕佬咁簡單! 如果佢只係望住我個胸, 我都唔使驚佢, 因為呢D情況, 我會遮住個胸之餘仲會啤行佢, 有時仲會問佢望乜7嘢! 但係呢個PK D 眼神好變態, 有D三白眼嗰種, 望得嚟好淫邪, 所以我怕佢係變態狂嗰隻!
所以今朝番工, 我揸住成"秋"鎖匙係手, 如果有咩衣郁我就成"秋"鎖匙作落去! 好彩, 最後今日都見唔到佢!!!
因為放暑假, 所以我行嗰條路少左人, 就好似今日咁, 係我前面都係得兩三個, 而我後面就冇人喇, 所以呢個暑假, 行過都係揸住鎖匙係手好D!!!
2010年7月22日 星期四
2010年7月21日 星期三
唔知有冇蝕到!
朝早番工, 我都會過去隔離村搭車, 因為早一個站, 通常都有位坐!
如事者都係經過一橦樓, 過左橦樓就上去商場, 過左個商場就先到巴士站! 不過, 係坐樓樓下見到一個男人係咁釘住我! 平時, 呢個男人都已經有眼望望, 不過今日直頭冇眨過眼!
我今日著左條 legging褲, 一條長身衫, 唔係好窄, 又唔係好闊, 條衫長到包住個pat, 唔係低胸! 咁著, 我覺得一d 問題都冇, 又冇引人犯罪!
呢個男人係迎面而來, 當佢行過我側邊, 佢一眼都冇眨咁望住我(係成個身), 而我就當然望番佢, 亦都係一眼都冇眨咁望番佢! 因為佢視線冇離開過我, 所以佢行過我之後, 我就轉頭再望多一次! 就係一望轉頭, 原來佢已經舉起左個電話出嚟影我! 我唔知佢有冇影到, 但係我見到佢望到我之後, 佢就即刻收埋個電話落個褲袋到, 企左係到望第二邊, 扮冇嘢!
我當時就即刻轉身, 面對住佢, 望左佢成1分鐘, 佢見到我咁, 佢就開始走! 而嗰一刻, 我打比老公, 不過當打通左之後, 我就即刻cut左佢, 因為我當時想即刻睇下影唔影到條仆街個樣! 可惜, 係影唔到! 不過, 好彩就係佢知我影佢!
我當時真係好想問佢影乜, 不過我怕佢捉住我, 同街d人講我係佢邊個, 係到扮識! 所以最終我都冇出聲, 只係啤行佢!!!
唔知聽日番工會唔會又見到佢, 如果見到, 我就會影抵佢個死人樣!
2010年7月20日 星期二
我唔想再小你喇!
上個星期六放半日番到屋企, 個工人已經不停咁講電話, 到左6點幾, 我忍唔住入廚房話個工人講電話未停過, 一個接一個! 個工人居然答我, 都唔係同一個人嚟!
唔使講, 當然我把火又起啦, 我咪即刻小佢囉, 我理得你電話嗰個係乜水, 亞豬亞狗我都唔理你, 但係我番左嚟幾個鐘就不停咁講, 嘩~ 我番左工, 咪不停咁煲?! 如果要講, 唔該你休息時間就講飽佢, 你講到天光唔瞓我都唔理你, 但係唔可以做緊嘢就咁樣!
好啦, 以為話完就好d啦, 樹不知尋日又係咁, 佢play d DVD 比滕滕睇, 因為佢燙初, 咁ok, 我明白燙衫危險, 如果滕滕過嚟攪住就唔得掂, 所以我就尤佢! 不過我見隻碟再play第二次之後, 佢就入左廚房! 起初我以為佢係廚房有嘢做, 不過當第二次都play完, 滕滕就係張high chair到好唔耐煩, 要走喇! 但係再過左成2/3分鐘, 滕滕又叫又嘈, 佢都冇出現, 咁我就開大左公司個喇叭聽, 原來佢又係廚房講電話!
二話不說就打電話番屋企話個工人啦, 佢居然話佢冇講電話喎! 哼~ 今次唔想我小佢都唔得喇! 我問佢, 如果佢唔係講緊電話, 咁佢係唔係同鬼講緊嘢! 明明聽到佢係到講嘢都仲要講大話?!!!
尋晚番到去, 我問個工人使唔使係個廚房都裝番個cam睇住佢, 佢攪笑到答我"是但啦, 你鐘意!"
我已經再一次同左佢講, 我請佢番嚟係要佢同我照顧bb & 屋企, 唔係請佢番嚟煲粥! 所以我以後都唔想見到係到講電話!!!
2010年7月19日 星期一
2010年7月18日 星期日
你嗰d 呀~
上個星期去惠康買左飲嘢番嚟, 有豆漿、鈣思寶、維他奶、葡萄適 & 汽水! 而呢d嘢飲, 係for 公司個個人飲!
朝早買, 下午已經送左嚟, 不過心情不佳, 到左今日都唔想理佢! 但係今朝個會計忍唔住就問我另外一個同事: "你嗰d汽水想點放架?" 我嗰個同事就當然覺得攪笑啦, 因為個會計好註明係"你嗰d"!
個會計就成日係個電話到同佢d朋友講, 食d乜會長命d, 唔好食咁多肉, 因為會死快d, 所以佢咁怕死, 汽水佢就一定唔會飲, 同埋, 我同另外一個都唔會成日飲汽水, 所以我每次去shopping 都係以豆類同奶類為主, 而汽水 & 葡萄適係要嚟standby 老闆d 朋友!
所以我一聽到咩"你嗰d", 我就已經覺得好攪笑! 如果佢問我, 我真係好想問佢: "乜d豆漿你唔飲咩?!"
幾箱嘢飲放左係到幾日, 冇人郁過! 當然放左幾箱飲品係到, 又唔係阻路, 其實就冇咩所謂, 因為d嘢已經係晒廚房, 唔執唔理唔緊要, 因為唔係趕, 但係唔好專登走過嚟話: "你嗰d汽水想點放?!" 咁即係咩意思? 係唔係話d嘢飲放係到阻住你? 定係放左係到, 你睇唔順眼? 定係你買左/book左嗰個廚房位? 仲有, 如果佢唔飲問都唔出奇, 但係豆漿、鈣思寶、維他奶佢朝朝都有飲, 咁點解佢要話係你嗰d??????????????
2010年7月17日 星期六
我幾時變左做天真嬌架!!!
尋日食lunch, 馮小姐問我, 話見到我有個c 字形嘅cushion以前要嚟托住滕滕, 見佢瞓係上面, 問我呢個cushion 係咩嚟!
(嗱, 去到呢個位, 家姐已經話我又死蠢!!!) 跟住我就答馮小姐嗰個cushion 係要嚟餵奶架, 佢當然係嗰個moment 繼續話唔知啦!!! 講講下, 我又比佢氹左啦 
家姐話佢有出去睇d bb 嘢, 有乜理由佢唔知嗰個cushion 係for 咩用架! 所以跟本呢次又係一個局!
到左今朝, 亞媽話courier 個亞姐成日都攞住 pampers 尿片samples 去比客, 話唔知填左d 咩, 咁買尿片就有discount, 問我馮小姐有冇同我講! 一聽到, 我又火到嚟, 因為佢一d都冇同我講過! 因為我覺得佢真係好自私囉!!!
其實我唔係咁蠢啫, 只不過我當佢係我朋友, 我對佢先冇介心, 但係我又估唔到佢又再一次當我係亞嬌! 係囉, 家姐都講得啱, 唔好似為人地係結婚嗰到放左我地兩張相就咁開心先得架, 你估人地真係當你係fd 咩!!!
2010年7月16日 星期五
好期待!
尋日都有開心事發生架!
就係我係美國有個朋友有左bb, 而家已經20週喇! 不過我就咋佢型, 話佢咁耐先講我知囉! 佢解釋就係想個bb定d先講出嚟!
呢個朋友, 又係好有緣架, 因為佢係我大細佬個中學同學嚟! (都唔知點解, 我自己d中學同學就做唔到朋友, d 細佬嘅同學就可以fd到而家!!! 真係諷刺!!!) 原本佢見到我嗰時都係對我唔順超, 因為佢話我個樣好黑人憎, 所以當時佢係唔想又或者跟本冇諗過咁多年之後都會係 fd!
不過我都唔係好記得點解大家會一斉左, 可能呢d 就係緣份喇! 幸好, 我好多好朋友都好關心我, 而呢個都唔例外! 雖然大家相隔咁遠水路, 但係開心&唔開心, 大家都有搵大家去傾訴! 所以我覺得呢d先係真正好朋友! 因為朋友係要互相關心, 並唔係不聞不問!
唔知個bb出世係咩樣呢, 好期待!!! 因為佢老公係西人, 如果係女仔似媽咪(通常都係啦), 咁又有小小似daddy, 咁女仔就會好索! 如果bb係男仔, 咁就仲好, 因為大部份男仔都係似daddy架, bb大部份似daddy, 又有小小似媽咪, 咁仔嚟講就會引死女喇!!!
好緊張, 佢話預產期係12月1!
大吉
今日真係不宜外出!
個nb兩日都唔著, 用濕電唔得, 淨係用乾電都唔得, 所以今朝早番左公司就去左九龍灣整機!
CS 嗰個人話一過天橋嗰橦大廈就係架喇, 所以我落天橋就見到過左對面馬路寫住"其士商業大廈", 所以我就唔理3721就入左去, 不過一上到7樓好似有D唔妥, 因為CS嗰個哥仔話全層, 但係呢到就有分單位, 所以攞番張紙出嚟問一問樓下個實焦, 佢就同我講呢到唔係"其士工程XXX大廈"! 頂~ "其士工程"又唔同"其士商業"! 嘩, 唔成2/3橦橦都係"其士"開頭架嘛!!!
最攪笑就係上到去用佢個火牛著機就OK喎, 跟住佢話應該係我個火牛有事, 所以又試一試我個火牛啦, 頂~ 又著喎! 唔係呀化, 係屋企兩日都唔著, 嚟到就著左!!! 個哥仔問我會唔會係我插嗰個推牌有事, 但係我頭先番到嚟都冇事喎! 玩嘢咩!
咁既然冇事就最好啦! 所以見咁早, 不如去埋宜家家俬打個轉啦, 因為我都想買cushion! 不過, 入到去商場問個女仔宜家係幾多樓, 佢同我講宜家搬左去 mega box 喎!
咁點呀???!!! 係唔係叫我今日唔好出街呀???!!! 成朝就運左個大吉!!!
2010年7月14日 星期三
玩嘢咩~
尋日個工人成下午 4 點幾就同滕滕瞓覺, 攪到佢尋晚食完奶鬼打都冇咁精神!
人地話敵不動, 我不動, 而滕滕就我不動, 佢不動, 我一動, 佢即動!
因為個床欄我用張被仔遮住左, 開門有光都唔覺, 所以當我想靜雞雞咁出房之際, 我聽到滕滕好似郁一郁, 我就踎底左等張被仔遮住我! 唔好似為咁樣我可以過骨, 因為當我踎底左之後, 滕滕原來已經企左係到望住我, 同埋佢見到我望住佢嗰時, 佢"吖吖"兩聲, 就好似問我: 你去邊呀?!
跟住之後, 每當我係我自己張床到郁一郁, 佢就望我一望, 驚死我出房咁! 所以最終我頂佢唔住, 我抱左佢係我側邊瞓, 唔使5分鐘, 佢就已經瞓到隻豬咁喇~!
玩嘢咩! 真係玩嘢囉! 所以我今日同左個工人講, 下次如果佢咁晏都仲同滕滕瞓, 咁夜晚滕滕唔瞓, 就去搵佢喇!
今日下午講完, 頭先餵完奶, 滕滕唔使15分鐘就已經瞓左喇!
2010年7月13日 星期二
你仲咩成日試探我嘅底線呀?
呢條滕滕, 成日都"莊"我!
今日滕滕已經16個月喇, 自從 1 歲開始, 我就發現佢地有無窮(曵)嘅潛能!
好似佢爬上sofa 側邊個矮柜到, 佢就望一望我, 睇見我見唔見到佢先跳落嚟!
又好似佢用手打姐姐塊面一下, 跟住比我打佢手仔之後, 佢又望一望我, 見我唔係望住佢, 佢又打多一下!
就爬梯咁, 我同佢入房, 佢唔比我出去, 跟住就企係梯前面同我講一大堆bb話, 好似意味住睇下我比唔比佢爬梯咁! 佢就精啦, 冇係我面前爬, 一d 動作都冇, 但係就好似stand by 咁, 可以隨時上得去!
呢而家仲衰到對住個工人就扭計, 個工人用hand free 打比我, 我鬧住問佢仲咩曵曵之後, 成day 都冇再曵喇!
老豆早嗰兩個幾月都已經講, 話我未番到屋企, 佢就寧舍曵, 但係我放工番到, 佢就乖d喇! 起初我都唔覺架, 以為佢地仍住啫, 但係而家個工人一頂滕滕唔順, 就打嚟比我喇! 最攪笑就係, 我鬧完佢之後, 呢條滕滕真係收儉左嘛!
老公話我成日都打滕滕隻手仔, 但係如果唔打一兩下, 佢下次好快又再嚟過! 所以唔好話佢地唔知、唔識, 其實佢地真係乜都知!
冇嘢講, 亦都唔想講!
星期日見番d中學同學, 唔好以為會好開心, 因為我冇乜中學同學係有keep contact, 小學同學就有!
其實對住d中學同學, 一 d 好感都冇! 因為我中學過得唔開心! 自從由中一開始比人點錯相, 個個同學以為我走去同亞sir 報串嗰個之後, 基本上成班同學都只係得一兩個冇排斥我, 而其他一概同學都冇同我講嘢! 我唔知點解我係嗰時冇諗過轉校, 可能呢d就係我嘅能耐! 我好忍得, 就算冇人同我講嘢、溝通, 我都可以自己一個人, 所以我有朋友請我飲, 如果我唔識其他人, 我都會去!
我唔係好想見番d舊同學, 因為以前冇溝通, 所以而家都冇! 我記得我中一比人排斥嗰時, d repeater 係課室掟粉擦, 個粉擦掟到我隻眼嗰一刻, 係冇一個同學會企出嚟, 既然嗰時唔會係朋友, 而家都唔會係!
直至到中四, 文科理科, 調晒班之後, 我先識到我而家呢個同學! 好彩, 都有兩個keep到而家! 呢兩個亦都係唯一兩個, 多都冇! 不過就係因為調班, 所以我係嗰時識到另外一個同學, 大家玩得好開心, 就係因為玩得好開心, 所以嗰時就成日卦住玩, 連書都唔讀! 係唔係作死呢, 中四已經開始要係緊張時候啦, 居然嗰時就開始唔讀書!!! 呢個同學而家冇聯絡, 因為佢好奇怪, 佢隱蔽左, 我試過搵佢, 不過佢話打錯, 以前fd 得咁緊要, 唔通佢把聲我都認錯咩, 所以最後我都係對佢: 算把啦! 此情不再! 所以星期日嗰日雖然見番面, 但係眼神交流都冇一個, 因為我已經覺得唔再重要!
我份人就係咁, 朋友就係朋友, 好朋友就係好朋友, 我會好緊張我嘅好朋友, 我會為佢做我所做到嘅, 但係如果唔再係, 我亦都唔會再理會!
不過, 就係可能因為我太在意我認為嘅好朋友, 所以有時我會好care 佢地所對我嘅一斉!
2010年7月12日 星期一
忙碌的 TWO DAYS!
星期六唔使番工, 不過都唔係好得閑, 因為下午一點幾我就要去買小小餸, 因為要煲一煲湯預備聽日接新娘玩遊戲!
買完餸都已經3點幾, 又要準備6點鐘出發去同學屋企, 睇佢夜晚上頭! 好彩老公去左同事到食飯, 所以食完飯就過嚟接我, 如果唔係都係幾嘢, 因為同番工條路都差無幾, 因為藍田--> 屯門!
番工都冇咁早, 星期日8點未夠就去到喇! 嘩~ 乜又係我遲呀? 體諒下啦, 遠吖嘛! 不過好彩同學仔冇咋型! 今日我嘅角色係姊妹, 又係拍攝人(係唔專業嗰隻)!
d姊妹今次都幾好, 雖然唔識, 但係都識做, 因為大家都係一條心幫同一個人, 冇話計計較較, 唯一唔識做嗰個係一個肥妹, 成日係新娘房都唔知仲乜, 所以我頂佢唔順, 叫左佢出去行行企企, 睇下出面有d咩幫到手!
d兄弟都ok, 好合拍, 又合作, 話頭醒尾, 要佢做都做到晒, 唔使佢地做, 都問埋使唔使做!
我本身安排左老公6點幾同滕滕 & 工人出嚟, 跟住叫個工人食嘢, 而我地就同對新人影下相, 等個工人食完嘢就抱番滕滕番屋企! 因為我之前問左個工人想唔想係到食埋, 不過食埋就要成點鐘先番屋企, 我見佢唔答我, 咁就費事太晚先比佢瞓喇, 因為佢第二日都要湊滕滕架嘛, 所以就要佢同滕滕走先囉!
不過, 反眼時候就嚟喇, 因為我已經問個工人, 明知出一出嚟仲咩要攞個咁大嘅湊仔袋, 所以就叫左個工人放底走喇, 不過, 個工人番到屋企樓下打比老公, 佢話冇攞key喎, 條key係個湊仔袋到! 頂~ 有冇攪錯呀!!! 冇計啦, 老公就唯有走囉!
尋日真係好彩d姊妹有料到咋, 唔使12點就攪掂好喇, 唔會好似上次咁, 呢個又話走, 嗰個又話走! 同埋, 好彩老公出番嚟接我, 所以12點半就已經番到屋企喇!
真係攰到死咁济!
不過, 我睇番d相, 點解.............
我覺得我好似一個珠圓玉潤嘅一個亞太咁!
2010年7月9日 星期五
2010年7月8日 星期四
Good Planner
好耐都未試過咁夜番嚟, 因為今晚同個同學食飯, 要finalize 晒d 嘢, 預備星期日嘅作戰!
今次冇上一次有成5張紙咁嚇人, 今次只有兩張, 好好多喇! 因為我上一次見到有5張紙, 跟住嗰晚就瞓唔著喇, 因為我同學比左個post 我, 係要我做統籌架, 所以你有壓力, 我有壓力!
我都冇同我同學講過我之前做姊妹嗰單嘢, 佢上次就已經出左 5 紙紙嘅rundown 出嚟! 一睇, 我就第一時間就覺得: 真係唔同d! 因為我今次做姊妹, 同上一次都係一樣, 其他人我都係唔識, 而我同學張rundown就列出晒邊個要做咩, 邊個就負責咩, 而且咩時間做咩, 邊個同邊個要夾, 張rundown一目了然! 因為當d姊妹唔係fd底嗰時, 跟本就唔會有人企出嚟帶頭, 因為個個都唔想比人話佢扮晒嘢、懶醒, 所以就會出現上次嘅情況 -- 冇人安排, 冇人指揮! 最後就攪到冇人做嘢! 雖然5張紙真係好嚇人下, 但係我好buy我同學咁有安排! 同埋, 最緊要就係佢識得搵兩個人(嗰個人就係我啦 , 因為佢最睇得起我呀 )出嚟, 一個男, 一個女去負責統籌, 去follow up晒成個流程!
上次我已經問過我同學, 呢5張紙, 究竟係邊個咁痴線, (通常呢d 嘢都係女嗰個啦), 係佢定係佢男朋友整, 佢答我, 係佢地兩個一斉整架! 嘩~ 我當時"叮"左一下, 因為我冇諗過男人會做埋d咁嘅嘢!
而今次再出嚟多一次, 又足以比我覺得, 我同學真係搵到一個好好老公! 因為佢男朋友真係好細心, 每個細節, 每個步驟, 都好有安排! 比著係我老公, 佢唔走嚟煩我、問我, 我都已經偷笑~
今晚食完飯, 我feel到我好羨慕我同學, 因為我相信佢老公係一個 good planner, 對以後、對將來, 佢地一定存會有個美好家庭!
2010年7月7日 星期三
咁就做左12年亞4
今日係拍拖12週年, 不知不覺, 原來已經比人厄左番嚟, 做左12年亞4!
真係做亞4架!!! 因為老公識左我之後, 就開始唔做家務喇! 叫佢換床單, 佢居然答我佢唔識喎~ 唔係呀化! 你未識我嗰時, 請問係唔係張床單自己同自己換架????
我地今晚撇左滕滕, 兩個二人世界, 所以食嘢食得好爽!
呢間餐廳我地耐唔耐就嚟食嘢, 因為貪佢夠偏僻, 又唔使等位, 所以以前某d節日, 我地都會嚟呢到! (諗諗下舊年都好似係呢到)
呢到d 生蠔好正, 我個玻璃肚食左都冇事, 所以又可以食喇! 原本我地諗住叫扒食, 不過好彩冇叫, 因為想試下新嘢, 不過唔好講主菜, 只係個湯都已經好唔掂, 差左好多!!! 所以主菜就唔使講, 簡直係不知所謂!!! 除左蠔係可以食得下, 其他一既都已經唔同以前, 所以我地 bad list左佢, 以後都唔會再嚟!
食完飯番到去都係九點幾, 我又可以趕到番去餵滕滕飲奶! 而老公就又要番工喇! so sad...........
2010年7月6日 星期二
唔使教都識喇~
循例滕滕飲完夜奶, 我都會睇一睇個相機, 睇下個工人有冇同滕滕影過d咩精境相, 不過今次唔係相, 係video!
據我所知, 滕滕平時入去工人房都只係照下鏡, 對住塊鏡同自己講下嘢, 最多都係開下柜桶, 攞晒個工人d bra bra 出嚟!
但係今次佢又一新嘢, 就係...........
我睇個video, 我冇諗過佢會爬得咁穩陣, 而且仲唔係一步一步, 而係大踏步!
家姐問我, 係唔係佢成日係練我唔知啫, 但係如果佢成日爬, 個工人會第一時間同我講佢成日爬梯攪攪震, 等我鬧佢囉! 同埋, 如果佢成日入左房, 我睇唔到滕滕, 我都會打番去問仲咩成日係房, 有d咩玩架嘛!
所以我估佢都係啱啱玩呢味嘢!
p.s. 又一頂佢唔順就係佢著緊嗰條, 係新買嘅泳褲, 洗都未洗, 佢就死都要著住佢! 又唔比人攞去洗, 一定要著左先! 著完又走去照鏡, 貪靚到死!
2010年7月5日 星期一
超級防水 mascara
介紹下比d朋友仔先!
深紅色嗰支係超級防水 mascara, 用成day 都唔會脫色, 塊面出油, 又唔會另到眼肚位黑, 最堅就係成 day 都好持久, 夾完左d眼睫毛先嚟揸就最好喇!
因為真係好防水, 所以就要用左手邊嗰支 remover嚟落妝! 而落妝都係好簡單, 只係塗上去過兩三分鐘就可以洗!
我朝早揸左, 到夜晚都係咁, 你話幾堅呢!
市面上有好多隻牌子都話係 waterproof, 但係去到中午之後, 因為眨眼關係, 下眼線對落嗰d位就開始黑黑地!
同埋, 就算我夾到d眼睫毛成朵花開咁, 到夜晚都係咁上下, 一d都冇下墜到!
2010年7月4日 星期日
真係有小小頂你唔順~
事件 1 :
個工人洗完d衫乾晒預備放番入柜桶, 係呢一刻, 條友仔就會去撰佢鐘意嗰d出街衫褲出嚟, 死都要人地同佢著左佢! 如果唔同佢著, 佢就死纏爛打, 慕求都要著到為止!
而家差唔多日日都係咁, 日日都要換去街衫著! 其實著唔緊要, 最緊要就係影番d相嘛, 唔好影嚟影去, 都係著住件睡衣影吖!
事件 2 :
係車到, 通常如果我坐後座, 滕滕都會企係到望街, 所以我就會同佢除左對鞋佢, 因為佢而家會自己落地行! 但係, 除左對鞋之後, 佢就係到喊喇, 叫住要著番對鞋!
嘈到你要同佢著番為止! 不過我真係唔明, 都已經出左街啦, 唔通唔著鞋, 就真係唔係出左街? 街又已經望到喇! 又已經上左車! 仲唔係去街? 冇奶油比你著住對鞋係咁踏我條褲架嘛, 仲要成個後坐位踏晒! 唔除鞋比佢踏, 咁同我自己係街到坐地下有咩分別呀?!
好微妙~
滕滕 1 歲去健康院做檢查, 個姑娘話到佢差唔多歲半就要減奶, 1 日最好1-2餐到, 係嗰時我仲懊惱緊點樣同滕滕減中午嗰餐奶!
係早之前, 我起身番工, 滕滕都跟住我起身, 6點幾飲早奶, 飲完玩一陣又再瞓過, 不過而家整下整下, 佢由 6 點幾起身, 跟住整到 7 點幾, 再過多一陣, 就瞓到 8 點幾, 而家有時仲唔起身, 攪到成 9 點或者 9 點幾先起身飲早奶!
呢個星期, 佢而家已經都係日日八點幾九點先起身, 咁中午就真係變左tea time喇, 只係食下cake, 包包或者通粉就算喇! 所以亞媽今日入嚟就話滕滕好似瘦左喎~! 不過就高左小小囉~!
可能呢d就係本能, 係人嘅本性, 人嘅生理時鐘, 去到某時某刻, 唔需要去懊惱就會自動調節!
2010年7月2日 星期五
生仔真係冇用架！！！
前日鄉下Ｄ親戚落左嚟，老豆叫出去食飯，因為想我帶滕滕比佢地見下！
其實原本唔係好想出，因為我都唔係好鐘意應酬Ｄ親戚，不過伯伯下午已經帶左豆豉仔出去比佢地見，如果我唔帶，以我老豆一向要面子嘅作風，佢就會好似蝕左底咁，所以，算啦，如果唔係豆豉出左去，我都唔想去喇～
老豆言下之間，想我叫埋細佬帶埋個女一齊去食下飯！未問之前，我都已經心中有數，因為細佬比我更唔想應酬親戚，所以我都係隨便問問！
我同細佬講，如果可以，我地可以係奧海城食，佢只係落一落嚟，見一見下，可以唔食飯跟住就走！但係細佬嘅反應亦都係我預期之內－－唔想！所以我叫佢睇下點，因為衰Ｄ講句，我唔想我老豆係人面前咁冇面，同埋，我唔想佢第日唔係到，呢樣會係一個遺憾，因為老豆都知我地唔會帶番鄉下，既然人地一場嚟到，咪見一下囉！當係交左功課！
過左兩三個鐘，亞媽就打電話嚟，話細佬打左比佢，話唔去喎！我覺得就真係一個迷，細佬無啦啦打比亞媽話唔去，又唔打比我！點解？！就係因為佢唔敢同我講佢唔去囉！唉。。。。。都知個細佬有Ｄ咩用？？？
其實老豆真係好鐘意兩個孫，但係無奈好多時都係只係可以見到滕滕咋！
2010年7月1日 星期四
攰到散!!!
因為尋日好開心收到個水池, 所以下午同左滕滕玩喇! 不過就係呢個水池就已經攪到我半死狀態!!!
玩完之後, 仲有下場, 因為約左班舊同事去BBA, 好耐都冇一斉BBA喇, 不過今次就真係信錯人!
事原係有人話屋主負責去買嘢呢 part 會做得好稱職, 所以我就大安指意比個屋主去買嘢食, 而話屋主會做得好好嗰個人就安排去倍個屋主一斉去買&幫手! 樹不知佢地兩個5點先去買嘢(我地約晒6點鐘開波架!), 買左D嘢番嚟, 全部都係冰嘢, 咁想6點開波都幾難啦! 仲有, 講明係BBA, 佢地居然連燒烤叉都冇買!!! 所以就變左咁喇..............
只有一個人係到攪, 而其他人就吹下水, 坐下 & 企下...........好似變左大食會咁喎！
其實本身我安排左3個人去買嘢, 而呢個人係我最信任佢, 但係呢個人居然放左飛機喎, 所以原本有4個人生日一齊切 cake, 但係而家變左3個! 不過, 佢地話唔怕, 因為...............
因為佢地話有佢張相, 可以放埋出嚟, 但係就搵唔到張黑白相喎 
今日就真係好 Q熱, 所以我都頂唔順著左件背心, 但係我著左咁之後, 居然比人叫我肥妹呀 
我都係小小肥啫，仲咩叫人地肥妹喎！
今日滕滕都夠晒皮囉，所以一番去沖完涼，飲埋奶，都唔使５分鐘就已經
訂閱：
文章 (Atom)