可唔可以唔睇醫生?

尋晚12點幾sent左個sms比老公, 同佢講我好唔開心! 過左一陣佢打番嚟問仲咩事唔開心, 咁我咪同佢講我覺得好孤單、好孤獨囉, 成日都好似得自己一個人咁, 同埋成排成日都好不安, 更係好似覺得佢好似唔係番工咁!

佢聽完, 就笑住嚟問我係唔係痴左線, 仲咩咁樣諗!

而家老公成日都OT, 我都明白佢番嚟都已經好攰, 我又明白佢想搵多D錢, 而我又知道佢真係番工, 唔係去左玩, 但係我都唔知點解個惱成日都諗左D唔好嘅嘢!

老公打嚟同我傾左一陣, 之後心情就好似冇乜嘢喇, 但係都唔知點解瞓唔番!

我又諗番起, 自己尋晚喊到咁都唔知為乜, 未上樓就已經喊左出嚟喇, 見到滕滕又喊, 滕滕飲奶又喊, 仲要越喊越慘, 滕滕望住我都唔敢郁, 因為佢唔知我仲乜(喊到咁淒涼)!