唔知係唔係公老成日都卦住OT, 所以我開始越嚟越落得佢冷漠左我!
我今晚好唔開心, 唔知點解佢做每一樣嘢, 我都開始懷疑佢.................
其實佢之前都係咁, 但係唔知點解而家先開始覺得佢冷漠左我, 唔通我得閑過頭?
老公都話我呢排唔知仲乜, 疑心好大! 其實我都唔知點解, 而且我都覺得自己好似有D問題!
原本一D好平常嘅嘢, 例如如果佢加班OT, 加班OT放左工之後都只係得6個鐘頭相隔跟住嗰一班, 咁佢有時都會係公司瞓唔番嚟, 以前我唔會覺得係D咩, 但係而家唔知點解會諗佢會唔會厄我去左玩, 又或者諗佢唔知去左邊...........
我知道老公成日OT, 都係想搵多D錢, 而且我知道佢其實好辛苦, 因為自從轉左嚟呢到之後, 成日都唔夠瞓, 個人越嚟越殘! 見到佢一番嚟冇耐, 就已經攰到嘔, 係呢個moment, 我又覺得自己好衰, 咁樣去懷疑佢!
我明白已經12年, 當然唔會好似人地新婚咁啦, 但係我想老公關心多d我囉, 不過佢攰到咁, 唔通仲要理埋我d咁嘅嘢咩? ............
我control唔到我個惱, 因為唔知點解往往都成日諗埋d唔好嘅嘢................
今晚, 我好 sad, 喊左好多次, 但係又唔敢比老公知, 因為佢一定話我唔知痴咩線!
我個心寧好寂寞 好孤獨........................
唔好唔開心啦!
回覆刪除我諗我地D女人係咁架, 時時諗埋D唔真實嘅事.
男人又真係唔會咁架喎!
得閒諗多D滕滕啦! 諗吓佢大個做工程師, 律師...., 最好唔係會計師啦!
我同係唔同喎~ 自從呀B出咗世, 我反而少咗好多諗個老公呢樣果樣.
可能我呀B太多PROBLEM啦! 我心思都集中晒去佢到, 無時間諗佢.
其實你都知你老公為人同佢有幾愛你架啦!
記住你已經好幸福, 有好多人想嫁又搵唔到好男人; 想生又唔中.
諗多D正面, 人都會開心D, 樣又再靚D. SMILE
[版主回覆07/26/2010 12:06:00]其實我都唔知點解呢個幾月個心成日都好不安!
我老公成日OT都已經有成半年有多, 滕滕又已經出左世咁耐, 基本上咁樣嘅生活都已經唔係今時今日先出現, 但係就呢排無啦啦自己成日諗嚟諗去!
可能我番工唔係咁多嘢做, 所以比左好多時間我諗嘢..............
放開啲，唔好鑽牛角尖，做下其他嘢分散注意力囉
回覆刪除唔好再喊喇，喊到眼腫有乜謂呢?
[版主回覆07/26/2010 12:09:00]今日腫晒啦! 我都唔知點解咁想喊.........尋晚老公車到我地番到屋企樓下, 都未上樓我已經喊左出嚟喇, 番到屋企, 望住滕滕又喊過............
我只係知我好唔開心咋~
不如同你老公傾下啦
回覆刪除[版主回覆07/26/2010 16:10:00]佢知我痴左線呀, 不過佢又唔可以唔OT, 我又覺得唔想佢唔O, 因為而家唔O, 第日未必有得O架喇~
你呢個係得閒症, 有得醫嘅, 你識得上嚟寫都唔算太嚴重, 唔駛擔心!你幫滕滕搵咗playgroup未呀?會唔會俾佢返N1, 如果會而家要睇定D料, 好多幼兒院都會係9-10月報名架~
回覆刪除[版主回覆07/27/2010 22:48:00]你都知我日日幾時做D咩架啦, 我都唔知點解我仲有時間諗埋D咁嘅嘢!
我想諗掂左搬屋先至諗番學呀, 我希望可以快D啦~
唔唔...快D搞掂間屋, 再諗滕滕, 有排都唔得閒俾你亂諗野喇!
回覆刪除滕滕媽,我一直都以為你係個好快樂的女人仔架,真的不明白你無緣無故會哭呢!有時候可能你的疑心真係重咗少少呀!其實我都會架,有時候老公開夜,我都會有啲唔開心架,但好彩依家有咗寶貝仔在身邊,我就無咁多時間去諗太多啦!可能係寶貝仔太需要我啦,我真的二十四小時都給了他呀!
回覆刪除以前見你太忙,我都不敢打電話比你,但如果你有諗負面的事情,打比我傾下啦!哭得多,眼睛唔夠靚架!
其實生咗仔之後我真的無咁多時間諗太多呀,好似有很多不開心的,我都略了就算!
[版主回覆07/29/2010 11:46:00]我都唔知點解會咁諗, 不過老公呢半年OT多左, 我地就真係見少左, 溝通都少左, 咁我覺得感情好似差左..............
你老公OT, 幾夜都會番, 但係我老公on shift 架, 有時可能兩三日都見唔到!
我通常發作都會係夜晚, 因為日抖我唔想諗太多, 我唔想係公司比人知道或者喊呀! 不過夜晚發作都好大獲, 因為喊得太多, 第日隻眼腫晒咁番工, 都唔係好敢正面同人講嘢!
<P>你老公真係開夜開得好誇張呀!我老公以前都好以你老公咁樣開夜架,但有了寶貝bb之後就開少咗,我話我自己一個人在家好怕,有時候他開夜都會叫佢阿媽過來陪我囉!</P> <P> </P> <P>其實寶貝bb出世後,我們都已經好少說話,但是我可以肯定的是他在我身邊,只是他每日都在打機而已,我看到他個心都定些,好似他話去幫朋友我都問長問短,又問他會否去叫妓呀.........除了上班,通常來講,有我的存在就一定有老公的存在,這麼多年來都沒有變過!</P> <P> </P> <P>我好明白你擔心的心情,如果你真的這麼想你老公會做什麼對你不起的,為免自己再作無謂的擔心,你會否請個私家貞探去查下呢?如証實沒有此事,只是工作的,咁以後你可以放心呀!不過我又諗,如果比佢知道你查他,他會好生氣,會認為你不信他囉!</
回覆刪除[版主回覆07/31/2010 14:35:00]其實我所擔心, 都可能只係我自己幻想! 因為如果我老公番左工, 我打電話比佢聽到個背景聲音, 我就已經知道! 所以其實佢都冇厄我, 真係去左番工!
只不過佢可能覺得我一個人可以handle晒所有嘅屋企嘢, 所以佢就可以好放心去不停OT, 但係佢又冇諗到我都有攰嘅一刻囉!
我唔係身攰, 而係心攰! 因為我本身好獨立, 基本上全部嘢我都可以攪得掂, 但係女人始終都係女人, 就算我可以攪得掂, 但係我都想搵個老公依靠下架嘛!