尋日個工人成下午 4 點幾就同滕滕瞓覺, 攪到佢尋晚食完奶鬼打都冇咁精神!
人地話敵不動, 我不動, 而滕滕就我不動, 佢不動, 我一動, 佢即動!
因為個床欄我用張被仔遮住左, 開門有光都唔覺, 所以當我想靜雞雞咁出房之際, 我聽到滕滕好似郁一郁, 我就踎底左等張被仔遮住我! 唔好似為咁樣我可以過骨, 因為當我踎底左之後, 滕滕原來已經企左係到望住我, 同埋佢見到我望住佢嗰時, 佢"吖吖"兩聲, 就好似問我: 你去邊呀?!
跟住之後, 每當我係我自己張床到郁一郁, 佢就望我一望, 驚死我出房咁! 所以最終我頂佢唔住, 我抱左佢係我側邊瞓, 唔使5分鐘, 佢就已經瞓到隻豬咁喇~!
玩嘢咩! 真係玩嘢囉! 所以我今日同左個工人講, 下次如果佢咁晏都仲同滕滕瞓, 咁夜晚滕滕唔瞓, 就去搵佢喇!
今日下午講完, 頭先餵完奶, 滕滕唔使15分鐘就已經瞓左喇!
咁做乜唔早啲瞓晏覺呀?
回覆刪除[版主回覆07/15/2010 10:55:00]我都唔知佢仲咩唔早d同佢瞓晏覺喎?! 不過我知道個曵豬有時又真係唔肯瞓架!
佢下午唔眼訓就迫到佢玩到8點先訓, 一訓訓到朝早....
回覆刪除[版主回覆07/16/2010 09:22:00]如果我湊佢, 佢唔瞓, 我就唔會比佢咁晏先瞓架, 不過你知啦, 如果佢瞓左, 個工人又可以蛇吖嘛, 所以佢就更係想佢瞓啦!
不過我已經落左order 喇, 如果佢下次咁晏比佢瞓, 個囝飲完奶都唔肯瞓, 就會去搵佢喇!
我仲加多句, 就係話: "我唔係同你講笑架!"
所以我相信佢唔會再係咁架喇 !
佢要瞓你阻唔到, 佢唔肯瞓你又冇得迫, 而家越嚟越大就越有主見~點解做人阿媽做到咁無奈嘅?
回覆刪除[版主回覆07/16/2010 09:25:00]如果滕滕中午冇瞓, 咁去刑34點想瞓就唔出奇, 但係以個工人角度, 最好佢就瞓啦, 因為佢又可以講電話嘛!
我又唔係放假日子, 所以正路嚟講, 頂晒龍12點幾滕滕會眼瞓啦! 我都唔明點解個工人唔同佢瞓!
有時佢哋唔瞓真係冇得解釋架, 平時得我同熙熙2個, 環境夠晒靜喇, 我拎開晒所有玩具, 淨係得毛巾/被/枕頭係床, 2粒鐘佢都係唔肯瞓, 直到食埋下午茶餐奶奶佢先肯瞓~
回覆刪除[版主回覆07/17/2010 10:52:00]所以我覺得作息定時都好緊要, 最好可以就定時定候要佢地瞓晏覺就好喇!
佢哋越大個就越瞓得小, 1歲前熙熙可以朝早瞓2個鐘, 下晝又2個, 黃昏再整多個都得, 而家就朝早瞓咗, 下晝就可以唔駛瞓~
回覆刪除我同你個工人一樣喇, 只要熙熙瞓咗我先有自己時間, 不過就唔係講電話而係上網之嗎!