循例滕滕飲完夜奶, 我都會睇一睇個相機, 睇下個工人有冇同滕滕影過d咩精境相, 不過今次唔係相, 係video!
據我所知, 滕滕平時入去工人房都只係照下鏡, 對住塊鏡同自己講下嘢, 最多都係開下柜桶, 攞晒個工人d bra bra 出嚟!
但係今次佢又一新嘢, 就係...........
我睇個video, 我冇諗過佢會爬得咁穩陣, 而且仲唔係一步一步, 而係大踏步!
家姐問我, 係唔係佢成日係練我唔知啫, 但係如果佢成日爬, 個工人會第一時間同我講佢成日爬梯攪攪震, 等我鬧佢囉! 同埋, 如果佢成日入左房, 我睇唔到滕滕, 我都會打番去問仲咩成日係房, 有d咩玩架嘛!
所以我估佢都係啱啱玩呢味嘢!
p.s. 又一頂佢唔順就係佢著緊嗰條, 係新買嘅泳褲, 洗都未洗, 佢就死都要著住佢! 又唔比人攞去洗, 一定要著左先! 著完又走去照鏡, 貪靚到死!
嘩! 滕滕好似識行咗冇耐咋喎! 洗唔洗咁勁呀?
回覆刪除[版主回覆07/08/2010 09:13:00]佢由3月開始識行到而家, 應該係唔係都 train 得咁上下架~
第日你嗰個都可能係咁上下!
佢可能睇得多你地爬下化
回覆刪除[版主回覆07/09/2010 11:41:00]其實都唔係好多吖! 張床都係個工人瞓嘅之嘛, 咁個工人平時都好少上上落落, 最多就係夜晚沖涼攞嘢嗰個moment咋~
滕滕你好勁呀, 但千祈唔好教熙熙喎~
回覆刪除[版主回覆07/09/2010 11:41:00]呢d嘢, 唔使教! 遲d 熙熙自己就會識架喇, 你放心啦, 好快架喇!
放心, 我屋企冇梯~
回覆刪除[版主回覆07/09/2010 14:23:00]不過你屋企有sofa, 有椅, 有床, 又有柜呢~
我有教佢擒床呀, 等佢跌落地都冇咁傷, 識就力!
回覆刪除[版主回覆07/09/2010 15:17:00]佢識唔識落床呀? 識你就唔使驚啦!
不過, 滕滕都係要擒左上去先, 咁就好自己識番落嚟架喇! 好似我張床咁高, 佢都可以自己落番嚟, 咁到時就唔使怕喇!
佢個patpat同腳已經係床邊, 但死都唔敢落, 每次都要扶住我先敢~
回覆刪除[版主回覆07/12/2010 15:24:00]咁我嗰條友仔就真係冇有識死, 佢自從自己識上左sofa 之後, 佢好自然咁就識落番sofa, 而佢上左去我張床到, 佢又用同一個動作落床, 佢驚都未驚過!
如果熙熙怕, 咁就好d, 唔會好似滕滕咁死百厭!