今日真係不宜外出!
個nb兩日都唔著, 用濕電唔得, 淨係用乾電都唔得, 所以今朝早番左公司就去左九龍灣整機!
CS 嗰個人話一過天橋嗰橦大廈就係架喇, 所以我落天橋就見到過左對面馬路寫住"其士商業大廈", 所以我就唔理3721就入左去, 不過一上到7樓好似有D唔妥, 因為CS嗰個哥仔話全層, 但係呢到就有分單位, 所以攞番張紙出嚟問一問樓下個實焦, 佢就同我講呢到唔係"其士工程XXX大廈"! 頂~ "其士工程"又唔同"其士商業"! 嘩, 唔成2/3橦橦都係"其士"開頭架嘛!!!
最攪笑就係上到去用佢個火牛著機就OK喎, 跟住佢話應該係我個火牛有事, 所以又試一試我個火牛啦, 頂~ 又著喎! 唔係呀化, 係屋企兩日都唔著, 嚟到就著左!!! 個哥仔問我會唔會係我插嗰個推牌有事, 但係我頭先番到嚟都冇事喎! 玩嘢咩!
咁既然冇事就最好啦! 所以見咁早, 不如去埋宜家家俬打個轉啦, 因為我都想買cushion! 不過, 入到去商場問個女仔宜家係幾多樓, 佢同我講宜家搬左去 mega box 喎!
咁點呀???!!! 係唔係叫我今日唔好出街呀???!!! 成朝就運左個大吉!!!
未到新年就行大運喇~
回覆刪除[版主回覆07/20/2010 11:30:00]咪就係囉~
唔係，係成朝遊九龍灣，哈哈哈
回覆刪除[版主回覆07/20/2010 11:30:00]幾鬼熱呀!
我今日下午要遊深水埗...=.=
回覆刪除[版主回覆07/20/2010 12:13:00]咁要帶傘, 搽防曬! 如果唔係就真係變左炭, 番到屋企, 你老公唔認得你呀 !
我希望聽日8號風球唔洗返工啦，今晚3號喎
回覆刪除[版主回覆07/20/2010 14:54:00]當真??????? 唔好氹我開心喎!
都係個句，我地比啲信心比佢
回覆刪除[版主回覆07/21/2010 10:57:00]好! 加油, 努力! 加油, 努力!
8號風球可能係我地放咗工之後掛
回覆刪除[版主回覆07/21/2010 14:09:00]而家又好似話遠離左喎..........!
係呀，唔掛喇
回覆刪除