今日去聽一個免費講坐, 成個講坐共兩個鐘, 但係係因為係免費, 所以講嗰 d 嘢都唔算太實用!
但係講到其中一 part, 個姑娘問有冇媽媽成日都同個 bb 傾計, 因為原來個 bb 係5個幾6個月之後, 就可以聽到嘢, 所以 bb 一定認得出媽咪把聲, 跟住如果 d daddy 都想 bb 認得出你把聲, 就要勤力 d , 同 bb 多 d講嘢喇!
上完 course, 番到屋企之後, 亞 dee 真係讀書都冇咁勤力就即刻同 bb 講: bb, 我係 daddy 呀! 如事者, 日日講, 晚晚講, 成日講! 真係比佢笑死!
尋晚雲妮10點幾打比我, 同我講佢而家先放工, 好辛苦, 又講佢亞姐點點點, 佢亞哥又點點點, 唉, 我真係聽到好悶, 佢去親邊間公司, 都係講佢亞姐點話佢, 佢點樣辛苦法! 有時, 我真係好想同佢講, 間間公司做嘢都會辛苦架啦, 個個上司都係變態架啦, 點解只係你成日比人攪架, 人地個個唔整, 點解你 d 上司個個都睇你唔順眼先?! 你唔係你自己真係有問題呀, 定係好似 seven 咁, 個人一d 都唔醒, 所以 d 上司唔鐘意你呀!!!
真係好想咁同佢講, 但係又驚 hurt 到佢, 但係我又真係覺得佢做嘢好有問題囉! 不過, 最終都係冇, 因為佢講講下都唔想再同佢傾, 因為好悶, 悶都我好怕, 因為佢次次都係講同一樣嘅嘢, 所以我同佢講, 我而家隻手好污糟, 唔講住, 跟住就收左線喇!
其實原本尋晚同佢食飯, 之前都有 d 怕, 怕佢成晚講佢公司 d 嘢, 又話佢亞哥點話佢, 亞姐點話佢嗰 d 嘢, 不過好彩最後都冇出到, 可以唔使聽!
其實我而家都冇打電話比佢喇, 因為都係怕同一樣嘢, 同埋, 唔想講電話, 就連平時打比人吹水嗰 d 都冇, 因為而家好冇耐性, 唔想講咁耐!
今朝一早起身, 原本諗住早 d 去檢查, 早 d 攪掂, 就可以去睇下 d 地板, 點不知同姑娘講左一句說話, 就張我個 plan 打亂! 入到去醫生房, 姑娘問我今日 bb 有冇郁, 正唔正常, 跟住我只係答左一句, bb 今朝bb懶左, 郁少左, 跟住......就要上去 11樓, 要聽 bb 心跳同聽 bb 活動能力, 做呢個檢查, 要做半個鐘, 見埋 dr 先可以走得! 完事都成1點! 好彩, 結果係冇事, 只不過係我自己 feel 唔到佢郁啫!
番到公司冇耐, 個賓賓就打電話嚟, 話今朝攞完個 medical report, 跟住去左 POEA 攪手續, 而家一切已經 ready 好晒, 可以隨時走得, 所以我跟住就同佢 confirm 左張機票, 星期日下午上機, 下午約5點就會到 HK! 好囉, 終於攪點好晒, 唔使再頭痕喇!!!
不過到今日5點時, 雲妮打電話比我, 話佢亞姐明天放假, 今日可能好遲走喎, 問我改明晚食飯得唔得! 唉, 改邊晚佢都可能唔得架啦, 佢有邊次係可以早 d 放工架, 一早約左又係咁, 遲約又話唔得.....唉, 算啦, 真係對佢好失望! 佢今朝已經知道佢亞姐明天放假架啦, 點解唔可以早 d 安排佢自己 d 工作喎!!!!!
我而家發覺我自己有 d 玩自閉, 唔想同朋友講電話, 唔想見朋友, 唔想同朋友溝通, 好似有 d 唔係好正常! 因為亞 dee 話, 因為雲妮攪到我對人冇左信心, 唔再對人有任何寄望, 因為除左屋企人之外, 其他都只係一時之間嘅朋友, 並唔會長久.............死啦, 好迷網!
今日同梓祐慶祝12歲生日, 雖然遲左兩日, 但係冇計, 因為今年嘅正日, 佢老豆放假, 所以費事見面喇!
梓祐越嚟越大個, 我怕佢遲 d 真係連出街都唔想同我地出, 因為一上中學, 佢地就會成個唔同晒, 有自己嘅思想, 主見!
唉, 如果佢真係有自己嘅思想同主見就好喇, 因為佢有勇氣可以同佢個"乞E"理論, 唔使再比人蝦喇!
今日去完 dr fan 到例檢, dr 話亞 b 而家有2.6kgs(=5.7磅)到, 預計亞 b 出世時有成7磅半, 嘩, 你話幾勁呢! 照超聲波時, 見到亞 B 好似開左眼咁, Dr話係呀, 不過佢就未睇到嘢住, 你話幾神奇呢, 原來亞 b 係個肚到已經開左眼, 並唔係 d 老人家講, 出左世一陣先開眼架!
我問 dr 有關亞 b 係我個肚到打拍子一事, dr 話原來佢係到打 "C益"啫! Dr 話而家有成34.5週, 而到左37週出世就已經叫足月, 咁其實計計下, 亞 b 真係好快就出嚟, 早嘅話就仲有兩個幾三個星期, 遲嘅話就仲有一個月到!
既興奮, 又緊張, 但係又好唔捨得!
P.S. 肚圍: 41"
呢幾日真係攪到我頭都暈埋, 仲激到可能生得潻!
叫個賓賓星期一去驗身, 佢話星期三先去, 原來佢冇錢, 要去問人借! 明知我趕, 你冇錢就同我講啦, 又唔出聲! 好啦, 星期一個死佬臨番工前, 叫佢去入境處攞賓賓個 visa, 等我星期二一早可以去菲律賓領事館簽埋個名, 就可以張 d 文件寄比賓賓, 唉, 點不知個死佬嗰晚同個 visa 不醉無歸, 我第二朝等到佢成10點半都未番!!! 咁你話攞咩文件去菲律賓領事館先!!! 所以10點半我就出左去荃灣汇錢比賓賓先, 點不知出左去冇幾耐, 個死佬就番到屋企, 當期時嗰把火就係扯到上天, 因為本身我都冇諗住佢同埋我出去, 因為佢話有個同事唔做, 去飲酒, 我都預左佢天光, 天光都唔緊要, 但係佢 keep 住左個 visa, 我請左假, 攪唔到嘢, 就真係把幾兩把火!!!
跟住個死佬打完電話比我之後, 佢就即刻揸車出嚟, 仲要話車我去整嘢, 唔想我咁辛苦喎!!! 當期時, 如果可以打佢兩巴, 我真係好想, 因為把火pang pang 聲咁嚟!!!
好喇, 3點幾整完晒 d 嘢, 諗住鬆一口氣, 通知賓賓佢星期二晚就可以搭船去 cebu 做 body check 啦, 唉, 點不知星期三早上有電話到, 我諗就心知不妙, 原來賓賓去做 body check, 一家要攞住我嗰 d visa同所有文件去當地領事館攞封轉介信, 佢先可以做 body check 架!!!! 一聽到就真係晴天霹靂, 因為我星期一叫賓賓問清楚, 究竟做 body check 之前係唔係真係唔需要文件, 因為佢出去 sebu 要搭成6個小時船先可以去到, 咁而家換言之即係白去啦!!! 但係有樣嘢仲反眼嘅就係......原來佢唔使搭船去 sebu攪証, 原來佢嘅 own town 有 office 架~~~~~~~~~唉呀, 激死我喇!!!!
好啦, 橫掂佢都去到, 叫佢問清楚晒所有嘢, 問下佢個 own town 嗰到有冇 medical ctr, 如果出左個 mediacal report, 要幾多日先至 ok 呀等等, 唉, 誰不知佢個 own town係冇 medical ctr, 一定要出去 cebu 做 body check!!!!
今日已經星期四喇, 賓賓今朝希望應該收到我 d 文件, 如果收到之後, 真係希望唔好再有 d 咩嘢發生喇!!!
今朝嫲嫲打嚟比我, 同我講, 尋晚個"乞E" 同佢講, 講我地呢幾日係到罵戰, 佢同嫲嫲講, 話我上去探梓祐時, 講 D 說話係到單打佢, 如果我上去探梓祐同嫲嫲, 佢就無任歡迎, 但係如果係上面講埋 D 有骨嘅說話, 佢可以隨時叫我走!
真金不怕紅爐火, 呢句說話真係好啱, 如果佢唔係做埋 D 衰嘢, 佢怕咩人地單打佢, 話佢; 佢仲要講佢無愧於心?! 講番之前, 佢無啦啦話梓祐個身有尿味, 叫梓祐除條底褲比佢聞, 淨係呢單嘢都攪笑啦, 呢單嘢, 又唔見佢同佢老公講, 話佢叫梓祐除條底褲比佢聞! 學嫲嫲話齋, 佢自己條底褲著左成日都嗅啦, 佢唔攞自己條底褲嚟聞下!
佢同嫲嫲講嗰番話, 嫲嫲話佢可能想叫嫲嫲同我講, 叫我唔好咁多事! 無錯, 其實呢 D 嘢, 我真係可以唔需要理, 因為唔係我屋企嘅事, 但係睇見我姨甥仔咁樣比人對待, 我真係好唔開心, 亦都好唔忍心, 可惜, 我真係冇嘢可以做到, 只係可以係某 D link 到發洩一下, 最好一個唔覺意, 比梓祐個老豆睇到我寫 d 咁嘅嘢, 睇真下佢隔離個女人嘅真面目!
我唔係想破壞佢個家庭, 我只係想個男人企出嚟, 話下佢老婆, 唔好咁對梓祐, 唔可以話個女人點就點, 因為我好想比知, 佢個仔並唔係好似佢咁講, 好受嗰個女人嘅一套, 而係佢冇得撰, 因為佢知道, 媽媽已經唔要佢, 佢唔想連個爸爸都唔理佢, 唔要佢, 正正係因為咁, 梓祐佢好乖, 個乞E每講一樣嘢, 佢都好聽話, 係因為佢想爸爸繼續錫佢, 對佢好!!!
今日個"乞E"係個 FB 個 status 到話我有病, 叫我去睇醫生, 話我破壞佢個家庭, 無事生非; 我當時真係好想問下, 邊個有病至真, 有病嗰個應該係佢, 亂咁比藥水梓祐食, 如果梓祐冇事就由自可, 有咩事, 我可以報警拉佢!!!
佢話我破壞佢家庭, 我想問佢下佢, 我點破壞佢家庭先? 係唔係而家我揭穿左佢 d 衰嘢, 另到佢老公同佢鬧交, 咁就破壞佢個家庭呀! 如果係的話, 就好喇, 因為個男人終於開眼, 終於睇到個乞E係佢面前做戲呀!!!
今晚, 睇睇下電視, 真係有感而發! 我同亞 dee 講, 其實憎一個人都好辛苦, 好吃力, 跟住亞 dee 就話: 係呀, 但係呢個人都唔知點解都成日做埋 d 咁黑人憎嘅嘢呢!
有陣時, 真係好想放底對佢嘅愁恨, 但係呢個"乞E" 有時就真係做埋 D 嘢, 真係好黑人憎, 仲要係天地不容嘅事! 另到人地真係唔可以搵藉口去原諒佢!
我今日打電話比嫲嫲(梓祐個嫲嫲, 個乞E嘅奶奶), 同佢講上個星期同個乞 E 係 SMS 到開波嗰件事, 因為嗰個乞E係 FB 到話佢自己"無愧於心"喎!!!
嫲嫲一聽到我咁講佢所答我嗰 D 嘢, 都覺得好好笑, 因為同任何人講, 話個乞E張嫲嫲 D 肺氣腫嘅藥水比梓祐食, 點講都講唔通; 佢個仔而家都係感冒呀, 又唔見佢比 D 肺氣腫嘅藥水佢個仔食, 唔通就係梓祐唔係佢襯生, 佢就可以咁樣對佢咩??? 個乞 E 仲口口聲聲咁同我講, 話佢好錫佢嗰兩個仔! 如果真係好鍚(梓祐), 就唔會咁對佢啦, 專等星期日, 嫲嫲唔係屋企, 就叫梓祐洗廁所, 洗地! 佢口口聲聲咁講, 要梓祐對家有責任, 要做家務, 咁點解佢自己又唔做呢,佢一D 家務都冇做過, 咁點樣去有個榜樣去比人睇呀! 佢仲懶過條死屍呀!
好鄧嫲嫲個仔可憐, 因為佢已經盲到一個地步係冇得救, 只係聽從佢身邊呢個惡毒女人嘅說話, 個惡毒女人張事實倒轉嚟講, 佢都相信! 仲要話我因為有左, 所以精神緊張!
今日收到個 MSN, 係我個姨甥仔嘅乞E後母 sent 比我, 內容就係: "你係 FB 係咩話我老公? 你不要做咁多小動作好好安胎生仔吧! 重有我, 老公同嫲嫲(即係佢奶奶)都好愛我的兩位兒子!"
我都唔明, 佢 sent 埋呢 d 廢話過嚟做咩, 如果佢係覺得我係話緊佢, 佢就好好咁反醒下自己, 如果佢真係咁鍚我姨甥仔, 就唔會比佢奶奶 d 肺氣腫嘅藥水比我姨甥仔飲! 佢自己個仔唔舒服, 就同佢去睇醫生, 咁我姨甥仔病, 就求其攞 d 肺氣腫藥水比佢飲! 仲有, 係人係鬼都好, 見到自己屋企人病左, 嘔左係地下, 都唔會叫佢自己抺番, 所以佢話佢好愛我姨甥仔?! 你打死我都唔信!!! 個小朋友唔出聲, 唔代表佢冇問題, 佢唔出聲, 只不過係唔想連個老豆都冇埋, 因為佢知道佢老豆而家好似比迷暈黨咁, 迷到"溫溫燉燉", 成日以為佢而家個老婆對佢好好, 如果唔聽佢老婆話, 佢就會鬧佢(因為已經試過), 甚至乎打佢! 咁你話個小朋友點會反抗呀, 唔通想連個老豆都唔理佢咩!!!
哎, 一句講晒, 呢 d 咁嘅八婆後母, 真係連畜生都不如, 因為隻狗隻豬都唔會咁對自己 d 同類呀!
