真無聊!
兩三年前, 我同老公講我真係好想又箍牙, 問過我個牙醫fd, 佢都答過我一次話我跟本可以唔使!
我真係心心不忿, 因為我成世人真係好羨慕人地d牙係好靚好直, 終於兩個星期前去洗牙, 我又再同我個fd講, 我真係好想箍牙!!!
個fd知道我唔死心, 所以佢就建議我整個retainer! 今個星期一, 我攞左個retainer 番嚟喇, 整左落d牙到, 有小小唔習慣, 又有嗰種反胃嘅感覺, 因為上顎嗰塊膠真係好厚, 厚到都好頂下~
今日番工, 行行下自己都係到笑, 三十幾歲人先嚟又整牙, 使唔使咁呀 
有時, 真係好無奈!
做工人嘅, 就更係想settle 好個小朋友, 唔想佢地攪嚟攪去, 坐定定比佢地睇電視, 咁佢地就可以去做嘢!
但係我做亞媽, 就最好唔好比自己個仔成日睇電視啦! 雖然我比滕滕睇嗰d, 全部都係適合佢睇嘅嘢, 但係, 我就真係唔想用睇電視嚟settle個工人可以安安落落咁去做自己嘢囉!
因為明明個工人可以好快咁做完嘅嘢, 佢睇滕滕咁乖係到睇電視, 佢就可以拖長d嘢嚟慢慢做! 又或者一路傾電話就一路做!
講真, 邊有工人唔蛇王架, 所以滕滕瞓左, 我就預左佢蛇, 不過我真係好唔鐘意個工人開個電視嚟想滕滕唔好攪嘢囉! 滕滕唔攪嘢, 仲有其他方法架嘛! 咁點解一定要開電視先?!
我之前已經落左order, 只係係個工人煮飯時先可以開dvd 比滕滕睇, 但係我發現呢排個工人九點幾就又開電視囉! 都例牌架啦, 個工人次次都話係滕滕要, 滕滕要! 咁我次次都答, 唔係佢要就要比, 咁佢要你d錢, 咁你比唔比吖!!!
話得個工人多, 又好似唔係咁好! 唔話佢, 我又唔鐘意佢成日比滕滕睇電視! 而家工人難求, 個個朋友搵工人, 都話d工人撰工撰得好緊要(我之前都係啦), 所以又怕個contract 完佢唔肯續約!
唉! 幾死煩!
馮小姐由過年到而家, 直到今時今日都未好番! 差唔多好番, 跟住又嚟過, 上個星期五仲發燒, 攪到我明明星期六唔使番工, 都要同佢掉幫佢頂!
咳、感冒(流鼻涕、鼻塞)基本上佢乜都斉! 自己知自己事, 明知乜都有就帶撚番個mask啦, 我都唔明點撚解走嚟同我講嘢就要除左個mask先嚟同我講, 我唔係年紀大到聽唔7到你講嘢嘛???
尋日放工前, 已經覺得個人有小小攰, 唔知係唔係lai左嘢, 今朝番到公司一陣, 就打左兩個乞嚏! 我一望出去馮小姐個位到, 我番意到佢今日直頭冇帶mask! 我見勢式唔對, 我就係個柜到攞個mask出嚟! 咁啱馮小姐就想入嚟同我講嘢, 我就喝住佢, 同佢講, 等我帶番個mask先好入嚟我房!
佢一見到我咁大反應, 就係到笑! 所以我都唔客氣話佢: "明知自己咳就帶番個 mask啦, 仲係到"野"人!!! 我今朝番到嚟都已經打左兩個乞嚏喇! 大佬, 尋日我已經feel到唔係好妥, 我唔想比你"野"到呀!"
我講完, 馮小姐一定唔會執輸, 佢即刻就話我打乞嚏關佢咩事喎! 佢一講完, 我就即刻話: "唔關你事??? 你又咳又感冒都話唔關你事, 咁關邊個事呀??? 你係咁係到咳, 冇菌架! 你係咁咳呀!!!"
D人真係乞衣到冇人有!!! 你都生左個仔啦, 尋日先同我講完個仔又比個女野到D感冒, 又要出去睇DR, 我而屋企夠有個仔囉, 我唔7想比你野到番屋企呀! 你自己係屋企就帶mask, 番到公司唔帶唔緊要, 唔對住我都唔九理你, 你行入嚟同我講嘢就帶番個死人mask啦, 唔帶之餘仲要係到咳! 我頂係個胃呀!!!
終於都等到喇, 等到老公有時間一斉去同滕滕玩! 其實都唔係等, 因為老公尋晚都係番通宵今朝先番, 瞓左兩個鐘就起身出發喇!
帶滕滕去dinesyland, 佢好似識d又唔識d, 見到micky就會係到大叫高呼, 同佢睇3D影片, 成日都唔係好肯帶副超, 佢唔係好知道D影像係出左嚟, 但係有時又睇得好入神喎!
原本想睇埋煙火先走架, 不過老公冇乜瞓過, 佢話個頭好痛喎, 所以6點幾就走左喇!
感覺上好似嘥料囉, 咁早就走, D嘢又未玩晒, 老公又好似冇乜mood咁! 不過滕滕就好開心囉, 因為去到四點幾, 滕滕好眼瞓, 一坐係到就即刻合埋眼, 跟住又再好快咁醒晒四圍整嘢, 總之就唔放過每分每秘! 直到六點幾走嗰時, 佢就真係頂唔順喇, 嫲嫲買左車車比佢, 我見佢咁眼瞓就攞走啦, 滕滕知道冇左, 就攰到喊到冇力, 只係得個冇聲合住眼嘅喊樣咋
呢個幾月, 滕滕講嘢真係叻左好多, 好多嘢都真係可以跟到我地口水尾, 尤其係老公講"戇居"呢兩個字, 滕滕一定跟住講"居呀"!
呢幾日老公都係番通宵, 好正常滕滕都會同我瞓, 今朝滕滕一起身, 我見到佢朦住眼"捐"個頭嚟我個頭旁邊, 我正當以為佢未瞓醒之際, 佢無啦啦龍咁大隻眼望住我, 同我講: "起生呀! 起生呀!"
係呢個moment, 原本係到扮瞓緊嘅我, 就忍唔住係到大笑! 個豬仔見到我大笑, 佢又係到學我大笑喇, 跟住就再同我講: "出去! 出去!"
我由上個月中, 已經開始淘, 淘到我好似癲左咁!
因為我買左呢d嘢........
1)兩件褸
2)三條褲
3)兩條頸巾
4)帽一頂
5)鞋兩對, 紅藍各一對
6)剪髮圍巾
7)手套兩對
8)車車雨衣一件
9)火車玩具一set
10)熙媽介紹我嘅4本車車書仔
11)最離譜就係呢set嘢, 因為我個fd係美國買比滕滕, 未計運費都要HKD1600, 而家, 我只係RMB205淘左番嚟!
12)最後, 就係又買多成5條戒片褲比滕滕!
直到今日, 我覺得我真係要收手, 因為我已經真係淘痴左!!!
尋日食完飯, 行左陣街, 番緊屋企嗰時, 隻豬仔都好似好攰咁, 但係入到屋, 比佢拆禮物, 就成個人醒晒喇! 呢d就係滕滕嘅生日禮物喇!
多謝樹樹舅父!
多謝公公、婆婆(警車 & 地鐵)!
多謝筠筠表姐、蕎蕎表姐(學校小巴 & 巴士)!
多謝姨媽!
當然仲有爸B & 媽me啦!
仲有呢4個玩具箱(未到), 就係契E買嘅!
滕滕就固然開心啦, 但係間屋就越嚟越多嘢囉!
今朝滕滕未出房, 就已經睇到條 banner 喇, 一出到房見到成地波波, 都不知幾鬼開心! (做亞媽做左咁多嘢, 都係想見到呢一刻啫!)
原本今日以為會玩得好開心、好爽, 但係家姐同豆豉成四點幾先到, 玩得一陣就話要走喇, 表姐佢地出左去觀禮, 觀完佢老公又要番屋企睇一陣馬仔, 攪到成五點幾先到喎, 一嚟到, 就要好快速咁切cake!
個cake 好靚呀, 係自家制嘅, 多謝張雪球呀, 睇見佢個blog post過出嚟, 我就搵呢位syc204 ~ Darling 同我整一個喇!
切完cake, 跟住就三秒三就走喇, 因為book左六點鐘食飯, 出左門口先發現原來成set party嘅帽呀、玩具呀, 唔記得攞出嚟用, 仲有, 最重要就係禮物都冇攞出嚟拆, 全部放晒係間房到!
食完飯行左一陣商場就跟住番緊屋企, 滕滕就好似謝晒咁!
待續...........
