我好相信馮小姐一家好後悔! 因為佢今個星期開始, 個仔唔再上去佢姑奶到, 成day 係自己屋企, 而且仲好似我咁, 整左個cam睇住個工人! 就係因為個仔唔使再去個姑奶到, 佢亦都唔使夜晚上去食隻, 亦都唔使大拿拿比4000蚊佢姑奶! 而佢姑奶就只係幫佢買餸, 等佢個工人煮!
其實以為咁就雙安冇事啦, 但係, 原來咁樣開始, 就發現左一個大秘密!
佢個姑奶真係7到呢~ 佢姑奶係馮小姐屋企, 行左去露台, 避開個cam, 就講乜都冇人知, 係個露台就打電話比佢自己亞媽(即係馮小姐奶奶), 係咁講話馮小姐麻叉煩, 又yim 尖, 成日又咁咁咁, 仲當佢係工人! 所有對話, 比馮小姐聽得一清二楚!!!
馮小姐聽完之後, 把九幾把火同我講! 因為佢姑奶仲同個工人講: "你唔使理太太(即係馮小姐)講嘢架, 先生同太太都要睇我面口, 所以你只係聽我講, 唔使理佢地!"
我一早就同馮小姐講, 叫佢自己買餸, 唔好再求佢姑奶又唔聽, 而家聽到個姑奶咁講, 先好似如夢初醒, 要堅決唔比佢姑奶落嚟喎!
你話d人真係要比人話先醒, 先知道要靠自己! 會唔會遲左d呢!
有工人, 唔使姑奶啦 !又唔係湊得好! 重咁 Q 重皮 tim!
回覆刪除[版主回覆03/19/2011 00:02:00]佢當初怕個工人攪唔掂, 仲戇九九請個工人嚟幫佢姑奶做家務!
佢而家知道lai晒嘢啦!
佢姑奶咩人嚟O架? 唔幫就唔好幫啦!
回覆刪除[版主回覆03/19/2011 10:41:00]係人一聽到佢姑奶咁都覺得衰到冇朋友啦，我都唔明點解今時今日，馮小姐先頂佢唔順！
哈哈哈，抵佢死啦，佢咁蠢...而家希望佢醒啦
回覆刪除[版主回覆03/19/2011 10:47:00]佢同我講佢而家醒喇，冇左咁多錢，下下都搭的士去睇專科！
乜佢咁有錢呀, 唔駛供樓咩?又工人又姑奶~
回覆刪除[版主回覆03/29/2011 15:34:00]都算係啦, 曾俊華之前先講, 免公屋兩個月租金嘛 !