尋日送完老爺, 同老豆& 亞媽一斉搭地鐵去深水, 亞媽話老豆啱啱攞左老人八達窿! 係嗰一刻, 唔知點解諗起, 原來老豆已經咁老, 可以攞老人証喇! 所以我問老豆攞張八達窿抄抵左個no., 因為我打算同佢申請自動增值!
自從同老豆fd番之後, 老豆有時唔多唔少都係亞媽面前講好羨慕亞媽, 因為我地個個有時買嘢比佢, 而佢呢, 唔好講話一條煙, 一支煙我地都冇買過比佢! 因為係我地心目中, 好彩細個屋企有亞媽撐住, 如果唔係冚家都食c ! 所以每逢亞媽同我講番老豆講話我地唔買嘢比佢, 我都話叫老豆直接同我講, 唔好咁轉轉接接, 當然老豆更係唔會, 亦唔敢啦!
可能老爺啱啱過左身, 所以有感而發, 因為老豆而家都改變左, 好多以前嘅嘢都算啦!
老豆唔知我抄抵八達窿個no.做乜, 所以抄完之後, 我就同佢講: "嗱~ 有你so 喇! 我同你申請自動增值, 以後唔使自己入錢, 係我張卡到扣數, 唔使再羨慕亞媽佢有你冇喇!"
老豆聽左, 由個心到笑出嚟, 係到講: 好! 好! 好!
對佢好D, 你係唔係開心咗好多呢? 我都覺得要珍惜身邊嘅家人, 特別係自己嘅父母.
回覆刪除[版主回覆03/15/2011 10:29:00]對佢好 d , 真係開心左架! 不過, 我老豆以前成日搵我地嚟發皮氣, 搵到d錢又同d伙計出去食飯使晒佢, 所以我同細佬細個都唔鐘意老豆, 尤其係佢發亞媽皮氣我地先最嬲!
不過老豆老左都講番自己以前唔啱, 所以........算啦!
但老人家好易唔見嘢架喎，萬一比人偷咗張八達通，個衰人係咁"嘟"，咁咪好傷
回覆刪除[版主回覆03/15/2011 10:27:00]如果唔見左可以cut 嘅! 不過我老豆同亞媽都係好小心嘅人嚟, 我同亞媽申左幾年, 佢都冇跌過, 所以唔使擔心!