真係一個迷, 馮小姐上個星期三十一點幾走嚟同我, 佢姑奶話佢個b飲完奶之後嘔番晒d奶出嚟, 要即刻同亞b 出去睇專科喎! 咁緊張, 係啱嘅, 話晒佢姑奶下下都度住晒, 佢都怕比人度番轉頭, 一陣話佢湊到亞b成日病架嘛, 所以我好明白亞b一嘔就話要去睇專科啦!
話雖如此, 不過我仍然同馮小姐講, 可能有風頂住啫, 未必係有事嘅! 但係佢姑奶就好串話而家唔同佢去睇醫生, 一陣佢未必得閑喎! 嘩~ 如果我係馮小姐, 我唔會再搵姑奶幫手囉!!! 但係, 我都同係講呢個世界真係好多迷, 因為馮小姐頂住條氣都叫佢姑奶照同佢個仔出去睇專科!
睇專科, 又係我對佢嘅另一個迷! 佢屋企都有好多兒科醫生都ok, 又唔算係太貴, 我就覺得唔使下下都出到去油麻地睇佢姑奶所話嘅有料醫生, 因為我覺得始終都要搵個dr係自己屋企附近架嘛, 下下都出到去咁遠, 如果有d咩事唔許可咁長車程, 我都唔知到時佢點算! 都係嗰句啦, 都係一個迷嚟, 佢姑奶話全香港九龍得嗰個dr係得, 馮小姐就唔敢逆佢意去搵第二個dr囉!
我都唔明, 點解湊個仔湊到咁架, 未夠4個月就睇左咁多次dr, 人地話6個月之後d擴體先慢慢冇, 而家得嗰4個月就成日要食藥! 個仔真陰公!
你係咪未寫完?
回覆刪除[版主回覆03/14/2011 12:26:00]係呀! 真係醒!!!
你覺得係一個迷?我覺得佢on 居
回覆刪除[版主回覆03/14/2011 18:35:00]我真係覺得一個迷架，就你因為一個迷點解佢仲咁on九！
油麻地 => 李乃器 e 生?! 佢真係有料到, 不過等到飛起。
回覆刪除[版主回覆03/14/2011 23:49:00]我唔知個dr名呀, 等我聽日問下佢先!
係呢~ 你唔係出左trip咩? 仲咩咁夜仲on-line唔瞓呀?!
佢係咪比人脅持之類，或者有痛腳比佢姑奶揸住呀?真係無奶油個姑奶湊得咁差，都仲可以繼續比個仔條命咁玩法架喎
回覆刪除[版主回覆03/15/2011 10:23:00]我唔知佢有冇痛腳比人揸住, 我只係覺得佢好似最好唔好要佢咁煩!