好叉煩呀!!!!!!!!!!!!!!!!!!!
屋企個nb由始至終都未好番過, 尋日放隻剷機碟落去, 決定所有嘢都算啦, 以為剷左就可以由頭嚟過! 不過唔好以為你想由頭嚟過就可以由頭嚟過, 因為我放左隻剷機碟落去 load load 下, 居然連反應都冇! .......即係你想剷機都唔得!
唉~ nb唔得, 就入房開個desktop囉! 真係衰到冇人有, 個desktop 都入唔到window喎!!! boot過再入, 唔得再boot, 幾次如事, 都係唔得! 算!!! 不過今朝再開, 又得番, 你話係唔係真係攞命!!!
唔止屋企d電腦有事, 馮小姐嗰個都係! 佢嗰個無啦啦死左, 問我點喎! 我點知點呀, 我唔係做 it 架!!! 老闆個fd 嚟左睇(係一個老人家嚟), 話有個配件壞左, 佢出去買完之後先嚟換喎! 咁就死啦, 呢位老人家, 據我所知, 佢又係日日對住個股海, 等佢買, 咁即係等到幾時呀??? 股市好, 就大家都唔得閑, 到股市跌, 又冇心情攪其他嘢, 咁請問等到幾時呀???
馮小姐就日日同我講佢個腦又死, 又死 & 又死!
天啊!!! 可唔可以唔好個個都搵我呀~~~!!!
我會繼續等...................你寫埋落去
回覆刪除[版主回覆03/17/2011 15:05:00], 我原本想尋晚打埋架, 不過倍滕滕瞓, 就自己都瞓埋喇!
不如出面搵人維修電腦啦，可能仲快呀
回覆刪除[版主回覆03/19/2011 10:28:00]老闆可以好闊老，但係呢d嘢就好孤寒！佢話比人整一整整成千蚊(包埋換嘢)，整多兩三次就=買過個新！
所以咪成日都等等等，等佢嗰個半桶水嘅老人家朋友嚟睇囉！
叫佢係股票賺返返黎囉，一千幾百，送禮都唔只啦
回覆刪除[版主回覆03/19/2011 10:45:00]咪就係囉！一千幾百，視如垃圾！
但係佢就專係孤寒埋d咁嘅錢！
咁而家電腦無得用咪唔洗做嘢囉
回覆刪除[版主回覆03/21/2011 16:38:00]真係做少左架, 因為部desktop 唔方便嘛, 所以都早瞓左呀!
不過, 就算冇nb, 都有keep住用個電話嚟check mail, 你話幾賤骨頭吖!
你真係一個盡責嘅員工
回覆刪除[版主回覆03/22/2011 11:57:00]係工作狂!