完全係一個迷!!!

上個星期已經番左奶奶到食飯! 但係大姑奶就冇番!  今晚又要番去, 因為今晚大姑奶番!

大姑奶個人好神化, 個人又坐唔定, 10分鐘前同10分鐘之後可能講嘢又唔同! 不過個人就快人快語, 一d都唔會做作!

就係因為佢快人快語, 所以先攪到我對佢有點兒那個, 尤其係生左之後!

滕滕呢個moment, 已經開始學我地大人講嘢! 上次見完兩個姑奶, 番到屋企就已經講"等勤勤"(係佢地姐弟之間嘅暗語, 意思係食煙咁解), 無啦啦就同我講佢想等勤勤!

今次見完大姑奶, 頭先番到屋企, 滕滕就無啦啦同我講 "我想落樓下食支煙先!"

聽到, 我就第一時間打比老公, 同佢講佢個仔講佢想落樓下食支煙! 老公聽到冇出聲, 因為佢心中有數啦, 又係因為佢家姐囉!

講完食煙, 就同我講食屎! 因為又係佢大家姐講囉!

我唔明囉, 咁大個人, 個仔都成十幾歲, 點解都仲咁樣架???

充實而又難忘!

之前JOIN左個團體, 係去做義工嘅, 等等等, 終於等到今日喇!

今日同滕滕係去老人院探訪D老人家, 雖然只係等個大約兩個鐘, 去到又冇咩做, 只係同D老人家厄厄手, 吹吹水, 但係就見到D老人家好開心!

有D老人家好熱情, 好鐘意小朋友, 有D直頭想攬住滕滕, 睇到滕滕有D驚(因為唔識架嘛!), 我就繼續拖住佢續一同D老人家厄手, 問佢地食左飯未, 咁就可以等滕滕唔使咁怕喇!

滕滕見到D老人家好多嘢問, 又問我點解個婆婆隻眼咁嘅! 又問我仲咩呢個婆婆食廁紙! 又問我仲咩呢個公公個頭CHOK下CHOK下!  所有滕滕問我嘅問題, 我都只係答佢, 佢地老喇, 所以有眼睛又唔好, 身體又唔好囉~ 因為呢個位, 我真係有小小唔係好識答, 雖然話佢地咁老聽唔係好清楚, 但係萬一如果佢地有D真係聽到的話, 明明去探佢地係開心, 但係變左hurt左佢地就唔好喇!

今日只係去探訪左兩個鐘, 但係個人就好攰but已經好滿足!

好叻仔咩?!

工人姐姐同滕滕玩緊LEGO之際, 滕滕想張一嚿LEGO 砌係一個冇SUPPORT個地方, 工人一睇到就同佢講: 嘩~ 你砌呢到要小心D喎, 得唔得架?!

滕滕: 更係得啦! 點解唔得先! 我咁叻仔~!

一聽到, 我就望一望隻豬仔, 我問佢: 乜你好叻架咩?!

原來滕滕對自己都幾有信心喎!

懊惱~

點解, 我整下整下會變左咁樣嘅?  我搵嘢比滕滕學, 本身原意就係覺得佢係屋企悶, 想搵嘢比佢去玩下, 等佢可以浪費下D時間!

係暑假, 由7月開始, TOTAL 6個WEEKS嘅星期一三五, 我join左3個courses, 一個係專注力, 一個係英文禮儀, 而一個就係畫畫!  我好滿意呢三個courses, 因為3個都好輕鬆!

到而家番左學, 我想keep going 去比佢學嘢, 因為放左學佢只係對住個工人, 跟本就冇人同佢玩! 但係因為開左學, 呢d興趣班都好難搵下!  唯有都要去上下英文班!

星期一三六, 分別係3個地方上英文! 星期一 & 六, 上堂都係輕鬆形式咁唱下哥玩住咁上堂,  但係星期三番嚟嘅comment, 就油麻地, 因為第一堂番嚟, 滕滕就同我講, 個老師隻手好嗅, 而且仲好多毛!  感覺上滕滕好似唔係好鐘意咁! 再者, 如果滕滕鐘意的話, 佢會成日提住囉, 而星期三呢到, 佢冇!

因為之前去學畫畫嗰到轉左做星期六, 所以我改左去ymca, 係逢星期五去, 但係ymca呢到就只係齋畫畫, 又冇得做下手工仔, 所以滕滕又問住我仲咩唔去番之前嗰到畫, 咁換然之即係ymca呢到冇咁好玩啦!

所以今日我迫住問滕滕舊同學仔個媽咪, 佢個仔係邊到學畫畫! 問左之後, 打去間畫室到問, 有位, 係星期三, 仲可以夾埋時間同滕滕個好朋友一斉學! 真好!  而家, 本身星期三個英文班, 應該唔會再去學喇, 改左去畫畫!

就係夾時間問題, 我懊惱左幾個鍾, 因為我發現, 點解好似迫滕滕去上咁多堂嘅???

痛苦嘅生涯已經開始!

開學之後, 滕滕日日都有回條要簽, 所以我日日都會摷佢個書包嚟睇下, 今晚番嚟, 發現多左一本書!

原來, 係功課嚟!

只係油下雞啫, 冇咩難度嘅! 不過, 滕滕要開始做功課嘅生涯已經開始喇! 真係陰公, 咁細個就已經開始要做功課喇~!

真係要哩埋~

原本今日下午係唔出街嘅, 只係夜晚番去婆婆到食飯! 但係朋友仔個老婆生左個B成個月, 佢就問足我成個月幾時去佢到! 咁好啦, 見老公尋晚番通宵, 我地今日下午係屋企食完LUNCH就去啦!

今次朋友已經係第二個B, 做左人老豆, 真係唔同D, 佢主動話係太子等我, 唔使我轉咁多次車, 因為佢知道帶個小朋友出街, 係幾咁多嘢攪!

有錢真係唔同D, 朋友仔又換左屋, 今次間屋個廳仲大過我間屋, 兩個仔兩間房, 每間房都已經起碼有我間房兩倍咁大, 而佢亞媽住係佢隔離個單位, 望入去, 成間屋就成個PLAYTOWN咁, 而佢細佬就係隔離坐!  佢帶我去參觀完佢間屋, 真係唔係好想比佢嚟我到, 因為差天同地!

有時係到諗, 點解我老公唔係咁有錢嘅???  生一個B有一個工人, 生第二個B, 就請多一個工人! 唔怪得而家D工人咁巴閉啦!

去完朋友到, 再番亞媽到, 更加覺得唔想比人知我亞媽住邊, 因為自卑心我都開始有喇! 因為點解我老豆同亞媽唔係有錢人嘅???

好辛苦嘅disneyland!

今日係Disneyland silver card open day, 我約左熙媽同熙熙1445係門口等! 以為今日會有小小雨可能會冇咁辛苦, 點不知, 又晒又熱, 都不知幾好天!

我地夾啱時間, 去冇耐, 就開始有巡遊喇, 睇完個巡遊就開始去玩!

我地一共玩左三個, 就係巴斯光年, 小小世界, 同埋揸車, 真係數都數得出!

玩左一陣, 我地就食下雪糕啦! 兩個都幾鬼靚仔吖! 熙熙皮膚白雪雪, 所以就白色鬚, 滕滕皮膚就黑麻麻, 所以就啡色鬚, 真係sexy~!

玩完3個之後, 我地就行去toy story 嗰邊, 點不知一入去, 就開始天黑, 一開始天黑, 就開始越嚟越多人喇.......早知唔入去啦, 因為toy story 嗰邊跟本就冇嘢啱佢地玩, 想影下相都難, 因為多人多到爆炸囉!

呢兩條友仔, 今次真係有交流喇, 行路會拖住, 又會互相篤背脊, 都幾攪笑, 唔似之前咁各有各不瞅不睬!

真係越夜越多人, 我地行左入去toy story先發現lai 嘢, 因為行左一入又唔比人行番轉頭, 因為d工作人員話預備放煙花, 要由另外嗰邊走出去喎! 真大獲~ 唔怪得好似番大陸咁, d人係咁行另外嗰邊啦! 但係又冇指示嗰, 攪到我地4條友仔行餐懵架囉!

其實五點幾開始我已經開始有小小暈, 感覺上同第一次嚟嗰次暈有小小似, 所以熙媽叫我坐一陣先好再去玩, 點不知一暈, 就暈左幾個鐘, 番到屋企都仲暈緊, 所以地去完toy story 嗰邊見到咁多人,兩隻豬仔又叫抱, 咁就7點零鐘就走喇!

唉~ 咁熱咁晒, 我又唔想好似上次咁十二點幾入去, 但係開始落太陽, 又越嚟越多人, 跟本個個遊戲都話最少排隊要一個鐘, 咁點玩呀?!

歹毒得黑心雞!

唔係日日對住馮小姐嘅人, 以為佢好好, 好NICE, 又肯幫人!

自己食橙事件之後, 我已經覺得好自私! 所以佢而家日日下午, 只係食一啖飯, 講明話自己唔想再肥, 但係都減唔到, 我覺得都抵佢死! 因為佢食嗰一啖飯就諗住可以唔肥, 但係就日日食飯都去配包lemon tea or code, 你話呢d人個腦幾死豬兜吖!

星期一我已經同馮小姐講明, 我買左嘢飲嚟減肥, 唔好煮我咁多飯! 星期二 & 三, 佢真係有煮少左, ""不"少左飯比我, 但係尋日, d份內就開始同之前一樣, 而今日, 我發現仲更加大碗左!

今日我一睇到馮小姐"不"緊飯, 我就問馮小姐仲咩煮咁多飯, 係唔係佢好餓, 佢答我, 佢驚我唔夠飽所以煮多左係比我!

聽到佢咁答我, 我當堂火滾!!! 因為馮小姐好多時會靜雞雞煮多DD比我食, 之前已經話過佢好多次, 我亦都問佢知唔知, 識唔識咩叫"大半碗", 原本係大半碗, 跟住整下整下又變番一碗, 我出完聲之後, 又變番大半碗, 但係過左一陣, 又點番做一碗! 所以我覺得佢今次係有心!

我覺得佢好賤同好歹毒, 自己減極都減唔到肥, 我覺得佢都想我減唔到, 就係咁耐唔耐就加我飯!

所以我今日都唔客氣, 我問佢究竟咩心態, 明明人地話唔食咁多, 仲要專登比多D人地, 係唔係玩嘢呀!!!

So cute my baby~!

滕滕而家有個習慣, 番學前放學後番到屋企就會打比我, 今朝佢打電話嚟, 第一句: "早晨!"

明明係巴士"恰"緊眼瞓嘅我, 都當堂醒晒!

放學番到屋企, 佢打比我, 我就會問佢, 今日係學校有冇曵呀!

上個星期六同佢出緊去TST時, 佢無啦啦自己爆左出嚟, 佢話因為佢成日傾計, 所以老師掉左佢位!

死唔死吖~ 番左學都未夠一個月就已經比老師話佢口水多過茶喇!

因為已經掉左位喇, 所以尋日放學我就問佢有冇曵! 佢居然答我"冇!", "不過, 坐我隔離嘅同學好鐘意我, 佢又攬我呀, 所以我都攬番佢!"

哈~ 都已經掉左位啦, 咁快又比個新識同學攬住! 所以話, 其實小朋友去適應新環境, 真係睇下佢地點去接受! 而佢接受左喇, 話咁快就話又比另外一個同學攪住! 就係因為未掉位之前, 坐隔離嘅女同學好鐘意佢, 成日攬住佢, 所以我估老師頂佢地唔順, 所以先掉佢位! 而家, 話咁快又嚟喇!

開始減肥~

尋日買左呢D嘢, 開始減肥!



今日朝早開左一包飲, 真係去到中午12點, 都冇餓嘅感覺喎!

跟住下午四點再開多包飲, 到左六點幾亦都冇餓嘅感覺!

個sales話如果想快d見效, 就一日兩包, 所以我就買左一個月嚟試下!

尋日磅過, 有 116磅!

一個星期後再磅睇下有冇料到先!

神神地架!

尋日朝九點幾, 老公打電話番嚟問我起左身未! 星期日呀, 更係未啦!

後來等滕滕醒左打番比佢問佢咩事, 原來佢話佢有同事想同佢掉大假, 叫我老公想唔想掉到十月尾喎!

唔好玩啦, 9月頭我地已經報左團10月頭去旅行, 兩個星期前都已經話仲差兩個人就成團, 點掉假呀! 話說完左, 老公就同我講, 不如叫埋佢亞媽一斉去旅行喎!

唔係亞化! 叫埋你老母??? 一聽到, 我冇直接咁拒絕, 我只係話: 早講吖! 當初係你話唔好一斉去(一行6個), 而家無啦啦話叫埋你亞媽? 咁就一早叫埋我老豆同老母啦, 可以一斉去, 唔使而家分開去啦!(因為我老豆亞媽九月尾去)  再者我又講, 而家我老豆老母分開去, 就唔好叫你亞媽同我地一斉去喇, 要去就一斉去! 我唔想只係你亞媽同我地去囉!

老公即刻收皮! 因為佢已經知道我唔會掉抵我老豆老母! 所以唔該下次請早, 機會過左就唔會再有!

第一步

今日其實好攰, 因為尋晚瞓到半夜醒左, 又諗起嗰兩件衫...........

就算攰, 都要頂啦, 因為今日要去個簡介會到, 而呢個簡介會就係我期待已久嘅!

個簡介會, 其實係去做義工嘅前瞻, 其實聽佢地介紹去探訪d咩地方、咩人, 而呢個團體只係係7月先開始, 去過探訪都只係幾次, 由一對夫婦發起, 而呢對夫婦兩個都係社工!

呢個簡介會, 係九龍灣一個私人屋苑到開, 其實差唔多到時, 我都有小小驚驚地, 因為點解個簡介會會係私人地方攪, 而唔係係公眾地方? 如果係一個office到開, 我都冇咁驚! 一去到個lobby到, 個食焦就叫我直行(因為係1/F), 話係琴行嚟, 再去到門口, 個門鐘"禁"極都唔嚮冇人應! 就係呢個moment, 滕滕同我講"媽咪我有d驚呀!", 而佢隻小手就拍左個門一下! 就係呢一下, 過左一兩秒, 就有個同我差唔多年紀嘅男人嚟開門!

聽完個簡介會, 好豪不猶豫地就去交左$100, 因為雖然呢個團體只係剛剛開始, 但係我直覺上呢對夫婦好有心, 佢地講出嚟嘅嘢同我嘅諗法好似, 所以我就決定去一次!

$100啫~ 咁人地去老人院前都要整D嘢到時去派比老人家, 所以我覺得呢一百蚊都好合理, 充算如果比人厄, 都只係一次, 唔會有第二次啦!

而家, 就等到29号, 就可以去老人院探D公公婆婆喇, 亦都係我期待已久好想去做嘅一樣嘢! 如果可以, 遲D等滕滕大D, 佢可以幫到手的話, 我真係好想去老人院幫D公公婆婆剪下頭髮! 因為我已經一早諗定, 第日如果我退左休的話, 我真係好想好想搵一個地方係可以幫人剪頭髮架, 因為幫到人, 真係好開心!

肉痛!!!

今日, 前所未有咁肉痛! 我買左兩件T比我老公, 而我自己都買左兩件!

老公嗰兩件, 我已經預左budget, 所以已經有晒心理準備!

而我嗰兩件衫, 我勢估唔到, 超出左我預算3倍! 我心目中以為新款可能只係貴二三百, 但係我冇諗過係貴千幾蚊! 而且, 仲唔係而家嘅新款, 因為我知道舊年已經出左!

到左碌卡時, 一睇個銀碼, 心裏就爆一聲! 但係, 唔可能當時先嚟話太貴, 叫個sales 做refund架嘛, 只怪就自己之前冇問!

所以唯有怪自己今次堅實、堅戇居! 用耐用性嚟計, 呢兩年T, 如果我好好地咁保養, 每一次自己用手洗, 我諗都可以著到10年, 除非我唔再肥落去! 我唯有用呢個諗法嚟同自己講, 咁樣我會舒服D!

我唔夠膽同老公講我今次戇居得咁緊要, 因為同佢講, 真係一定比佢鬧死!

滕滕陪我買完衫, 我就同佢去行TOYS R US, 而今次一定要買嘢比佢, 因為自己買左咁貴嘅衫比自己, 如果我唔買番架車比佢, 我就真係對唔住自己喇!

慨嘆~

突然間覺得, 點解人係自私嘅呢?!  盡可能我都會努力, 但係如果只係單一, 咁我會放手~

我係一個衰家姐~

尋日亞媽打比我, 佢話打細佬打比佢, 要番屋企住, 因為佢同佢老婆抄左獲勁嘅! 聽到亞媽講, 我有D擔心, 因為早前亞爸亞媽打算去旅行, 我叫兩個細佬夾錢, 我怕因為要攞錢出嚟而另到佢兩公婆嘈交, 所以我打去問細佬仲咩事!

另一方面, 知道細佬要番屋企住, 我有D開心, 因為我知道我細佬又再次頂佢老婆唔住, 應該係頂番佢老婆, 所以先嚟左場大戰! 我細佬, 一向都好忍佢老婆, 就連過時過節, 佢老婆都唔會比我細佬帶個女嚟我屋企, 佢都可以忍得, 原因我細佬比佢老婆食住左就梗, 同埋, 我細佬唔想同佢老婆嗌交, 好多時都忍左佢就算! 就係因為忍, 咁忍下忍下, 佢老婆就越嚟越過份, 我細佬, 就不停咁忍忍忍忍!

自從細佬個女出左世之後, 我細佬都冇番過屋企, 因為之前每一次佢番嚟, 都係因為佢兩個嘈交! 而細佬每一次番嚟, 佢就好似放監咁, 去邊到都可以, 又唔使下下比人話, 亦都唔使睇人面色!

我細佬唔出去蒲, 只係好耐唔耐會出去飲下酒, 可能幾個月先得一次, 因為佢晚晚都收工收好夜, 因為佢公司係接job做function, 所以收工番到屋企都12點! 而放假, 都會係屋企! 唯一, 就係鐘意打機囉, 但係佢又未至於打機打到痴左線嗰隻, 因為都要湊女架嘛!

我打比細佬, 佢話唔關去旅行夾錢嘅事, 而係佢老婆明知佢約左人食飯, 知道嗰時冇嘢, 係臨出去時就開始發癲! 可能細佬真係忍得好辛苦, 所以今次還佢拖!  聽到後, 我冇叫細佬唔好同佢老婆嘈呀, 反而我同細佬講唔好讓步, 因為佢平時已經係好過份, 如果再係咁落去, 第日佢真係賤過地底泥, 再者佢連自己老豆老母都唔尊重, 但係我老豆老母唔可以唔尊重囉! 所以今次我一定撐佢, 一定唔可以就咁就算!

雖然已經生左個女, 但係做人亞媽, 乜唔係應該要做好旁樣嘅咩? 成日發癲, 又唔識尊重人! 所以就算係生左個女, 唔係可以大晒囉!  而且, 佢老婆都唔當我地呢邊係自己人, 咁有嫲嫲爺爺, 都=冇! 咁如果係咁, 我唔介意我細佬離婚, 因為佢係男人, 仲可以去搵第個女婆! 我唔希望我細佬成日比隻惡雞悔

叻仔~!

上個星期因為要帶滕滕去覆診, 所以番學放學都係我! 就係因為咁, 佢嗰日就十分之扭計! 結果第二日, 我要送架車比佢, 要佢答應我以後番學都唔可以再咁扭計, 唔可以再話要番之前嗰間, 唔可以再話唔鐘意間新學校喇!

其實, 滕滕真係幾聽教, 因為佢第二朝如常知道我起身後, 就九秒九彈起, 驚死我走左去咁, 知道我唔會帶佢番學, 佢就開始扁咀(想喊), 於是乎我就即刻話, 我應承左佢買車之後就要乖, 我做左, 咁佢都應該要應承我, 番學唔可以喊! 講完, 佢就忍住唔喊出嚟, 睇到佢係刻制緊自己!

呢個星期番學, 睇到真係開始接受左新學校, 因為姐姐話佢每日番學都有進步, 由入去學校唔多捨得之後, 就開始OK, 跟住尋日仲好開心咁自己入學校!

今日, 老師打電話嚟, 講番滕滕呢排番學情況係幾好架! 睇到佢心情越嚟越好, 越嚟越適應, 已經開始同其他同學有交流喇! 而且, 坐佢隔離個女同學, 仲好鐘意佢, 成日係咁攬住佢潻~!

我同老師講, 滕滕係受教架, 如果同佢講, 佢明左, 佢就會去做! 老師聽到我咁講, 佢都話: "係呀! 佢真係算幾乖架喇!"

做亞媽, 最開心都係, 自己個仔比人讚, 而且仲係比老師讚!

生積~

自從上次滕滕腸胃炎之後, 成個人就好似生積咁!

一日最少食5餐!

一起身食包+牛奶!

番到學校又再食餅or 包!

放學番嚟又成晒成一碗飯 or 碗半米線!

下午瞓醒又餅干+豆漿!

夜晚7點又成碗半飯+餸

食完飯就食水果

到我八點開飯, 佢又過嚟偷食我d餸

八點半九點左右就食雪糕

到左差唔多十點, 佢靜靜雞係我耳邊講: 媽me, 我好肚餓呀!

嘩~ 又要比餅+豆漿佢飲!

我知道生蟲好似冇咁開胃, 所以應該係生積!
 

毛管動~~~

尋日約左個朋友lunch, 佢個仔大滕滕半歲!  因為佢落堂係12點鐘, 而滕滕落堂就係1點, 所以佢地放左學就過嚟搵我地喇!

差不多1點, 朋友打嚟比我, 佢話係附近, 叫我出門口搵佢! 我一行出去, 望望望, 見到嚟遠(唔算係好遠)我朋友企左係到, 而佢個仔, 係佢腳下, 係係佢腳下發緊癲!

我行到埋去, 佢個仔係到大叫大喊, 又出"權"頭用力咁打向佢隻腳到, 叫極都唔聽!

我朋友同我講, 佢個仔呢兩個月忽然變左咁! 係變左另外一個人, 突然有嘢想要而唔得, 就會係街到大吵大鬧, 瞓地dum地, 成個人瘋癲咁, 而且眼神兇惡!

當朋友強梗咁抱起佢個仔之後, 佢個仔突然一個兇惡眼神望左我一下! 只係一下! 

朋友話, 佢老爺臨過身之前同佢講, 叫佢唔好打呢個孫, 因為佢奶奶(都已經過左身)好錫呢個孫, 叫佢一定唔好打佢!

因為朋友老爺係年頭or年中咁上下唔係到, 但係佢個仔無啦啦之前有一日同朋友講: 爺爺嚟接我!

聽到朋友仔咁講, 真係當堂毛管都動埋, 而我, 又再一次叫佢去快d燒嘢!

食完lunch冇咩好做, 就上左嚟我屋企坐! 朋友個仔, 又因為一d嘢唔比佢玩, 佢又突然間咁即刻變左另外一個人, 又係到大喊又叫, 又瞓地又dum地! 原本起初我都抱實佢個仔唔比佢發癲, 但係過左5分鐘, 佢個仔都仲係癲左咁, 朋友就抱起佢放左佢個仔係門口, 尤得佢係地下發癲!

戰鬥力好強, 成15分鐘先開始減退(但係都仲大叫大喊)! 朋友同我講, 佢個仔話要去痀vivi,叫我幫佢去同個仔去痀(因為佢唔想以為個仔覺得佢屈服)! 去toilet時, 佢個仔已經開始冷靜落嚟, 去完toilet之後, 成個人又唔同晒, 好似變左第二個仔, 變左正常番........

滕滕見到個小朋友咁, 我知道佢都有小小驚, 因為唔好講滕滕, 我都係第一次見到有小朋友咁! 可能仍住有唔妥, 所以感覺上唔係個小朋友曵咁簡單! 所以我又再一次同朋友講, 真係好快d去問下紙扎鋪, 快d去燒嘢!

尋晚, 我成晚都瞓得唔好! 瞓下醒下! 而滕滕成晚耐唔耐又叫一聲, 耐唔耐就嘈下!

唔係迷信, 但係仲感覺好唔舒服, 因為小朋友曵, 唔會咁突如其來, 亦都唔會突然間變番冇事, 同埋, 佢個仔喊時, 全程係望都唔望人, 而係啤住某個位, 眼神, 跟本就唔同其他小朋友咁! 因為小朋友扭計, 一定會望住亞媽, 因為點都想睇下亞媽點! 所以真係勁唔對路!

Quality~

今日同滕滕去YMCA上堂, 因為可能未去過新環境, 所以滕滕都喊左兩句, 我就唯有氹佢玩完出嚟就比糖佢食!

都算係咁啦, 喊左兩句就忍住收聲喇! 所以出左房等左幾分鐘之後, 我就去左買糖比滕滕喇!

買完糖, 去番滕滕個課室出面, 有個媽媽係D隙睇下佢自己個仔! 我見到有個媽媽係到, 我就問佢, 仲有冇聽到有小朋友係到喊!

係閑談當中, 個媽媽個同佢幾個朋友自組左個course, 所以要搵人嚟問(好明顯, 佢想表達佢朋友多, 已經自組比佢個仔上堂)! 我做人都幾客氣, 因為佢一路講, 我都只係答"係呀!", 一d串嘅感覺都比唔到佢! 可能係咁樣, 佢就食住嚟繼續同我講, 因為佢自組course, 係想搵d有質素嘅小朋友同佢個仔一斉上堂, 唔而家上緊呢個course咁, 唔識d小朋友, 又唔知係咩質素!

聽到個媽媽講"質素", 我當堂望一望佢一身嘅打扮係乜! oh~ my god! 咁高質素, 都係一個師奶嚟, 點解唔係周身名牌嘅???

到放學, 又再撞到個媽媽去接佢個仔, 我又再望下佢個仔嘅一身打扮, oh~ my god! 真係又唔見到佢個仔個質素又幾好囉! 都係一件街方裝背心啫! 同埋, 今次個媽媽手攞一袋二袋嘅餸! 個心諗, 乜咁高質素, 咪又係都要去街市買餸! TIL~!!!

新抱!

以前就話唔好得罪奶奶,  而家今時今日, 社會變左, 所以而家真係唔好得罪D新抱!

好似大細佬個老婆咁, 我亞媽, 即係佢奶奶, 唔係一個黑人憎奶奶, 亦都唔係一個麻煩奶奶, 只係一個長氣奶奶啫, 又冇話過佢, 又冇比說話過佢聽, 呢個女人當正我一家好似得罰佢祖宗十八袋咁, 成都唔會帶個女出嚟比我地見, 而我亞爸亞媽如果想見個孫, 就要hou呢個女人唔係屋企, 先至可以上去睇佢個女! 而我老豆, 好有骨氣, 因為如果要hou呢個女人唔係到先可以上去, 佢寧願唔去!

我未生之前, 同我奶奶都冇咩嘢, 但係生左之後, 就開始有變化, 因為大家諗嘢唔同, 我覺得滕滕曵, 佢仲話佢乖, 滕滕做錯嘢, 佢仲係到笑住嚟助長佢, 所以我唔老嚟! 成日帶埋d唔知d咩嘅嘢食嚟, 連佢自己都唔知係咩嘢嚟, 佢居然問我可唔可以比滕滕食! 結果, 當然係唔可以啦, 咁佢自己好冇引咁帶番走, or 我直頭係佢面前比左個工人! 其實, 我唔係唔想唔尊重佢, 但係我唔明, 點解連自己都唔知係咩嘅嘢, 都可以比個孫食!  如果我要左一次, 佢次次都會帶d狗屎垃圾嚟, 跟住又好冇引咁帶番走, 既然係咁, 我堅決d話唔要好過啦!

因為佢由縱滕滕開始嘅一刻, 我就開始反感! 係我角度, 錯就係錯, 曵就係曵, 乖就係乖, 點都唔可以曵都要講成乖囉! 所以我開始越嚟越唔想搵埋奶奶一斉出街!

呢個幾兩個星期, 我係到整理呢兩年d相, 我睇番, 舊年好多時我都會叫埋奶奶一斉出去, 但係今年, 我冇!

一來, 同埋滕滕出去,滕滕會特別曵, 我唔想! 二來, 我每次一諗起, 奶奶有咩狗屎垃圾都搵我去做, 而老爺過身時, d銀行股票, 就識得搵佢d女去做, 我就更加條氣唔順! 因為既然佢個女咁忙, 咁點解關於錢嘅嘢, 就搵佢個女去, 而d狗屎垃圾嘅嘢, 奶奶就覺得佢個女唔得閑, 所以就搵我!

所以而家, 我明白到, 如果第日我想滕滕多d番嚟屋企, 我一定千祈唔可以得罪佢老婆, 因為冇左個仔都不突止, 而且仲連個孫都未必有得見! 因為, 而家我唔鐘意我奶奶, 佢亦都唔會成日可以同我地去街, or 可以同我地一斉去

可能係我錯!

好朋友想轉工, 因為覺得本身份工嘅offer 唔好, 而老闆又三番四次咁洒佢, 話會同佢re-view, 但係年幾都冇同佢調整過! 好朋友唔奮氣, 因為覺得自己被騙! 再者, 因為佢係睇數, 眼見d sales 係咁加人工, 幾千幾千咁加, 而自己一毫子都冇加過, 條氣就更加chok!

我用左成年時間, 不斷咁同佢解釋, 因為佢唔係對外幫公司搵單搵錢, 所以係老闆角度, 佢只係一個文職人員, 唔見得對公司會有大respect, 所以就算係加, 都唔會加幾千咁多! 但係, 縱使我不斷咁解釋, 雖然佢係明, 但係佢唔化, 因為佢仍然都繼續唔順!

我反問番好朋友, 我叫佢比個原因嚟, 仲咩事你要同d sales 睇斉一樣加咁多先??? 佢答唔到我, 因為佢跟本就心知肚明(佢自己咩料)!

好朋友好辛苦好辛苦先搵到一份工, 人工多三千, 不過就唔係做會計咁簡單, 而且仲要管人!

我個好朋友, 我識左佢成廿年, 我都未見過佢發皮4 or 鬧人 or say no, 所以當佢想轉呢份工時, 我已經提醒佢, 去管人並唔係一件簡單事, 會好有挑戰性, 而且, 對上有老闆, 對下有下屬, 各方面都要兼顧!

好朋友見多成三千蚊, 佢就話自己都想去試下, 因為佢都想挑戰下自己嘅能力!

份新工, 已經做左有三個月有多, 係呢三個月裏面, 好朋友有好多問題, 尤其係佢一d唔聽話嘅下屬, 佢唔知點去處理, 好多時都儲埋一堆, 就打嚟問我點去做! 而對佢老闆, 好朋友亦都有d無所適從, 因為佢問比老闆話, 唔問又比老闆話!

番工頭一個月, 我冇擔心好朋友handle唔到, 但係到左第二個月, 好朋友嘅一連串比我嘅問題, 我就開始有d擔心, 而家第三個月, 好朋友仍然有問題都走嚟搵我! 咁樣, 我真係怕好朋友跟本能力有限..........

我, 可能當初真係做錯, 我係錯左去鼓勵佢, 我唔應該去鼓勵佢去試份新工, 我雖然幫佢去分析過佢應唔應該去做, 因為我應該係知道佢跟本係一個唔識睇眉頭眼額嘅人, 要佢去對上又對下, 佢好朋友嚟講, 跟本實在太難.........

變態仔!!!

今朝我洗完面刷完牙, 攞左個bra bra入房預備一陣換衫!

係我化緊妝之際, 滕滕無啦啦同我講: "媽me, 你唔好攪我個波波呀!"

原來, 滕滕瞓左係張床到, 張我個bra bra 放左係佢條腰到(當自己戴左), 跟住雙手係個bra面到摸下摸下!



見到咁嘅情境, 我都忍唔住笑囉, 但係又唔可以唔話佢囉! 有冇咁變態呀! 男仔嚟架, 攞我個bra bra 嚟咁玩! 
 

好味道吖~

 

今日放工, 去左攞榴槤月餅!  食完飯, 第一時間就開嚟食!

嘩~ 真係幾鬼好味! 滕滕今年係第一次食, 佢都話好味! 更係啦, 成五十幾蚊一個架, 更係好味啦~

游水~

今日見天氣都OK, 咁我地就去沙灘游水喇!

呢隻豬仔真係越嚟越大膽, 越游越出, 我真係好驚佢無啦啦會舉起雙手, 跟住個水泡會脫左出嚟囉!

 

呢個老豆仲攪笑, 佢見幾個亞嬸彎晒身係到摷D沙, 佢話佢又摷下睇下有D咩喎!

喂喂喂! 睇住個仔仲好啦!

因為我呢個亞媽怕晒, 所以次次都成差唔多五點先去, 所以玩到差唔多六點未夠一個鐘就走喇! 唯有下次再玩過啦~

的起心肝~

上次卦左滕滕兩幅畫上牆之後, 真係好想搬走把度高尺, 因為好唔match!

今日, 的起左個心肝, 終於攪左喇!

睇落, 真係當堂靚晒囉~