Sofa.........我而家睇到都唔開胃
床仔...........床pang D油已經甩左啦
電視柜..............而家已經開始甩角位d木皮
而家連張膠墊都爛埋............
我都唔係好明, 點解張墊攪到有幾個洞..........!
2010年5月31日 星期一
2010年5月30日 星期日
見面喇!
改期都改左幾次, 尋日終於到可以同熙媽 & 叉燒媽一斉出嚟見面喇!
去緊之際, 唔知滕滕知唔知有個朋友仔等緊見面一斉玩呢...........
不過叉媽玩嘢囉, 約左佢13:45係葵芳MTR 等, 13:50打比佢, 佢話佢仲未出門口喎, 頂佢吖! 本身約左係食嚟到等架嘛, 咁就唔好約我係地鐵等啦! 仲要遲左成個鐘先到喎, 早知一早呢餐就入佢數啦!!!
熙熙原來同滕滕都一樣, 冇時停, 成日整嚟整去, 坐唔定, 所以我諗佢兩個大D一定好啱咀型, 一斉攪攪震!
叉燒仔大個左好多, 而家有成4個半月喇, 見到佢, 真係覺得佢好可憐, 咁細個唔知屋企發生D咩事, 不過好彩佢而家仲未識嘢, 如果唔係, 知道有個衰老豆, 我諗佢呢一世都有個唔好心嘅烙印!
PS. 我睇番D相..........有冇攪錯!!! 點解我同熙熙冇影過相架!!!
2010年5月29日 星期六
又買嘢..........終於都買左喇!
今日終於買左, 買左個外置hard disc! 等左幾個月先等老公一斉去買, 因為呢d有外表嘅, 通常都要經過佢approve先可以買!
所以今晚, 我可以整理成年未整理嘅相喇~! 整完, 要撰d去晒, 因為我有種晒相習慣, 鐘意入相簿 & then 睇相!
而且仲要撰滕滕由出世開始每一個月嘅其中一張靚相, 因為我個好朋友(TINA)係加拿大送左個相架比我, 我都未得閑去攪掂佢! 希望可以快D, 快D完成左佢啦!
2010年5月28日 星期五
究竟係邊個氹邊個開心?
尋日係個cam到睇到, 都已經笑爆我個咀, 因為個工人用條揹帶揹住個公仔, 係滕滕面前行嚟行去! 我一見到就打電話番去問佢係唔係痴左線, 仲咩揹住個公仔係到行! 個工人笑住咁答我, 佢話軒軒見到佢揹住個公仔呷醋, 係到喊呀~!
但係今日仲爆過尋日, 因為我係個cam到, 見到用條揹帶揹住個公仔, 唔係個工人, 而係.........
係個cam到, 都已經笑爆我個咀, 番到屋企睇相, 又忍唔住笑!
我真係好想問, 請個工人番嚟, 都係湊仔同埋同個仔玩, 但係而家好似掉番轉, 係個仔氹到個工人鬼咁開心咁喎!
不過又咁講, 個工人又真係好有心機同滕滕玩嘅!
2010年5月26日 星期三
好滿足呀~
今日上埋第二堂嘅photoshop, 完晒囉! 完晒囉!
好滿足! 因為我學到晒我想學嘅嘢! 而且仲可以自己執相.............如果記得的話!
有d嘢, 原來唔去學, 真係好多嘢唔知, 知道左, 原來先知道好多嘢係比人厄, 唔係話d高矮肥手喎(因為呢d只係小兒科), 而係相嘅格式檔都有幾種, 而呢幾種, 往往都係去影樓影相通常都會比人厄左都唔知.............
而家呢, 知晒! 但係已經冇用, 因為我都已經比人厄左, 唯有下次有機會就醒d啦!
我上完呢個course, 就發現原來自己好後悔, 因為未生滕滕嗰時有好多嘢想學, 但係成日都懶, "的"唔起個心肝, 但係而家呢, 想學就冇時間, 因為已經比滕滕fulfil晒我d時間! 如果下次有course 想上, 唔知可唔可以再請假呢...............
2010年5月25日 星期二
原來熙熙好好玩架!!!
今日終於都見到熙媽喇, 而且又見到埋熙熙!
原來熙熙真係好鬼死得意架, 又好玩喎! 撩佢幾下, 佢就會纏住你, 又離開下你, 跟住又會纏下你!
唔似滕滕咁, 撩極都冇反應, 鬼死咁冇引!
第一次係冇預備嘅情況下見熙熙, 好肉酸咁, 唯有係美心(因為約左係MTR等呀)買左袋麥包比熙熙當見面禮! 希望佢鐘意食啦, 因為滕滕好鐘意食包包, 我諗熙熙都鐘意卦!
約左熙媽今個星期日去搵叉燒媽呀, 希望滕滕趕到星期日之前好番晒啦, 如果唔係, 又要改期架喇!
2010年5月24日 星期一
2010年5月23日 星期日
你唔好恰我心軟呀!
上個星期日亞爸亞媽入嚟食飯, 老豆今次冇買蟹喇, 不過買左翡翠螺入嚟! 嗶, 真係好好食, 唔知點解我對呢d嘢真係好鐘意, 而且我又冒住腸胃炎嘅險我都照食! 呢個老豆曾幾何時, 因為佢對亞媽唔好我嬲左佢, 又唔知曾幾何時, 佢成日發皮4, 我嬲左佢, 又唔知曾幾何時, 佢無理取鬧, 我又嬲左佢, 又唔知曾幾何時, 佢又借到周身街數, 我又嬲左佢, 加加埋埋, 我堅嬲左佢, 冇同佢講嘢最少都有7/8年!
廿年前老豆試過一次攬住我喊, 叫我原諒佢, 唔好再嬲佢, 唔好唔理佢, 過左嗰次之後佢d皮4改左好多, 唔會好似以前咁番到屋企大力"pang"門入房, 無啦啦食完飯就叫我同細佬是但一個罰企, 又唔會成日發癲掉爛晒d嘢! 不過雖然係改左, 但係d皮4有時都係好嗅, 所以雖然基本上我好似原諒左佢, 但係實質係冇!
可能係因為自己個人大左, 我地成班同亞媽食完飯番去見到佢一個人自己係樓下孤00食飯, 我個心就開始心軟!
我唔係唔想對佢好, 但係一對佢好, 佢又嚟料! 但係有時都想亞媽開心, 同埋睇見個老豆冇人理, 都覺得佢已經有應有嘅懲罰喇! 因為佢已經比我地拋棄左佢有7/8年, 由我開始唔彩佢嗰一斉, 我兩個細佬都一斉唔理佢!
講真, 雖然有時真係好嬲佢, 佢都知, 但係佢又衰衰咁買我鐘意嘅嘢比我食, 咁邊樹嬲得落啫! 不過, 雖然個心嬲少左, 但係表面我都係成日話佢, 費事佢成日以用呢樣嘢嚟氹我!!!
2010年5月21日 星期五
請投我滕滕神聖嘅一票啦!
首先麻煩要對"Picsmile studio"讚好先 http://www.facebook.com/picsmilestudio, 跟住就要click 我滕滕嗰張相讚好 http://www.facebook.com/album.php?id=280790841218&aid=168551&s=100&hash=fed6c3d57d7898c1525f3791371bc007#!/photo.php?pid=4127788&id=280790841218 , 咁就得喇!
多謝支持!!!
今日出血, 出晒血!
原本今日想去買鞋, 但係睇唔啱, 所以冇買! 但係我估唔到我會買左另外一樣嘢, 仲要係出晒血..........就係爸爸! 因為生完, 知道自己已經冇之前咁挺, 但係都冇理, 因為好鬼忙, 但係我估都估唔到一試左出嚟, 個老闆娘一睇, 就知道我嘅問題! 咁當然比佢嚇一嚇之後(因為我冇講, 佢都知道我問題係邊), 我就把心一橫, 買左6個矯型爸爸!
買完爸爸都已經赤左, 不過我都冇忘記滕滕, 因為我另外一個主要任務, 就係買牙刷比佢!
其實唔止呢兩隻, 仲有一隻係有刷毛架, 等佢第日再大d就啱用啦! 另外又買左把風扇仔比滕滕係架bb車到用! 又買左熙媽講過嗰d米粉!
嘩! 今日幾飽呢!!!
2010年5月20日 星期四
你話我呢個亞媽幾戇居!!!
其實滕滕開始出牙嗰時, 我已經想買牙刷比佢, 不過, 整下整下就唔記得左!
今日打比個牙醫, 問下滕滕而家其實使唔使刷牙, 個姑娘(睇左十幾年牙, 已經好熟)話bb開始有牙, 就應該要開始, 不過佢話滕滕而家成日咬人, 我都係唔好買手指套嗰d牙刷同佢刷, 因為一定痛死我!
你話! 我呢個亞媽幾鬼憝居, 滕滕已經有8隻牙都冇同過佢刷牙! 死啦, 唔知滕滕d 牙會唔會第日黑猛猛呢!
2010年5月19日 星期三
上得好!
今日係第一堂嘅photoshop, 原本好眼瞓嘅我一去到就醒晒, 因為亞sir 個口好嗅! 我遲左5分鐘先到, 因為塞車, 所以得番最前面一個位(我以為), 所以都冇睇到就即刻坐抵, 不過一坐抵我就發現lai 嘢, 亞sir 個口真係堅嗅!!! 好彩係頭個半個鐘迫住索亞sir 個嗅口, 不過之後都冇喇! 到左十點半, 有人入嚟, 原來仲未斉人, 有人遲過我喎!
今日上呢個course, 都冇悶場, 又冇恰眼瞓, 因為呢個亞sir 都ok, 而且耐唔耐就比我地試下, 所以成大半day, 好似好快咁就過左喇!
除左學到我想學嘅嘢之外, 仲有一 D extra 嘅嘢係有所得架, 就係我問一d 晒想嘅問題, 同埋一d 關於 hard disc 嘅嘢, 亞sir 一一都答晒, 滿足晒我嘅疑問! 好爽, 爽晒!
另外一樣好筍嘅, 就係亞sir 醒左間晒相嘅工場比我地, 佢話晒大相好平! 而呢樣就真係冇得彈喇, 因為上次係影樓影嘅, 我正想出去晒番張 30 x 30, 換左而家張結婚相!!!
今次呢個course, 500蚊真係值!!!!!!!!!!!!!!
冇上錯!!!
今日係第一堂嘅photoshop, 原本好眼瞓嘅我一去到就醒晒, 因為亞sir 個口好嗅! 我遲左5分鐘先到, 因為塞車, 所以得番最前面一個位(我以為), 所以都冇睇到就即刻坐抵, 不過一坐抵我就發現lai 嘢, 亞sir 個口真係堅嗅!!! 好彩係頭個半個鐘迫住索亞sir 個嗅口, 不過之後都冇喇! 到左十點半, 有人入嚟, 原來仲未斉人, 有人遲過我喎!
今日上呢個course, 都冇悶場, 又冇恰眼瞓, 因為呢個亞sir 都ok, 而且耐唔耐就比我地試下, 所以成大半day, 好似好快咁就過左喇!
除左學到我想學嘅嘢之外, 仲有一 D extra 嘅嘢係有所得架, 就係我問一d 晒想嘅問題, 同埋一d 關於 hard disc 嘅嘢, 亞sir 一一都答晒, 滿足晒我嘅疑問! 好爽, 爽晒!
另外一樣好筍嘅, 就係亞sir 醒左間晒相嘅工場比我地, 佢話晒大相好平! 而呢樣就真係冇得彈喇, 因為上次係影樓影嘅, 我正想出去晒番張 30 x 30, 換左而家張結婚相!!!
今次呢個course, 500蚊真係值!!!!!!!!!!!!!!
2010年5月18日 星期二
我的金句!
我真係好嬲我自己!!! 因為我又忍唔住!
我見到個雪柜有袋奇異果, 我就知道係馮小姐! 大肚唔好食咁多奇異果, 因為會好濕, 所以我忍唔住講左出嚟!
我: 有D嘢我想同你講, 不過又唔想講, 因為講左可能你都唔會聽, 不過如果唔講, 我又忍唔住!
馮: 你講啦! 我會事後檢討架喇, 你講比我知啦!
我: 好似上次叫你唔好食辣椒油, 你又話亞邊個邊個話可以, 仲日日係咁食! 我叫你唔好食, 都係為你好啫, 你估害左你咩! 嗰次你去睇醫生, lunch 冇食嘢, 叫你番到公司煮個公仔麵, 你又話亞邊個邊個話唔食得! 而家我叫你日日食咩! 係因為你冇食飯所以先叫你食啫! 你知唔知點解公仔麵冇益呀, 係因為d"立" 啫, 咁你煮左公仔麵d水可以唔好要, 過一過水沖左d"立"佢囉! 因為冇食飯, 只係一餐半餐啫!
馮: 我知! 我知! 我只係加小小辣椒油調下味啫, 因為真係好頂食唔落呀! 亞邊個邊個都話可以食公仔麵, 不過唔好食咁多咁啫!
我: 叫你唔好食, 都係為你好啫, 你估害左你咩! 你而家只係頂住已經係好好架啦! 好多人啱啱陀仔都係好頂, 食唔落嘢架啦, 我嗰時嘔到仆街咪仲辛苦過你, 食完又嘔, 嘔完又再食又再嘔! 你既然咁驚不如你唔好出街囉! 街上面有好多車架嘛! 仲有呀, 條路又平, 出街好危險架!
我: 仲有, 雪柜嗰d奇異果應該係你架啦! 你唔好食咁多呀, 好濕架!
馮: 又話奇異果有業酸, 又話好嘅?!
我: 奇異果有好豐富維他命潻, 不過就好濕囉! 唔係影響你架, 係影響個bb咋!
馮: 吓?!
我: 有機會會皮膚唔好囉! 唔係百份百, 不過, 點解d人話盡量清淡d啫!
馮: .............................
.
.
.
.
.
其實我好怪我自己咁多事, 我好嬲我自己, 因為真係成日做埋d嘢真係好多餘!
我終於都知道!
星期日食完馮小姐餐姊妹飯, 唔知點解叮左一聲, 我終於知道, 點解佢有左, 我咁憎佢!
呢樣嘢唔係人人都明, 但係如果係嗰d 想生bb, 但係等嚟等去, 等左好耐先有左嗰d 媽咪, 佢地可能會知道點解我會咁憎佢!
係未有滕滕之前, 等緊之際, 我地個心跟本就係好心急, 越心急想要, 就越係冇, 越係冇, 就越要搵方法!
到左有左bb喇, 又唔係好相信自己真係有左, 照超聲波睇到bb喇, 又好怕冇左, 所以遲遲都唔敢同好多人講!
而且食嘢會好小心, 因為又怕影響到個bb! 總之行步路都好小心!
但係馮小姐呢, 一有左就係咁係到講係意外嚟, 對住個難有bb嘅人係咁同佢講佢自己有左係意外, 佢唔想, 咁即係算點呀, 示威呀!!!
個bb都未定, 就係咁同人講佢有左, 仲要示威咁話係私家生! 係咁又話嘔又話好頂! 咁算點呀!
就係因為佢呢副咁hill張嘅態度, 就足夠去另到我, 一個咁難有bb嘅人去憎佢!
佢一d都冇理過我嘅感受! 佢咁做, 跟本同對住一個冇仔生嘅女人講佢好唔想有左, 但係偏偏比佢有, 咁有咩分別???!!!
好彩我而家有我個滕滕, 如果唔係, 我真係會憎佢憎到死!!!
2010年5月17日 星期一
原來你已經不斷咁成長!
呢排唔知點解覺得滕滕越嚟越可愛, 因為而家叫佢做樣樣嘢佢都已經比到反應喇, 同埋, 我已經feel到佢好似好識聽我地講嘢!
因為好多時同老公/工人嘅對話當中(係話緊滕滕), 佢就望過嚟一係就對住我地笑, 一係就啤住我地, 一係就話, 你地又講我d咩呀, 之餘此類!
同埋, 而家每餐夜奶, 飲完我都會叫佢排氣, 而佢一聽到我呢個指令, 佢就即刻有反應, 好似我地大人飲左可樂咁即係比啖我嘆下, 大啖嘅之後, 我會"嘩" 一聲, 跟住佢就會再嚟多啖引我笑!
雖然滕滕有時真係好曵, 不過佢每一次做一d新嘢出嚟, 我都發覺, 我個滕滕又大個左喇!
有冇咁核突呀!!!
因為個工人要去做visa, 所以今日請左一日假有得蛇王!
每逢星期日湊完滕滕, 星期一佢都瞓得好晏, 而今日就仲堅, 今朝8點半滕滕合埋雙眼喊住要飲奶之後, 佢又再瞓番, 一瞓就成十點先起身, 而我呢都瞓到十點幾!
起身一出房門, 就見到有奇景, 就係個工人同滕滕著左件唔啱著嘅夾衣, 其實唔啱著嘅夾衣呢個問題不大, 最大問題, 係個工人冇同滕滕著片, 而件夾衣嘅褲檔係冇扣鈕(因為扣唔到), 我一望就望到滕滕個"姑"係因為條褲唔啱著而突左出嚟! 好明顯只係條"姑"突左出嚟!
件夾衣係淨藍色, 條"姑"係肉色, 咁你話喇, 幾核突吖!!!
我一見到, 就問個工人, "仲咩核突得咁緊要呀!!! 成條"姑"咁樣出左嚟呀!!!!!"
我同個工人講, 佢自己都忍唔住笑, 跟住就攞過件衫比滕滕著, 但係滕滕知道要換衫, 佢居然寧頭話唔換喎!
唔通咁樣著法係舒服d架咩???
2010年5月16日 星期日
好無聊嘅晚飯!
今晚馮小姐約晒成班兄弟姊妹出嚟食飯見下面, 因為下個月就係馮小姐嘅大日子!
我地遲左小小到, 因為馮小姐約左7點鐘係荃灣, 而滕滕六點就要食飯, 所以D咁嘅時間, 就更係同滕滕食左飯先出去啦, 所以我地去到都已經7點半!
一去到, 馮小姐D朋友(全部我都識, 因為佢基本上冇乜朋友, 全部都係舊公司D同事, 但係就識左好多年)坐晒係佢旁邊, 我地一去到, 就坐左係對面, 嗰一刻我feel到好似隔隔不入!
開席食飯冇幾耐, 佢地都已經開始講結婚嗰日應該要點要點, 而我呢, 就冇乜點出聲! 唔知點解, 係嗰個moment, 我覺得其實我唔應該做姊妹! 因為我一d都唔投入, 亦都唔係好想投入!
因為馮小姐個男朋友(馮小姐, 馮小姐男朋友 & 我老公細個大家係鄰居嚟)d性格同我好似, 好多嘢都吹到下水, 而只係一兩句, 大家已經明白大家想講乜嗰種! 所以馮小姐個男朋友liu同我講嘢, 我先開始有講下嘢!
中途馮小姐電話到, 講左都有成15分鐘, 講完就即係同我講, 個電話係dr fan 打嚟同佢講佢嗰d遺傳病, 而且不段咁話dr fan 真係好好人, 好好人!
成餐飯基本上我冇參與過任何佢地講嗰日結婚d 嘢, 因為佢地都好似冇諗住問我! 唔知係唔係我多心, 我覺得馮小姐有同佢講我呢兩三個星期冇理佢!
我都唔知點解要搵我做姊妹, 一開初我已經話女仔嗰邊太多, 可以唔使預我, 但係佢堅持話要!
我今晚食飯, 我一d都唔開心, 因為我覺得我跟本就唔係同馮小姐 fd到係做佢姊妹! 但係當佢講完收線嗰時, 第一時間就同我講係dr fan打嚟, 我又覺得佢又唔似唔like我喎!
如果我地唔係日日都見就好喇, 因為如果唔係成日見, 我可以直接同佢講我對佢有幾唔滿意, 唔係因為講完可以第日可以唔使做朋友, 而係, 講完大家有個冷靜期, 因為我當佢係真正朋友, 我會對佢講晒我嘅感受, 唔會好似而家咁, 成日係後面話佢! 因為我同佢講左嘅話, 我怕只係我一廂情願!
2010年5月14日 星期五
又嚟?!
尋日馮小姐去完醫院, 見完dr, 問我個dr 個position 係"specialist" & "consulant" 有咩分別喎!
嘩, 你玩嘢咩, 我又係係醫院到做, 你問我係唔係專科我就答到你啫!
原因係因為今日睇佢嗰個dr好詳細, 比起之前嗰個話係"specialist"差得遠喎!
過左一陣, 馮小姐比左條link我睇, 個subjuct係 "廣華醫院開刀生仔拉斷腳", 睇完之後, 佢同我講: "我地係私家生嘅決定係冇錯架!"
因為始終都唔係好忍得住唔講, 所以我就同佢講, 如果係私家生有事嘅話, 我怕到時送番去政府就會大家射波, 有事又唔係即刻同你整, 整下又轉下院又要嘥一兩日時間, 係嗰個moment, 如果有事, 一兩日時間係好寶貴! 同埋我話如果佢係私家生, 跟住又轉番去政府, 唔知又會唔會互相射波! 因為佢而家唔係好似一般人咁冇咩問題, 而係有d咩威廉氏症呀!
忠言逆耳呢句說話真係冇錯, 好多人都係只係聽好嘅一面, 唔好嘅就真係唔想聽, 馮小姐都唔例外吖! 我同佢咁講, 佢話佢朋友個bb出世有事, 都係去番政府, 都冇唔理喎! 因為佢嗰個朋友, 我都識識地, 我冇聽過馮小姐講過佢朋友係有d 咩病, 所以我就同佢講, 佢嗰個朋友生嗰時, 最多咪唔足月! 點不知佢好似好大件事咁答我, 佢朋友個囡有黃膽喎!
我真係想 "til" 佢, 佢真係一d常識都冇! 好多bb都係黃膽架啦, 係好comment 嚟架, 都唔係d咩事啦! 好多人係私家生完之後, bb有黃膽都係番政府照燈, 一d都唔出奇! 我都講明佢而家驗嗰d 嘢, 政府有晒record, 如果係政府生有d咩事, 佢地第一時間可以check到架嘛! 同埋, 佢而家都39,40啦, 事實高齡產婦生產嗰時, 危險程度真係高d架嘛!
而且佢屋企係有遺傳病呀, 唔係一般人都有架!!! 我同佢講話有d咩事, 政府因為佢係私家生可能會射波呀!!! 佢又話政府唔會架!
咁得啦, 你好去c! 我唔會再答你!!!
真係可以飲得杯落???!!!
個工人話滕滕尋日已經冇乜咬張sofa喇, 我諗真係就嚟可以介到喇!
但係唔好諗住可以換張sofa 喎, 雖然滕滕唔咬, 但係就抓到張sofa 花晒, 仲越嚟越爛!
個口唔得, 就用隻手!
滕滕! 你可唔可以唔好咁呀!!!
2010年5月13日 星期四
週年紀念
今日係結婚週年紀念! 不過, 爭扎左好耐! 係爭扎究竟帶唔帶埋滕滕出嚟!
好想好想帶! 但係滕滕出左世之後, 我地都未試過兩個去拍下拖, 而且冇晒兩個人嘅時間, 所以好想兩個去sweet下! 係老公出門口嘅一刻, 真係爭扎左好耐, 因為滕滕知道佢老豆出去, 佢就要抱, 因為佢都想去!
不過, 結果都只係我地兩個, 因為食完就快d番去啦!
呢個地方, 係一個網友之前去過, 睇到佢d相見到地方好靚, 因為全部都係紫色!
不過, 唯一失望嘅, 就係呢間唔算係一間正式餐廳, 因為有快餐店嘅隔局!
我地好開心咁帶埋部單鏡機去影相, 但係影左兩張之後, 部機冇電喎, 頂佢吖!
都係自己衰! 因為部機之前已經有提示就嚟冇電, 只不過我想用盡佢, 等用到真係冇晒電先換, 但係估唔到平時係屋企影咁耐都冇事, 一出嚟就 lai 嘢啫!
因為係fb到post左句嘢, 我叫老公係上面答我, 但係佢就一句話: 戇居!
乜我好戇居咩? 就係因為我戇居, 所以先至嫁比你咋! 乜你唔知咩!!!
我開始心軟..................
我覺得馮小姐呢個星期好似低調左, 可能佢知道我而家唔alike佢, 所以大家平時都冇乜講其他嘢, 除左公事之外!
佢呢個星期二去睇完遺傳科醫生, 番嚟都有講見左醫生d嘢, 佢講點樣安排再約見dr fan 嗰時, 我都忍唔住講左兩句, 佢可以點做!
唔知點解, 係嗰一刻, 我真係好想同佢講晒佢應該其實係要點! 因為我聽佢講, 佢好多嘢都唔知應該點!
佢而家冇乜嘢, 我又唔想做到咁衰, 好似識得、知道都唔出聲! 但係我又怕如果講左出嚟, 佢可能唔理我, 咁我咪好戇居?!
講又唔係, 唔講又唔係, 講出嚟, 又怕人地唔領情, 唔講出嚟, 自己又好似好衰!
唉!!!!!!!!!!!!!!!
2010年5月12日 星期三
我好清楚咁知道, 原來你係玩嘢!
揸左兩日手指水係張sofa到, 個工人話滕滕真係咬少左!
不過, 我頭先食緊飯, 問滕滕: "你仲有冇咬sofa 呀?"
條友仔居然行去張sofa個扶手到一啖咬落去, 咬完之後就對住我奸笑喇!
你話! 你話! 原來個奀皮仔係知道我話佢架!!!! 佢仲要咬完之後對住我奸笑呀!!!
你話死唔死吖 
.......請問想點呀, wahahahaaaaa..........
2010年5月11日 星期二
2010年5月10日 星期一
係你迫我架, 你唔好怪我呀!
我真係唔知點算! 滕滕而家食sofa 好似食到上左引咁, 一日咬幾十次, 我日日番到屋企, 都無啦啦會係某d地方到搵到d皮碎!
而且滕滕早排已經升左級, 咬左出嚟嗰d皮碎, 佢有時會收埋係門牙後面, 有時就收埋係個上顎到, 如果我地搵唔到, 佢就會好開心咁奸笑; 但係而家佢又玩嘢喇, 因為我地一跑埋佢, 佢自己會申條利出嚟比我地睇架! 即係 "嗱, 我比你睇啦, 冇呀!", 但係我地一行開, 佢個咀就會郁下郁下, 係到o趙緊!
我諗左好耐, 究竟買唔買好! 係尋晚放工, 我都決定買左佢, 唔係揸手, 係揸係佢鐘意咬嗰d地方!
藥房嗰個人話堅苦架, 仲要keep住苦成兩個鐘!
所以滕滕你乖d啦, 唔好再咬sofa 喇, 我地唔係同你玩架! 你咬唔緊要, 但係我地怕你食左d嘢落肚仔有事呀!!!
天大嘅笑話!
因為公司樓下嘅三樓係線廠, 所以成日都有d搬運工人要將d好似架lift咁大嘅鐵線圈搬嚟搬去, 下下都將d老連咁重嘅鐵線圈dum落地, 攪到成坐樓耐唔中都震到亞媽都唔認得!
間線廠搬左入嚟都已經有三年, 咁就震足三年, 我真係怕唔知有一日, 橦工廠大廈會唔會變成危樓呀! 因為成日係咁震, 廁所地下嘅雲石, 已經有成兩三塊裂開, 而且仲谷起左少少!
裂開谷起, 已經唔係今時今日嘅事, 不過個會計上個星期四同老闆講, 話d雲石咁谷起, 怕click 親馮小姐, 不如搵個裝修佬整左佢喎!
老闆同我講, 佢一聽到個心就諗: "使唔使咁大陣像呀! 因為佢有左就要去整笪地???!!!"
我都係第一次聽, 公司有人大肚, 就要去裝修??? 唔hair呀化? 咩事咁巴閉呀?! 我真係想知, 究竟係馮小姐同個會計講, 定係個會計懶好心咁呢?!
不過, 我都唔會理佢地, 因為個會計成日都係扮晒嘢, 成日等人地覺得佢好似處處為人著想, 但係如果真係處處為人著想, 就唔會係lunch 叮嘢用最慢火嚟叮半個鐘啦, 以為個微波爐得佢自己一個用呀! 而馮小姐, 我亦都唔會問佢, 我費事佢一陣以為我好緊張佢!
2010年5月9日 星期日
I'm the 蟹皇!
今年係第一年過嘅母親節! 老公要番工, 所以只係滕滕同我慶祝! 不過, 都唔係! 亞爸同亞媽入嚟我到, 所以都唔係只係得我同滕滕!
亞爸知我鐘意食蟹, 所以買左三斤蟹同半斤蝦入嚟! 但係, 係我劏緊蟹之際, 突然"叮"左一聲! ..........我係廚房行出去問: 點解今日母親節, 點解我呢個母親要煮飯嘅?
今晚都好滿足, 因為亞爸食左一個蟹蓋同埋半邊身就話飽喇, 跟住個工人番嚟, 亞爸叫佢食蟹, 佢就食左兩個蟹蓋同埋半邊身就唔食喇, 而其餘嗰d, 就我一個人掃晒!!!
好耐都未試過咁滿足, 不過, 如果可以再食多一兩隻, 咁就再更加好喇!
2010年5月8日 星期六
訂閱：
文章 (Atom)