好HIGH, 不過我就好攰!

初十我都已經等唔到, 今日初九就攞晒滕滕3年嘅利是出嚟喇!

佢條友仔, 見到咁多利是, 就話: "嘩~好多利是呀!"

前兩年唔拆, 係因為滕滕仲未識咩你利是, 所以唔拆住, 雖然佢今年都仲未係好清楚利是係咩用意, 不過佢就知道係人都會比利是佢!

今年佢識收, 又識問, 所以3歲拆利是嘅決定, 真係冇錯架!

我都係等到滕滕瞓左我先幫佢開利是, 因為費事佢連d錢都"meet"爛埋嘛! 不過, 我冇諗到, 原來一次過拆三年嘅利是, 原來係好攰架!

驅風~

舊年公司食團年飯, 同尋日嘅開年飯, 都去左食鮑魚餐, 而個餐嘅last, 係有個椰汁燕窩架! 因為個死人會計係食齋, 所以我地個鮑魚餐就冇佢份, 咁老闆就叫佢order左個齋+一碟菜再+一個燕窩!

條八婆會計, 食兩餐都係order左一個"薑汁燕窩", 不過, 可能因為lunch時間, 係尋日餐開年飯時, 間太湖就整左個"薑絲燕窩"比佢! 嘩~D薑絲多到呢!!! 跟本啖啖都有幾條薑絲, 咁點叫人食先, 唔通下下都要夾起咩! 可能就係因為咁多, 所以個八婆會計就忍唔住講出聲, 話好多薑絲, 並唔係薑汁!

佢唔講出嚟就由自可, 我一聽到第一時間嘅反應, 仲要衝住口咁講出嚟: "咁多薑絲, 可以驅風呀!" 講完呢句, 老闆 & 馮小姐都已經係到笑, 而我, 就即刻補番句: "可能見呢幾日天氣凍呀, 所以比多D薑絲, 可以驅寒, 等你冇咁凍!" 雖然我即刻補獲, 費事一陣比老闆話我講說話有骨啦, 點不知老闆就仲笑住不停咁講: 係呀! 多D薑絲, 真係可以驅風架!"

車~ 老闆明知我咩意思架啦, 佢咪又係講埋一份!!!

意外收獲!

今日第一日番工, lunch就去左causeway bay食開年飯! 老闆今年開年, 同埋舊年團年飯都去左食鮑魚餐, 好過食龍蝦啦, 次次食龍蝦, 跟住嗰幾日lunch都仲係食緊!  所以今年唔使食, 仲要係食鮑魚餐, 就真係爽到暈!

因為我訂左個平板電腦, 通知左我有貨到, 所以食完我就走先去皇室堡攞, 不過行行下, 點解隻右腳涼涼地嘅, 原來右腳隻boot個底甩左大半出嚟! 係銅鑼灣拖住隻腳行路, 真係瘀到爆囉, 一路行就一路比人望, 所以3721, 就即刻去買左對鞋喇!

都幾靚吖, 不過對鞋個頭就尖d, 太耐冇著咁尖, 真係有d唔慣!

好彩我同老闆講我要去攞嘢走先咋, 如果一斉走的話, 真係仲瘀爆!

開心完畢!

10日假期, 終於今日係last day! 真係又愛又恨! 因為咁耐冇番工, 今晚一定會瞓唔著, 一恰埋眼, 就會耐唔耐彈d嘢出嚟, 呢樣要聽日做, 嗰樣又要聽日做!

放咁耐假, 真係有d飽飽地, 日日咁對住滕滕, 佢乖就好開心啦, 佢唔乖就梗係激到你反晒眼! 仲要係對得越耐, 就會越嚟越曵, 真係比佢激死!

遇正今日老公放假, 近近地就去左市中心食飯喇, 唔去人地到喇, 驪日要番學, 今晚九點幾就要"的"隻豬仔去瞓喇!

有排睇~

呢本書, 原來真係都幾厚, 唔知幾時可以睇完, 睇完仲要係可以融會貫通到呢~?!

姣滕滕~

 

熙媽一家去左旅行, POST左D相上FB, 我比滕滕睇, 佢一見到熙熙條褲, 佢就話一樣, 仲..........即刻走去換!

我話等一陣瞓覺先換啦, 滕滕點都話唔得要而家去! 真係頂佢唔順!

恭喜發財!!!

恭喜發財!!!

恭祝大家最緊要就身體健康!!!

橫財就手!!!

青春常註!!!

老公/仔女/男女朋友, 都聽教聽話!!!

年花!

諗左好耐, 今件究竟買唔買花好呢, 因為如果買百合之類, 都唔知點放出嚟, 未過年都已經打爛啦!

買桃花都一樣啦, 老公仲要唔大唔買, 就算開左棵桃花三尺到, 都不出一日, 就已經比滕滕成棵拉左落地喇! 仲要有咁多個花冧, 幾好玩呀!

今年, 去行年宵, 打破慣例, 尾二嗰日去, 仲要係下午五點幾去, 因為唔想迫死人又睇唔到嘢! 原來, 係幾鬼舒服呀!

原本打算買D細細盤嘅金黃色一個一個好似壺佬嗰D, 不過行下行下, 又見到D蘭花幾靚喎!

結果, 今年就整左盤呢D喇~ 幾靚!!!

暫時嚟講, 滕滕都知道唔可以攪, 到目前為止, 佢都係攪過一次, 不過, 我就有D擔心, 番左工之後, 就唔知有咩事發生喇!

唔怪得啦~!!!

之前學校派左兩包奶粉SAMPLE, 一開我就已經聞到好香, 比左滕滕飲, 嘩~ 飲晒! 而且仲話好好味!

好囉~ 唔使再頭痕去轉咩奶粉喇!

買左番嚟一睇!

唔怪得啦, 原來係VANILLA味! 大獲! 有小小後悔! 因為咁香咁好味, 如果呢隻唔啱飲, 咁仲可以轉咩呀!!!

仲嬲我咩???

今晚個forwarder 請團年食飯, 食完番到屋企九點九, 以為滕滕瞓左啦, 原來仲未瞓, 咁我就洗左雙手, 換左d衫諗住同佢瞓, 叫個工人番去自己房瞓, 點不知滕滕又話唔要我, 要姐姐!

佢以前唔會咁架, 就算我番左嚟, 佢都同姐姐bye bye架,但係佢今晚又話唔要我喇, 唔知係唔係佢自從上次佢曵, 唔帶佢去食飯, 咁佢就以為我唔番嚟食飯, 係因為佢又曵唔帶佢出去?

聽到滕滕話唔要我, 我都幾hurt架, 我氹佢又話同佢唱歌, 佢都係到大喊話要姐姐!

咁點呀? 我已經用好溫柔嘅聲線嚟氹佢話同佢瞓架喇, 佢又係話唔要我, 跟住之後我問佢學校d嘢, 佢先冇事咋! 不過差唔多講完, 佢就推我個頭叫我去沖涼喇! 我話我沖左喇, 佢就死都話我未沖, 死都推我起身去沖涼! 咁我問佢, 我沖涼咁你係到做咩呢?! 佢答我, 軒軒係到囉, 唔瞓呀! 哦, 原來係唔想瞓住!

結果, 我叫個工人入嚟睇住佢, 我就快沖, 沖完, 佢就話要幫我吹頭, 最後都冇再嘈話唔要我同佢瞓喇!

唉~ 係唔係我上次罰得佢甘得济呢???

禮物~

今日收到老闆送嘅賀年禮物!

今年, 少左樂家杏仁糖, 同埋, 方形size 嘅金莎轉左呢隻大盒裝!  如果叫我食, 咁多都唔知點食! 不過老闆話派唔晒, 就自己慢慢食囉! 大佬, 我估要食到起碼出年年中囉!

爛晒喇嘛???

今朝一起身, 發現個暖風機唔著! 無錯, 都壞埋! 呢個豬仔, 平時已經叫佢唔好張個暖風機嚟"西"架啦, 又叫佢唔好瞓抵個機嚟"轆", 好啦, 而家都壞埋, 你話死唔死吖!

之前比我發現左佢張D車轆zip 落d隙到, 個轆熔左3分1, 好彩比我發現得早, 同埋佢zip左落去之後, 可以發現lai嘢攞唔番出嚟, 所以之後都冇再zip落去喇! 以為逃過一劫, 點不知, 攞左番嚟個幾兩個月之後, 都係同個電視同一命運!

究竟想點先, 要爛嘅都7788啦, 除左個電視柜同埋4張餐椅仲未換之外, 其他都換晒喇! 究竟, 係唔係想用新嘅先??? 係就早d話比我知, 同埋, 一樣一樣, 等我回番條氣先再嚟過好唔好吖???

對号入座啦, 唔該!

等左成個星期, 終於等到星期五話星期六表叔生日食飯! 等咁耐, 原因係想睇下"有佢冇我"係堅定流!

上次表叔個亞媽, 即係我舅婆, 亦即係我表姐妹個亞嫲生日, 我埋左張單(因為有人好好心, 比我碌卡儲分), 跟住表妹二話不說, 比淨三百幾蚊我, 話徐埋我嗰份, 所以嗰三百幾蚊, 係我都要出錢夾份食飯! 而我, 就好似比人"禁"住嚟屈!

我當然條氣唔順啦, 請我去食舅婆生日飯, 我做左禮, 無啦啦話我都要夾埋一份, 咩道理先!  所以第二日我就打去比出埋呢D屎橋想比少D錢嘅人鬧佢, 呢個就係我表妹!

表妹同日, 打比佢家姐, 同佢家姐講, 以後"有我冇佢"!

好! 我放長對眼等到而家, 都係等尋日咋! "有我冇佢"喎, 放屁啦, 咪又係出嚟! 我講嘢, 仲借D二搭一句咀, 呢D咩人嚟架!

原本我估佢應該係唔會同我有交流, 而我, 亦都唔會因為佢而成餐飯唔出聲, 因為我已經當左佢係透明, 但係, 我估唔到佢會搭左一兩句口!

當日我打佢鬧完佢, 我就即刻係FB到post左話"你拮起個屎忽想點, 我都知, 唔好以為話比人知你改左, 你就當冇嘢, 但係你咩人, 我好清楚!" 而佢, 打到我呢個post, 就即刻delet左我!

所以佢呢d人咁唔知醜, 佢唔使搭口, 諗住當冇嘢, 因為我已經係好睇唔起佢!

精彩!!!

真係好想爆粗囉!  一睇到, 度火去到而家都未熄呀!

12點幾同老公出左去睇D窗花啫, 番到屋企, 個工人就問我個電視點解變左紅色喎!

今次真係好滾! 有乜理由搵車車落個電視到架!  唔使問, 我都要佢罰企扭耳仔, 今次罰左45分鐘!  同埋,所有車車都立即沒收!!!

今晚表叔生日食飯, 都係帶埋佢出去, 而家, 帶埋佢去真係過唔到條氣, 所以佢冇得去街!!!

頭先10點番到嚟, 一入房滕滕都仲未瞓著, 咁我就叫個工人番佢自己房, 等我同佢瞓, 點不知佢話, 我要姐姐!

咁我問, 即係唔要我, 要姐姐係唔係?! 佢條友仔居然答係, 佢要姐姐!

聽日, 又要去買電視喇! 唉~ 係唔係比多一日我好過都唔得架!!!

安落!

今朝臨出門口, 滕滕無啦啦突然同我講: 媽me! 唔擒窗! 唔搣手指! 唔擺嘢落口口! 唔掟玩具!

其實有5大規條, 因為仲差"唔除衫衫"未講!

佢無啦啦講左其中4大, 我都打左個突! 不過, 見佢咁講, 我就即刻讚佢咁叻呀, 咁你要記住"唔.......唔......唔........"又再重覆講一次, 等佢深刻d記住, 跟住又再一次話, 如果你聽話, 媽me就好開心喇, 咁我就錫晒軒軒啦!

係公司, 今日成day 都好似冇乜聽到滕滕喊, 放工番到嚟我問滕滕: "你今日有冇曵呀?" 跟住個工人就答我: "佢今日冇曵呀!"

冇曵??? 唔係卦??? 個工又再一次答我: "真係架! 佢今日冇曵呀!"

直到今日為止, 我識左滕滕1,034日, 從來都冇聽過佢有一日係冇曵, 今日, 簡直係奇蹟!!!

講真, 我唔係要佢一定好乖, 因為小朋友有時曵下係好正常, 有時仲曵得好可受

好滿足~

而家有得淘, 真係好開心, 因為就連日常生活嘅家品, 都可以慢慢搵, 搵到啱為止, 最重要, 就係唔使出街! 因為出街, 就會阻我D時間係屋企, 唔使浪費晒我同滕滕寶貴嘅timing!

只要唔係好核突而有用, 我都會買!

過份! 呢個牙刷卦, 只係RMB2.8

呢個mouse pad, 又係過份, 只係RMB2.99(咁啱本身個mouse pad, 都已經比滕滕一分為二)

呢個筆筒, 又係過份, 只係RMB5.8!







而呢個, 本身係放係枱面嗰d擺嘢嘅盒仔, 但係我見佢細細個, 不如貼係牆到裝信啦! 咁就得左喇, 只係RMB2.9!

呢個要嚟放長boot 嘅鞋盒嚟, 亦都只係RMB8.8!

呢兩個CD套, 簡直係過份, 因為可以裝到80隻CD, 我已經唔係第一次買, 發現D quality真係冇得彈, 因為係出面買, 樣衰極20個裝或者30個裝都要成廿蚊, 咁呢個, 真係離晒譜, 因為只係RMB13/個!!!

呢個廁紙套, 其實唔係必要, 因為廁紙可以放係枱面, 不過想慳D位, 咁買埋囉, 因為都係RMB7.2之嘛!

 

呢個"long"冷衫架, 都唔係貴, 只係RMB8.8! 

呢個杯蓋, 都痴線架, 因為RMB4.8咋!



另外, 我仲買左衣夾、卦tie架 洗衫袋、扎頭髮象筋、衫領刷、百潔布、磨腳石、小形暖水袋!

雖然計埋運費, 都係可能平過HK小小, 不過起碼唔使出街, 車錢都慳唔少!

所以今個年尾, 真係滿足晒我個心寧喇!

轉左, 不過好似唔係好得!

因為日本地震, 所以食晒滕滕之前買落嘅奶粉之後, 就要轉香港奶粉喇!

轉左隻香港雪印, 我都只係買細罐裝, 因為怕滕滕唔食或者唔適應!

星期日已經開始夜晚轉食新奶粉, 我第一樣擔憂真係出現左, 滕滕次次食襯都話好辣! 佢話辣, 就即係唔好食!  呢幾夜又要氹又要叫, 又要抱住佢當BB咁餵奶, 佢先肯食大半, 話比佢知佢唔飲, 就會比工人姐姐飲晒, 佢都寧願唔要!

唔通, 真係要轉過另外一隻???  平時有咩新嘢食, 佢都會試, 但係新奶粉, 點解唔多like嘅??? 好難明!

身痕又發作!

尋日, 條友仔又唔知放左d咩落口食, 成都成口都係一粒一粒細細粒黑色硬物, 比我罰佢企! 罰完企15分鐘, 我都仲係唔睬佢, 佢就對住本書裏面隻羊錫左一啖之後講: "你乖, 我錫晒你, 你唔好曵, 唔好擺嘢落口口!" 你話係唔係比佢吹脹吖!

今日, 佢冇擺嘢落口喇, 因為佢話: "唔可以擺嘢落口口架, 媽me鬧架!"

係呀, 好似好乖, 不過又第二樣嘢嚟料!

呢張相, 已經冇咁驚架喇, 因為之前一陣, 佢將其中一隻腳申左出窗, 當時我就第一時間打番去鬧佢, 叫佢唔好再擒架喇! 點不知過左一陣, 佢又嚟過!

番到屋企一開門, 我就已經怒啤住滕滕, 跟住就話佢擒窗喇! 佢見眼神唔對, 就開始扁咀喊, 就話唔擒喇!

你估你喊,我就放過你咩???

二話不說, 我就比呢張相佢睇, 跟住就的左佢去罰企扭耳仔! 罰企嗰20分鐘, 佢唔敢唔扭耳仔, 因為佢知道如果佢唔扭耳仔, 就會比我尺好大力咁打手, 所以罰企扭耳仔, 足足罰左起碼20分鐘! 係罰緊呢個過程, 我不斷好惡咁重覆咁鬧佢, 你擒窗咁曵, 叫左唔好擒都唔聽話, 一陣跌左落街點算!!!

好彩個窗出面, 仲有個大手糟咋, 如果唔係, 跌左落街真係唔知點算!!!

往後日子, 我仲要不斷咁重覆訓導佢, 叫佢以後唔好再擒窗! 唉~ 幾個月嚟一次, 都唔知幾時滕滕成定性小小! 只係定性小小啫, 幫幫忙啦, 唔該!!!

吹脹的老闆!

今日同老闆講, 馮小姐又再一次另到我嘔血! 我真係恐防對住我屋企倆老之餘, 仲要對住馮小姐, 我真係死都死得快D, 因為遲早爆血管!

老闆今次又再一次叫我願諒馮小姐, 因為佢個人蠢到真係冇藥醫, 就算我再話佢, 佢個腦都只係去到嗰個位, 想多都唔得喎! 跟住又話馮小姐而家都40歲啦, 而家D腦退化症, 45歲就開始, 而馮小姐都可能開始有喎! 唔係嘛, 腦退化症就仲番工, 留番係屋企唔好出街啦, 一陣番左工唔識番屋企點算呀!!!

跟住老闆仲話, 叫我當請左個老人家番嚟做! 因為冇理由叫佢嚟做又係我, 叫佢唔好做又係我喎!

天啊!!! 請問我老闆係咩外星人嚟架???

請問, 可唔可以乖D架???

之前, 亞媽屋企洗衣機壞左! 跟住, 就到電視壞! 買左個新電視比佢地, 老豆就身痕走去up-
grade 左高清有線!  我之前已經驚告左佢地好多次, 唔好再去申請有線, 因為有線好仆街, 打襯電話去service 打極都打唔到, 之前追有線數, 足足幫亞媽追左8個月先有, 而家, 就無啦啦又去攪有線! 好啦, up-grade左有線高清, 所有無線高清, 全部就變晒雪花睇落雪, 老豆就打嚟搵我求救喇!!! 一聽到, 真係火嚟, 又搵我嚟攪!!!

上個星期六, 亞媽打嚟就話輪到個雪柜唔著!!! 我叫佢去睇下d雪柜先, 因為我當時去緊滕滕學校聽講坐! 因為屋企附近只有豐澤, 只有兩款, 亞媽話比我知個冰箱係有3個柜筒, 咁我就話喇, 3個柜筒唔多好用, 叫佢唔好買, 因為款又唔多! 而嗰時, 因為個講坐已經開始左, 所以我話一陣再打比佢, 叫佢唔好買住!

聽完講坐打比亞媽, 點不知佢話已經買左喎! 真係一個迷, 我話既然唔好用, 又仲咩事買呀??? 等我一陣都唔等, 咁個雪柜壞左打比我仲咩事先???

頭先, 亞媽又同我講, 個雪柜條膠條, 叫左佢嚟兩次換左都唔得, 成日漏左條"喇", 咁我就即刻問佢, 仲咩事你唔打比我呀??? 既然個雪柜有問題, 仲咩又簽收呀????????

火嚟啦!!! 仲唔火嚟!!!

同亞媽講完, 馮小姐就跟住問我, 知唔知打水豆針政府包唔包喎! 我已經忍唔住喇, 我好大聲&好串咁答佢: 大佬, 我點記得呀! 你估我超人咩? 一個二個有咩都走嚟問我搵我, 你地估我真係好得閑呀? 我自己d嘢都未得閑去做呀! 自己老豆亞媽就話唔理唔得啫, 人地嘅亞媽(我奶奶)又關我事, 人地D女去晒邊呀? 人地亞媽有事又嚟搵我, 老豆亞媽又走嚟搵我, 一個二個個個都走嚟搵我! 咁我死左, 有咩事點算呀??? 我差遲早爆血管架喇!!!

講完, 馮小姐就更係凹晒水唔出聲啦! 有乜理由, 打水豆針包唔包都要問我架!!! 上網check一check都知啦, 再唔係, 問佢個frd囉, 大佢個仔兩個月, 仲乜叉嘢唔問佢呀! 就算我知, 都唔想答佢啦, 有冇人懶得咁死交關架!!!

好多時, 我真係好攰囉! 老公又成日番工, 屋企d嘢就我理晒, 老豆亞媽又成日攪攪震, 攪埋d so 周屎比我, 人地亞媽又成日搵我唔搵佢d女, 係唔係要我死嗰一刻先可以抖下呀!!! 咁落去, 我覺得我一定爆血管早死過佢地囉!

皇上皇!

睇下呢set dest幾靚, 11月29号到架! 滕滕見到, 都不知幾鬼開心!

成日係到講軒軒枱枱! 軒軒枱枱!

更係開心啦, 有自己張枱喎! 我地細個, 恨都恨唔到啦!

不過, 今日..........

其中一張櫈就已經攪成咁喇!

因為係比佢掟爛架!

我都唔知, 仲咩佢咁大力, 櫈仔已經係好硬嘅膠嚟架啦, 都可以掟得爛!

而家, 屋企好多嘢都比滕滕整爛晒, 就連亞公亞婆買比佢唱歌嗰set, 都已經唱唔到喇!

我都唔明, 點解我家嘅破壞王咁緊要, 真係乜嘢都爛晒囉!!!

新朋友仔!

亞媽就識左成兩/三年喇, 個仔都係真真正正第一次大家帶出嚟!

今日第一次見言言, 言言真係好唔怕醜, 仲好鬼主動潻!

第一時間, 就叫滕滕拖住啦!

滕滕呢, 完全望住言言冇晒反應! 應該係唔知比咩反應!

小朋友真係好快就可以好熟!

食完lunch, 我地就去左爬蟲館喇! 兩條友仔係咁跟住條蜥蝪係咁錫! 真係架, 隔住塊玻璃嚟咀~! 真係嚇死人!

去完爬蟲館, 就去左公園玩左成個幾鐘喇! 呢個滕滕, 又係好似上次咁, 攬到言言實一實, 跟住就兩個跌晒係地下! 我都怕左佢, 叫佢越唔好就越攬, 咁就唯有走喇!

更係唔肯走啦! 我問佢, 乜係好鐘意言言咩?! 佢就答我, 係呀! 咁下次再玩過啦! "好"左一聲, 佢都明白唔走唔得, 所以係好不情願之下, 都要走喇! 

開心的 Bday dinner!

今晚, 約左契妹食生日飯! 其實食唔食都係咁, 因為我在乎嘅, 只係有心我就開心喇!

最攪笑就係呢個甜品, 真係好surprise! 冇諗過食完晒都仲係到等, 原來就係等呢個甜品!

因為間餐廳好多人, 唔可以比時間我地切埋cake, 所亞妹就叫左呢個心太軟喇! 嘩~ 原來好好味架!

都唔知咩人嚟!

馮小姐, 係唔係激我少一日都唔得架!!! 因為近過年, 船公司走船都好爆, 而家已經有幾張單要delay shipment喇, 佢尋日話又收到船公司我地有兩單貨轉船喎! 我一聽到又要轉船, 個腦就即刻彈出嚟"又轉船, 咁即係又delay 呀?"! 呢排爆期, 我覺得一個正常人都會第一時間問係唔係又delay, 但係馮小姐冇囉! 我問佢係唔係又delay, 佢答我: 我問下吖!  真係想小佢囉, 佢個腦究竟裝咩架, 踢一踢, 佢就先去問, 佢個腦諗唔到嘅咩???

因為船公司follow開嗰個女仔尋日放假今日先番工, 所以尋日馮小姐好似好有交帶咁同我講, 出左mail比佢問佢喎! 不過, 今日我收到個mail(係馮小姐forward比我), 個mail只係講轉左船, 跟本就冇講班船有冇delay, 咁我想問, forward比我睇, 把鬼呀!

忍唔住啦, 我即刻同馮小姐講, 個mail跟本都冇講班船有冇delay, forward比我仲乜春呀! 結果比我話完佢, 佢就再追, 但係, 第二個mail, 佢就問人地delay左幾多日! 大佬, 本身係幾時開船我都冇資料, 佢就只係問人地delay左幾多日, 跟住就forward比我睇喇! 請問, 咁即係邊日先開船呀, 係唔係又想我小吖!!!

到左下午, 嚟左個不速之客搵老闆, 馮小姐就好醒咁嚟搵我, 咁我就電話通知老闆, 叫佢唔好出房住, 跟住馮小姐就同我洒走左條友, 張條友送比老闆嘅禮物放係會議室!  過左一陣, 馮小姐又走嚟問我, d禮物, 係唔係攞入去比老闆呀?  我反問番佢: 唔係比老闆, 咁請問d嘢可以點呢??? 係唔係放到發毛吖???

請問, 咩人嚟架??? 要問嘅嘢又唔撚問, 唔撚應該問嘅問題佢就問!! 都痴交線架!!!

又有一晚~

陳奐仁, 唔通我真係真係好欣賞佢???

陳奐仁, 本身我真係幾欣賞佢, 有才華又唔hill! 不過, 都未至於發夢見到佢兩次吓嘛!

第一次發夢, 佢話我寫d中文字好靚, 第二日起身已經開心到死!

第二次發夢, 就係幾日前, 個夢裏面, 佢拖住我對手, 情深咁望住我, 就好似同佢拍緊拖咁!

講真, 真係有小小冧到暈左~~~!!!

又出發!

今日, 又帶住3個耆英出發去旅行喇- 大澳+大嶼山!

今次同3個耆英去, 比上次好好多喇, 可能行程短啦!  首先叫左奶奶入嚟我地到一斉搭車去東涌, 跟住就直接約我屋企嗰倆老直接係東涌等!

未到大彿, 老豆話嗰到有齋又有雜食叫, 唔使樣樣都係齋咁悶, 但係落左車, 一路沿住大佛嗰邊行!

就係沿住大佛嗰邊行, 就LAI嘢喇~ LAI嘢喇~ 因為亞媽帶我地一路行過去, 去到原來嗰到係全齋宴架! 感覺上, 就好似比一個好親嘅人厄左, 入左一個困局! 未落車都講話可以叫齋食又可以叫雜食就好囉, 亞媽聽到明知都帶左我地入去個齋地方, 仲唔係比人厄左, 好hurt呀!

好似好好味咁囉~ 不過, d嘢好淡唔多好食, 又冇得選, 段人頭計, 每位$65, 即係呢餐三百幾蚊, 幾鬼搵苯呀!

食完, 就入左大澳行喇! 嘩~ 多人多到吖, 幾鬼似出左旺角呀!

想影張相都好辛苦, 要等幾耐, 先可以影到張合照呀!

大澳有d地方又真係幾舒服嘅, 得閑去行下都唔錯, 不過話時話睇落, 有d似長洲囉~!

老豆之前叫過幾次話入大澳行架, 我知佢地d老人家更係想同滕滕去下玩啦, 所以見老公咁啱放假就一斉去下喇! 再者, 我唔想老公第日話我只係理我自己亞媽唔理佢亞媽, 所以就叫埋奶奶一斉去喇! 其實咁樣都幾好, 因為叫埋雙方家長去, 起碼有自己亞媽係到, 我同老公都唔會覺得唔自在囉! 而且佢地3老又相處得ok, 咁就very good 啦!