驅風~

舊年公司食團年飯, 同尋日嘅開年飯, 都去左食鮑魚餐, 而個餐嘅last, 係有個椰汁燕窩架! 因為個死人會計係食齋, 所以我地個鮑魚餐就冇佢份, 咁老闆就叫佢order左個齋+一碟菜再+一個燕窩!

條八婆會計, 食兩餐都係order左一個"薑汁燕窩", 不過, 可能因為lunch時間, 係尋日餐開年飯時, 間太湖就整左個"薑絲燕窩"比佢! 嘩~D薑絲多到呢!!! 跟本啖啖都有幾條薑絲, 咁點叫人食先, 唔通下下都要夾起咩! 可能就係因為咁多, 所以個八婆會計就忍唔住講出聲, 話好多薑絲, 並唔係薑汁!

佢唔講出嚟就由自可, 我一聽到第一時間嘅反應, 仲要衝住口咁講出嚟: "咁多薑絲, 可以驅風呀!" 講完呢句, 老闆 & 馮小姐都已經係到笑, 而我, 就即刻補番句: "可能見呢幾日天氣凍呀, 所以比多D薑絲, 可以驅寒, 等你冇咁凍!" 雖然我即刻補獲, 費事一陣比老闆話我講說話有骨啦, 點不知老闆就仲笑住不停咁講: 係呀! 多D薑絲, 真係可以驅風架!"

車~ 老闆明知我咩意思架啦, 佢咪又係講埋一份!!!