2012年1月9日 星期一
請問, 可唔可以乖D架???
之前, 亞媽屋企洗衣機壞左! 跟住, 就到電視壞! 買左個新電視比佢地, 老豆就身痕走去up-
grade 左高清有線! 我之前已經驚告左佢地好多次, 唔好再去申請有線, 因為有線好仆街, 打襯電話去service 打極都打唔到, 之前追有線數, 足足幫亞媽追左8個月先有, 而家, 就無啦啦又去攪有線! 好啦, up-grade左有線高清, 所有無線高清, 全部就變晒雪花睇落雪, 老豆就打嚟搵我求救喇!!! 一聽到, 真係火嚟, 又搵我嚟攪!!!
上個星期六, 亞媽打嚟就話輪到個雪柜唔著!!! 我叫佢去睇下d雪柜先, 因為我當時去緊滕滕學校聽講坐! 因為屋企附近只有豐澤, 只有兩款, 亞媽話比我知個冰箱係有3個柜筒, 咁我就話喇, 3個柜筒唔多好用, 叫佢唔好買, 因為款又唔多! 而嗰時, 因為個講坐已經開始左, 所以我話一陣再打比佢, 叫佢唔好買住!
聽完講坐打比亞媽, 點不知佢話已經買左喎! 真係一個迷, 我話既然唔好用, 又仲咩事買呀??? 等我一陣都唔等, 咁個雪柜壞左打比我仲咩事先???
頭先, 亞媽又同我講, 個雪柜條膠條, 叫左佢嚟兩次換左都唔得, 成日漏左條"喇", 咁我就即刻問佢, 仲咩事你唔打比我呀??? 既然個雪柜有問題, 仲咩又簽收呀????????
火嚟啦!!! 仲唔火嚟!!!
同亞媽講完, 馮小姐就跟住問我, 知唔知打水豆針政府包唔包喎! 我已經忍唔住喇, 我好大聲&好串咁答佢: 大佬, 我點記得呀! 你估我超人咩? 一個二個有咩都走嚟問我搵我, 你地估我真係好得閑呀? 我自己d嘢都未得閑去做呀! 自己老豆亞媽就話唔理唔得啫, 人地嘅亞媽(我奶奶)又關我事, 人地D女去晒邊呀? 人地亞媽有事又嚟搵我, 老豆亞媽又走嚟搵我, 一個二個個個都走嚟搵我! 咁我死左, 有咩事點算呀??? 我差遲早爆血管架喇!!!
講完, 馮小姐就更係凹晒水唔出聲啦! 有乜理由, 打水豆針包唔包都要問我架!!! 上網check一check都知啦, 再唔係, 問佢個frd囉, 大佢個仔兩個月, 仲乜叉嘢唔問佢呀! 就算我知, 都唔想答佢啦, 有冇人懶得咁死交關架!!!
好多時, 我真係好攰囉! 老公又成日番工, 屋企d嘢就我理晒, 老豆亞媽又成日攪攪震, 攪埋d so 周屎比我, 人地亞媽又成日搵我唔搵佢d女, 係唔係要我死嗰一刻先可以抖下呀!!! 咁落去, 我覺得我一定爆血管早死過佢地囉!
訂閱：
張貼留言 (Atom)
好似我咁. 做一個白痴.... 知少d, 理少d, 人都開心d. 嘩哈哈哈.
回覆刪除笑下啦. ^^
[版主回覆01/12/2012 11:57:32]如果我可以好似你咁, 我都想!!!
你真係唔好話我話你喇，呢啲種種事情，係你自己種落黎，第一次唔理，第二次唔理，第三次唔理，人地第四次都唔會搵你喇，嗱~~~又一次証明你攞苦黎辛喇
回覆刪除不過又真係奇怪，一個二個唔聽你講嘢，但又問你意見，其實會唔會只係當你係一個聆聽者呢?
[林林回覆01/16/2012 15:51:51]年尾流流唔可以講啲唔利是嘅嘢
[版主回覆01/13/2012 16:29:20]有!!! 我死左之後!
[林林回覆01/12/2012 17:18:39]算啦~~~無得改變架喇
[版主回覆01/12/2012 13:03:27]我屋企倆老搵我, 擺明係叫我同佢解決, 咁又點可以當耳邊風呢, 更何況, 佢地係自己老豆老母, 我唔忍心囉...........
至於我奶奶, 都唔係未試過當聽唔到架, 以前就扮睇電視, 而家就要湊仔, 咁奶奶見佢d女講完都冇反應, 到頭來佢又係搵我老公, 佢搵我老公, 咁我老公搵我, 咁即係又係我!!! 我老公, 有時個腦冇轉得我咁快, 好多嘢我都要提醒佢要問清楚d咩, 有d咩地方要小心留意, 結果, 就算唔係我親手去做, 老公去到每個位都會報告&問我, 咁你話, 同自己去做有咩分別!
[林林回覆01/12/2012 12:57:07]咁不如你當耳邊風，對你會唔會好啲?
[版主回覆01/12/2012 11:57:00]我細佬, 佢已經表態左最好唔好搵我, 搵家姐! 同埋, 我由細到大, 事冇大小, 自己屋企, 亞媽亞爸兩個細佬, 由頭到尾, 都係搵我! 係大細佬結左婚, d電話費先開始唔使我幫佢交咋! 至於老豆亞媽, 佢地擺明忘記晒我當時係幾咁火滾去鬧佢地! 不過, 可能佢地真係越嚟越老喇, 反老還童呀, 好似軒軒, 話極唔聽!
你得高望重呀。大大細細都聽你 law ~ 唔係人人得 ga。 (我就唔得喇!)
回覆刪除[版主回覆01/12/2012 12:52:17]得乜鬼嘢吖, 佢地聽, 我就唔使反爆眼啦!