嗰日同熙媽熙熙一斉去PLAY TOWN 玩, 玩到兩點半就一斉走, 去食嘢喇, D麵都未到熙熙就頂唔順瞓著左喇, 可能熙熙嗰時已經有小小唔舒服喇, 如果唔係, 以熙熙正常嘅狀態, 佢應該唔會叫眼瞓嘅!
熙媽得我同滕滕食完麵, 就比熙熙我同佢抱住佢先食, 我一抱住熙熙, 滕滕就即刻第手話要我抱佢喇! 熙熙已經過左我手, 仲係瞓緊攪, 熙媽又要食嘢, 媽me點可以抱你呢, 豬仔! 所以當時我就立即比d紅豆佢食, 分散佢注意唔好要我抱啦, 吖, 點不知呢個豬仔, 真係有得食就唔要我抱喇!
2010年12月28日 星期二
2010年12月26日 星期日
西寶城play town
今日約左熙媽一斉去西寶城都玩, 好辛苦, 因為單拖帶滕滕出去, 細機又壞鬼左, 帶部大機去, 攞到我成隻狗咁, 又要成日捉住隻滕滕, 所以影相唔多!
d人真係衰, 自己d仔女唔舒服就唔去帶佢地去呢d地方玩啦, 係到散播細菌!
熙熙玩完之後lai左嘢, 番到去發燒, 真係慘, 希望熙熙快d好番啦!
2010年12月22日 星期三
真攪笑~
同老闆傾開計, 問下馮小姐出糧嗰到有冇扣到錢, 老闆話個會計冇同佢講過, 咁即係個會計冇計佢五分四啦!
我係到同個fd講電話, 好大聲係到講放產假出糧係出五分四, 專登比個會計聽到, 果然不出我所料, 個會計第二日就同老闆講, 佢冇計馮小姐五分四, 係以為老闆會一視同人, 以為馮小姐會同我一樣出full paid 喎!
一聽到, 我覺得好攪笑, 因為個會計話"以為"! 乜有得"以為"嘅咩??? 就算諗住覺得老闆會, 係唔係循例都要問一問老闆呀, 而家係出多左糧, 唔係出normal嘅五分四喎!
原本我都想同老闆講叫佢照出full paid 比馮小姐, 但係出左糧咁耐, 同馮小姐講過電話咁多次, 佢都冇同我講過出多左糧呢樣嘢! 如果馮小姐有同我講過, 我可能會算, 不過同佢冇同我講, 我就唔會幫口! 佢份糧究竟出五分四定full paid, 全因都係我嘅決定!
家姐話我唔係一個好上司, 因為出幾多錢糧都係街外錢, 多與少都唔關我事, 不過, 我覺得, 如果佢唔係咁對我, 街外錢我唔會同佢計, 因為佢而家嘅 salary 都係我同佢講番嚟, 如果唔係, 佢都唔會有咁多! 就係因為佢咁對我, 所以我先同佢計得清清楚楚!
垃圾!!!
個工人對車頭燈好大, 我已經同過佢講, 佢之前比個男雇主想攪佢, 係因為佢成日都著埋d緊身衫, 叫佢自己檢討下自己d衣著, 而agent 都有同佢講過叫佢唔好著埋d咁嘅衫, 要著就出街先著!
不過, 呢個咁嘅工人, 真係講唔聽, 今日我見到佢著住條超級低腰牛仔褲, 只係彎一彎身, 就已經露左條股"喇"出嚟! 都唔使講咁啦, 我一見到就打番去, 講都冇講咩原因, 鬧都冇鬧, 好直接咁叫佢換過條褲, 如果要著, 就放假先著, 唔好再係屋企著! d咁嘅人, 我唔想再鬧多句, 講嚟都嘥我d口水!
到左4點幾, 因為要預備去奶奶都做節, 所以我見老公去左買餸之際, 我打番去叫個工人預備好出街d嘢, 包括尿片, 水, 水杯 & 濕/乾紙巾! 只係叫佢攞個水樽出嚟, 佢就"嘅..............", 我都唔知佢"嘅"乜九嘢, 日日都對住個盒, 個盒係透明蓋, 裏面就放左左個水樽啦, 都要"嘅" 唔知係邊!!! 一聽到, 我又忍唔住, 既然咁小嘅事你都做唔到, 咁你叫先生番嚟打比我, 唔使你喇!!!
2010年12月20日 星期一
我都唔知你有乜用!!!
今日放工番緊屋企, 老公打比我, 佢話個工人攞左佢年風褸去燙, 燙爛左!
番緊去途中, 把火越嚟越興, 因為我都唔知個工人做乜撚嘢, 樣樣嘢冇一樣係可以做得好! 番到去問佢, 你究竟知唔知呢件風褸係 polyester 嚟架, 你究竟知唔知道唔燙得架!!!
唔識, 都用手feel到係膠膠地啦, 你有冇用個腦去諗架! 個冇腦工人居然答我, 我覺得可以燙喎!
件衫, 我會記抵佢, 到同佢埋單嗰時, 我一定會扣起佢三百蚊!!!
2010年12月19日 星期日
屋企有老鼠!
今日下午滕滕瞓完覺, 唔知仲乜好似痴左咁係咁係到扭計! 我買左芝士包比滕滕做 TEA, 見佢起左身, 就比芝士包佢食囉, 不過佢食左一啖就唔肯再食喇! 一次, 兩次, 三次, 都係發住皮4咁推開我手上嘅包, 我諗佢覺得唔好食, 所以唔想再食!
見佢係咁扭計, 就比餅餅佢, 不過係食餅途中, 我都再比包佢, 因為我覺得佢咁鐘意食包, 冇奶油唔鐘意食, 不過呢次再遞比佢, 佢又拒絕我喇! 所以我話: 唔食算! 咁好味, 我食左佢! 跟住就張D包放左係枱面, 就入左房執衫!
執執下, 我聽到D膠袋聲, 跟手就申個頭出去望, 一望, 我發現滕滕好似隻老鼠咁, 係到靜雞雞偷面包食, 一發覺我睇到佢, 佢就震左一震, 跟住好無奈咁比我發現左咁係到笑! 我一睇到, 我就話: 哦! 我仲以為你話唔好食潻! 比過幾次你都推開我, 而家就去偷食! 賊仔!!!
2010年12月18日 星期六
咁你都得!
心情仲係唔多好, 所以都仲係唔想寫BLOG, 除左個死人工人除外啦!
睇到你個BLOG, 唔知你係唔係同我講緊, 我三番四次睇完再睇, 都係係到諗緊唔知你係唔係同我講, 睇到第三第四次, D眼淚唔知點解流左出嚟, 想話你唔係同我講, 都好似冇乜理由話唔係............
好多嘢我都可以HANDLE得到, 就除左係呢樣嘢, 我承認我係一個失敗者, 永遠唔知點解一定係處於弱勢, 朋友同我講, 叫我堅強D, 就係係佢叫我堅強D嗰一刻, 我先知道原來自己係咁懦弱. 我成日叫自己比D勇氣出嚟, 但係可惜去到嗰個位, 我做唔到.
呢兩個幾星期, 我唔係咁想講嘢, 連電話都唔想講, 如果可以嘅話, 我真係想去一個冇人識我, 冇人搵到我嘅地方到靜下, 因為我真係好需要冷靜, 不過可惜唔可以!
其實我好怕係BLOG同FB寫出嚟, 因為我怕比人問我仲咩事, 因為我唔知點講, 而且唔想講, 我怕好多人關心我, 關心我唔緊要, 不過唔好要我答, 因為我自己都唔想答自己........
好多謝你用你嗰種形式嚟關心我, 因為好感動!
2010年12月14日 星期二
生日不快樂
我諗過左咁多個生日, 應該呢個生日係我最唔開心嘅一個.
成個幾星期, 心情未好過, 唔係好想講咁多嘢, 但無奈個工人要我小佢佢先安落! 同老公已經個幾星期冇講過嘢, 因為我唔想再同佢講嘢, 而佢應該都係.
我以為佢今日番左工, 所以我冇諗過番到屋企, 打開個雪柜會見到個CAKE, 見到應該好開心先至係, 但係當我知道佢今晚又話要番工之後, 我冇開心過, 而且心情仲差左.
人地切CAKE我切CAKE, 我笑都冇笑過, 而且仲想喊. 想啫, 結果我冇, 因為我喊唔出, 但係係滕滕飲緊奶嗰時, 唔知點解滴眼淚好自然咁流左出嚟.
讀書時嘅我, 又番左嚟, 我收埋得好好, 我唔講, 冇人知我唔開心, 個個都以為我係因為個工人煩, 我想自己活係自己世界, 我唔想人地為我而唔開心, 因為我知道冇人幫到我.
2010年12月13日 星期一
那星~!!!
日日新鮮就日日甘! 真係唔 til 佢那星都唔得!
今朝我番到公司, 滕滕都仲未起身, 我打番屋企, 諗住電話嚮, 滕滕會起身, 但係都冇, 所以我打到番去, 我同個工人講整咩比滕滕 lunch! 再到成十點, 滕滕都仲未起身, 我又再打番去, 問下個工人有冇睇過滕滕, 佢話有, 不過我見唔到囉, 所以我叫個工人去望下滕滕, 睇下有冇唔舒服!
個工人一開門, 滕滕就醒喇, 但係係呢個moment, 我好似見到佢冇帶 mask! 我問佢有冇帶, 佢就話我而家帶! 而家帶??? 咁即係一路整滕滕 d 餸都冇帶啦??? 我把火又嚟喇!!!
尋晚已經講得好清楚要full day 帶 mask, 而家又冇帶, 係唔係玩嘢呀???????????
中午, 我又同個agent 講, 我話我真係頂佢唔撚順, 叫佢同我搵過個工人把啦, 我真係忍無可忍喇! 個agent 同我收左線, 就打比個工人, 跟住又再打番比我, 個agent話個工人知道自己錯, 今次死晒狗喎! 因為佢同個工人講再係咁, 就唔會再有機會比佢!
好喇, agent 叫我比多3、4日時間睇下個工人有冇改善, 因為佢今次真係知衰! 我個心諗, 而家先知衰, 遲唔遲d呀!!!
今晚番到屋企, til佢那星都覺得自己對佢好, 因為真係糟口都想講埋出嚟, 因為我見到滕滕著左4件衫, 除左件底衫之外, 其餘3件都係厚嘢, 而且仲成頭濕晒! 今晚究竟幾多度呀, 今晚都唔凍啦, 起碼都有廿三度, 使唔使著咁多衫呀! 睇到呢個情況, 我真係忍唔住就係咁鬧!!!!!!!!!!!!!!!!!!!!!!!! 因為滕滕成個背脊起晒粒粒! 真係佢老味!!!!!!!!
我一路鬧，就一路嘈，我同個工人講，如果陳小姐知道你ｄ咁嘅 performance, 我怕佢會放上網, 到時任何一個人都睇到你d performance 咁差, 我怕你以後都唔使搵到嘢做!
佢聽到我咁講, 佢定左望住我, 跟住我又再嚇佢, 我唔係同你講笑, 我之前嗰個工人已經比個agent post 左係internet 上面, 任何一個人都可以睇到, 佢已經入左bad list到, 所以我怕你再係咁做嘢, 到時我幫你唔到!
個工人聽完我講, 就即刻同我say sorry, 叫我比多次機會佢! 比機會你? 我已經三番四次咁比機會你, 每一樣嘢叫你唔好, 你都要challenge 我, 一樣照做!
我比機會你, 咁你可唔可以比機會我呀???
PS. 今晚番到嚟, 我發現個工人比滕滕玩到連個相機都壞埋, 唔火都嚟就有鬼!!!
2010年12月12日 星期日
Do u want to challenge me?
請左個工人番嚟, 都唔明點解放假都仲係要做到隻狗咁!
個工人星期五開始唔舒服, 尋日比佢瞓左大半日, 煲埋弼比佢食, 連夜晚餐飯都唔使佢煮, 諗住比佢多d休息等佢快d好, 所以預備滕滕今日d餸我都唔使佢, 自己整埋佢, 點不知佢今日放假就晨咁早就出左去! 叫佢瞓多一陣先好出去, 都唔死聽! 早知原來放假係精神d, 咁我唔使同佢做咁多嘢啦!
今日未停過, 吸塵洗衫煮飯執屋, 原來我發現平時滕滕瞓晏覺, 唔知佢做乜Q嘢嘅呢? 個廚房好dirty! 滕滕d床舖被冚, 佢嚟左咁耐就未換過! 執嘢其間, 比我發現左個工人d 污糟衫到有佢d內衣褲係到! 之前我已經覺得好奇怪, 仲咩佢沖完涼冇掠d underware 出嚟, 唔使洗架, 一問原來知道佢掉埋落洗衣機到洗! 我咁大個女, 所有underware 都係自己用手洗, 咁多年都係咁, 我自己都唔會放落洗衣機, 你憑咩可以放落去洗衣機呀!!!
之前我已經同佢講過一次, 所有d underware 唔可以放落洗衣機! 今日又比我發現佢又係咁! 個工人番到嚟, 我就問佢, 記唔記得我咁咁咁同你講過, 佢居然答我記得! 我用講東話問佢, 仲咩記得都仲要放落去洗衣機? 佢唔答我! 跟住我就用英文同佢講, u need to answer my question before u want to go! 真係一個迷, 同中文問, 佢就唔出聲, 只係望住我, 我用英文問, 佢就答我 sorry呀, 太太! 跟住我問佢, 你話你記得我講過, 但係就去做, are u want to challenge me? 今次佢就好快答我no 喇!
我真係唔知可以忍到幾耐!
2010年12月11日 星期六
起初我以為係!
今日係第一次去YWCA 到上PLAYGROUP, 真正FEEL到 PLAYGROUP原來真係幾流!
成個過程都係我估計內, 唱下歌, 比佢地坐下車仔, 行下玩下, 唯一係估唔到就係有TEA 食!
可能冇比滕滕瞓陣覺, 所以係嗰個幾鐘頭裏面, 得佢一個最曵, 另外有3個男人, 都冇佢咁痴線, 而另外3個女仔, 就真係成嚿蕃薯咁, 成個過程得佢一個係到發皮4, 又唔係坐定, 人地唱歌拍手佢就要走去玩玩具車, 唔理MISS, 到左做運動嗰PART, 佢又走去話要坐車, 一見到車就要, 乜嘢都見唔到, 亦到唔理, 最乖就係食TEA 嗰時, 呢個餵食鬼, 見到有嘢食, 就HER住要食, 人地都未開始就已經發出嘈音話佢好唔耐煩, 要快D食, 都唔使講, 佢更係第一個食完啦, 仲要成杯水飲晒, 同係屋企一樣, 渴水渴食症咁, 真係失禮死人!
食完嘢, 就用手指印印印, 人地用手指, 佢就成隻手掌, 話極都唔聽, 又唔理, 都唔知印左D乜!
(一隻一隻手指印, 係我嘅, 只係我自己一雙情願想佢跟我咁做, 不過可惜!)
我起初真係以為滕滕都算OK, 唔算係曵, 不過從今日開始, 我諗我要改觀, 因為今日得佢一個係痴左線!
2010年12月10日 星期五
頭暈~
今日係個CAM到聽到個工人係到咳, 我打番屋企問佢係唔係唔舒服, 佢答我話有小小!
唔舒服, 仲咩唔打比我問我有冇MASK 呀??? 我睇到佢係到咳, 係對住滕滕咳, 真係離撚晒譜!!!
番到屋企, 我見到個工人唔舒服嘅程度, 並唔係小小囉, 我再留意滕滕, 我發現佢有鼻涕! 真係火都嚟! 鬧佢又唔係!
我打比AGENT同個AGENT講我真係好撚頭暈, 有乜理由對住滕滕咳架!!!
個AGENT 聽到, 佢都鄧我慘, 都無言以對, 只好話星期日見到佢, 再同佢講清講楚!
我都明白唔關個AGENT 事, 因為佢地都預計唔到佢會咁, 我同個AGENT講, 如果要我補錢補機票比佢, 我條氣真係唔係好順, 因為佢當初話自己湊BB OK架嘛, 而家學張雪球話齋, 真係貨不對版喎!
真係好撚暈, 好撚煩, 同好撚頭痕! 我唔知自己仲可以忍到幾耐!!!!!!!!!!!!
2010年12月8日 星期三
2010年12月7日 星期二
2010年12月6日 星期一
反撚晒眼!!!
已經係第5次!!! 滕滕啱啱好番冇耐, 又再病過!!! 上個星期六又要去探DR, 已經係第5次睇醫生!
我都唔知個工人仲乜撚嘢, 真係九把幾火! 一早起身已經FEEL到天氣凍左, 佢居然同滕滕只係著左件薄背心, 一睇到, 我就第一時間問佢仲咩唔同佢著多件衫, 個工人答我話佢覺得唔凍喎!
大佬, 你做緊嘢就更係唔凍啦, 滕滕仲食緊藥架, 佢起身又點會無啦啦熱呀, 比D SENCE 啦!!! 好啦, 到左星期六, 同滕滕去完INTERVIEW 之後, 帶左佢番屋企, 我地就出左去黃金睇下D CAM, 唔記得左鎖左房門, 個心已經諗唔知個工人醒唔醒目, 求其都攞D毛巾同佢冚住瞓晏覺啦, 點不知一番到去問佢, 佢答我冇喎! 真係火都嚟埋!!! 二話不說我就問佢, 咁你今晚瞓覺我唔比被係冚得唔得呀????
真係忍唔住, 我小左佢一大餐, 我話佢, 我真係睇唔到你湊BB有咩EXPERIENCE 囉, D咁SIMPLE 嘅嘢都要我講, 要我提, 你食緊藥瞓覺, 可唔可以唔冚被呀! 成日都係D CARELESS MISTAKE, 究竟你湊BB有幾好, 我真係睇唔到囉!
都係已經講左3次, 所有冷衫、我嘅紫色衫、同埋所有褸, 都唔可以放入洗衣機洗! 今朝, 我發現左件兔毛冷衫居然又比個工人放左入洗衣機裏面! D兔毛衫甩甩地毛架, 洗完, 其他D黑色衫黐晒我件冷衫D毛! 我問佢究竟知唔知咩係冷衫呀? 佢居然答我, 你話係紫色先唔好入洗衣機之嘛!!! 我把火又嚟喇!!!!!!! 所以我再講多一次, 所有冷衫、紫色衫同埋所有褸都唔可以放入洗衣機, 如果下次你都仲唔記住, 咁所有衫都用手洗喇, 我唔想次次都同你REPEAT 完又再REPEAT!
叫我再攞起個鑊剷, 我真係十分之不願意, 不過, 我睇見個工人煮嘅嘢, 未食都已經想嘔! 一係就隔日薯仔雞翼, 一係就食抄菜同菜煎蛋! 真係人都癲! 個人其實已經好肚餓, 但係對住D咁嘅餸就真係好唔開胃, 水no飯之餘, 仲要一路食就一路反! 冇錯, 佢當初已同左我講佢煮餸唔叻, 但係就唔好撚隔日就薯仔雞啦! 點解? 因為唔使諗, 又唔使睇火嘛! 我問佢識唔識蒸排骨, 佢話識, 我問佢識唔識炸菜蒸豬肉, 佢又話識! 咁點解我買左d豬肉同排骨唔整呀??? 原因可能係因為佢唔食豬肉, 所以就唔整, 如果整豬肉, 咁佢就要整多一樣餸比自己! 有冇咁7懶呀??? 唔通我成Q日倍你食薯仔雞咩, 痴乜線架!!! D豬肉買左番嚟, 成個星期都未食完! 點解? 因為佢每日只係整DD比滕滕食, 咁食法點食完呀??? 咁滕滕除左頭兩日係食新鮮豬肉, 跟住之後就日日食埋D唔新鮮架喇! 你話我有幾撚反眼吖! D豬肉係一斉食架, 一斉頂晒咪最多兩三日, 滕滕就真係陰公啦, 成埋D幾日嘅豬肉, 真係痴九撚7線架!!!!!!!!!!!!!!!!!!!!!!!!!!!!!!!!!!!!! 而家唯有我日日同佢講聽日整咩整咩! 我真係唔想滕滕食埋D唔新鮮嘅嘢喇!!! 而且老公係到, 盡量都我嚟煮喇, 因為老公直頭同我講, 之前嗰個工人煮佢都已經唔想食, 咁何況呢個!!!
唉, 死啦, 點算呀!!! 我真係反撚晒眼呀!!!
2010年12月5日 星期日
真反眼!
個工人真係攞命!!!
我覺得佢好似冇用個心嚟做嘢囉, 買左一星期菜, 我都已經講左, 天氣開始涼, 呢兩三日食嘅菜可以唔使放入雪柜, 之後食嘢, 怕太耐會壞先放入雪柜. 咁樣講都已經好清楚啦, 冇放入雪柜嘅, 就即係呢幾日食晒佢啦, 但係佢都居然冇食, 尤得D菜黃晒, 咁我唯有掉左佢啦! 個節瓜食左一半, 另外一半, 就放左係個雪柜到個幾星期, 我問個工人仲咩唔第日食埋佢, 個工人答唔到我! 見到個耶菜花開始有小小發毛, 咁我就批左有小小毛嗰D, 跟住就烚一烚佢, 諗住叫佢第日整左佢啦, 問個工人知唔知點解我要咁樣整熟左個耶菜花, 佢同我講知道係因為就嚟壞, 不過, 個耶菜花放左係個雪柜三日都唔整嚟食, 我真係百思不得其解! 一既我問佢嘅嘢, 佢一句都答唔到我, 究竟點解佢唔整D菜, 尤得佢變壞!
滕滕, 我已經番左工成個幾兩個星期, 到左今時今日, 我放工番到去, 滕滕都係唔要佢! 我見到佢同滕滕玩, 玩嚟玩去都係玩嗰一味, 就係拋高個波, 冇其他嘢喇! 開CD比滕滕聽歌, 佢就攞本書出嚟自己睇住D歌書嚟唱, 滕滕呢? 已經去到冇雷公咁遠啦!
最離譜, 就係係29号, 我同老公去睇完清明上河圖番到嚟成十一點半, 一入屋, 老公已經係到嘈喇, 老公話個工人房門關埋左, 我地房門關埋左, 萬一滕滕瞓瞓下醒左係到喊, 佢都唔知聽唔聽到呀, 呢樣都唔止, 一入到房, 張BB床個床欄居然冇拉番高佢, 萬一滕滕醒左, 就一定跌左佢出嚟!
個工人樣樣嘢都唔小心, 跟本就冇心去做嘢, 一D安全意識都冇, 佢仲同我講佢之前 D太太話佢湊BB好好喎! 我真係一D都FEEL唔到佢用心去做囉!
我忍唔住打左去比個AGENT, 個AGENT話一定要話佢喎! 唉~ 再睇下點, 唔對路, 我又想換過個喇!
2010年12月4日 星期六
2010年12月2日 星期四
......
呢幾日唔想講嘢, 唔想聽電話, 因為個腦成日諗住張卡片.
姐姐打嚟, 唔可以唔聽, 因為佢已經第三日打比我, 所以講左一陣就收左線, 起碼唔使比佢問我仲咩搵唔到我!
而家, 一搵唔到老公, 個心就好急, 一聽到佢打番比我, 個心先定D.
好開心WINNIE, BEN & PAUL都好關心我! WINNE, 係我同佢講, 而亞BEN 同亞PAUL, 就係佢睇到我D STATUS 知我好DOWN就問我咩事!
開心就係, WINNIE 好擔心我, 今朝一打嚟問我心情點, 好D未, 叫我唔好諗咁多, 而亞BEN 同亞PAUL 唔使我主動打比佢地, 佢地已經FEEL到我好唔開心! 亞BEN 同亞PAUL 都同我分析, 佢地都叫我唔好諗, 因為男人出去滾都係好正常! 正常? 唔係卦! 我真係好唔想接受喎! 不過, 另一方面, 佢地都安慰同分析比我聽, 老公未必真係有出去滾!
老公有時對我好正常, 有時我又自己諗係唔係自己太敏感, 不過我知道任何女人見到張咁嘅卡片唔敏感就奇. 三個朋友都講話我諗嘢好灰, 越諗越灰, 都未去到嗰個地步就已經諗咁多嘢, 冇唔開心就假啦, 但係, 我唔知點解我真係諗到咁, 因為真係每一樣嘢都係好負面.
我會唔會有抑鬱呀............?!
2010年12月1日 星期三
愛..........
愛嚟嘅時候, 真係擋到擋唔到, 老公以前好愛我, 無時無刻都好愛護我, 不過呢種感覺, 我而家已經FEEL唔到.
起初以為諗住因為都已經咁耐, 所以已經係一種穩定嘅感情, 但係我覺得老公而家唔緊張我, 唔關心我, 唔再愛護、`呵護我.
老公嗰種愛我, 我覺得好似失去左. 當愛已經走左, 好似好難去搵得番............
唔知係唔係因為我太強, 老公好似唔需要去理我. 我唔想做女強人, 因為好辛苦, 我唔想咁聰明, 因為知道好多嘢好唔開心, 我唔想咁精明, 因為好多嘢唔需要人地同我講我已經知道咩事.
點解我對老公嘅愛到今時今日都冇變, 只不過係鐘意頂撞佢啫, 但係點解老公變左..........
2010年11月29日 星期一
2010年11月26日 星期五
我好驚
今晚老公番到嚟, 我偷睇佢個証件包, 發現佢有一張卡片，係時鐘酒店嘅卡片，我好驚，我唔知點算，我喊左出嚟！
我問老公點解有張咁嘅卡片，佢話係人地比佢，我唔信，因為冇可能，我問極佢，佢叫我唔好亂諗嘢，我好驚，我一直懷疑嘅嘢，係今晚發現左！
我一直喊，老公不停咁安慰我，話唔係，係冇嘢，佢冇做過Ｄ咩！我心中，係有Ｄ安慰，因為佢仲係想要呢個家，如果唔係佢唔使同我講唔係，叫我唔好亂諗嘢！
我同老公講我好驚，我唔知點做，我唔知我做錯左Ｄ咩事點解會咁，點解佢會係出面咁做，不過老公答我唔係我所諗咁樣，跟本係冇嘢！
我而家唔知點算，因為我覺得老公係到講緊大話，但係老公就死口唔認！
我唔想離婚，我唔想冇左個老公，我唔想冇左個屋企，我好希望唔想再發生，我唔想老公再係咁，我唔想老公做對唔住我嘅嘢，我唔知可以點做。。。。。。
老公，你仲愛唔愛我？
2010年11月24日 星期三
2010年11月23日 星期二
美麗瘦身?
上個星期初已經同表姐約定左搵一日去angel's face到 join個course 減肥, 因為雙麒麟臂、肚腩 & 條腰實在太難減喇!
自從星期四開始放假唔得閑, 尋日今日都係番晏就, 但係直至今日都冇停過, 係尋晚同今晚先有小小時間上下網!
不過, 老闆今日見到我, 佢問我仲咩冇見幾日, 就好似瘦左好多嘅!
你話死唔死吖, 老闆只係尋日同今日見左幾次面, 佢就話我瘦左好多喇, 唔通真係唔使搵angel's face? 如果係就好喇, 因為可能真係瘦左都唔定, 不過一定唔係手臂、肚腩 & 條腰到囉, 而且呢幾日可能好多嘢煩, 唔夠瞓又黑眼圈, 塊面又bill 左三粒瘡, 連老公都嚇左一跳問我仲咩爆咁多粒瘡出嚟呀!
女人真係記仇..........男人都係!
馮小姐尋日問我, 佢下個月擺滿月酒, 問我同老公去唔去得!
我記得, 我地結婚嗰時, 佢仲未同佢老公相會番, 佢地兩嚟都冇嚟飲; 我記得, 滕滕擺滿月酒, 佢地已經見番面, 而且嗰日佢地去影結婚相, 影完都冇嚟飲!
我同老公講馮小姐話請我地飲滿月, 老公第一時間就話: 我地結婚, 佢地冇嚟, 滕滕擺滿月, 佢地都冇嚟!
有D嘢, 我真係好小氣, 真係! 你敬我一尺, 我敬你一丈, 呢句嘢, 係我做人嘅中旨!
我結左婚 9 年, 我當佢地兩個當時冇相認番, 而且我同馮小姐交情冇咁深, 唔嚟, 我明白!
但係, 滕滕擺滿月酒, 馮小姐因為我, 佢先可以同佢而家個老公相認番, 而且當時我地已經一斉做左嘢, 日日對住左3年咁耐, 係我自己認為係一個大日子, 佢地兩個都唔嚟, 我係唔可以原諒!
我今日打番比馮小姐, 話老公嗰日要番工, 所以我唔嚟, 佢地似有D失望! 滕滕擺滿月, 佢地都唔嚟, 唔好車望我地都會去飲佢餐滿月酒! 因為我同老公好記仇!
2010年11月22日 星期一
似我喎~
原本今日真係諗住唔番工架喇, 因為怕個工人攪唔掂, 而且尋晚又失眠, 直到今朝成四點先瞓著!
不過今朝滕滕起身飲完奶又嘔番晒出嚟, 所以晨咁早就同佢去卦号, 不過都要成十點半先有得睇, 真係人都癲! 睇完dr 番嚟問個工人需唔需要我留多一日係屋企, 佢就同我講佢都想試下, 咁我見佢都有信心, 所以我都想比佢試下!
今晚番到屋企, 滕滕變左喇, 見到佢同個工人close 左, 冇之前咁怕, 同埋我番到去一開門, 佢同之前一樣咁係到大叫嚟歡迎我, 一睇到, 真開心!
小朋友適應力都幾強, 比左半日時間佢就已經唔同左喇! 唔通滕滕呢樣嘢似我???
不過唯一幾大獲, 就係呢個新工人唱歌走音架! 滕滕聽到之餘, 我係公司都聽到! 最慘就係佢周不時成日都係到唱佢d走音歌, 好惡頂呀~!!! 我好怕滕滕第日學埋佢咁走音或者以為佢咁走音法先係啱咁就大獲喇!!!
2010年11月21日 星期日
又失眠~
唉~ 又瞓唔著喇!
今晚我同個工人講, 我聽日番工喇, 佢就好似好突然咁話佢未有心理準備, 問我聽日幾時番工! 我話我番下午, 朝早都仲係到, 跟住佢就話冇計啦, 你都要搵食嘅, 唔緊要啦!
就係因為今日下午同個新工人傾開計, 話佢以前唔使做家務, 只係湊BB, 所以今晚瞓嚟瞓去都瞓唔著, 怕佢handle 唔到! 如果要比準備佢, 咁幾多日都唔夠架喎, 遲早都要番架啦! 但係我真係怕佢 handle 唔到喎! 不過我今晚已經叮囑左佢, 如果煮唔到夜晚餐飯, 就等我番左嚟先, 做唔切嘅嘢就唔好做住, 慢慢嚟啦!
滕滕睇嚟都ok嘅, 因為好似今朝佢起身飲完早奶, 佢寧願唔去瞓係廳玩, 都唔跟我入房, 成個朝早, 我都冇聽到佢係到喊, 又冇拍我門, 但係我之後起身出房, 佢就係咁黐住我, 所以我諗如果佢見唔到我, 佢都可以, 不過一見到就要黐住, 咁, 我諗我番工出門口嗰時都係喊一陣, 跟住之後應該冇事嘅!
咁究竟聽日番定唔番好呢???? 公司又有嘢要做, 雖然係屋企都做到, 但係始終番一番去就好d囉, 因為放左咁多日假, 老闆冇炸我型, 但係我都唔係好好意思啦, 老闆咩人我點會唔知吖, 佢雖然話唔緊要, 叫我做好晒屋企嘢先番, 我自己安排通知佢一聲就ok喇, 但係講真, 邊有老闆想個員工放咁耐假呀, 而且而家公司又只係得我同個八婆會計, 如果我唔番, 就淨得老闆同埋個會計咋!
仲有, 老爺已經入左老人院喇, 屋企d單我聽日又要 fax 去轉戶! 唉!!! 仲有仲有!而且仲要去電話停打去間死人財仔到問佢攞fax no., 通知佢個舊工人走左!
簡直係痴孖筋!!!!!!!!!!!!!!!!! 九十幾樣嘢等住我去做, 我都唔知做得邊樣! 唔知我前世係唔係一個有錢人乜都唔使做, 而今世就乜Q都要我做番晒呀???????????????
希望OK啦 II~
就嚟要番工, 所以我今日由頭一次講過比個工人聽, 要做D乜, 要點做, 叫個每個STEP寫抵!
尋日就反眼, 因為好多佢都好似唔係好記得, 而且好多常識佢係唔識, 所以費事有D咩嘢發生, 唯有清清楚楚講一次!
講開又講, 佢話佢之前係新加坡同係HK都係湊BB, 唔使做家務, 所以佢一聽到咁多嘢做好頭暈; 我問佢係新加坡做辛唔辛苦, 佢都話唔辛苦, 因為都只係湊BB, 一聽到我就真係頭暈喇, 因為原本諗住佢係新加坡做過先嚟HK做, 就最好啦, 因為新加坡出名係做到隻狗又冇假放, 但係呢個新工人同我講佢只係湊BB, 唔使做家務, 咁即係可能佢會覺得係我呢到做會好辛苦! 再加上佢之前嗰個雇主只係做左6個月就自己話唔做, 因為有太多工人唔想嗌交, 所以我覺得佢都係撰人嚟做!
我唔想佢做幾個月就話唔做呀, 大佬! 一陣我又要辭工唔做我就唔得你死喇!
2010年11月20日 星期六
2010年11月19日 星期五
希望快d~
今日滕滕成day 都扭計, 雖然佢冇講, 而且都唔識講, 我feel到佢扭計要舊工人!
成day, 滕滕都要黐住我, 雖然肯同個新工人玩, 比佢餵食飯, 但係都要我係側邊! 好彩五點幾老公番左嚟, 如果唔係夜晚我去沖涼都唔走得開喇!
個心唔係好開心滕滕扭計, 因為我覺得佢知道個舊工人已經冇左, 知道係廚房煮飯唔係以前個姐姐, 知道此情已不再! 滕滕唔開心, 我都唔係好開心, 所以就算有新工人到左, 個心都唔係好開心!
呢幾日, 等個新工人同滕滕玩多d, 希望滕滕可以快d唔記得個舊工人...........
唔知點解, 今日成day 我個腦好多時都出現滕滕尋日番到嚟見到新工人個表情, 好疑惑...........好無奈................, 滕滕個樣總之就好古怪, 就算平時見到我d朋友, 佢個樣都唔係咁.............!
2010年11月18日 星期四
終於攪掂!
今日, 原本諗住唔使番工, 但係尋晚個客 send 左個mail 嚟話要改提單, 所以今朝十點幾就番左公司整嘢整到點半就番屋企!
如果有時光門就真係好喇, 好心急想快d番到去, 因為個工人今日下午死期到, 我安排表姐3點幾嚟接走滕滕, 4點個agent 上到嚟, 跟住5點半個新工人到! 不過因為表姐遲到, 成四點三先到, 所以我要個agent 都唔好咁早上嚟, 費事打草驚蛇!
其實我都唔使多講, 一開波我就同佢講你應該知道咩事, 你睇一睇張receipt 有冇問題, 如果冇計錯數就簽番個名! 個工人好快就睇左一次就話ok喇, 我問佢係唔係都預左我抄佢, 佢都話係! 更係啦, 一次又一次咁, 邊個可以忍呀!
佢臨走, 我同佢講如果你真係想走數, 唔好話我唔驚告你, 因為d財仔去到印尼搵你的話, 到時你賣地賣屋都唔掂, 你好好照顧自己喇! 講完個工人話多謝我, 同埋唔好意思, 跟住應該流左兩滴(咁多)眼淚!
係嗰個moment, 我同老公都覺得我地咁做好似好殘忍, 因為佢當時真係好似好慘, 但係佢而家咁, 係佢自己一手做成!
送完個舊工人走, 就落樓接個新嘅上嚟! 呢個成日都好好笑容, 希望佢ok啦! 因為滕滕都肯比佢抱! 不過當滕滕係表姐到玩完番嚟見到個工人唔同左, 佢好似知道咁, 因為佢定左眼望住個新工人幾秘..........!
希望個新工人湊滕滕ok啦!
2010年11月16日 星期二
甩蹗~
呢兩日真係忙到甩蹗, 因為跟馮小姐D手尾, 又要去搵, 又要去睇, 又要上網落BKG, 又要做自己嘢, 真係冇乜點停過手!
尋晚同馮小姐講食薑飯一事, 佢話佢尋日宮縮左好多次, 跟住仲好似頂下頂下咁亞B想出嚟, 所以我就講可能差唔多生得! 尋晚先講完差唔多, 今朝就入左院生左喇!
早輪話過佢唔食多D嘢等同虐兒, 明知呢兩個月衝刺, 更係食多D嘢等亞B吸收多D(我又多事喇!), 如果唔係何來最尾兩個月個B大得咁多, 邊樹得嚟夠磅出世呀! 跟住我又話(我又再一次多事!)佢, 更係早一個星期放產假預備好D啦, 起碼都要休息下啦, 如果而家唔休息下, 應該要直至死左之後先有得抖!
今朝九點幾我打比佢老公, 問下睇下幾時生, 跟住馮小姐就接左我個電話, 第一句就話, 因為而家咁突然嘅情況要開刀, 又要比多五千幾蚊喎! 唉~ 咁樣樣樣都計, 我都唔知佢為乜! DR FAN 已經問佢考唔考慮順產, 因為見佢嘅情況順產應該都合適啦, 但係佢都要選擇開刀, 真係一個迷!
佢老公後尾同我講, 因為我叫佢早一個星期放假, 就更係聽我講啦, 因為有經驗嘛, 所以佢最終都聽我講! 不過我都好直接同佢老公講佢都話唔聽, 下下都要人串到佢行佢先接受就冇引啦!
不過, 好彩佢老公知道佢嘅性格係要人地咁樣話佢佢先聽, 而且仲話FD先會咁串, 如果唔係都唔會理你啦, 咪尤得佢囉! 聽完之後, 個心開心左, 因為呢D先係人講嘢嘛!
聽到馮小姐生左, 我都好開心, 因為又一個小生命誕生喇!
2010年11月15日 星期一
從未如此充實過!!!
馮小姐今日開始放假喇, 真係有小小.....都唔係小小, 係幾唔得閑, 多餘電話都冇講一個呀!
因為好多步驟都唔熟, 所以有小小乸手唔成勢, 但係呢d問題難唔到我, 因為唔夠我一開始入呢間公司做嗰時咁迷網, 因為嗰時真係白過白紙!
好彩馮小姐都算係咁啦, 有時! 佢有on line, 我問佢, 佢答我, 我冇問, 佢都講我知!
聽日, 要上船公司個web-site 到落bkg, 呢間死人嘢好死煩, e-mail又唔會有人覆, 全部都係係個web-site check! 我諗我都ok嘅, 最多慢慢嚟!
不過, 最慘就係以後食飯都要對住個會計! 睇見佢前面就憎到佢後面!
2010年11月14日 星期日
好想"的"起心肝!!!
我唔講, 冇人知, 我講左, 都冇人信, 我係一個天主教徒!
半年前, 心中已經想同滕滕星期日去望彌撒, 問左屋企付近, 只係得一間天主教堂, 而且仲係冇for 比小朋友嘅!
所以跟住就卻步喇, 因為滕滕咁細個, 佢肯坐得定都好難, 更何況望彌撒係咁悶潻!
過左半年, 而家真係好想同佢試下, 睇下望彌撒時, 佢可以坐到幾耐!
但係, 最慘就係之前報嗰間YWCA 係基督教架, 如果我番天主教堂, 我怕佢會亂!
不過, 就算係咁, 我都想試下, 可惜, 好似成日都"的" 唔起個心肝去!
2010年11月13日 星期六
真係痴九線!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
唔想講粗口都唔得, 真係痴97線!!!
冇諗住會發生嘅嘢今日終於發生左!!!!!!!!!!!!!!!!!!!!!!!!!!!!!!!!!!!!!!
有間財仔終於搵上門! 好彩樓下個管理員醒目, 洒左佢走! 我係個閉路電視到睇到, 係佢d同鄉嚟, 走左之後, 我打去管理處問番個管理員-黃生, 黃生話個印同佢講我個工人爭佢八千蚊冇還, 佢都好辛苦係HK搵錢, 但係我個工人就唔還比佢, 所以佢先至嚟搵佢! 個印仲攞住我個工人份contract, 仲搵埋我! 黃生同個印講, 我個單位唔係佢搵嗰個姓, 可能係錯嘅! 個印仲同黃生講, 佢係我工人個朋友嘅朋友嚟!
我聽到第一時間就笑, 邊有人講大話都唔識講架! 我同黃生講, 你會唔會借錢比一個唔識嘅人呀, 朋友個朋友? 就算識都唔會借啦, 更何係唔識! 唔怪得呢個國家d人要做工人喇!!!
收左線, 我問個工人究竟佢又攪d乜呀!!! 真係好撚煩!!!!!!!!!!!!!!!!
我: 究竟你又攪乜嘢呀!!! 頭先嗰個搵你追數架!!! 佢話你爭佢八千蚊呀!!!
工人: 我唔知呀! 點解八千呀, 我都冇爭人八千?!
我: 我點知你呀! 唔好再攪咁多嘢啦, 你係咁同我講大話, 你想點呀!
工人: 我唔知呀!.........嗰八千蚊係我朋友借架!(又話係個朋友借, 济济都唔係話自己)
我: 人地攞住份CONTRACT嚟搵你, 你話係你朋友??? 乜你D朋友借錢比你要你份CONTRACT架咩? 你當我傻架!!!!!!!! 仲有呀, 唔該你聽日好攪掂佢呀!!!
其實叫佢攪掂佢都係廢話嚟, 明知佢都係洒我, 不過我唔想再同佢講, 嘥九晒我D口水!
等到星期四, 個新工人仲未到, 我都諗住抄九左佢, 因為我真係頂佢唔撚順, 好撚煩!!!
2010年11月12日 星期五
病ing~
尋日個工人已經講滕滕有小小鼻水, 仲打左輪乞嚏, 諗住放工番去同佢睇醫生啦, 點不知我番到去又冇咩事喎!
不過, 都係走唔甩架喇, 尋晚瞓覺滕滕又發皮4喇! 除左鼻塞透唔到氣發皮4之外, 滕滕都冇乜發皮4, 所以我都後悔尋晚冇去睇!
今朝十點半就去左 Dr到卦号, 要等27個, 所以我都醒架喇, 卦完号就去買餸, 跟住去郵局寄左份禮物比朋友, 先至番屋企接滕滕去睇醫生!
都係感冒啦, 有鼻塞鼻水, 喉嚨開始有小小發炎我都預左架喇, 食左藥跟住瞓晏覺滕滕已經冇咁燥喇!
我問個工人係唔係佢傳染比滕滕架, 個工人話佢好番晒啦, 跟住我咪話囉, 你更係好番啦, d菌嘢左比滕滕, 你咪好番囉, d菌都唔係你到囉!
Dr話 d感冒都係啱啱起, 希望唔好有發燒同咳啦!!!
又乜事呀!!!!!!!!
我都唔明, 明明早兩個星期迫左個工人去還左D錢, 點解今日又有封大字信寄嚟架, 仲話有成千五蚊未還!!!
循例都問下個工人啦, 不過都係嗰個答案, 佢話佢唔知! 係佢答我唔知嗰時, 佢就"就"起左個眉頭, 呢一刻, 我又知佢又講大話, 因為佢每次講大話都會"就"起個眉頭答我, 所以我都心中有數!
好彩個新工人下個星期就到喇, 我唔使再對住佢, 而且仲覺得自己冇做錯, 上個月已經行動左!
2010年11月11日 星期四
Good News!!!
今朝晨早就收到個 Good News!!! 係入境處打比我, 話新工人個visa 已經批左喇, 可以今日安排去攞!
原本我係expect 星期一/二先有, 而家早左, 真開心!
我就當然好開心啦, 不過, 我諗滕滕就唔開心喇, 如果佢知道呢個姐姐以後唔再係到!
豬仔, sorry 呀, 媽me唔想你唔開心架, 不過真係迫不得己我先咁做, 因為我知道佢都好錫你, 但係佢就因為貪得無厭先攪到自己而家呢個地步!
我希望新工人姐姐對你都好好啦, 不過, 你都要合作喎, 唔好成日都扭計豬呀!!!
2010年11月10日 星期三
乜你幾時有呢個習慣呀～
滕滕而家瞓覺, 唔知點解D姿勢會咁樣!
呢幾晚都必然做: 雙腳鉗住我條頸, 個姑就壓住係我塊面上面!
豬仔呀, 你因乜事要咁樣呀? 我唔想聞你個姑呀! 我透唔到氣呀! 乜你咁樣瞓會舒服D咩???
比D意見吖~
個新工人就嚟嚟喇, 所以要諗下今個星期五好唔好同而家個工人找左條大數先!
因為星期五三千幾蚊條數又到期喇, 如果我同個工人找左先, 到時同佢埋單時扣數, 呢個方案我就得係好嘅, 因為起碼佢走左之後, 呢條數唔會有機會比財仔追! 其實就算到時個工人真係想走數, 財仔真係追到嚟, 我只係SEND番我比入境處封信比佢, 話比間財仔知佢已經走左喇, 咁應該都唔會有D咩問題!
但係另一方面, 如果我唔同佢找, 我估個工人到時抄左佢都唔會還呢條數, 多左三千幾蚊著草帶番去印尼, 起碼走得都開心D, 唔使少左三千幾蚊糧! 因為比著係自己, 比人抄左, 都想攞多D錢走啦!
但係如果我真係唔同佢找, 到時D財仔真係去到印尼搵佢, 利疊利佢都幾大獲, 到時真係可能害左佢!
但係到時我抄左個工人, 可能佢會諗明知都就嚟抄佢啦, 就唔好同佢還左條數, 少左成三千番印尼啦, 可能到時佢憎死我都有之!
正路應該係同佢找左佢嘅, 因為就算我FAX D 嘢去財仔到, 可能到時財仔都會打嚟搵佢一段時間, 呢下都好煩!
所以我諗應該係同佢找左好似好D~
唔明!
馮小姐就嚟生喇, 我問佢買左鹿茸未, 佢居然答我佢冇諗住買, 因為成二三千咁貴!
我真係一臉茫然! 佢寧願係私家開刀生, 洗成4萬蚊都唔寧願唔捨得買補品比自己食!
如果問我係唔係必然食補品, 我都覺得唔係, 因為以前亞媽年代d人咪又係冇錢買補品, 不過如果有4萬蚊去生仔, 咁點解唔預多幾千蚊買補品比自己食落肚!
馮小姐係咁講d鹿茸好貴好貴, 要成2/3千蚊一隻, 所以我就忍唔住問佢, 乜你唔知生仔係好多錢要洗嘅咩?! 就係坐月嗰個, 買雞都唔係一個小數目啦, 如果唔想咁貴, 咪撰細隻d囉, 人人都話坐月要補, 邊有人坐月話唔補架!
既然咁堅持係私家生, 我真係好唔明點解預多二千蚊比自己買補品食落自己到都唔想囉!
2010年11月9日 星期二
2010年11月8日 星期一
2010年11月7日 星期日
我比人話: 一言九"頂"!
自從星期四去探完老爺之後, 我 & 老公條氣就開始頂住!
事原係我去到荃灣都冇打比老公, 因為我想放抵條褲去改短, 放抵之後先打比佢, 點不知我未放抵老公已經打嚟, 仲要好勞氣咁問我去到邊!
我同佢講我想放抵條褲去改先去醫院, 不過老公即時反應就係(好勞氣同大聲咁講): "你更係去完醫院先去改啦, 你知唔知我亞媽係到等緊你呀???" 我忍你! 所以我就答佢: "你而家咩事呀? 我係唔係殺左你全家呀? 你好趕咩? 我放一放抵條褲要幾耐呀? 我想去完醫院之後係嚟攞走條褲, 唔係嗰時先放抵呀! 既然你趕到咁, 你就同你亞媽自己去先囉, 我一陣改完褲先嚟搵你地囉!"
收左線, 都唔使5分鐘我就已經攪掂左條褲, 跟手打埋比奶奶(奶奶係屋企等緊!) 同佢講我係佢樓下商場等佢! 一見到奶奶, 奶奶就話佢唔記得帶電話(因為佢想打比佢個仔), 意思係想叫我打, 不過我就好直接咁講: "我唔會打比佢, 因為我好似殺左佢全家咁, 係到鬧我, 話我好去改條褲, 要你係到等我!!!"
呢一日, 我同老公嘅對話, 就係互串同有骨(係明骨), 因為我都好興!!!
之後幾日, 我講每句嘢, 老公就"拮"頭"拮"勢, 尋日仲要話我好比d書滕滕整到甩頭甩骨! 其實我唔介意滕滕整到d書咁樣, 因為佢之前細個咬書我都冇辦法, 因為牙痕, 而家佢周不時都會攞d書仔嚟睇下, 只不過睇完冇放番好, 跟住就整到成地都係! 老公睇到咁, 又小我喇!
佢話我仲咩唔叫滕滕執好d書喎, 又話我好比滕滕整到d書甩皮甩骨, 又話我好唔話滕滕! 一聽到真係火嚟, 所以我答佢: "請問你係佢(滕滕)邊位? 請問仲咩要我叫, 你唔叫? 點解你唔教佢執, 一定要我教佢執? 請問你係唔係路過架? 我唔覺d 書係地下有問題, 如果你覺得, 咁你叫囉!"
講完大家就收線喇!!!(即係唔再講嘢), 因為我唔想再睬佢!!! 過左一陣, 我問老公呢排我係唔係好黑佢憎, 係唔係好唔想見到我, 係唔係想打爆我, 仲咩下下都要"拮"頭"拮"勢, 老公話: "下下都頂住晒, 同你講襯嘢都一句頂十句!"
其實我真係唔想頂佢, 不過下下講d嘢出嚟都唔make sence, 仲要串過喇叭咀, 唔駁你都唔係人啦!
2010年11月6日 星期六
2010年11月5日 星期五
黐孖筋!
我買左部HD1兩年都未夠, 無啦啦兩個星期前開始就上唔到FB, 所以尋日"的" 起心肝打去HTC問! 佢個答案係FB轉左D程式, 以我部機嚟用IE上係唔得, 要用OPERA 個software 上喎! 不過唔知點解用OPERA 都唔得, 所以HTC條友同我講, 叫我hard reset 多一次!
唔係嘛?????!!!!!!
又hard reset????????
唔使咁大獲吓嘛!!!!!!!!!!!!!!!!
上次都已經攪左我好耐, 今次又嚟????????????
唔好喇卦!!!!!!!!!!!!!!!!!!
我部機出左冇幾耐就買, 而家都未用夠兩年就話d software追唔上! 咁就算我換過部機, 跟住再用多年幾, 你又話d software 追唔上, 咁又要我再換喇喎???
部機又冇壞, 又冇咩事, 無啦啦換機, 我覺得好嘥錢同好唔環保囉!!!
究竟係咩人要咁樣成日攪埋d咁嘅嘢架, 係唔係d生產商整架, 攪手腳想我地用一段時間就換機呀?????????
真開心~ 我發現左一個真相!
尋日奶奶入嚟我到食飯, 滕滕見到滕滕張證件相就話佢想要一張!
奶奶見到張相, 就話滕滕似我! 似我? 唔係呀化, 我一d都唔覺喎! 工人又加把口, 都話滕滕似我!
奶奶話滕滕笑嗰時係有d似我! 個工人又再講, 滕滕個面形係似我架! 佢話老公個面形係方形, 我個面形就圓圓地!
我再睇真d, 又係喎, 滕滕個面形真係唔似老公, 似我喎!!!!!!!!!!!!!
2010年11月4日 星期四
我都算係咁啦!
馮小姐番埋下個星期就開始放假, 我一早都叫佢早一個星期放, 可以抖下, 而家終於都如我所願!
老闆成日叫我比JET SO 佢, 比人情我做, 等馮小姐多謝我喎! 車~ 我話佢都冇反應, 好似我之前係屋企帶埋飯比佢, 佢一D都冇覺得好開心我對佢咁好, 一D反應都冇, 就算我比JET SO 佢, 可能佢都表現出嚟係一般咁!
唉! 不過算啦, 鬼叫自己心軟, 諗住人地同你傾兩句心事就當自己係好朋友, 人地結婚放左我同老公"兩張"(喎)相係個入場VIDEO 到, 就原諒左佢咩! 不過有時真係比佢攪到我把幾九把火, 份人一D都唔識做, 又唔醒目!
我都陀過BB, 我都知有幾辛苦, 又有幾攰, 所以我今日忍唔住終於同左馮小姐講, 叫佢下個星期早走一個鐘, 早D放工番去抖下!
我都唔明, 點解我 control 唔到自己!
2010年11月3日 星期三
計劃就嚟可以開始!
個會計, 我真係憎到佢死! 由我入嚟呢間公司, 我已經覺得佢痴交線!
因為我係對客, 有客汇錢嚟公司, 佢一定要通知我, 因為我要同D客對數同埋通知馮小姐出 invoice, 係汇錢過程, 會比bank 扣左d transaction fee, 而 transaction fee 係個客嗰邊嘅bank 同香港呢邊個 bank 到會收! 呢d cost 唔會同個客講, 而且應份係我地公司出, 因為個客同我地做生意, 小不免係我地要負責嘅!
不過, 個會計唔知係唔係諗住我當時乜都唔識, 佢就叫我同d客收呢d transaction fee! 冇錯, 我入呢間公司做嗰時, 我係乜都唔識, 但係我唔係白痴, 唔通我買嘢碌卡買衫買鞋, 銀行向商戶收嘅手續費都同客收番咩??? 更何況公司d單成幾幾萬蚊美金, 唔通駒駒幾蚊美金手續費我都同個客攞番呀???? 真白痴!!!
微波爐一事, 都已經唔想多講, 攪到最慢火嚟叮半個鐘, 唔怕阻住人, 又唔理人, 我都已經覺得佢真係唔知醜! 再加埋佢買d藥水膠布, 用嚟黐佢d關節、手指, 就買d最好嘅, 其他一般膠布, 就買d最平最cheap! 下下都用蒸餾水嚟洗菜洗米, 用到得番小小水係個樽到, 人地一 jump就著紅燈要換水, 你話d人狗唔狗呢! 抺完笪地都未乾, 就踏到一個一個鞋印, 咁即係玩嘢啫, 係唔係知道個清潔亞姐可能係我亞媽, 所以就專登呀! 係老闆面前就仁心, 話廁所笪地d磚升起左小小, 怕跌襯馮小姐喎, 但係點解落雨天番到嚟公司, 係廁所(把傘)整到成地水又唔番乾佢呀!!!
因為馮小姐有左之後, 佢唔知咩事就成日遲到, 我同老闆反應, 叫老闆同佢講唔好遲到, 老闆話好難開口喎! 真係一個迷, 叫個員工盡量準時啫, 有幾難開口呀!!! 我話馮小姐放產假, 如果有急單, 想叫個會計出去交, 老闆話唔好喎, 因為知道佢都唔鐘意我叫佢做嘢, 所以叫我唔好強人所難! 喂, 佢日日係到抓腳趾, 公司有事要搵人出去放單, 唔叫佢, 唔通我呀??? 老闆唔想我同個會計有更多心病, 佢話有急單就搵佢喎!!!
好! 既然係咁, 馮小姐番埋下個星期開始, 之後我就日日遲到, 最少都遲佢半個鐘我先番到公司! 如果有急單, 我就一定唔出去, 如果要出, 我就叫老闆出!
我唔講到出口, 老闆知道我個心諗點解佢咁幫住個會計, 所以佢就同我解釋佢唔係幫住佢, 而係知道佢冇人冇物, 性格一定係怪d, 好難同人溝通, 如果唔想加深我對佢嘅憎恨, 最好佢就唔出聲話佢!
好! 既然係咁, 到時我做d咩, 就最好唔好話我喇, 因為我d性格都唔係咁好!!!
可能又係另一個開始~
尋日DR打左比老公, 原來老爺爆左血管! DR話老爺咁大年紀, 好番嘅可能都好低, 再加上又有柏金遜, 情況都好難好, 只可以做下物理治料! 咁即係番左屋企, 奶奶都好難照顧到老爺, 所以入老人院都係遲早嘅事!
因為又未入老人院, 但係又唔可以番屋企, 所以今日DR就轉左佢去看護嗰邊, 而我諗都要係呢邊一段日子!
奶奶係之前講過, 如果第日老爺走左得佢一個人係屋企, 佢會好驚, 係嗰時, 我就答佢唔使怕, 到時就同我地一斉住囉! 因為奶奶得我老公一個仔, 而兩個姑奶, 一個就........第二個呢........, 我都唔知點形容佢地, 總之就未必會同奶奶一斉住, 所以我諗一斉住都係遲早嘅事!
奶奶同我講完呢番說話之後, 我同老公講佢亞媽話怕自己一個人住, 咁我就話不如第日真係發生, 咁就賣左我地而家同奶奶而家間屋, 換過一間大D一斉住囉! 老公聽完冇反對, 不過就話: "你肯我大家姐都唔肯!"
乜我咁諗好唔正路咩??? 如果唔賣樓, 邊有錢換過層大D架???? 換過層大D係唔係唔使供架??? 乜我似想謀住奶奶D錢咩???
唔賣樓, 唔搵過層大D係唔夠住, 咁就唔使一斉住, 咁唔緊要, 到時睇下奶奶出唔出聲囉! 如果奶奶唔出聲話同我地一斉住, 咁我地咪唔使同奶奶住囉! 一係不如咁啦, 睇下大姑奶有冇本事氹奶奶賣左層樓, 換過層大D佢地供養奶奶囉! 如果奶奶係唔想同我地住, 佢唔使同我講佢怕自己一個人住啦, 又唔見奶奶同大姑奶講呢番說話!
2010年11月2日 星期二
你估我真係唔使做咩!
我已經講左九萬幾次, 我話比亞媽知, 叫佢 lunch 之後, 唔好打比我講閑謬(真係好無謂嘅嘢), 因為我 D 客, 係係我地lunch之後先番工, 但係講左十九幾萬次都係咁!
尋晚打比細佬, 叫佢今晚最好早d番去, 因為我想佢幫我教下屋企嗰兩老點樣用個相機, 因為佢地星期四就出發去旅行喇! 不過, 細佬話唔得, 佢係唔會幫我, 因為細佬叫我算, 唔好再嬲亞媽!
我講過, 我最少都同佢絕交兩個星期, 因為我今次真係嬲, 係我最需要佢幫我嗰時, 佢居然話我要脅佢喎! 同細佬閑談間, 亞媽話我係公司好得閑, 都唔使做, 咪請假囉!
我真係好想知, 乜原來間公司我開架??? 就算係我開, 咁我係唔係唔使做, d 生意同客會自己走上門嘅呢???
真係有苦自己知!!! 亞媽只係逢星期一、三、五朝上午係我公司, 其餘時間我做d乜, 有冇做嘢忙唔忙, 佢一既都唔知, 滕滕飲完夜奶之後, 我係屋企都仲覆緊客d mail, 佢又知唔知? 我唔做, 請問d單點嚟架?
我公司有幾多人, 邊個同客開單, 佢唔係唔知, 咁如果我真係唔使做, 我食屎食左好耐喇!!! 咁既然我冇嘢做, 咁我邊有家用比佢呀??? 唔通我賣身搵d錢番嚟呀???????????
2010年11月1日 星期一
我一早都已經咁講架啦!
三個星期前, 我問馮小姐幾時放假, 佢就同我解釋佢想前 0 後 10, 因為佢話佢自己湊, 所以想生左多d時間喎! 我個心諗真係廢話, 個個都想生左多d時間湊b架啦, 除非個亞媽冇人性嘅啫!
佢講完好似想問我意見, 我就話叫佢開刀前早一個星期放下假休息下, 因為生左就冇得抖, 而且再加上佢越嚟越辛苦, 夜晚開始冇乜得好瞓, 所以我就話早一個星期係屋企hea 下都好吖! 不過, 馮小姐當時就即刻答我佢話佢係屋企會好悶喎! 我個心諗: 好! 我就放長雙眼睇下你頂唔頂到!
上星期, 馮小姐又同我講佢幾晚都瞓得唔係好好, 好辛苦! 我都一早講過啦, 唔係只係呢幾晚囉, 係一路都會係喇, 個肚越大, 瞓覺就越辛苦啦! 不過, 我冇再講叫佢早一個星期放假, 因為我想睇下佢幾時頂唔順主動同我講!
到左今日, 馮小姐又講喇! 佢話佢想早d放, 因為比佢老公話佢好唔休息下喎! 而且佢開始有宮縮喇, 可能真係就嚟生, 所以我今日先再講, 一早叫你早一個星期休息下架啦, 比自己抖下啦, 籮咁大個肚都仲要抺地掃地, 襯住有得休息就唔好對唔住自己啦!
til~ d 人真係麻煩, 死都唔信我講, 我都話越嚟越辛苦架啦, 又話自己頂得順! 我咁拗得, 嗰時臨生都想抖下, 更何況你馮小姐!
講完大假, 馮小姐又再同我講, 話如果有d咩, 可以叫佢係屋企做喎! 不過, sorry 呀, 我即刻講唔需要喇, 如果我比你做, 我會比人(老闆)鬧, 因為無奶油咁小嘢做都要你係屋企做, 所以唔使喇, 我會攪掂!
真係一個迷~
老爺星期六入左醫院, 奶奶話老爺之前已經跌過下, 但係星期六就跌左3次, 所以頂唔順要同佢入院!
奶奶話唔知係唔係上兩個星期覆診, DR同老爺加重左藥, 所以之後唔係好穩定, 而且仲開始失禁!
老爺有柏金遜病, 時好時壞, 有時就精神到死, 有時就連行一步都行唔到, 而且大小二便就鐘意行到邊就去到邊, 無論係屋企或者係街都唔理, 一樣照去可也!
其實我都好明白奶奶真係好慘, 因為老爺一樣都唔聽佢講, 又唔理佢, 而且最鐘意玩對抗, 奶奶跟本就好辛苦! 之前奶奶、兩個姑姐 & 老公都一致認為如果老爺真係連行都唔得, 就送佢去老人院, 因為奶奶跟本一個人係攪唔掂我老爺!
一話去老人院, 嗰輪老爺就龍精虎猛, 打死幾隻老虎都得! 但係一同社工講呢輪好好冇乜嘢喇, 之後跟住又嚟過! 老爺性格不嬲都好唔開朗, 唔係一個開心老人家, 所以我覺得佢係因為唔想入老人院而撐住, 之後知道個位比番人, 就又冇晒震作!
我之前都同奶奶講過, 如果老爺真係好唔乖, 送佢入老人院就真係避免唔到, 所以我問奶奶到時會唔會唔捨得老爺架, 奶奶好攪笑咁答我: "我唔會唔捨得佢架, 我只係唔捨得D錢咋, 一個月咁貴!"
到左上個星期六, 奶奶真係頂唔順送左老爺入院, 最驚嚇嘅就係個DR同我奶奶講, 話老爺有心臟病! 有心臟病??? 睇左咁多年醫生, 都冇一個DR講過老爺有心臟病, 所以我叫奶奶等醫院個REPORT 出左, 問清楚 DR, 究竟係唔係睇到佢而家食緊D藥先知佢有心臟病, 定係睇到以前入院D record所以先知有心臟病呀, 因為我話怕門診d DR 開錯藥喎!
尋日我再教奶奶同姑娘講, D仔女想約見DR, 但係奶奶話佢唔知我地(即係佢D兩個女 & 我老公)幾時得所以唔知點喎, 咁我就唯有話照約左先啦, 因為DR d 時間好難就, 咁就更係就左DR先啦, 如果到時姑奶同老公都唔得, 就我請假去啦!
一直以嚟, 姑奶s & 老公都冇講過話要見dr, 只係我一個人覺得唔知係唔係開錯藥所以先要求見dr問清楚, 好似只係我一個人係到緊張, 所以我尋日忍唔住問老公, 點解佢d家姐好似不在乎咁嘅!
話兩個姑奶唔緊張又唔係, 但係我又唔係好明點解好似冇人理! 我問老公, 佢話佢家姐唔係唔理, 不過冇我咁勁喎! 冇我咁勁? 你玩嘢咩!!! 我真係覺得好一個迷囉, 仲乜你d家姐s有時間都唔叫佢地去, 反而我要請假去呀???
2010年10月31日 星期日
好彩有你嘅欣賞!
因為見到熙媽煲左雪梨水, 又見到張雪球煲埋d 咁鬼滋潤糖水, 所以我就"的"起心肝喇!
星期五, 我買左鴨咀梨, 加左雪耳、南瓜、川貝落去燉! 嘩~ 好好味, 滕滕飲左兩日呀, 仲要係一飲上口, 就唔肯放開個杯喇! 原本自己都想飲d嚟潤下, 不過見到又唔想飲, 想比滕滕潤多d喎, 所以我就決定唔飲佢喇!
因為冇得飲雪梨水, 所以我就買左隻雞嚟整燉湯喇! 燉湯, 真係幾鬼煩, 因為我係煲左d雞湯出嚟, 跟住先將雞湯燉冬蟲草, 即係要最少要整兩次! 不過尋日一起身, 就有小小頭痛, 燉雞湯好似唔係好啱我飲, 不過其實我最主要目的, 都係整比老公飲啫, 因為佢虛過我, 所以唔飲都得啦, 最多下次囉!
整左咁多嘢, 自己一樣都冇飲過, 突然間, 我發覺自己有"媽媽的影子", 因為d亞媽通常做一大爛餐都唔係整比自己, 而且整比d屋企人! 死啦, 點解我好似一個老人家咁嘅???
仲咩呀? 你想同我死過呀???
一向所有新朋友/舊朋友/好朋友都知道我係一個紫痴, 連寫字支鉛子筆都係紫色墨, 所以唔使多講都已經知道!
表妹, 自從佢係幾年前蒲番頭之後, 我同佢嘅關係都係一般, 因為其實我覺得佢都係仲未可以真正咁面對我, 尤其係知道我仲有同佢個仔仲有聯絡! 起初見到面都冇乜嘢講, 到左呢兩三年都好d, 都有閑謬, 而家, 就好似想扮fd!
我已經發覺左一段時間, 過時過節食飯前, 表妹都會click入我個blog到睇, 跟住到左食飯嗰晚, 佢就會懶 fd 咁, 傾計時就講話知道我而家點點點, 咩情況! 而係呢兩次食飯, 佢仲要著到成身都紫色, 衫、袋、鞋、斗蓬, 全部都係紫色!
係上一次食飯, 表姐個大女都係著件紫色 t-shirt 出嚟, 而表妹就專登同表姐個女講(即係佢家姐個女): "表姨(即係我) 可能都著紫色架, 所以我地會同佢一樣呀!" 而且仲要攪笑到佢自己個仔都要襯埋紫色 t-shirt! 食完飯表姐同我講番佢咁講, 我已經都覺得攪笑, 唔使咁吓嘛, 我咁多紫色衫, 你夠唔夠我嚟呀?!
點不知, 今晚同老豆 & 細佬慶祝生日食飯, 佢又係全身紫色, 我個心當堂諗 "唔通真係想同我死過???" 不過可惜, 尋晚我唔係著紫色喎, 係灰色, 而且表姐兩個女都係灰色, 係冇夾過都咁橋喎!
比我覺得, 表妹好似想同我 fd 咁, 佢好似鉋晒我個blog先出嚟食飯, 講襯嘢佢都好似好清楚我而家生活, 而且仲要做紫色怪魔(雖然我有時都係)! 其實我唔介意你著紫色衫囉, 不過就算想同我fd, 都唔使咁刻意吓嘛!!!
2010年10月30日 星期六
攪笑！！！
唔知點解，馮小姐知道我搵到工人之後，問左我一次就冇再問我個工人幾時到！
一同我ｄ朋友講起，佢地都會第一時間問我個工人到未啫，唯獨係馮小姐好似莫不關心！唔知係唔係我小心眼，我更係覺得佢好似唔知點咁！
講番佢搵工人，我就真係覺得好一個迷！因為有兩三個 oversea 比佢撰，其中有兩個都成40歲，而另外嗰個就29歲，佢老公一見到40歲嗰兩個, 就話成個亞婆咁, 話唔要, 但係29歲嗰個呢, 格仔就填1-6裏面(最想係做邊類型就填1, 第二想就填2, 如此類推), 湊bb係填左6架!
馮小姐問我覺得點, 我就話: 呢個擺明唔想湊bb喎, 佢撰到最尾! 你話d人醒到呢~ 我唔講, 馮小姐話佢都冇發現佢咁寫喎!!! 唔係呀化, 張張嘢, 個個工人都有架啦, 而且仲要係同一個agent比, 咁都睇唔到? 冇嘢嘛!!!
我一早都叫馮小姐早d睇架啦, 佢又唔聽我講, 但係我又唔明佢點解唔再睇多幾個喎, 因為佢話佢老公話決定撰29歲, 湊bb排第6嗰個喎!
馮小姐都有擔心架, 佢都怕個工人冇耐性對住亞b架, 所以打過比個agent同佢講過個工人撰湊bb係no.6, 唔係咁放心, 所以個agent 就話, 同佢問過個工人喇(過左一陣打番比馮小姐), 覆番佢個工人話冇問題喎!
其實我當時一知道個agent 咁快覆馮小姐, 就覺得個agent 老點囉! 跟本就係唔想馮小姐撰嚟撰去, 因為之前仲要同馮小姐講, d工人係咁"椅"寫之嘛, 所以!
唔知係唔係我真係一個麻煩人, 定係佢地係奇人呢, 我撰工人, 就最好一定鐘意湊bb先考慮, 仲要係生過, 自己湊過有經驗就最好喇, 但係馮小姐同佢老公, 就寧願撰個後生d, 話好體力d喎!
2010年10月29日 星期五
食之無味, 棄之可惜!!!
尋晚番到嚟, 見到廚房煲左煲西洋菜湯, 所以等埋老公番嚟, 等佢飲番一大碗, 但係老公話佢下午番工之前已經飲左喇!
臨瞓前, 我老同我講佢早幾日買送, 個工人叫佢去藥材鋪買一樣嘢, 一個波, 黑色嘅! 老公抓爆頭, 乜嘢一個波黑色呀??? 跟住個工人攞滕滕個細波波出嚟話係咁上下size比老公睇! 哦~ 原來個工人叫老公去買羅漢果!!!
尋晚番嚟, 個工人就攞左個羅漢果煲西洋菜! 個工人有時真係好醒, 佢知道乜嘢打乜野, 仲要會有時係適當時候就做適當嘅嘢! 因為老公瞓到半夜咳, 所以佢就整左煲羅漢果西洋菜湯!
就係因為佢呢d咁嘅長處, 所以好多嘢我都唔會擔心佢攪唔掂! 雖然佢好醒, 不過可惜我已經搵左個新工人!
原來你玩嘢!!!!!!!!!!!!!!!!
我今晚, 發現左個秘密!!!
一向以嚟, 我叫滕滕叫我媽媽嗰時, 佢就叫左爸爸! 不過, 個工人講過, 我番左工嗰時, 工人姐姐教佢叫媽媽, 滕滕係有叫過, 係識叫, 但係為何咁多個月以嚟, 我叫佢叫媽媽, 佢就叫左爸爸呢? 我真係以為爸爸同媽媽個音差唔多, 所以佢咁耐以嚟應我叫爸爸, 我都覺得佢係叫我!
今晚我夜左番, 一番到嚟以為佢已經瞓左, 點不知佢係黑暗當中由房走出嚟! 所以見佢仲未瞓, 我涼都唔沖, 就入房同佢瞓左先! 因為今晚夜左番, 冇乜抱過滕滕, 所以抱住曖嗰時, 我又同佢玩講疊字! 我講飯飯, 佢就講扮扮, 到第二個我講軒軒, 佢就講衣衣, 跟住我就再講媽媽, 佢就: "媽........爸爸!" 講完就自己係到奸笑!
哼~ 你條o靚仔, 原來你一直係到玩嘢!!! 我跟住又再講多幾個疊字, 跟住再講媽媽, 佢就又再一次奸笑咁跟住講爸爸, 爸爸, 爸爸!
呢一刻, 我先至知道, 原來由始至終, 你一直係到整鬼我, 你都算衰喇!!!
2010年10月28日 星期四
多謝你呀 AUNTIE!!!
上次只係可以買到兩張清明上河圖嘅ticket, 因為又加開時間, 所以尋日又再可以買飛喇, 不過電話訂飛, 就今日先開始!
尋日好朋友打嚟比我, 佢話佢媽咪去左排隊, 問我咩時間可以, 咁我就講左比佢知, 不過我都諗住唔得唔緊要, 因為我都已經預左今朝10:00 standby 架喇, 但係我真係冇諗過今朝起身睇電視嗰時就通知尋日已經全部售罄!
今朝我打比好朋友, 佢話佢媽咪尋日買左飛喇!!! 嘩~ 真係開心到暈喇!!! 所以我今朝就即刻打比auntie 多謝佢喇!!!
auntie 話係因為有個女人排左已經4個鐘唔想再等, 所以讓個位比auntie 排! 不過都係咁話啫, 就算讓左個位, 最少都要多等起碼1粒鐘啦!!!
Auntie, 真係好多謝你呀!!!!!!!!!!!!!!!!!!!!!!!!!!!!!
2010年10月27日 星期三
我要同你絕交!!!!!!!!!!!!!!!!!!!!!
點解日日都有人搵D嘢嚟攪我攪到我火晒滾架!!!
亞媽去佛堂去到走火入魔都已經唔係一件咩驚嚇事, 而且不嬲去佛堂都係大過天!
但係因為我屋企個工人件事, 我已經晨早講左, 如果個新工人到, 佢就要下半就入嚟同我睇, 咁我就可以唔使請成日假!
亞媽每年十月尾十一月頭, 佛堂都有D唔知咩法會係好緊要, 連續一個星期, 話唔去唔得喎! 但係因為我屋企個工人件事, 我已經晨早講左, 如果個新工人到, 佢就要佢LUNCH後入嚟同我睇, 咁我就可以唔使請成日假! 前日又講開呢樣嘢, 亞媽就話, 十月尾十一月頭嗰幾日, 就下午入嚟, 但係就早小小出去! 我一聽到就問亞媽, 咁你入一入嚟就出番去, 咁入嚟仲乜呀! 亞媽成日強調佢嗰幾日法會好緊要, 但係我真係好想知有幾緊要呀?????? 信仰呢樣嘢, 唔係緊要過自己屋企人吓嘛?????? 所以前日我就話: "你撰去佛堂定係撰個孫? 你自己諗清楚!"
今朝見到亞媽, 佢第一時間就笑笑口咁同我講: "我養到你咁大, 你而家威脅我?" 就係因為我前日同佢講, "你撰去佛堂定撰個孫" 呢句嘢嚟威脅佢喎! 我聽到, 真係好興!!! 我話我咁講, 對得住天同地, 連死左嘅亞婆我都對得住呀, 個工人D嘢唔知唔知吖, 個新工人幾時到, 亦唔係我control, 唔通個新工人到, 叫佢唔好嚟住咩??? 如果真係撞啱法會嗰幾日, 我都冇辦法架喎! 所以我就講: "如果你覺得去佛堂係重要D, 你就安心去啦, 我唔會阻住你, 所以由而家開始, 我唔使你入嚟幫我, 我亦都唔會再叫你入嚟, 我由而家開始, 同你絕交!!!"
我真係好想打電話去嗰間咁嘅死人佛堂到問下個主持人, 究竟佢地係咩邪教呀, 攪到我老母乜嘢都唔理!!! 乜佛堂唔係教人分事非黑白嘅咩????
2010年10月26日 星期二
有冇聽過?
據我所知, 藥材係唔可以放係鐵煲、鋁煲、銻煲、不锈鋼煲到煲, 最好係用瓦煲煲!
馮小姐就嚟生, 所以佢買左嘢係公司煲, 但係就用電飯煲煲! 我一聽到, 我就覺得好奇怪, 因為馮小姐話只係煲水啫, 所以唔怕用電飯煲煲喎!
我: 煲水? 咁放唔放埋d藥材落去架?
馮小姐: 放架!
我: 咁即係唔係煲水啦! 如果放埋d藥材落去都仲叫煲水, 咁如果真係淨係煲水, 咁叫煲咩呀?
馮小姐: 亞XXX佢話唔怕架, 佢話煲水之嘛!
我: 咁我又真係覺得一個迷, 咁D藥材, 係唔係可以唔使放水落去煲架?
馮小姐: 哈哈哈哈, 咁如果煲藥材就更係一定要放水落去煲啦!
我: E, 咁請問你嗰包嘢, 係唔係藥材鋪買架?
講完我都唔想再睬佢, 樣樣嘢都要死撐, 我只不過同佢講, 如果你問一千個中醫, 我好信相呢一千個都會同你講最好同瓦煲煲任何嘅藥材囉! 既然你要用電飯煲煲, 我當然唔可以阻止你啦, 唔通我要好似教仔咁迫你咩!
2010年10月25日 星期一
事日心情不佳!
今朝一番到公司, 放抵D嘢就去洗杯 jump 茶, 不過個會計又用左個微波爐!
佢扭到去慢火, 然後就慢慢叮, 我一見到就唔知點解好興, 所以我就同佢講: "ada, 你係唔係可以攪大火d, 咁可以快d叮完呢?! 跟住個同計答我: "哦, 因為我唔想太乾呀!" 一聽到佢咁講, 我就即刻話: "咁樣就阻住晒d時間啦, 人人用微波爐都係想快d啫!" 我講完, 個會計就唔出聲喇!
咩人嚟架???!!! 你估得你一個人用咩! 你估全公司你大撚晒咩! 你覺得係你私家嘢咩! 你究竟知唔知你咁樣阻住人地架? 你究竟知唔知你咁樣做好黑人憎架?
過左一陣, 馮小姐又比難提我喇! 有個大客係好耐之前講明一定要係深圳出提單, 所有文件唔可以有"HONG KONG"呢兩個字, 而且packing list, invoice 同埋 FA一既, 係所有所有文件都係唔可以 show "HONG KONG"! 不過, 因為個客今個月轉左 carrier, 所以今個月d提單, 就要搵大陸廠同事去深圳攞!
已經有兩單貨係今個月16号開左船, 到而家都仲未攞, 馮小姐話佢想等埋今個星期嗰兩份, 咁我睇一睇, 我就話等埋今個星期好喇, 因為如果今個星期五有得攞, 都要下個星期初先嚟到hk office, 唔可以再遲, 因為下個星期都已經3個weeks, 隻船都差唔多到目的港都仲未比到文件個客, 有冇攪錯呀! 講完之後, 馮小姐話, 可唔可以問下個客係出HK單得唔得喎, 唔想煩到自己廠同事要成日去深圳攞單, 因為今次去完, 可能過兩個星期到又要再去!
你話咩人嚟架???!!! 寧願唔想煩到自己廠同事, 就唔怕煩到個客??? 真係痴交線!!! 個客一早講到明係唔可以係HK出單, 因為有種種種種咁多嘅問題, 所以我都好唔客氣同馮小姐講: "你知唔知你提出呢個問題, 另到幾多人有麻煩呀? 你就係為左唔想煩到李小姐(廠同事-老闆娘個妹, 係廠游手好閑, 唔做嘢, 又成日放假, 但係叫佢出街就最開心, 因為有得可以出去), 所以就要我費一番唇舌去遊說個客係HK出單? 跟住個客又要同佢間清關公司check下得唔得? 個客一早講明, 如果又再問, 會唔會一陣個客覺得我地好麻煩呢???" 跟住, 我又再講: "李小姐係廠又冇嘢做, 佢又唔做嘢, 叫佢出去幫手攞單, 又有幾煩住佢呢?"
我講完之後, 大家就冇對話喇! 講真, 你估我唔知咩事咩, 只不過係馮小姐唔想係深圳出單, 安排咁多嘢之嘛, 一句講晒 - 懶! 唔好諗住唔想做咁多嘢, 我就唔知啦!
一個二個都真係痴交線!
2010年10月24日 星期日
你話d人幾cheap吖!
今日終於嚟埋係淘寶買嘅衫仔喇, 我拆開嚟check 嗰時, 馮小姐咁啱入嚟搵我就見到d衫仔喇! 佢見到我買嗰d衫仔, 就猛話好靚, 仲話佢嗰d都已經到左佢個fd 間公司到潻!
明知我會係淘寶買衫落嚟send番嚟公司, 都唔叫我幫你買, 咁即係我之前係fb上面冇名文講係寫比邊個: "唔好叫我幫你" / "唔好諗住老馮" 呢d嘢原來你係知道我話緊你架啦!
但係, 既然係知道, 就唔好咁cheap成日就問我淘寶d嘢啦! 問呢樣買唔買好, 嗰樣又唔知買唔買好喎! 又話乜都要買最好, 但係又話最緊要平, 咁係淘寶買嘢好驚架喎?! 你唔驚d質料攪到bb敏感咩, 你咁勁!
可能其實已經幾好架喇!
今日老公番工, 所以表姐叫左我出去食DINNER! 而且, 又係尋日嗰D腳! 佢一家4口 + 佢介紹agent 比我嗰個fd 一家3口(佢老公尋晚冇嚟, 但今晚係到) + 我 & 滕滕!
我帶埋滕滕飯, 去到嗰到先餵佢食, 一路食, 表姐個FD就話滕滕食飯好定, 冇郁嚟郁去, 再過一陣, 個FD個老公就話滕滕幾好, 啖啖隊到埋個咀到都食, 冇抗拒、冇唔食, 食到食完為止! 到滕滕食完, 就到我地食, 所以我就比左D膠飯碗佢自己係到玩嚟玩去, 咁我就可以食嘢, 雖然陣中滕滕就更係有整D嘢落地下啦, 但係佢都算係咁, 起碼我可以食到嘢, 而表姐個FD同佢老公, 又讚滕滕幾定, 唔多攪嘢, 如果生多個係咁, 咁佢都考慮生多個!
其實我好多時都唔覺得滕滕定, 因為佢都總有攪嚟攪去嘅時候, 不過耐唔耐有時佢都還可以接受! 而且有時滕滕又會扭計咁想要D咩, 而我又唔係樣樣嘢都會比佢, 但係滕滕知道我係唔會比佢之後, 佢又好無可奈何咁算!
又好多時, 亞爸亞媽都話滕滕聽我講, 但係我仍然都覺得佢仲有改善空間, 而且仲可以乖D, 但係好無奈佢係一個男仔, 而我知道男仔都係比較活潑D, 所以我又唔覺得佢又有幾聽話!
唔知係唔係我要求高? 因為家姐話我好多 rules 同規矩, 唔可以咁又唔可以咁, 成日要聽我講咁, 嗰樣又要咁, 都係"NO媽"! 老豆又話我惡死, 成日好惡咁話滕滕! 但係我有我嘢原則, 講左係咁就係咁, 所以滕滕而家唔算係曵到我話唔聽! 所以有時係到諗, 唔通佢有時聽我講已經都算係幾好? 唔係呀化, 佢只不過係有時咋喎!
"好似"好有骨氣!
尋晚check到個工人戶口仲有成5千幾蚊, 所以好期待今日嘅發展, 成日個心都係到諗究竟條仆街今晚番嚟交唔交到張receipt 比我!
都唔使點講, 跟本都已經知道咁上下, 個工人番到嚟, 比左張receipt 我, 個銀碼係$1500! 今朝佢出門口, 我已經同佢講叫佢交晒成條數(差唔到連息要$2500), 番嚟結果就只得 $1500, 我今次真係忍唔住小佢!
我: 佢點解只係交$1500?
工人: 我朋友今日有$1500咋!
我: 唔好話我唔比面你, 究竟係咩事, 你係唔係想唔找數? 係唔係諗住一走了之, 唔想還錢呀! 如果係, 唔該你預早通知我! 我唔出聲, 唔好當我傻仔, 我只不過係唔係話你, 而家你一次又一次咁洒我, 你當我傻架!!!
工人: 我朋友都係今次過左$1500蚊比我咋, 佢冇錢呀!!!
我: 冇錢? 咁佢冇錢還比你, 咁你點解有錢出街呀? 你唔好當我懵架!!! 你好講喇, 你唔好再係我面前玩d咩嘢呀!!!
工人: (震晒口咁問我)咩事呀?
我: 咩事??? 我而家問你咩事呀!!! 比條路你行, 你又係到攪呢攪路, 好啦, 我一次又一次咁信你, 你一次又一次咁係到洒我! 我比晒機會你, 你就係到一次又一次咁講大話!!! 好啦, 你借呢兩條數我都已經唔同你計, 叫你還錢, 你仲係到玩喇!
我一路小佢, 佢就一嗰咁(扮)打電話, 打完就出嚟同我講
工人: 我啱啱打左比個朋友, 佢話佢而家過一次蚊比我, 我而家去ATM transfer 呀!
我心中已經知道咩事, 因為我今日5點check過佢a/c, 個戶口今朝攞左800蚊之後就冇再攞過錢喇, 而佢番左嚟比我小完出去嗰時, 我即刻check過佢a/c 只係得番2700, 因為 $5500-$1500(過比財仔)-$500=$2700, 咁即係佢過完比財仔之後就再攞左$500出嚟! 再過一陣check多次, 就只係得番 $1700, 換然之, 佢都係係佢戶口再過多 $1000比財仔!
所以佢全部所講嘅咩佢朋友今日過$1500比佢去交財仔, 係講大話嘅, 跟本就係人地一早已經還左比佢! 跟住番左嚟之後比我小完, 又話佢朋友啱啱transfer 比佢, 入多$1000比財仔, 都係講大話嘅! 而佢跟住有$500少左, 就係係佢入完第二次錢比財仔番嚟之後, 佢攞住張五百蚊紙, 話還番比我! 還番比我, 仲問我爭我幾多錢, 我計完之後話仲爭 $35, 佢就即刻比埋呢$35我!
頭先我真係小得佢好甘, 仲要係好大聲咁小佢, 所以我怕滕滕聽日都唔知會點, 所以條仆街沖完涼之後, 我叫佢坐抵話同佢講, 問佢知唔知呢d財仔d利息好甘, 咁辛苦搵埋d錢番嚟, 就係比晒呢d財仔, 10日利息就差唔多成$1000, 咁即係成百蚊一日啦! 一個月做嘢先得嗰三千幾蚊, 做10日嘢都係得嗰一千蚊多d, 但係就係爭財仔10日, 就已經將10打工嘅錢比左d財仔, 咁為乜先!!! 我仲要講, 我唔想佢咁辛苦搵d錢番嚟就冇左, 所以點解我迫佢要佢d朋友還錢比佢, 等佢可以盡快還錢吖!
我問佢明唔明我用意, 佢話佢知, 佢知道我唔想佢用晒d錢嚟比interest ! 佢把口即刻話多謝我, 仲話好明白我對佢好喎!
我個心諗, 你條仆街, 你好去死啦仲係到扮晒嘢!!! 如果唔係我怕滕滕聽唔知有d咩事, 我使Q係到扮關心你呀!!!
2010年10月23日 星期六
好似都幾好, 不過..........
尋日去左YWCA聽講坐, 聽下佢地學校D facilities, 聽左成個鐘都覺得幾好, 再加上校長講佢地對學生品格同埋教學嘅態度, 我就覺得同我自己教仔嘅方式, 要求嘅教學方法好近似, 所以我覺得好似唔錯!
不過, 唯一就係佢地係全日制, 如果比滕滕讀, 咁個工人好大部份時間係到抓腳趾囉!
真係好難諗, 等我再去多幾間睇下點!
你真係好去死啦!!!
星期四嚟左封大字信之後, 今日又有追數信, 都係同一間嚟, 因為我相信個工人一定唔會打比間財仔!
所以今日收到信之後, 我就叫個工人用佢手提打去比間財仔蒲一蒲頭, 如果唔係可能真係會走上嚟! 迫佢打完電話之後, 我就同個工人講, 佢借錢時一定有擔保人擔保人架啦, 個工人答我係! 所以我又叫佢用佢手提打左次去間財仔到, 比我同個財仔講!
接通左電話之後, 我就話, 我係唔會同佢還錢架, 如果佢唔還, 係就搵佢個擔保人, 唔好諗住我會同佢還! 個財仔都好串, 佢聽到我咁講之後, 佢就話都冇搵過我, 講咩啫!
講咩啫?! 你唔係唔明吓嘛! 所以我再同個財仔講多次, 就算你有冇搵我, 我唔會同佢還, 要追就追佢個擔保人! 講完我就收左線喇!
過左一陣, 個工人無啦啦問我可唔可以比佢出荃灣, 去還小小錢喎! 一聽到, 我就更係問佢乜你有錢還咩?! 佢話諗住番一千四百幾比佢喎! 一聽到, 我有小小出奇, 點解佢有錢嘅?! (我個心諗) 不過, 唔緊要, 如果有錢還就最好啦, 但係我就問佢, 點解要出荃灣? 如果要還, 去ATM過數, 仲咩要出荃灣呀! 個工人一聽到我咁講, 佢就話唔使喇, 聽日先!
因為上次提前出糧同佢還其中一條財仔嘅數, 佢比左張card 個password 我, 所以我今晚就同佢個password 試下用電話check佢個a/c! 一唔check尤自可, 一check就聽佢到佢戶口有成5千幾蚊係到!
條仆街都算古惑喇, 尋日仲同我係到講緊大話, 話佢個fd 唔還錢比佢, 仲嗌晒大交喎!
呢條仆街, 養隻狗都冇佢咁賤! 古惑都冇人有, 仲要係到裝聾扮啞!
如果抄佢嗰一日, 我真係好想張出比佢d錢, 要佢即刻還番晒比財仔, 想佢一亳子都冇得攞番印尼! 正一冚家產嚟!
2010年10月22日 星期五
孤獨~
個工人好似知道死期張至, 所以做嘢都好似心散, 而且又係咁比人追數, 所以我就更加覺得佢冇乜心機! 好多日都冇望過個工人, 不過前日望到佢, 就嚇左我一跳, 因為對眼dup晒, 又熊貓, 成個樣都好殘!
唔知係唔係我覺得個工人冇晒心機呢, 所以今日係個cam到見到滕滕自己一個係個廳到玩, 好似好孤獨咁~
唔知係唔係個工人冇心機, 所以佢連留意滕滕都少左!
唔知係唔係個工人冇心機, 所以佢連對住滕滕嘅耐性都少左!
唔知係唔係個工人冇心機, 所以佢連我講過話有d玩具唔可以比滕滕玩, 佢都話我冇講過!
唔知係唔係個工人冇心機, 所以佢同滕滕玩嘅時間都少左!
所以尤其係滕滕自己一個人係到玩嗰時, 我覺得佢好孤獨~ 我覺得好心痛............!
2010年10月21日 星期四
希望ok啦!
表姐個同事介紹左個agent 比我, 所以今朝去左個agent 到見下! 原本尋日個agent 同我講有一個都幾好嘅, 但係今朝去到, 就見左另外一個, 因為呢個個條件正正係我要求嘅, 結左婚, 有一個仔, 鐘意小朋友(佢話)! 而且, 呢個識講講東話, 個樣係開心樣, 唔介意屋企有cam, 因為佢知道我地都係擔心個小朋友啫!
所以係各方面嘅情況下, 我就sign 左contract 喇! 唯一就係個工人唔可以即時過嚟, 因為佢而家係未完約架! 佢未完約個原因, 係因為而家個僱主有3個工人, 佢話有3個同鄉係一間屋, 遲早都嗌交, 所以寧願唔做! 我見佢咁講, 我就問佢可唔可以搵佢太太問下佢d嘢, 而佢就即刻答我冇問題! 因為agent 話佢個太太都想留佢架, 但係佢自己就想唔做!
見都ok, 所以就簽左喇! 希望個AGENT 會盡力幫我攪, 不停去追啦!
不過! 一日個visa 未出, 都好緊講個工人會唔會變! 所以希望唔好變呀~
2010年10月20日 星期三
~
真係唔好求人!
呢兩日心情唔好! 雖然係咁煩個工人D嘢, 但係我可以處理得到, 但係我真係好唔鐘意咁囉!
老爺其實一向身體都唔係好好, 奶奶好多時都唔敢行開, 因為怕老爺係屋企跌到冇人知道就大獲喇! 但係老爺份人, 好污糟, 而且又我行我素唔理人, 無論係街定係屋企, 自己幾時鐘意大小二便都即刻就地解決! 就係因為咁, 奶奶成日都好勞氣, 因為做到佢死, 專登係佢清潔完先, 就又再嚟! 所以上個星期, 奶奶同我講, 佢而家唔想對住佢, 因為怕有一日忍唔住殺死佢, 而家老爺係屋企, 佢就出街, 咁老爺出街, 佢就係屋企! 咁, 我唯有同奶奶講, 如果真係太頂氣就行開下, 唔好對住喇!
係呢個moment, 我就又再一次同奶奶講個工人嘅進度去到邊, 如果佢都仲還唔到條數, 咁今個星期就可能有人上嚟! 咁既然佢又唔想係屋企對住老爺, 我就話可能今個星期會叫佢入嚟我到一兩日幫手睇一睇!
原本諗住星期四先叫奶奶入嚟, 不過尋日老公中午打比我, 話公司call佢番工, 所以我叫佢即刻叫佢亞媽入嚟幫手! 奶奶入緊嚟之際, 我打比佢同佢寒暄幾句, 因為我都怕佢太辛苦, 不過, 就係呢兩句, 我就好嬲! 我同奶奶講, 我怕佢會好辛苦, 因為今日入嚟, 星期四又要入嚟, 奶奶答我唔怕, 都係坐車之嘛, 不過就怕爺爺冇人理!
怕冇人理? 就係因為佢話而家唔想對住老爺, 所以我先開聲話叫佢幫我入嚟睇下! 但係叫佢嚟, 佢又話怕老爺冇人睇!
咁即係點呀!!! 你咁講, 咁不如一早同我講你行唔開啦! 而家,我點敢揹咁大條飛呀!!!
所以尋日放工, 我打比奶奶叫佢星期四唔使入嚟喇, 因為我怕佢唔係屋企, 老爺有d咩事都冇人知就唔好啦! 係呢一刻, 可能奶奶feel到我唔妥, 所以佢就話唔怕, 因為老爺下午時間, 身體會好d喎! 不過, 我又再講多一次, 唔好喇, 唔入嚟都唔緊要喇, 費事老爺一陣有d咩事啦! 我講完之後, 奶奶又講多一次唔緊要, 佢可以入嚟喎!!!
講真, 我唔想求你架, 我已經叫左亞媽入嚟兩日架喇, 因為我真係唔想老人家出出入入咁辛苦, 但係當你認承左我之後, 又話怕老爺有事冇人理, 咁算點呀!!! 我叫你唔好入, 你又話唔緊要, 不過就怕老爺有事, 咁即係點呀!!!
我唔會再求你叫你入嚟架喇, 我揹唔起咁大條飛呀!!!!!!!!!!!!!!!!!!!!!!!!!!!!!!!!!!!!
2010年10月19日 星期二
乜我好yim 尖咩???
頭先老闆問我尋日睇工人睇成點, 我答佢全部都係垃圾!
老闆問我點解, 我就話問個工人可唔可以打比佢而家個太太問下佢做嘢做成點, 跟住個工人就扮唔識聽, 面有不悅同唔想! 所以我話見到佢咁樣就唔可以考慮啦, 因為做左兩年, 人地就唔同佢續(尤其係湊開小朋友就唔會成日轉, 最多4年之後唔續, 因為要比長服嘛), 就即係佢有d問題, 再者我話想問一問佢太太, 佢就即刻扮聽唔到, 咁又即係佢做嘢有問題啦!!! 咁點要得落喎!
我而家嗰個係衰, 但係起碼佢應該唔會對滕滕做d咩先, 因為到而家, 我都仲係覺得佢對滕滕都仲有心機吖!
老闆一聽到我話尋日咁樣問個工人, 佢就話我唔係好啱喎, 無奶油咁樣問d咁尖銳嘅問題! 一聽到佢咁講, 我就真係有小小火滾!!! 乜咁樣問, 好尖銳咩??? 跟住我就答佢, 我更係要咁問啦, 如果佢做嘢係冇問題, 怕咩比我問呀?! 同埋, 而家我唔係請佢番嚟清潔、執屋, 而係要佢幫我湊仔, 我更係一定要睇下佢對小朋友有冇愛心啦!!!
跟住老闆又再講, 我唔可以要求人地做咁多嘢, 做6/7成已經算好, 因為佢地呢d人冇文化, 唔同我地HK人! 我知佢地更係唔係我地HK人啦, 不過我唔會好似我老闆咁, 要求冇標準架嘛! 所以我就忍唔住答我老闆, 我唔同你, 你搵個工人番嚟清潔就更係冇要求, 佢做幾成比你你都冇所謂, 因為你冇要求, 我而家請個工人番嚟你照顧個仔, 我唔可以亞豬亞狗都接受, 我唔想搵左個工人番嚟係會虐兒架! 你冇標準你因為唔係湊你個仔, 因為個仔唔係你, 所以我唔可以好似你咁冇標準!
唔好嘥晒我d時間啦!(如果接受到聽粗口就繼續)
真係佢老味!!! 尋晚等左個工人咁耐, 仲要攪到成十點幾先番到去, 滕滕係到扭晒眼瞓, 原來個工人自己有朋友已經介紹左份工比佢喎! 真係火都嚟!!! 早講啦嘛仆街, 玩咩!!!
今日下午接到表姐個FD來電(呢個好幫手, THX), 所以食完飯就出去見個AGENT, 呢個AGENT又係要冇乜現貨, 盡量幫我睇下! 好啦, 都唔緊要, 開始已經有心理準備喇!
跟住見見下個AGNET, 又有另外一個AGENT 打嚟(亞媽D FD D FD), 話有現貨比我睇, 所以我放工就即刻去喇!
一去到, 見到間AGENT 隔局都幾流下, 好似厄人嗰D公司咁, 冇裝修! 我問嗰個小姐佢間嘢開左幾耐, 佢答我有幾年! 好啦, 有時D嘢唔係睇外表嘅, 所以我地就開波喇!
有兩個比我撰, 一個係湊開小朋友, 不過現僱主只係做左兩年, 一個就而家照顧緊老人家, 所以呢個唔係我考慮之一!
我問而家有湊緊小朋友嗰個, 佢鐘唔鐘意小朋友, 一問完佢, 佢就好似唔識聽我講嘢咁望住個AGENT, 一見到咁, 我就問個AGENT佢係唔係唔識聽廣東話, 但係個AGENT 就話佢識架! 識? 咁仲咩我講乜佢好似唔明架??? 跟住我就問佢明唔明我講乜, 吖, 佢呢次又明喎, 因為佢答我話明! 跟住我就問佢, 佢自己屋企多唔多兄弟姊妹? 同埋可唔可以搵你而家個太太問下佢係做嘢嗰方面! 跟住呢個印就"就"起個眉頭! 呢次, 我FEEL到佢扮唔明! 跟住佢D同鄉就解釋比佢聽我想搵佢而家太太, 我一路望住佢嘅表情, 我已經知道佢唔想! OK! 咁我唔會考慮佢喇!
叫個AGENT 打發個印印出去之後, 我就同個AGENT 講我嘅要求! 其實要求唔係好多, 只係有生過BB, 同埋有湊仔經驗, 而且願意湊BB之嘛! 個AGENT 係佢個FILE左搵右搵, 搵出嚟嘅, 一係個樣好嚇人, 一係就湊開D老人家, 再唔係, 就有湊開仔, 不過就冇家室!
走左之後, 我一出門口, 就真係忍唔住講: "垃撚圾!"
我都唔明, 可唔可以唔好嘥九晒我D時間呀! 乜唔撚係預備好先叫我嚟嘅咩? 既然手投上嗰D貨係咁唔7得, 就唔撚好叫我嚟啦!!! 真係好撚火滾囉, 比撚埋D垃圾出嚟, 唔通真係咩公司比D咩貨???
2010年10月18日 星期一
好感動~
上個星期已經同亞媽亞爸報左團11月去旅行喇! 今日同細細佬講開電話, 佢問我究竟夾幾多錢! 係之前係我出團費, 而兩個細佬就比錢佢地去飲飲食食嘅, 但係今年我就唔知d團費預唔預埋佢地兩個, 因為我呢兩個月d錢真係洗得好金, 而家仲要加埋要抄個工人, 所以真係窮到褲穿洞!
細細佬知道我而家個工人咁, 又要洗一大筆錢, 所以佢話團費預埋佢喎! 不過我又講, 橫又洗掂又洗, 都唔差幾千蚊, 我都預左括出去喇! 講完之後, 細細佬就話入五千蚊比我, 尤得我點安排喎, 我冇錢就扣番團費剩抵比佢地去玩又得, 如果我想比晒佢地又得, 總之就我想點就點喎! 而且再加多句, 家姐得一個, 唔係用錢去計嘅, 如果我真係冇乜錢, 就等佢去分擔下喎, 因為亞媽都係得一個啫!
嘩~ 聽到個心都甜晒! 不愧我咁錫呢個細佬!
希望~
呢個表姐百足咁多爪, 佢幫我搵左佢個FD搵左間僱傭公司, 今日去約見個印印!
原來唔識人就真差D, 因為呢間僱傭公司, 我星期六先去過, 嗰時都話冇要等, 但係經熟人一講之後就 hold住左比我見先, 你話呢個世界呢~!
今晚見呢個都好似ok, 睇落去個樣都幾活潑下, 唔似我而家呢個豬西咁, 成日都木口木面, 一日到黑都諗埋d計仔!
老公問我覺得點, 但係我都話都冇咩覺得點喇, 因為好似係我地比佢撰, 唔係我地撰佢, 因為有d就話唔湊new born, 有d就話唔鐘意有cam, 咁你話係唔係似我地比佢撰吖! 而且我而家仲要搵現貨喎, 都冇乜幾多剩!
如果呢個肯嚟幫手, 我就希望佢ok啦, 我都唔想再煩喇!
我唔想做一個黑人憎嘅亞婆!
今朝一上巴士, 坐係對面呢個亞婆就已經飛象過河, 所以我一行到埋去就好有禮貌咁講: "婆婆, 唔該!"
對住一d好好嘅老人家, 我就會好尊重佢地, 不過對住d冇禮貌而且仲要以為自己係大晒嘅老人家, 我就唔會對佢客氣!
我同左呢個亞婆講左一句唔該之後, 佢望都冇望我一見, 零側左個面就縮一縮左隻腳比我坐埋位!
就係佢呢個死人樣, 就已經知道佢好唔 like 我叫佢縮腳!
我真係好想講, 亞婆你老啫, 唔係大晒架!!! 你估你老就乜都可以架喇! 你唔試下去打劫, 睇下個官怕唔怕你老!
我坐抵左之後, 亞婆隻死人腳又嚟喇!
我估亞婆可能怕架巴士突然 "dup" break, 所以佢先搵隻腳咁撐住! 但係我咁有禮貌同你講唔該, 你就咁嘅死人樣打側塊面, 咁即係話比我知, 我唔應該對係你對面, 阻住你申腳嘛!
亞婆, 如果你唔想有人係巴士到阻住你, 咁你成架巴士包晒佢啦苯, 如果你有錢嘅話!!!
你個衰樣唔like我坐係你對面都冇用架喇, 因為呢架係公共巴士, 唔係你個私人四方城!
人地話家有一老, 如有一寶, 但係如果家有呢d亞婆, 我就寧願唔想有喇! 呢d老人家, 你話比我知佢唔係麻叉煩我都唔信呀!!!
2010年10月17日 星期日
今晚你唔好又再嚟呀!
尋晚出左去食飯, 已經同兩個表姐玩到痴左線, 半夜喊左3次, 跟住就同左我瞓!
今日, 又見到兩個表姐, 又玩到癲左喇!
兩個表姐原來都好鐘意同見到我個滕滕, 因為尋日同大表姐講, 因為表姨丈食完飯要番工, 所以我就問佢可唔可以車埋我同表弟番屋企, 但係呢個大表姐居然話只係想車表弟喎! 吖, 真係比佢激死我, 表E咁錫佢, 都話只係想車表弟喎!
今日, 同滕滕去左爬蟲館睇龜龜, 睇完就去市中心對出個廣場搵兩個表姐, 因為我表姐話有遊戲玩, 佢地會係嗰到; 不過, 去到佢地已經走左去踏單車喇! 因為廣場有扭波波派, 所以就排左好耐攞左一個比滕滕! 不過, 都係我呢個媽me手多, 一扭, 個波波就爆左, 滕滕就好失望咁執起地上面嗰d殘骸揸住係手唔放! 所以我就打電話比我表姐問佢, 可唔可以比(佢兩個女, 即係滕滕個表姐s)佢地d扭波波比滕滕, 因為佢好失望個波爆左! 我表姐話可以, 因為佢地話預左d波波比表弟架喎!
very good姨丈車到我地屋企樓下就分手喇, 而我都係第一次見到滕滕咁依依不捨咋, 睇到架車走, 佢都仲企係到!
不過, 滕滕你記得今晚唔好又再發惡夢喇, 因為聽日媽me要番工架!!!
2010年10月16日 星期六
真係咁難咩???
有個同學做警察, 佢教我打嗰工人嗰一日, 就搵埋介紹嗰個agent 嚟到, 有第三個外人係到到證人, 因為佢有個伙計抄嗰工人嗰一刻, 個工人就係嗰一刻割自己隻手, 又整到自己個頭流血, 屈佢個伙計整佢, 攪到報晒警, 所以同學話, 避免麻煩我最好就咁樣做!
所以我尋日打比個agent 叫佢幫幫手, 但係個agent 第一時間就答我: "嘩! 你嗰到好遠喎!" 我個心諗八婆, 有幾遠呀, 你係青衣過嚟15分鐘左右, 有幾撚遠呀! 所以我就同佢講好遠咩, 青衣有van仔到, 15分鐘就到喇, 唔係好遠啫! 如果唔係要佢幫手, 我都唔會低聲下氣同佢講, 我搵你幫手搵工人嗰時, 我都係咁去你嗰到啦, 而家叫你幫下手就咁講嘢, 你話d人幾現實吖!
講左一陣, 佢就教我而家要開始搵個工人先喎! 搵工人先, 你想我再搵你幫手呀? 慳d啦你, 八婆! 之前個工人搵我借錢, 我打比你問你意見, 一d都冇, 一d都幫唔到手! 而家個工人借左咁多間財仔, 我又打比你, 問你意見你又話冇, 叫你嚟做見證人, 你又話遠! 仆街, 你仲想我比錢你賺, 真係發夢囉! 不過, 我一定話會啦, 如果唔係又點比你個希望你, 等你嚟做我見證人呀!
今日去左市中心搵左幾間僱傭公司, 佢地都話冇現貨呀! 大部份都話要等, 我星期一要出動喇, 睇下再搵下, 希望可以搵到啦!
不過, 搵到都未必好, 因為香港地, 都好多好似我屋企個豬西咁, 以為借左一走了之可以唔使還!
2010年10月15日 星期五
真沙膽!
今日放工番嚟, 居然收到第三間財仔寄比個工人嘅追數信!
我問個工人係邊間, 佢就答我佢個朋友尋日已經同還左喇, 講到好似又係幫人借咁!
你放心, 今時今日, 我已經唔會再信你! 同埋, 尋晚我同老公都已經決定左送佢一程, 尋日就去AGENT到搵過個工人!
所以我知道有第三間財仔追佢數時, 我已經唔想再鬧佢, 因為嘥晒我D口水!
個豬兜D朋友同佢講, D財仔係唔會係印尼搵佢D屋企人佢以為係真, 所以想走數!
哼~ 未免太睇少我地D香港人喇! 諗住真係以為冇事呀? 只要用下個腦諗下, 如果人地真係搵唔到你印尼嘅屋企, 佢點會無啦啦借咁大嚿錢比你呀, 76!
仲有, 唔好諗住我會怕煩同你頂左佢, 因為如果你咁諗, 就唔只係76, 仲要係戇 9! 因為我一拍你走, 我就會通知入境處, 跟住仲會通知埋D財仔話你想走數, 叫佢地即刻搵人係你印尼屋企搵你老公, 等佢地唔會再攪住我!
所以路係你自己搵, 死係你自己掘!
2010年10月14日 星期四
痴九線!!!
今晚放工番嚟, 我問個工人叫佢比佢老公電話我, 佢問我咩事, 我就話, 如果你比人打到豬頭嗰時, 我可以幫你通知你老公, 又或者你比人捉左失左踪, 我都可以幫你同你老公講! 我講完, 佢就係到笑! 不過過左一陣, 佢就講左d簡直係痴九線嘅嘢!
工人: 大眾嗰條數(每個月要找三千一百幾蚊)唔係我用, 所以可以唔使還!
我: 你係貸款人, 乜你覺得可以咩!
工人: 你可以同佢地講已經抄左個工人, 咁佢地就唔會搵你!
我: 你當人地傻架, 人地可以check到入境處架! 你知唔知如果佢搵唔到你, 會去你家鄉搵你屋企人架?
工人: 佢地唔會架!
我: 一句講晒-唔可以!
工人: 我唔想還喇!
我: 如果你唔係用我地借去借, 我就唔理你還唔還! 而家你係用我地址去借, 就唔可以唔還! 因為佢地會上嚟搵你, 即係嚟我屋企搵你!!! 你冇問過我, 就攞左我個地址去借錢, 你有冇得我嘅 agreement? 如果冇, 咁你即係偷左我個地址去用!
個工人已經冇再回應我唔出聲, 因為佢跟本冇藉口再講!
尋日都已經覺得好奇怪, 點解個電話飛左線都仲可以打得入, 所以頭先我就試下打, 真係打得入喎, 聽下聽下, 原來個飛線比人取消左!
唔知點解會取消左, 老公話佢應該唔會識得吖, 但係我真係諗唔到咩原因會無啦啦取消左囉!
放心啦, 我決定今個星期六出去睇下d工人喇, 我好快就送你上路!!!
2010年10月13日 星期三
你洒我呀!!!
今日下午, 問個工人條數找左未, 佢第一次答我話佢個FD晏D買餸先去比, 四點幾問佢第二次, 佢話搵唔到佢個FD! 今晚番到嚟我再問佢點, 佢話佢搵唔到佢個FD!
我問佢, 你咁多親戚朋友, 又表姐又表妹, 你咪問佢地借囉, 佢地一個都唔借比你咩?! 佢居然答我係, 佢地話唔會借比佢; 跟住我又再問佢, 你借咁多錢比咁多人, 而家你有事, 佢地一個都唔幫你呀? 唔係卦, 個個睇住你死都唔借比你, 我唔信囉! 佢跟住就答我, 佢地話冇錢喎!
個工人話睇下呢個星期日可唔可以問人借到錢喎, 老公聽到, 就問佢, 點解佢地而家就話冇錢, 星期日就有錢呀? 跟住個工人唔出聲!
亞姐, 你而家洒我呀?! 你唔好當我傻仔啦, 你係唔係想放 pair, 等我忍唔住同你還喎!
我今個星期六, 就會去agent到睇下d工人, 我好快就送你一程喇!
2010年10月12日 星期二
真係火都嚟!!!
今朝都已經收到個無call display嘅電話嚟, 不過唔係好為意, 因為係我去左toilet 嗰時打嚟嘅!
到左lunch 之後, 又係冇call display 打嚟, 一聽, 原來係搵個工人嘅, 所以我就話打錯! 不過, 打嚟嗰個人並冇放過我, 再打多次嚟, 我都係話打錯! 到第三次, 佢就問我個no.啱唔啱, 因為佢唔信冇呢個人! 電話呢個人, 應該係佢d同鄉, 因為唔係hk人, 所以到我聽第四次, 我就問佢係邊到打嚟! 問佢, 佢冇答我, 只係唔出聲! 到左第五次打嚟, 我就鬧佢 "fucking bitch, what is your company name?! pls don't call again, no this person!!!" 跟住就 cut左佢線! 條八婆冇就咁算, 佢跟住再不停咁打左5/6次嚟!
我打番屋企問個工人, 究竟佢朋友同佢交左錢未, 佢話要聽日, 因為聽日先有錢!
我真係唔係好明, 你咁多朋友都唔肯借錢比你咩, 點解要聽日先可以借到? 你係唔係想唔做呀!!!
喂!!!!! 究竟你瞓醒未呀!!!!!!!
上次都已經係未瞓醒, 究竟PCCW d 人係唔係路架!
因為個工人, 所以申請左一号雙線, 之前打去10073改pw, 佢又話冇我屋企電話no, 今日打去又係咁講, 所以我就打去1000到問!
一打去, 條仔已經好似未瞓醒好唔願意咁問有問幫到我, 咁我咪同佢講我打去10073到改PW, 但係佢就話冇我呢個電話no.改唔到pw, 條仔跟住就問我幾多号電話no.話同我check; 等左一陣, 條仔就又問我有問咩幫到我喎! 本身心情都唔係咁好, 佢仲要撩起我把火, 所以我就即刻問佢: "喂, 你究竟瞓醒未?! 我咪好清楚咁同你講我改唔到pw呀!!!"
條友又再hold左條line一陣, 之後又再一次問我, 係咩問題! 你話想唔火嚟都假, 所以我問佢: "究竟你係唔係未瞓醒呀, 李生!!! 如果係, 咁就唔該你搵第個同事幫我, 一係你就飲啖水先好再嚟答我!!!"
講完呢句, 佢醒晒! 佢同我講: "你改唔到pw, 咁我同你check 一check條電話線有冇問題先!"
吖, 你話幾奇, 第二次我都冇再重覆我嘅問題, 佢而家就答到我嘢喇! 所以我想問, 如果未瞓醒, 可唔可以唔比番工呀?! 即係好似飲醉酒唔可以揸車一樣!
2010年10月11日 星期一
2010年10月10日 星期日
2010年10月9日 星期六
2010年10月8日 星期五
我唔鐘意!!!
同家姐嗌左交幾年, 都係因為生左滕滕, 佢搵番我, 我地先開始有番聯絡!
上次嗌交, 係因為我家事, 佢要我去做一d我極之唔願意嘅事, 而且仲係要我一定要去做! 就係因為係我家事, 所以我一d都唔接受佢命令式嘅order! 結果, 就係我同佢講, "我係一定唔會做", 之後我就同佢反左面, 唔再聽佢電話!
而經過上一次嘅事之後, 佢都已經好清楚我份人, 係唔接受人地比order 我! 我唔介意意見, 我唔介意批評, 我唔介意勸告, 但係我極度介意用指令式去叫我做嘢, 但係如果命令我, 就 no way!
唔知係唔係佢慣左用咁嘅方式對佢屋企人, 所以聯絡番直到而家, 佢開始慢慢都係咁對我! 無論講仔, 講工人, 定係閑事, 一講到有唔妥地方, 佢就立即話你唔好比佢咁喎, 唔好比個工人咁, 一係就你要乜乜乜, 你要咁咁咁!
我明白佢咁講係出於好意, 但係我唔鐘意人用呢個方式嚟order 我~
2010年10月7日 星期四
2010年10月5日 星期二
唔包~!
其實嗰日見完姑姐, 我就即刻打比我個同學問佢有關滕滕嘅感覺, 因為我呢個同學都教左10年書, 佢都好鐘意小朋友, 而且因為佢中秋節嗰日入左嚟我樹食飯, 佢有同滕滕交流過, 所以我就第一時間問佢!
我同我呢個同學講番我姑姐所講嘅嘢, 跟住我就問佢, 佢地會唔會留意到佢地d學生有冇呢d問題架?! 好攪笑, 佢第一句就答我"唔包", 佢意思係佢地做老師唔會埋包兒童心理學!
我知! 我更係知啦! 做老師係張知識教比小朋友, 就更係唔包睇埋佢地心理啦! 不過, 收左線之後, 我就覺得, 我地以前嗰代d老師真係好好囉! 好似我姑姐咁, 佢都就嚟退休, 係佢地心目中, 唔止只係比知識個小朋友, 而且仲要幫佢地搵出問題都係好重要! 因為搵出問題, 先可以去幫佢地再進一步去改善學習, 唔係單單只係比書本上嘅嘢比d小朋友就已經盡左責囉!
聽姑姐講佢對學生嘅一套, 都已經唔係我地以前咁, 因為而家時代唔同, 方法就已經唔同, 唔單只只係教書咁簡單, 仲要留心埋個小朋友d言行舉止, 係適當時候就去做一d適當嘅嘢, 就好似一個醫生咁, 唔單止係醫人救人, 仲要同佢地做埋心理輔導、心靈安慰!
我呢個同學都已經係有愛心、有耐性嘅miss 嚟, 而佢都咁答我, 所以我真係唔敢想像有d 只係為左番工而番工嘅老師係點囉~~~~!!!
安落左D~
呢幾日, 我打電話問過好幾個人, 包括 1)我表姐, 佢成日都會見到D有問題兒童, 弱能、自閉之類嘅小朋友, 所以我同佢講左滕滕嘅情況; 2)我小學亞SIR, 佢啱啱舊年先退休冇教書, 以佢資歷, 拍得住我姑姐! 3)我朋友個老婆, 因為佢讀過兒童心理學, 佢對於自閉兒童呢家嘢都有認識!
問完佢地三個之後, 基本上得出結論, 就係滕滕應該唔係自閉兒童!
佢地分析比我知:
1)滕滕會同人溝通, 有眼神交流, 有互動!
2)滕滕聽指令, 有服從性
3)滕滕自己坐多一陣係同一個位, 都好似有嘢咬咁, 走都走唔切實
4)滕滕明白我地所講嘅嘢, 理解能力冇乜問題
5)自換左張sofa 之後, 滕滕知道係靚靚, 都已經冇再咬; 而膠墊, 滕滕比我狠狠咁罰過之後, 而家都冇咩再咬過!
只係以上咁小嘅嘢就可以知道滕滕應該唔係有問題!
所以安落左D喇, 不過如果可以有專家/地方可能再進一步去測試, 我都會去安排一下!
2010年10月4日 星期一
百思不得其解~
其實都唔想講, 但係唔講又發洩唔到, 所以我決定係到講埋佢!
上回講到家姐成日都話自己個豆豉乜嘢都已經做左, 今次就講下曵嗰方面!
有時滕滕會耐唔耐做D曵嘢, 所以係閑談之中都一定會提及到, 交流下可以點樣另佢地唔好再做, 不過講下講下, 家姐就又話佢個豆豉就曵到冇人有, 又話豆豉點樣掟玩具, 又話豆豉點樣發皮4, 講到好似大家係到鬥緊大家個仔邊個曵D, 就算點講都唔夠佢個豆豉曵!
講真, 個個小朋友都有佢地曵嘅專長, 個個曵法都唔同, 但係我又唔係好明, 點解佢成日都要強調佢個豆豉曵過滕滕好多! 我又唔係要同佢鬥, 但係佢成日都講豆豉唔及滕滕咁多花臣, 乜個仔有幾曵都要鬥過咩?
咁係唔係個自己個仔曵D係勝人一籌呀?
爆笑 wedding party!
尋日餐婚宴, 真係講極都講唔完, 因為實在太多嘢講, 而且仲好好笑潻!
我呢個fd本身個人都好低調, 而且再加上係佢唔係咁鐘意佢呢個老婆下結婚, 所以我都預左佢係呢個party 上面係好求其!
一去到, 就見到朋友個細佬好 casual咁係個台上面彈結他係到自彈自唱(幾似d老人家擺壽酒咁係到唱卡啦ok 
), 而且仲有一個朋友都係揸住支結他係到jam歌! 一開席冇耐, 呢兩條友再加多個朋友又上台, 3個人一斉jam歌, 仲唱埋d係我呢個年代嘅歌! 想話唔係卡拉ok feel都唔得!!!
), 而且仲有一個朋友都係揸住支結他係到jam歌! 一開席冇耐, 呢兩條友再加多個朋友又上台, 3個人一斉jam歌, 仲唱埋d係我呢個年代嘅歌! 想話唔係卡拉ok feel都唔得!!!跟住食到半路, 我個fd個大姨媽係台灣專誠番嚟飲, 仲要表演肚皮舞(幾鬼似d舊一代嗰d公司週年晚會食蛇宴嗰d 呀)! 同枱嗰d uncle, auntie睇得都不知幾high, 拍晒手呀!
)! 同枱嗰d uncle, auntie睇得都不知幾high, 拍晒手呀!再過多一陣, 台灣 auntie 又再出場跳舞, 跳跳下就話教我地跳, 仲捉左我個fd出嚟! 因為係大姨媽, 所以係冇得say no嘅情況下, 就為有就範喇 
!
!真係笑到肚都痛埋! 雖然好唔捨得, 不過再睇多一陣, 我地就走喇, 唔想太夜嘛! 呢個party, 我同老公都係第一次遇到, 因為冇好似正常嗰d sweet feel, 而係爆笑feel, 跟本呢個唔係wedding party, 而係擺幾圍一大班人玩嗰d party嚟!
好冇引 @_@ ~
我成日講嗰個家姐, 係我堂家姐, 佢個仔細滕滕6個月, 所以少不免我地成日都會講下仔經, 就係成日會講仔經, 咁我好多時都會同佢講滕滕嘅進度比佢知, 尤其係滕滕每每識得一d 新嘢!
每當我同家姐分享滕滕又識左/做左樣新嘢時, 佢就話佢個豆豉一早已經係咁! 其實佢都唔係而家已經咁講, 係由滕滕1歲左右, 即係佢個仔6/7個月嗰時, 都已經成日話佢個豆豉已經識! 有時我個心諗, 細6個月差好遠架喎~ 滕滕識反應識同我玩都係呢半年有多嘅事, 之前都仲係一嚿小小飯, 就算有反應, 都唔係好似而家滕滕咁, 咁古古惑惑, 所以我真係唔係好信佢個豆豉好似滕滕而家咁囉~!
雖然個個都話唔好比較, 但係佢咁講法, 就攪到我個滕滕好似好蠢咁, 明明可以好似佢個豆豉咁細個已經一早識, 而我個滕滕就到而家先識!
就好似見姑姐嗰一次咁, 佢就叫我唔使擔心, 因為都未必係, 只係可能, 跟住我又再同佢分析有三樣基本特質, 滕滕都唔覺係, 但係佢又話係因為個腦下垂體有問題佢先會出現呢d特徵, 但係我又真係好想問, 乜個腦下垂體有問題, 唔係就有問題嘅咩? 乜有間歇性咁出現問題架? 乜如果有自閉, 就會間歇性自閉, 間歇性唔閉架?
有陣時真係唔係好想再傾囉, 成日就話佢個豆豉一早已經識, 佢雖然唔係專登晒佢豆豉叻, 但係唔多唔少就好似話緊我個滕滕蠢囉!
2010年10月3日 星期日
可唔可以大方d~
今晚好朋友結婚, 閤府統請, 所以老公都要一斉去!
不過, 老公對我呢個朋友其實一d 好感都冇! 因為我呢個朋友係佢去英國讀書之前追過我, 但係我當時冇接受到, 因為一嚟好似唔啱feel , 二嚟佢當時都就嚟去讀書囉, 仲學咩拍拖啫~ 跟住到呢個朋友讀完書番嚟, 同佢細佬兩個就攪左間補習社, 而家仲越攪越大!
可能男人自卑心作怪, 見到曾經追過老婆嘅男人而家咁有境, 所以一聽到佢係邊到擺酒, 都要彈三彈四, 又話我講到佢咁有米都係邊到擺, 又話我好封咁大封人情!
我都唔明! 呢個朋友追過我, 我唔接受, 人地都唔介意同我繼續做FD, 你咁介意仲乜喎, 如果我係鐘意佢就當時已經接受左啦! 仲有, 我識左佢咁耐, 唔係要我封兩個人一千咁核突嘛, 你叫我第時點面對我呢個朋友呀!
臨走時, 我個fd同我老公講話第日一斉食飯, 因為我個fd之前已經都講過叫埋老公一斉出嚟, 不過老公係揸車走嗰時就同我講: 仲咩要食飯呀, 都冇嘢講!
我真係唔明, 可唔可以大方d呢????!!!!!! 我地結婚時, 佢單拖都係咁嚟飲, 而家佢結婚, 你係唔係等我朋友開心呢~
為結婚而結婚!
今日其實應該好開心, 因為識左廿年嘅朋友, 佢終於肯結婚!
以我識左佢咁耐, 都唔覺得佢係一個會結婚嘅人! 佢結婚, 就係因為佢知道呢個女人會係一個好老婆, 所以先同佢結婚!
今日, 我問佢開唔開心, 佢居然答我, 佢其實冇咩感覺! 切餅儀式之後, 就更係要咀下啦, 不過見到佢地kiss, 我呢個朋友居然唔係望住佢前面嘅女人, 而係望左去第二到, 仲要個樣係好唔耐煩嗰隻! 而坐係我隔離嗰位uncle都即刻講: 都冇目光交流嘅!
某個程度上, 我好等我個fd 開心, 因為有個女人唔係因為貪佢d錢而鐘意佢, 而係真心鐘意佢! 但係係另一方面, 我等呢位老婆有d唔抵, 因為個老公其實唔係好鐘意自己, 同佢結婚, 只係因為佢會係一個好老婆-即係所謂嘅賢妻!
我知道呢個女婆會好遷就我呢個朋友, 所以我真係希望佢終有一日可以打動到佢!
2010年10月2日 星期六
你係唔係試緊我嘅底線呀!!!
真大膽 
尋日出街之前, 個工人同我講佢有個朋友一陣會嚟我地屋苑搵佢, 我就同佢叮囑佢d朋友係唔可以入嚟我屋企! 所以落到樓下我就同個管理員講, 如果有人搵我個工人就唔好比佢入嚟!
今朝我去完買魚比滕滕嘢番嚟, 樓下個管理員同我講, 尋日工人個朋友入嚟問佢搵邊到, 佢個朋友居然話搵XXX室!
番到上樓之後, 我就即刻小個工人, 問佢仲咩講我屋企個門牌比佢個朋友知, 當然個工人唔認, 仲要死都話冇講過! 我問佢, 點解冇講, 你朋友會知道我住係邊呀!!!
直至頭先, 個工人一直都冇出過聲, 我之前叫佢臨瞓前要洗埋滕滕D戒片褲先好瞓佢都冇做, 而且係洗衣機到洗完D床單都冇掠!
因為我對佢咁嘅態度, 真係十九幾把火, 同老公商量完之後, 我地決佢其中一條數(扣左條大數之後都仲唔夠還嗰條數), 要佢問佢D朋友借, 唔理佢去搶定去打劫, 一定要佢自己攪掂佢, 因為我唔想我地同佢頂等佢慢慢係糧到還! 再有D咩唔順超, 就抄左佢!!!
訂閱：
文章 (Atom)