個工人對車頭燈好大, 我已經同過佢講, 佢之前比個男雇主想攪佢, 係因為佢成日都著埋d緊身衫, 叫佢自己檢討下自己d衣著, 而agent 都有同佢講過叫佢唔好著埋d咁嘅衫, 要著就出街先著!
不過, 呢個咁嘅工人, 真係講唔聽, 今日我見到佢著住條超級低腰牛仔褲, 只係彎一彎身, 就已經露左條股"喇"出嚟! 都唔使講咁啦, 我一見到就打番去, 講都冇講咩原因, 鬧都冇鬧, 好直接咁叫佢換過條褲, 如果要著, 就放假先著, 唔好再係屋企著! d咁嘅人, 我唔想再鬧多句, 講嚟都嘥我d口水!
到左4點幾, 因為要預備去奶奶都做節, 所以我見老公去左買餸之際, 我打番去叫個工人預備好出街d嘢, 包括尿片, 水, 水杯 & 濕/乾紙巾! 只係叫佢攞個水樽出嚟, 佢就"嘅..............", 我都唔知佢"嘅"乜九嘢, 日日都對住個盒, 個盒係透明蓋, 裏面就放左左個水樽啦, 都要"嘅" 唔知係邊!!! 一聽到, 我又忍唔住, 既然咁小嘅事你都做唔到, 咁你叫先生番嚟打比我, 唔使你喇!!!
百忍成金!!!
回覆刪除[版主回覆12/27/2010 23:02:00]就嚟忍到出煙喇
咁都冇計....一係換過一個啦
回覆刪除文化唔同...其實我個表哥老婆係大陸人, 佢都係好鍾意著d 少布衫, 我姑媽時時都話佢....但都唔多聽....唉
[版主回覆12/27/2010 23:11:00]咁結左婚都係自己人吖, 我嗰個, 只係工人咋喎!!!