今日係第一日番學! 0745就已經叫隻豬仔起身, 不過唔係因為佢自己自動起身, 係要叫, 所以都叫左幾聲先睬我!
不過好睬都係叫左幾聲啫, 所以30分鐘內, 豬仔就已經攪掂好著晒衫預備出門口喇! 嗱, 呢樣咪似我囉 
老公今次真係勁, 因為佢無啦啦突然同我講, 話要封利是比滕滕喎, 因為係第一日番學呀!
其實我一路都唔係太擔心佢番學會大喊大叫, 因為滕滕唔算係太滕雞嘅人, 所以一入到學校, 老師要一個家長(老公去左)同滕滕入班房, 然後我就去大堂上家長會! 滕滕係班房到, 就好似去到一個新地方, 嗰到有玩具, 有小朋友一斉玩咁, 咁就開始玩喇!
頭3日, 我地都可以陪佢, 下個星期一第四日, 佢就開始要自己入班房冇得陪喇, 到時又唔知會點! 不過我覺得呢方面滕滕都係似我架, 容易適應新環境, 就算係驚, 都可以好快ok!
表姐, 個工人4個月前到左, 不過做左3個月表姐就頂個工人唔順, 因為第二個月, 都係繼續話連抄菜心都唔識! 所以表姐反晒眼, 要去再請過第二個! 之後 in 左3個, 第一個工人話個男僱主成日飲醉酒發癲, 所以遲職唔做, 但係三番四次問個僱主攞番個passport, 跟住報埋警, 都唔肯比番個passport個工人,所以第一個工人"冇行"! 再 in第二個, 見完話答應攞番個passport去agent 到攪文件, 但係去到嗰日玩失踪, 搵極都搵唔到, 咁即係第二個都係"冇行"! 到 in 第三個, agent 話呢個工人本身有僱主要, 不過嚟到hk之後, 個僱主就話用番佢用緊嗰個, 而且仲玩嘢, 即刻send 封信去入境處話唔要, 咁個工人就一定要係14天內即走, 唔可以用其中一個特權理由留抵! 而家, 第四個, 已經簽左文件話ok, 希望唔好再有變啦!
堂家姐, 包拗頸, 成Q日challenge 我點對個工人, 甚至乎之前連我同滕滕撩耳仔, 我規定要滕滕每次食飯要坐係張HIGH CHAIR 到, 我一定要某D時間要滕滕做某D嘢, 應該要點點點&點點點, 佢都話我 SO HARD! (而家, 佢咪又係有D嘢跟我咁做!)
而我另外一個朋友, 又係好似表姐咁, 請左3個都甩抵, 所以我都有話定比堂家姐聽, 佢有心理準備, 就算嚟到, 個工人都可能反爆眼! 所以佢話個agent 本身話今個月26号到, 跟住delay到30号, 我都覺得唔出奇, 因為逢係 agent 都會方便自己, 揀d日子嘅機票係平d, 而且又就到自己時間, 一次過嚟!
堂家姐個工人delay 左5 日先可以接番屋企, 佢話"間屋7國咁亂,究竟要執幾多日呢 ?? 姐姐, 今鋪睇你啦 !!" 第日時間我就話"你唔好話我想個工人識飛啦, 你都係啦!", 佢知我可能串緊佢, 所以佢反駁番我, "打掃煮飯清潔執屋係佢份內要做嘅工作"! 係呀, 打掃煮飯清潔執屋係佢份內要做嘅工作, 不過我又再同佢講"你所謂嘅份內事, 唔係個個工人都可以做得到, 亦都唔係可以做得好!"
堂家姐成日就話佢覺得請工人都好煩, 又想咁又要咁但係又唔可以咁, 佢知道係有難度, 但係我就最憎佢下下都話我好似handle唔到個工人!
我個心諗, 你咁叻, 我就放長雙眼睇你又handle得幾好! 若然佢個工人唔得, 有咩唔妥, 我又想睇下佢係唔係會忍佢, 定小佢, 定係抄左佢, 係唔係下下有咩唔妥就話搵耆英幫佢手頂!
換左個子母廁板之後, 滕滕真係多左次數係廁所痾c c, 因為佢知道我地大人要痾c, 都係係廁所到去, 所以而家我放假係屋企, 滕滕大部份都會同我講佢要痾c, 要去廁所痾c !
就係因為佢鐘意係個子母廁板上面痾, 所以佢痾一兩粒c之後, 就話痾完喇, 跟住再過一陣又話再要痾!
上個星期, 我見佢個喉嚨唔係好舒服, 所以就帶佢去睇醫生, 食左d藥, 有小小肚痾! 淨係星期六, 佢去廁所痾尿, 一日就去成4/5/6/7次! 尋日星期日, 肚仔都冇咩唔舒服, 不過就3/4次就不在話下囉!
下一步, 我要諗下, 點樣可以另到佢痾晒先走! 如果下下痾小小就走, 咁遲d番學唔可能係學校痾咁多次架, 老姐唔鬧你, 校工E E 都鬧啦!
都唔知咩人嚟架! 早一日話同佢慶祝, 佢話佢約左d同事食飯喎!
我同佢講, 我只有聽過d爸爸話: 我老婆同個仔要同我慶祝生日, 唔約人食飯就有啫! 但係我就未聽人同老婆講過: 我約左同事食飯, 唔使同我預祝生日喇!
講真,真係有小小嬲, 因為滕滕要等到佢十一點幾番嚟先切cake! 滕滕不停係到放蚊都仲叫佢唔好瞓住! 你話幾難為個細架!
今朝同滕滕去攞完籌睇醫生之後, 就去左老麥到嘆早餐, 點不知就唔記得個牙膠喇!!!
簡直係赤爆左, 因為連埋倒模要成4千8蚊架, 好彩後嚟有電話到話我個模仲係到, 所以齋整打個八折比我喎! 八折都要三千八呀, 赤到入晒肉啦!!!
我到左放工執番d嘢落手袋先記得! 由嗰一刻開始, 個心就乸住咁赤赤痛, 成個人冇晒心機呀!!!
有時同堂家姐傾電話真係好冇引! 佢有時真係覺得佢自己咩都好似啱晒好有經驗咁, 就例如講工人, 而家D工人難請, 就算請左你想同佢續約佢都未必同你續, 而家既然屋企呢個不過不失, 我都唔會對佢太差, 亦都唔會鬧佢, 除左上次滕滕痾蛋殼一事, 基本上我都唔會對佢唔好! 因為我有個仔要佢同我湊, 冇工人, 就冇人幫到我! 奶奶唔得, 亞媽亞爸唔得!
堂家姐個仔因為就嚟讀書, 要搬番去同佢地住, 所以請左個賓妹工人! 我之前已經比家姐話過我, 最好請個工人識飛天遁地, 乜都萬能就啱我, 因為佢話我要求個工人最好識識地英文, 話我想個工人教埋滕滕讀書做工課, 咁我唔使做就最好喎!
我想問, 請問認識我嘅人, 乜覺得我係似咁嘅人咩??? 梓祐唔係我個仔, 我都已經係盡心盡力去教佢讀書, 更何況呢個係我自己個仔, 乜我似係咁唔想負責任嘅人咩??? 我係講過, 最好個工人識小小英文, 因為我要個工人係滕滕番學之後, 我想個工人最初係最好可以guide佢做功課, 等滕滕習慣左同埋知道每日放學番嚟, 都要要規律習慣去做每一樣嘢, 放學番嚟洗手食飯, 跟住做功課, 然後小睡片刻, 等佢習慣左個模式, 佢以後就會自動自覺啦! 我想問, 乜我咁諗, 好有問題咩???? 不過堂家姐仍然話我, 想上得床嚟掀被冚喎! 堂家姐撰工人, 要撰個英文好d, 當時我真係好想問佢, 點解佢唔撰個講中文好d, 點解要撰個講英文好d???
之前滕滕發燒, 我個工人唔識睇嗰d多功能電子探熱針, 堂家姐話點解個工人唔識, 佢亞媽咁老都識睇, 而個工人唔用心去記住, 我就要話佢! 大佬, 你估我個仔成撚日病架, 我自己都要嘟幾下先記得點用啦, 佢老母係因為自己個孫嚟, 佢一定會記得點樣去用, 你自己嗰樣嘢唔係成日做, 都未必記得啦! 更何況佢係工人嚟咋, 我乜7都小佢, 請問我個仔點呀??? 如果d工人咁叻, 就唔撚使做工人啦!!!
而家, 佢個工人就嚟到喇, 呢排堂家姐成日問我, 如果好似出糧, 我會點出, 如果放假, 會唔會比鎖匙個工人, 又問我, 如果自己一家人出街, 又會唔會叫埋個工人一斉出去or 叫佢留係屋企! 我每一次答完佢, 佢就同我講佢姑奶叫佢唔好乜乜乜, 唔好物物物, 我又再一次好想問, 咁你又問我仲乜春嘢先! 佢既然講到條條 rule 對個工人都要去到咁 hard, 咁跟本就唔同我嘅方向囉! 因為我冇耆英可以墊底, 我唔可能樣樣嘢都好straight 咁話個工人不是, 就算個工人有問題, 我都要用婉轉方法去話個工人, 而話得個工人係唔會有hard feeling 囉, 因為我冇耆英可以幫到我囉!
有時, 我都唔明, 未對試過對住工人, 就唔好話我應該要點應該要點啦, 個工人除左要照顧滕滕, 仲要煮埋比佢食架, 又話我個工人唔好好睇住滕滕, 咁我想問, 係唔係人地去個廁所都盡量叫佢等滕滕先去呀?! 如果我樣樣嘢都足住個工人嚟話, 好似佢咁話係廚房都要裝個cam嚟昅住個工人, 我唔會覺得個工人開心囉, 佢唔開心, 又點會湊得我個仔開心呀, 佢唔開心, 又點會對滕滕好呀?????????? 一陣合約滿, 個工人唔撰我咁又點呀???????
新朋友仔上嚟我屋企食飯, 因為佢講明係想見滕滕, 你話滕滕魔力幾大!
條友仔買左箱LOGO比滕滕, 佢話嚟我屋企就更係要買手信, 但係又冇理由買比我, 所以就買玩具比滕滕喎! (嚟我屋企食飯, 話冇奶油買嘢比我??? 唔HEA亞化!!!)
不過都算啦, 都叫左滕滕多謝呢位靚女EE啦!
可能靚女EE個樣好nice, 所以佢一入屋, 滕滕都冇抗拒佢, 而且仲成晚對住佢笑, 有時仲好怕醜咁呢埋係我後面! (更係啦, 呢個EE都傻傻地, 成晚就目不轉睛咁望住豬仔, 佢就更係怕醜啦!)
靚女EE臨走時, 一叫佢錫錫就即係啜佢一啖潻!
咁就死啦, 如果帶埋滕滕去睇佢隻狗, 我諗滕滕實記住佢, 我估仲緊要過"UNCLE FU"潻! (因為見完我個FD, 講到今時今日, 無啦啦都仲會突然同我講"UNCLE FU"吖!)
今朝十點幾, 好朋友打電話嚟, 問我可唔可以放下抖, 因為佢突然放半日, 佢想搵我去唱K喎!
放半日? 我都想, 不過唔可以呢! K LUNCH就OK!
所以二話不說, 諗左個大話同老闆講, 要請一個鐘頭, 連埋LUNCH, 即係遲一個鐘先番!
其本上每晚臨瞓前我都會同下豬仔睇下書仔嘅, 讀下d animals & shapes 同埋玩具咁啦, 其中一本講玩具嘅書仔嘅其中一版係有"算盤"個圖同埋英文, 我唔識, 所以我同豬仔講: "呢個媽me唔識唔喎!" 跟住就睇之後嗰d喇!
老公過左一陣入房我就去廁所, 我聽到佢問滕滕書仔裏面係咩嚟:
老公: what is this?
滕: (ball) 唔識!
老公: what is this?
滕: (car) 唔識!
老公: what is this?
滕: (cup) 唔識!
老公: what is this?
滕: (hat) 唔識!
老滕一路答, 就一路笑住話唔識! 我都未番到入房, 老公就問老滕: 你係唔係玩嘢呀, o靚仔!!!
我覺得, 好多老人家都希望可以同仔女一斉住, 尤其係上一輩嗰d, 因為佢地都覺得仔女養父母係應份架!
尋晚老公同我講, 佢早幾日問佢亞媽想唔想同我地一斉住, 佢話佢亞媽答唔想!
一聽到奶奶話唔想同我地住, 就真係一個迷! 因為我覺得邊有老人家唔想同自己d仔女住架! 而且仲有個孫可以日日見喎!
不過我知道奶奶好有自知知明, 因為佢當初知道我地結婚嗰時, 就同老爺搬出荃灣, 佢話老爺麻煩, 所以唔想第日大家唔開心, 所以就搬走! 而家今時今日, 老爺都唔係到, 佢都唔想同我地一斉住, 我估佢都係唔想相見好同住難!
其實我都有小小開心架, 因為始終都係奶奶, 如果一斉住就一定有d唔習慣同唔方便, 不過我又諗下, 會唔會奶奶怕我成日同佢投訴佢個仔, 而佢又唔想話個仔而另到我唔開心, 幫呢個又唔係, 幫嗰個又唔係, 所以索性都冇眼睇我地兩個呢???
一路以嚟, 我都要滕滕有禮貌, 每逢比d咩佢, 佢一定都要講 thank you! 所以整下整下, 佢要飲水, 要紙巾, 同埋痾完 V V, 佢都會講: "thank you 媽me!" or "thank you 姐姐!"
上個星期四心血來潮, 見老公放緊大假, 所以我地就同滕滕出去食飯喇! 如常咁比嘢滕滕食完就飲水啦, 跟住我就聽到滕滕同我講: fucking mama!
一聽到, 我就即時問佢咩話啦, 叫佢再講多次, 我又係聽到佢講 fucking mama 喎! 所以我就即刻同老公講話滕滕話 fucking mama 啦, 跟手我又再問多滕滕一次佢講咩!
好彩今次滕滕大聲左同我講: thank you 媽me !
其實起初第一次我聽到滕滕講 fucking mama 嗰時, 我以為佢想講 cooking mama, 不過再諗佢都未識打機, 我地又冇人打機, 點解佢識講 cooking mama 嘅呢, 冇奶油! 所以真係抓爆頭! 不過好彩原來佢係講 thank you mama 啫!
呢兩日, 都好盡下, 尋日出完街, 今日又去游水!
隻豬仔可能真係忌水架, 因為一落水, 就已經話好驚, 成都揇住佢老豆, 跟住又話要上水搵我! 我叫佢老豆係旁邊逗住下佢, 等佢喊一陣就會慢慢適應, 但係攪左成15分鐘, 連係池邊個亞婆見到都忍唔住, 叫佢挂下挂下雙手, 一斉氹佢呀! 攪左好耐, 豬仔都仲係大叫大喊, d太太亞婆們都話佢真係好驚呀!
唉算啦, 見到咁, 咪過番去bb池囉, 不過去到bb池, 佢都係唔肯坐抵, 死都要企係身, 因為d水過佢心口, 佢就已經驚到飛起喇! 所以之後嘅30分鐘, 全程都係企住嚟玩!
我今次專登撰個泳池係有嘢玩嘅比佢玩, 但係都吸引唔到佢! 咁就死啦, 佢咁怕水, 我怕佢真係好似我咁, 要成廿歲先識得游水囉!
呢兩日滕滕就真係開心到吖, 到左要瞓時候佢都唔願瞓, 佢講話唔要瞓覺呀!
豬仔, 你呢兩日就爽啦, 最慘你個媽me我就真係頭爆喇, 因為我一熱過頭就頭痛, 尋晚食左兩粒止痛藥都還可以, 但係今晚, 食左都止唔到痛, 我怕, 唔知又要痛成兩三日先冇事咋!
今日真係好忙, 食完 lunch就去左個fd到睇佢個啱啱出世嘅bb! 不過好離譜囉, 我個fd竟然唔係到, 叫佢老婆招乎我! 我之前已經同左佢講, 佢係到就更係好d 啦, 但係我真係估唔到佢真係咁忍心唔番嚟喎, 頂佢吖! 因為bb瞓左覺, 所以我就入房睇, 而滕滕亦都好靜心咁望住個bb, 當我話要走(出房)時, 滕滕叫刻大叫一聲: 睇bb呀! 其實之前睇另外朋友d bb, 豬仔已經係咁架喇, 好鐘意見到bb, 又伸手要摸, 又想抱, 係呢一刻, 我真係幾想同佢講, 我都想生多個細佬/妹比你, 不過你老豆未想住呀!
探完bb, 老公就嚟接我地, 因為跟住就入去佢個 fd 到喇! 佢個 fd 真係勁, 生左3個都係仔! 同佢老婆閑談當中, 佢話比我知佢個大仔讀書真係好反眼, 永遠個心都係散, 仲要係冇乜番過嚟! 係學校成日都唔記得攞嘢番嚟屋企, 唔係漏呢樣, 就漏嗰樣, 係邊到唔見又唔記得, 點樣唔見左又唔知, 成日比個女同學仔偷佢d文具又唔多覺, 只係有時留意到, 呢d真係真真正正嘅大頭蝦!
讀書就更係唔再講啦, 個魂魄都唔知幾時番嚟, 好辛苦咁讀識左轉頭又唔記得! 但係唯一一樣叻嘅, 就係打機! 個亞媽話打機轉數就真係快喇, 仲好叻好醒! 仲有二哥, 兩個成日都對決, 而且兩個好啱傾, 因為有共通話題嘛! 呢d真係多得個老豆鐘意打機囉, 因為屋企有4部電視, 其中有三部都有遊戲機陀住架!
個亞媽就更係好無奈啦, 但係可以點! 個老公好好架, 有責任心, 對屋企有擔帶, 又冇其他嗜好, 又唔會成日同d朋友去街, 放工就番屋企, 唯一嘅咪就係打機囉!
唉~ 點解每個爸爸都有特別之處嘅???
我估唔到快成咁, 尋日朝先係廣州集運用EMS寄出, 今朝個子母廁板就到左喇, 今晚一番到嚟, 就更係第一時間開封啦!!!
其實上個星期係我同學到, 我已經見到我同學原來買左, 係因為佢入伙裝修時, 買廁所加一嚿水換嘅! 唯一同我嗰個唔同, 就係佢嗰隻冇援降!
所以到左收貨嗰時, 個result 就同我心目中差唔多, 如果d quality 仲可以好d就更加好(不過如果d quality 就可能再重d, 咁援降呢part就可能唔得)! 個賣家真係冇吹水, 真係三層都可以援降, 所以真係要加份, 而且仲一定要介紹埋比d朋友用!!!
我係淘寶買係援降, 未計嚟HK程運費, 都係RMB124, 所以點都係化算過係HK買啦!
個廁板真係好好, 我好鐘意呀!!!
由上個星期五晚, 我就同個工人講, 以後滕滕去廁所, 就唔好攞個兜出嚟比佢痾 v v喇, 雖則攞個兜出嚟, 佢都係企係到痾, 但係咁樣唔係辦法, 痾完係個兜到, 都要下下洗一洗, 次次痾襯都要攞出攞入, 所以橫掂都係, 不如就叫佢係廁所直接痾落個屎塔到好過啦!
第一次同佢去, 係要佢企係張櫈仔到痾落去廁所到, 佢好似覺得好得意, 仲好似專登好大力咁"fair"出嚟, 所以效果唔錯, 因為佢唔抗拒! 唯一就係因為佢仲未夠高, 下下都要搬櫈仔, 又要抱佢上張櫈仔到(因為我屋企張櫈仔都幾高下), 你知啦, 而家隻豬仔成三十磅, 都幾鬼重, 所以希望佢快d可以自己攪掂啦!
而家, 已經係成功左一半喇 
今日出去食lunch, 未行到去間鋪頭到, 就已經睇到門口排晒隊, 最前第一轉係有4個人, 第二轉係兩個, 而我係排第三轉!
等等下, 就見到個亞佰無啦啦係前面直衝入去, 搵個位坐! 我一睇到個亞佰直入坐抵之後, 就喝住同佢講: "亞佰, 呢到人人係到排隊架喎!" 亞佰聽到, 就好唔like咁話: "你要坐我比你坐喇!" 幾撚串呀個亞佰, 所以我都回敬佢一句: "你咁惡, 我比你坐囉! 不過你唔好似住你老就大晒先得架!!!"
到坐抵左, 有個5/6歲嘅小朋友坐係我隔離食緊奶醬多, 我見佢一路食, d牛奶就一路係咁滴落嚟, 終於就滴左一滴係佢大肶與大肶中間嗰個位! 我見到佢如果郁一郁, 條褲就會high到, 所以我拍一拍個小朋友話比佢知叫佢小心嗰到有滴牛奶! 佢亞媽, 應該都係三十歲左右, 係HK人嚟, 佢見我話比佢個仔知, 佢就即刻攞紙巾出嚟同佢抺左佢喇! 不過, 佢同個仔抺完, 都冇同我講一聲唔該我提醒佢, 簡直係當睇我唔到!
我想問, 點解今時今日d HK人咁死冇禮貌!
原本, 打算今日去ocean park, 不過星期五放早一個鐘, 四點半出左公司門口, 就已經另我打消左去ocean part 嘅念頭, 因為企係條街多一陣, 我相信都好快溶!
所以我地就決定去尖沙咀科學館喇! 撰係旺角先落車, 因為想搵下有冇其他巴士係可以去漆咸道落, 行都唔使行到發瘟嘛, 點知一落車嗰個站, 就有架203係係漆咸道科學館對面落架! 真係very good 啦
原來科學館都好多人架, 有d玩嘢, 大大話話都要排半個鐘呀, 好彩有冷氣咋!
由兩點幾三點玩到成六點先走, 跟住就去食埋嘢食搭車番屋企!
不過, 唔知點解架巴士等左成25分鐘都未有(係總站之後嘅第二個站嚟之嘛), 係等緊巴士途中, 我同滕滕講話都唔知點解架巴士咁耐, 都唔知做乜事, 滕滕居然答我: 咁van van 囉!
等搭巴士嗰時, 就已經出晒汗喇, 所以今日撰左去科學館, 真係明智之舉!!!
原本已經買左D細廁板比滕滕, 不過因為個細廁板係放係上面會郁, 滕滕又坐唔定, 所以加上去嘅廁板會夾襯滕滕D豬腳肉!
星期六出去睇水喉頭嗰時, 個SALES 見到我地有小朋友, 就介紹左呢類型廁板! 一睇, 我就鐘意左喇! 係淘寶到搵到呀! 係子母板之餘, 仲有援降架!
http://item.taobao.com/item.htm?id=12524668690&_u=9at0d1e24c9
滕滕就嚟番學喇, 同朋友傾開計, 佢話比我知, 佢個女咁多年, 都係佢自己係屋企同個女影証件相架! 佢話佢買D啱顏色嘅卡紙做背景, 跟住係屋企同個女影完就攞出去晒!
我同熙媽講起呢樣嘢, 熙媽就比左呢條LINK我, 係張D相cut入去放係裹面, 跟住就攞出晒4R, 而晒出嚟就自己cut開佢就ok架喇!
http://www.openplatform.com.hk/Chinese/photoDIY.htm
熙媽, 你真係勁架啫!!!
老公每一次要問嘢, 佢都唔會問, 一定要我問, 而每一次買屋企嘢, 凡係大件或者價錢高, 老公都係要尤我去決定!
星期日, 同滕滕去完公園番到屋企, 我就同老公講:
我: 老公, 有樣嘢, 滕滕真係真係好似你!
老公: 係咩? 咩似我呀?
我: 頭先我同豬仔係公園嗰時, 佢見到有個哥哥&姐姐, 兩個揸住個乒乓波係到對玩! 軒軒見到, 佢就即刻拉我去, 叫我行埋去個哥哥姐姐到, 意味住可能想同佢地一斉玩或者想玩個乒乓波!
老公: 咁又點呀?
我: 即係好似你咁囉, 有嘢想去做, 就自己唔去, 下下都要我同你去問, 同你去打頭陣, 死就死我先, 咁仲唔係似你!!!
老公聽到之後, 就笑住咁回應我: 戇居! 你話!
發問一個問題, 請問係唔係要用個腦去諗一下呢?
之前馮小姐問我, 可唔可以搵嘢挷住個仔, 唔比個仔反轉嚟瞓, 呢條問題, 我已經都覺得佢痴交線, 咁都問得出!
尋日, 佢又問我, 有冇魚係冇骨! 我都想問, 乜有魚係冇骨架?! 跟住又再問我, D魚係整熟左先放落粥到, 定係一斉放埋落D粥到一斉煲? 佢話佢之前買左個攪碎機, 可唔可以魚連骨放埋落去攪爛晒佢, 但係佢又覺得攪碎埋D骨比個仔食好似唔知點咁喎!
我冇串佢! 因為我地而家基本上都冇講嘢, 應該係我唔會主動同佢講嘢, 所以佢咁問, 我只係答佢: 我唔知有咩魚係冇骨架喎! 你咪上網問下人囉!
我真係唔明, 點解佢成日問埋D跟本唔應該問嘅問題架? 我真係好想同佢講, 唔該你用下個腦諗一諗先好發問啦! 仲要懶得咁淒涼, 攪碎埋D骨一斉落去煲粥! 佢老公做廚, 佢都唔問佢老公走嚟問我? 佢大把"好朋友", 佢又唔問佢D"好朋友"就走嚟問我?
OH, SORRY, 我唔想答你囉!
今日係星期一, 星期一晨早流流, 我就已經火嚟, 原因係家姐打電話嚟!
家姐打嚟講左兩句, 就話佢老公話叫我唔好再比滕滕擒窗花(我家姐個仔, 只係week-end湊個仔番自已屋企, 而佢老公係唔識湊仔, 換條片都唔得, 湊仔又唔係有心得嘅人!), 仲要叫我, 要同滕滕講多幾次唔好擒, 叫我唔好再比滕滕擒!
一聽到我家姐話佢老公話叫我咁, 我就開始火嘢, 所以我就即刻回應番佢, 叫佢老公唔好係到牙刷刷, 佢又唔係湊仔叻過人, 對自己個仔又唔多, 佢未試過d咁樣情況, 就叫佢唔好係到亞之亞draw, 唔係只係講就咁簡單, 唔係只係講一句嘢以為咁容易!
家姐聽到我咁講, 佢就話, 唔係叫一兩次, 係叫我不停咁講, 不停咁講, 係咁同佢講, 同佢地洗腦喎! 佢越講, 我就開始越興, 我話佢之前咁樣擒, 係因為食左d藥, 個人好散, 所以先不停咁攪攪震, 我上個星期四已經開始冇比滕滕食藥啦, 而家都冇咁擒喇!
跟住家姐又再講, 佢睇咩醫生呀, 下次再唔舒服, 就唔好同佢睇呢個啦! 去到呢一刻, 我又再講多一次, 係因為滕滕睇完第一次dr之後退左燒, 跟住再番發燒, 所以dr就開左重d比滕滕食, 食完佢先係咁! 我想問, 個dr知道一個小朋友同一個病再番發, 跟住開藥會開重d係好正常啫, 唔通個dr 開番同一份量比個小朋友食先係正常? 係我個角度, 番發d菌已經係惡左, 咁唔通個dr開重左就唔啱?????
家姐聽完, 佢又再用命令同challenge 嘅語氣同我講, 叫我再唔好比佢擒窗喇, 一見佢擒就即刻抱番佢落嚟! 佢又唔知, 滕滕見個姐姐第一時間抱番佢落嚟, 佢就覺得好開心, 以為個姐姐同佢玩呀, 姐姐越唔比佢擒, 佢就越擒得密! 我冇同佢講啫, 唔代表我冇理吓嘛!
又再講, 我話我已經成日叫滕滕唔好擒架喇, 我晚晚番去指住佢瘀晒嘅豬腳, 又"禁"落去問佢痛唔痛, 痛就唔好再擒, 一晚講九十幾次佢又唔知, 不過, 佢都仍然仲係用命令同challenge 嘅語氣叫我唔好再比滕滕擒囉! 而且仲問我, 佢咁樣嘅情緒, 叫我都係去搵個dr睇下好喎!
所以去到呢一刻, 我頂佢唔撚順, 我同佢講我唔想再講, 我要收線, 我心情唔好, 咁就cut左佢線! 我真係好唔明囉, 仲乜叉嘢講到我好似尤得個仔擒啫, 而家滕滕乜叉嘢情緒有問題呀, 我都話佢食左藥先係咁, 而家都冇乜嘢啦, 只係擒下枱之嘛, 一個兩歲幾嘅小朋友擒枱, 唔撚係都要去搵心理醫生吓嘛! 滕滕係食左藥先不受控制啫, 而家好番晒都冇食藥, 我同佢講叫佢唔好再擒窗, 佢呢幾日都冇擒啦, 乜我個仔咁樣就好撚有問題咩??? 咁我又想問, 如果小朋友或者大人食左藥, 個人燥左, 咁係唔係情緒有問題, 要去睇情緒病吖???
佢個仔冇滕滕咁樣擒嚟擒去啫, 我個仔好動d, 但係佢都有聽我講吖, 佢只係有時係百厭d, 唔撚通就要去睇心理醫生呀??? 成九日就叫我同滕滕睇心理醫生, 都痴撚線!!!
滕滕真係成功戒左片喇, 佢而家每次痾VV 都會出聲, 好少忍唔住(要低調D講), 除左比我罰企之外係會瀨尿, 其他時間都OK喇, 而且就算著左片預備覺豬, 佢想痾VV, 我叫佢係條片到痾, 佢死都唔肯, 一定要攞個兜出嚟比佢痾, 都算係咁啦!
至於屎屎, 因為佢發燒嗰幾日, 其中兩日佢有肚痾, 第一次瀨左係條褲仔到之後, 第二次就話要去屎塔到痾喇! 唔知係唔係佢知道自己個肚仔唔舒服, 所以就話要去廁所!
自從肚痾嗰次之後, 佢每次屎急, 都話要去廁所去, 不過每次入到廁所之後, 都已經係條褲仔到痾左! 其實都進步左喇, 因為佢之前痾屎, 係要哩埋一邊企係到痾落條褲仔到, 而家呢, 雖然都係痾左先出聲, 不過都識話要去廁所! 咁即係話, 佢應該遲D就可以係識係廁所痾屎屎喇!
因為廁所個水喉頭壞壞地, 所以今日等老公放左工番嚟, 我地就去左睇d浴室用品, 而無意間, 老公話想換過個有援降廁所板, 一睇, 比我地發現到有廁所板係連埋bb廁板, 即係連蓋total 有三塊架!
睇左之後, 我就對嗰塊廁板念念不忘喇, 因為唔使下下都要加塊小童板上去! ok, 咁我就上去淘痴左, 睇下有冇呢d廁板先!
八婆:
其實到今時今日, 我都仲幾憎你! 早兩日係FB到, 見到亞X post左你地去大陸旅行d相, 一睇, 點解你個樣咁核突嘅? 比起幾年前, 你真係樣衰左好多囉, 差d嚇死我, 點解你可以不收篇幅得咁緊要, 仲要成個亞婆咁架!
睇真d d 相, 我就開始心跳, 因為我覺得你個肚異常好大, 大到好似有左咁! 唔係嘛, 你咁仆街嘅人, 點解又會再bb 架?!
因為你嘅出現, 本來真係好開心, 因為我地四個人可以一斉去旅行, 大家串嚟串去, 豪不比面, 有時我地又去大家屋企玩pair 牌飲酒, 玩到兩三點盡興而歸! 以前嘅日子, 我真係好難忙!
另一方面, 有你嘅出現, 就另到我睇真你, 原來你好自私, 你可以每次出街, 都只係要個男人, 你冇一次夜晚出去食飯, 係試過帶埋梓祐出去, 次次都係你地2人世界, 咁請問你知唔知係個小朋友心目中, 你搶走左佢個daddy? 係梓祐心目中, 唔會有family day, 因為就算你兩公婆一斉放假, 你都唔會帶埋梓祐一斉出街!
我起初以為你只係對梓祐咁樣, 誰不知, 你生左個仔之後, 都係一樣, 成日都兩公婆出街, 夜晚出去飲酒! 我睇見你地咁, 我都開心d, 因為原來你唔係只係對梓祐都係咁, 對自己個仔都一樣!
你明知我咁錫梓祐, 你奶奶唔鐘意你, 點解你要搵個細路嚟折磨先?! 冇錯, 可能你好憎梓祐個亞媽, 但係如果唔係佢亞媽咁衰, 你又點得嚟而家個老公呀! 大人做錯事, 唔關小朋友事, 你個奶奶唔鐘意你, 咁請問你有冇檢討下自己d行為先?!
你更係講, 你都有你嘅難處架, 不過你有冇諗過, 你撰得呢個男人, 你就會遇到好多問題架啦, 唔係你以為你日抖有陪過個小朋友, 就已經盡左責任嘛, 咁唔通, 日抖就你陪佢, 夜晚就佢老豆陪你, 咁請問你覺唔覺得自己似係隻雞呢? 夜晚要個男人陪, 先瞓得著呀?! 我亦都知道, 嫲嫲都唔係善男信女嘅奶奶, 不過佢本身, 只係睇你係唔係真心想同自己個仔一斉, 如果你鐘意得個男人, 應該要鐘意埋佢個仔! 但係你, 就好似要老唔要仔!
我睇到你d相, 我覺得係"好似"好幸福, 但係, 我覺得你呢d咁仆街嘅人, 真係唔配囉!
今日冇比藥水滕滕食, 因為見佢尋晚都冇咩咳!
所以佢今日已經冇咁癲喇, 不過唔好以為冇咁癲就安落晒, 因為佢早幾日擒左咁多嘢嘅功力, 絕不退減, 都係一樣照擒!
咁即係唔可以番轉頭, 唔可以好似以前咁唔攪咁多嘢, 所以我都係注定要接受現實!
我同家姐講滕滕雙腳跌到瘀晒, 家姐居然答我佢個仔都係成日擒, 瘀唔係出奇事! 唔係嘛, 傷痕纍纍都話唔出奇? 家姐話佢個仔都成日整到隻腳左一撻瘀, 右一撻瘀, 跟住我再形容比佢知, 滕滕雙腳真係好瘀下架, 跟住佢就又再講, 佢地跌到咁都係正常事!
佢講到咁, 我都好冇癮再同佢講, 講襯乜, 佢都話佢個仔一早已經係, 唔出奇!
跟住我POST左張相上去FB, 個個睇到都話好似虐兒, 真係瘀得好緊要, 而家姐, 就一句聲都冇出!
有時, 唔知係唔係我敏感, 次次講襯滕滕曵, 佢就多數都會話佢個仔都係咁, 好似佢個仔雖然細個滕滕半歲, 但係佢個仔就已經一早做左, 我滕滕已經遲! 唔通一講有幾曵, 就要鬥一番?!
其實我只係想講滕滕真係好曵同埋曵D咩啫, 我唔係想講滕滕係曵嗰方面有幾高囉~!
上個星期, 同學同我講, 佢拍拖喇, 離左婚兩年, 佢就傷心足兩年, 放唔開足兩年, 而家搵到另一個, 真係好鄧佢開心, 而且, 佢嘅另一半, 亦都係我地嘅同學!
有時d嘢, 真係好講緣份, 以前大家gathering, 出嚟都係吹下水, 兩個各自各結左婚, 又咁啱, 其中一個係兩年前離婚, 而另一個, 就係一年前離婚! timing呢樣嘢, 真係好緊要, 撞啱大家都係失婚嘅時候, 又係某一日大家相遇, 又起左某種感覺, 咁就一斉左, 如果timing 唔啱, 有緣無份, 兩個人相遇, 那有如何, 結局又可能係另一個!
一早我都講, 以佢兩個嘅性格, 真係好夾, 如果可以試下一斉, 應該係夾得到, 因為我一早就睇到, 而家, 真係一斉左, 所以好鄧佢兩個開心, 希望佢地有美麗將來!!!
今日姨甥仔個老豆係fb到post左d相, 我睇到個乞E, 好似又有左! 唔知點解, 唔開心即刻就擁上心頭, 唔明白點解D咁仆街嘅人都有BB! 佢又唔係寧捨鐘意小朋友, 就連自己個仔, 都可以照樣出街, 唔使多理! 我打電話比姨甥仔, 但係又冇人聽, 唔知係唔係同嫲嫲番左大陸呢?! 因為我真係好想知個乞E係唔係真係又有左!
睇到佢地D相, 覺得佢好似幾幸福, 但係又唔明點解又好憎佢, 因為我覺得呢D人唔配!
???
