呢兩日, 都好盡下, 尋日出完街, 今日又去游水!
隻豬仔可能真係忌水架, 因為一落水, 就已經話好驚, 成都揇住佢老豆, 跟住又話要上水搵我! 我叫佢老豆係旁邊逗住下佢, 等佢喊一陣就會慢慢適應, 但係攪左成15分鐘, 連係池邊個亞婆見到都忍唔住, 叫佢挂下挂下雙手, 一斉氹佢呀! 攪左好耐, 豬仔都仲係大叫大喊, d太太亞婆們都話佢真係好驚呀!
唉算啦, 見到咁, 咪過番去bb池囉, 不過去到bb池, 佢都係唔肯坐抵, 死都要企係身, 因為d水過佢心口, 佢就已經驚到飛起喇! 所以之後嘅30分鐘, 全程都係企住嚟玩!
我今次專登撰個泳池係有嘢玩嘅比佢玩, 但係都吸引唔到佢! 咁就死啦, 佢咁怕水, 我怕佢真係好似我咁, 要成廿歲先識得游水囉!
呢兩日滕滕就真係開心到吖, 到左要瞓時候佢都唔願瞓, 佢講話唔要瞓覺呀!
豬仔, 你呢兩日就爽啦, 最慘你個媽me我就真係頭爆喇, 因為我一熱過頭就頭痛, 尋晚食左兩粒止痛藥都還可以, 但係今晚, 食左都止唔到痛, 我怕, 唔知又要痛成兩三日先冇事咋!
試吓同滕滕穿對手袖等佢覺得安全D
回覆刪除[版主回覆08/23/2011 11:13:00]我試過買可以坐住係到嗰d 水泡比佢玩, 佢都唔得, 可能因為雙腳掂唔到地, 再加上d水過左心口有水壓, 所以手袖冇嘢揸手, 就應該更加唔得!
因為佢真係好鬼我鬼驚, 係個泳池到喊到拆天呀!!!
佢驚，你就比個水泡佢嘛
回覆刪除[版主回覆08/29/2011 11:14:00]更係有水泡啦, 不過佢都仲係驚到癲左呀!