今日出去食lunch, 未行到去間鋪頭到, 就已經睇到門口排晒隊, 最前第一轉係有4個人, 第二轉係兩個, 而我係排第三轉!
等等下, 就見到個亞佰無啦啦係前面直衝入去, 搵個位坐! 我一睇到個亞佰直入坐抵之後, 就喝住同佢講: "亞佰, 呢到人人係到排隊架喎!" 亞佰聽到, 就好唔like咁話: "你要坐我比你坐喇!" 幾撚串呀個亞佰, 所以我都回敬佢一句: "你咁惡, 我比你坐囉! 不過你唔好似住你老就大晒先得架!!!"
到坐抵左, 有個5/6歲嘅小朋友坐係我隔離食緊奶醬多, 我見佢一路食, d牛奶就一路係咁滴落嚟, 終於就滴左一滴係佢大肶與大肶中間嗰個位! 我見到佢如果郁一郁, 條褲就會high到, 所以我拍一拍個小朋友話比佢知叫佢小心嗰到有滴牛奶! 佢亞媽, 應該都係三十歲左右, 係HK人嚟, 佢見我話比佢個仔知, 佢就即刻攞紙巾出嚟同佢抺左佢喇! 不過, 佢同個仔抺完, 都冇同我講一聲唔該我提醒佢, 簡直係當睇我唔到!
我想問, 點解今時今日d HK人咁死冇禮貌!
我地成日都話大陸人點點點，其實香港人差不多幾多，知識水平低，就咩都唔識囉...連講句唔該都唔識...
回覆刪除[版主回覆08/16/2011 12:27:00]我地以前細個嗰個年代而家都唔見左喇, 記得以前係街, 就算唔識問路, d人一定會答, 而且仲好有禮貌, 又或者唔使問, 人地見你好似搵路, 就已經問左你先!
而家冇啦, d人變晒質!
哩d人, 第時咪比個仔收囉.
回覆刪除佢自己其身不正. 第時個小朋友有樣學樣...!!!
[版主回覆08/16/2011 12:38:00]個小朋友知道我話比佢聽污糟左之後就一直望住我喇, 可能佢想同我講唔該, 不過又唔好意思, 因為佢唔識我, 但係佢亞媽都見到自己個仔望住我架, 都唔出聲!
就係呢個moment, 我就諗起次次同滕滕去襯廁所&開奶比佢, 佢都有同我講thank you, 個心就真係好感恩個仔都幾有禮貌下, 唔似呢d人冇家教!
但係我依然好有心地，見人搵路，我都會上前主動問需唔需要幫忙...
回覆刪除[版主回覆08/16/2011 13:00:00]我同你一樣都會, 唔通我地都係舊人?
無錯, 依家 d 人, 對佢好, 佢地好似唔識比反應 ga wor ~ 唔該都無句。上次 o係火車讓個位比個媽咪 & 佢個仔 (手抱)。佢都無係無反應咁坐落去就算喇。
回覆刪除不過, 我都無你地咁好心地見人搵路，會上前主動問需唔需要幫忙。抵讚!
[版主回覆08/16/2011 16:39:00]所以而家嗰d都唔知咩人嚟, 一d禮貌都冇!
我都唔係個個都主動問佢係唔係搵路, 我會睇人, 如果係男人, 就未必會主動, 尤其係老嗰d, 因為我有陰影...........
好明顯，我地係老人
回覆刪除[版主回覆08/16/2011 16:40:00]我知架! 我地都係"中女"啫!!!
唔係嘅, 你冇撞到我姐...如果我見到你周圍望, 都會主動問下你架 但我唔想認係中女住囉...雖然個仔都2歲幾喇~
回覆刪除[版主回覆08/18/2011 11:32:00]你可以繼續幻想, 但係未必唔係事實 !