由上個星期五晚, 我就同個工人講, 以後滕滕去廁所, 就唔好攞個兜出嚟比佢痾 v v喇, 雖則攞個兜出嚟, 佢都係企係到痾, 但係咁樣唔係辦法, 痾完係個兜到, 都要下下洗一洗, 次次痾襯都要攞出攞入, 所以橫掂都係, 不如就叫佢係廁所直接痾落個屎塔到好過啦!
第一次同佢去, 係要佢企係張櫈仔到痾落去廁所到, 佢好似覺得好得意, 仲好似專登好大力咁"fair"出嚟, 所以效果唔錯, 因為佢唔抗拒! 唯一就係因為佢仲未夠高, 下下都要搬櫈仔, 又要抱佢上張櫈仔到(因為我屋企張櫈仔都幾高下), 你知啦, 而家隻豬仔成三十磅, 都幾鬼重, 所以希望佢快d可以自己攪掂啦!
而家, 已經係成功左一半喇 
快架喇快架喇~~~
回覆刪除[版主回覆08/16/2011 12:29:00]我都係咁諗
原來.... 哩d都要一步一步咁教. 真係唔做過人呀媽都唔知. 以為好自然咁叫佢入去解決便是了
回覆刪除[版主回覆08/16/2011 12:33:00]唔係呢d嘢, 係樣樣嘢都要架, 因為佢地跟本就係一張白紙, 所以佢地先對每一樣嘢都有好奇心!
盡量去滿足佢地嘅好奇心, 希望佢試過知道或者明白左就唔再去攪囉! 不過有時有d位好難比佢試過架, 例如好似火咁, 就要小心咁話比佢地知係唔玩得&唔試得囉!
真係每一樣都要由 0 開始架!
滕滕叻仔! 我個仔仲好抗拒 ~ 有排攪。
回覆刪除[版主回覆08/16/2011 16:46:00]你個仔細滕滕成半歲咁多, 唔使咁心急!