滕滕真係成功戒左片喇, 佢而家每次痾VV 都會出聲, 好少忍唔住(要低調D講), 除左比我罰企之外係會瀨尿, 其他時間都OK喇, 而且就算著左片預備覺豬, 佢想痾VV, 我叫佢係條片到痾, 佢死都唔肯, 一定要攞個兜出嚟比佢痾, 都算係咁啦!
至於屎屎, 因為佢發燒嗰幾日, 其中兩日佢有肚痾, 第一次瀨左係條褲仔到之後, 第二次就話要去屎塔到痾喇! 唔知係唔係佢知道自己個肚仔唔舒服, 所以就話要去廁所!
自從肚痾嗰次之後, 佢每次屎急, 都話要去廁所去, 不過每次入到廁所之後, 都已經係條褲仔到痾左! 其實都進步左喇, 因為佢之前痾屎, 係要哩埋一邊企係到痾落條褲仔到, 而家呢, 雖然都係痾左先出聲, 不過都識話要去廁所! 咁即係話, 佢應該遲D就可以係識係廁所痾屎屎喇!
因為廁所個水喉頭壞壞地, 所以今日等老公放左工番嚟, 我地就去左睇d浴室用品, 而無意間, 老公話想換過個有援降廁所板, 一睇, 比我地發現到有廁所板係連埋bb廁板, 即係連蓋total 有三塊架!
睇左之後, 我就對嗰塊廁板念念不忘喇, 因為唔使下下都要加塊小童板上去! ok, 咁我就上去淘痴左, 睇下有冇呢d廁板先!
好叻仔呀!
回覆刪除[版主回覆08/08/2011 12:59:00]由3月至而家喇........如果叻, 就唔使咁耐啦!
就快唔洗用片片喇，yeah~~~
回覆刪除[版主回覆08/08/2011 12:59:00]瞓下午覺都仲要架! 夜片, 就唔知幾時先可以喇, 可能有排呀!
(Empty)
回覆刪除[版主回覆08/08/2011 13:00:00]唔使10粒星咁多吓嘛~ 一粒都"嚴"多啦, 戒左成5個月先戒到!
好叻仔呀!吉仔都係咁就好LU~
回覆刪除[版主回覆08/08/2011 14:19:00]真係要慢慢嚟架, 想迫都唔得, 我隻豬都要幾個月先攪得掂佢咋!
good start!
回覆刪除[版主回覆08/08/2011 14:19:00]你講得啱, 真係而家先開始咋!
男仔戒夜片有排呀....
回覆刪除[版主回覆08/10/2011 12:12:00]我知道 & 有聽聞過呀...........!
我朋友個仔6歲半先完完全全唔需要半夜叫佢起身去小便呀!!!
回覆刪除[版主回覆08/10/2011 22:38:00]我都聽過差唔多..........~