開心 & 唔開心~

上個星期, 同學同我講, 佢拍拖喇, 離左婚兩年, 佢就傷心足兩年, 放唔開足兩年, 而家搵到另一個, 真係好鄧佢開心, 而且, 佢嘅另一半, 亦都係我地嘅同學!

有時d嘢, 真係好講緣份, 以前大家gathering, 出嚟都係吹下水, 兩個各自各結左婚, 又咁啱, 其中一個係兩年前離婚, 而另一個, 就係一年前離婚! timing呢樣嘢, 真係好緊要, 撞啱大家都係失婚嘅時候, 又係某一日大家相遇, 又起左某種感覺, 咁就一斉左, 如果timing 唔啱, 有緣無份, 兩個人相遇, 那有如何, 結局又可能係另一個!

一早我都講, 以佢兩個嘅性格, 真係好夾, 如果可以試下一斉, 應該係夾得到, 因為我一早就睇到, 而家, 真係一斉左, 所以好鄧佢兩個開心, 希望佢地有美麗將來!!!

 

今日姨甥仔個老豆係fb到post左d相, 我睇到個乞E, 好似又有左! 唔知點解, 唔開心即刻就擁上心頭, 唔明白點解D咁仆街嘅人都有BB! 佢又唔係寧捨鐘意小朋友, 就連自己個仔, 都可以照樣出街, 唔使多理! 我打電話比姨甥仔, 但係又冇人聽, 唔知係唔係同嫲嫲番左大陸呢?! 因為我真係好想知個乞E係唔係真係又有左!

睇到佢地D相, 覺得佢好似幾幸福, 但係又唔明點解又好憎佢, 因為我覺得呢D人唔配!