頭都暈埋!

今日表姐整屋, "的"左兩個表姐過嚟我到!

嘩~ 頭都暈埋, 成day三個小朋友係屋企! 因為爭嘢玩之餘又嘈圈巴閉!

見兩個表姐嚟, 咪開個白板出嚟玩囉, 點不知唔使幾個鐘隻白板腳就爛左喇! 兩嚿水, 唔使幾個鐘就報消喇!!!

可能年紀真係差左成幾年, 表姐耐唔耐就話卦住表弟, 但係嚟到又唔同表弟玩, 又同表弟爭嘢玩喎! 最多都係sir下滑梯嗰時等埋一斉啫!

如果成日都叫我對住3個, 我諗我暈都似! 不過可能唔係自己仔女啦, 因為佢地有唔啱又唔可以直接&嚴厲咁話, 太惡佢地實喊, 所以都幾頭痕!