換左個子母廁板之後, 滕滕真係多左次數係廁所痾c c, 因為佢知道我地大人要痾c, 都係係廁所到去, 所以而家我放假係屋企, 滕滕大部份都會同我講佢要痾c, 要去廁所痾c !
就係因為佢鐘意係個子母廁板上面痾, 所以佢痾一兩粒c之後, 就話痾完喇, 跟住再過一陣又話再要痾!
上個星期, 我見佢個喉嚨唔係好舒服, 所以就帶佢去睇醫生, 食左d藥, 有小小肚痾! 淨係星期六, 佢去廁所痾尿, 一日就去成4/5/6/7次! 尋日星期日, 肚仔都冇咩唔舒服, 不過就3/4次就不在話下囉!
下一步, 我要諗下, 點樣可以另到佢痾晒先走! 如果下下痾小小就走, 咁遲d番學唔可能係學校痾咁多次架, 老姐唔鬧你, 校工E E 都鬧啦!
叫佢坐定定係個馬桶到好難架噃
回覆刪除[版主回覆08/30/2011 11:56:00]唔使咁快要坐定定, 不過都唔好痾一兩粒就話痾完啦, 跟住隔一陣又再話痾(因為佢之前跟本未痾晒)! 同埋, 你唔知每次都要同佢洗pat pat架, 佢痾一兩粒出嚟, 事後好多工夫要做架!