我家的男朋友

人地話女兒係爸爸前世嘅情人, 而我真係覺得我多左個男朋友咁!

滕滕有時都要我攬住佢瞓, 但有時佢又會掉番轉話要攬番住我瞓喎, 感覺, 就好似男朋友咁, 我瞓係佢嘅臂彎內, 有被愛被保護嘅感覺~

滕滕對得我多, 我發現佢有種想去照顧人嘅感覺, 就好似過馬路, 佢會拉番我埋小小, 扶手電梯佢又會拉開我小小唔好貼咁埋, 亦有時佢老豆對我大聲小小講嘢, 佢都會問佢老豆, 點解要咁大聲同媽咪講嘢!

我深深咁feel到佢真係幾愛護我........

一半! 一半!

唔經唔覺, 滕滕都已經幾大個下, 同佢買衫買鞋買褲, d size 越嚟越大件, 都唔係一個bb 喇!

我就減肥, 而佢呢, 就不斷增肥, 而家就差唔多係我一半嘅重量

我隻手, 係女人嚟講都叫大隻啦, 而佢隻豬腳, 居然同我隻手一樣!

時間, 請問可唔可以流得慢d呀!

忍唔住囉~

今朝我起身一望, 真係冇嘢好講, 第一時間攞電話出嚟影抵佢

唔影, 真係對唔住自己!

請問亞豬, 你仲咩要咁樣鉗住你老豆嚟瞓呢???

笑死人~

呢其, 就連Mc Queen 都冇咩興趣, 因為佢已經鐘意左另一人, 就係Spiderman!

滕滕問我喎, 其實呢個世界上面有冇人真係會可以噴蜘蛛絲架???

請問, 你有冇係街見過有人好似電影裏面嘅spiderman 咁, 係樓與樓之間飛嚟飛去先??? 咪就係囉, 你幻想得太多喇, 傻豬仔!

去死啦仆街!

有個冚家產客, 之前打嚟鬧我八婆唔放貨比佢, 其實我知佢一直好憎九我, 因為嗰次鬧完我之後, 佢一直都搵佢公司D女仔/女人打嚟比我, 但直到今次有批貨好似話好有問題之後, 佢就迫住打嚟比我話上嚟公司傾!

呢D moment, 我梗係要搵埋老闆一齊見個仆街啦! 因為我知道老闆嘅性格, 我知道佢係呢d情況, 比人屈嘅大不了以後唔同佢做生意囉, 因為老闆嘅口頭蟬就係: 我地都唔休做, 做唔做都冇所謂, 最緊要就係唔好咁辛苦!

呢條撚樣, 同之前一樣, 都係九up一大輪, 係咁晒自己係呢行做左幾多年, 自己幾有experience, 講完正經嘢就講埋d飲飲食食, 廢話一大堆! 大佬, 麻煩唔好嘥撚晒我d時間, 因為我好撚唔得閑架!

尋日見完佢, 今朝就打電話嚟, 係電話到話叫我跟佢去泰國飛一轉喎, 講完再send e-mail 又再講話叫我同佢去泰國飛一轉喎! 仆街, 乜你唔係好憎九我嘅咩, 仲咩見撚完我就叫我同你去泰國呀!  你個冚家產, 你當我細路女呀, 定當我冇腦先, 跟你去比你溶左我咁點算, 定係你想攞我嚟際旗推我去你個客到死先!!!

吊那星, 同你講我地唔過去, 就問點解, 你冇撚嘢吓化, 問點解,你on撚九架!!!

真係Happy Birthday!!!

今年生日真係好special, 因為碰啱生日呢日有探訪, 所以我覺得好有意思, 就去報名喇!

其實都幾surprise, 就當差唔多完嗰時, 個姑娘話大合唱, 唱完之後就唱生日歌比我聽, 咁多個小朋友&老人家唱喎, 真係開心死~~~

番嚟喇

好耐冇寫BLOG, 其實好想寫, 不過真係太太太忙喇, 要整DOTS EXERCISE 之餘, 我又要日日做運動減肥, 仲要織好多好多條頸巾喎, 真係分身都唔掂!

其實真係好想寫BLOG, 尤其係遇到D火滾嘢時無從發洩, 但呢個BLOG又冇得SET PRIVACY, 所以攪到我唔想寫出嚟比人SEARCH 到!

滕滕隻眼12月去私家覆診, 已經又有小小進步, 所以D dots exercise 又可以唔洗整咁多住, 可以一路用我整左嗰d去練習!

而減肥都尚算ok, 減左10磅, 但仍然都仲有1磅先達到我心目中嘅要求! 希望可以唔洗好似之前咁日日做, 隔日輕鬆去做都可以減埋嗰一磅啦!

上年參加BB醫生去上門做探訪之後, 我就已經諗定今年如果又有得去探訪, 我想織頸巾送比D婆婆~ 一條頸巾話咁快就織完, 小小綿力, 佢地就已經好開心, 真係真心希望佢地可以開心.......

目的

開出嚟牌頭係義工, 原來背後想有番作為!

出手幫忙, 未攪完嘢就已經同我講定,到時完晒成件事之後, 要鳴謝! 鳴謝我知道, 亦都當然會, 因為人地幫左你做咁多嘢, 但點解要定要指定鳴謝公司呢? 目的好明顯, 就係要我係個FREE谷到鳴謝XXX公司, 去幫佢地做宣傳!

當日有一老一中年幾三十幾歲嘅男人去馬安山拆嘢, 唔洗問佢地自己講係做殯儀, 仲話到時伯伯有咩三長褲短佢地都可以幫手喎! 唔係話我個人敏感, 但我真係覺得佢地個LOOK唔會係咁好心去幫人, 因為嗰個三十幾歲嘅男人望我望到眼定定, 好似想食左我落肚咁! 所以佢唔洗講嘢, 就憑佢嘅眼神, 都知道佢唔方係好人一個!

仲有開牌頭話自己係義工嗰個, 我唔太明佢究竟想做D咩, 聽佢講嘢, 腦筍都未生埋就話想開間公司去做義工, 幫D中轉家庭, 但係奇又奇在佢又話雖然幫D低收入家庭, 但係隨意都要收番佢地小小運費OR人工, 要嚟維持佢嗰間公司喎! 我真係好想問, 佢所謂嘅義工, 咁stand for 乜嘢, 乜義工都收錢嘅咩???

兩種體會!

亞媽屋企隔離嘅一個鄰居火燭, 我只係出左一個post 幫佢去徵傢俬, 不出半日就已經有好多人嘅幫助! 我發現, 原來仲有好多好嘅香港人! 無施付出, 不問原因, 亦不問証據, 收到好多message 不停咁問有冇被, 有冇衫, 有冇柜......攪到我第一日晚完全瞓唔著, 因為不停覆message! 最surprise 就係有一個義工幫手安排搵貨車, 又攪大隻佬, 而且仲有人可以安排擺d傢俬係佢屋企暫存! 呢個HK真係充滿愛!

3日時間我忙過不停去幫隔離鄰舍嘅伯伯徵嘢, 另一邊相, 我比人串我唔幫佢!

自從我開始整左環酵之後, 佢我係第一時間話比"佢"知! 因為"佢"成日卦係口邊都話自己好窮, 事實以前就係, 但而家我睇到嘅"佢"洗錢多過我! 以前我知道"佢"就真係冇錢嘅, 呢10年嘅8年裏面, "佢"一開口叫我幫, 我從來唔會SAY NO, 但係因為見到"佢"有小小錢就亂咁洗, 所以我心感唔抵幫!

因為"佢"成日都叫窮, 所以我學識整左之後, 第一個就係想話比"佢"知, 但可惜"佢"嘅第一句就答我: 我唔整呢D咁嘅嘢嘅!

好surprise 出自"佢"把口! 因為既然你咁窮, 整環酵又咁有用又可以慳錢, 我真係估唔到"佢"咁hill 張話唔整~ 呢D嘢!

唔洗慳錢, 咁即係有錢, 咁有錢就唔好叫我幫你! 因為其實我窮過你!  因為我咁串, "佢"就好似被我迫佢整環酵咁走嚟問我點整! 我冇答喎, 只係叫佢爬文, 因為其實既然你係唔整呢D嘢, 唔好嘥我時間嚟同你分享, 因為我之前已經講過點整啦, 但"佢"就睬我都有味, 又話好攰又話好忙, 藉口一大籮!

過左半個月, 我係環酵谷到見到佢終於整左喇, 仲要徵到個大桶喎, 所以我咪回應"佢"一句囉: 之前同你講就睬我都有味, 而家整左都未算遲!

可能我真係好串, 佢就係個公開嘅谷到回應我話問我我唔睬佢, 並唔係佢唔整喎! 雖然個谷D人唔識, 但你都唔好咁樣抺黑我!

去幫人, 有兩種體會, 就係就算你幫佢, 佢都未必會領你情, 仲有可以抺黑你! 而另一種, 就係感激你都嚟唔切!  所以我明晒, 仲好深感受! 因為我睇清楚"佢"!

加油呀, 豬仔!

自從上次見完眼科醫生之後, 真係未停過手, 日日係到整exercise~

其實, 我都覺不停咁整都好辛苦, 更何況一個5歲嘅小朋友日日都要做, 日日要做.......

尋晚, 滕滕有史以來第一次咁扭計! 佢足足喊住咁扭左差唔多一個鐘! 我問佢咩事咁委屈要喊得咁淒涼, 佢答我佢好卦好卦好卦住舊嗰個工人! 滕滕已經諗晒所有嘅可能性嚟質問我: 如果lina 姐姐唔番嚟湊我, 我會好唔開心! 如果lina 姐姐番左嚟hk但湊第二個小朋友, 我會好唔開心! 如果lina 姐姐個仔唔乖, 所以唔番嚟hk, 我會唔開心! 如果lina 姐姐個仔乖, 但留番係印尼開舖頭, 我會唔開心!

其實所有嘅可能性你都知道晒啦, 咁你想我點答你......?! 我唔敢講個事實比佢知個舊工人真係番左嚟hk, 因為我真係唔想佢覺得舊工人係有可能番嚟架!

滕滕咁激動話要個舊工人番嚟, 我就成機問佢現家個工人唔好咩, 點解好似咁唔想佢係到咁嘅! 原因原來, 係因為滕滕話而家個工人成日鬧佢, 鬧佢唔做我比佢練眼嘅功課, 佢覺得好辛苦!

哎呀~ 亞豬呀~ 你知唔知, 其實姐姐都一樣係為你好, 都係想你隻眼快d好番, 唔洗遮眼做練習咋!  同埋, 我而家先知, 我比左好大壓力滕滕, 要佢做咁多遮眼練習......

同一時間, 我都好嬲好激動, 我D眼淚都巴巴聲咁流出嚟話: 你覺得你做遮眼練習好辛苦, 但係你有冇諗過, 我整咁多練習比你, 乜我唔辛苦! 我做到手都痛係唔辛苦, 只係你一個辛苦! 係唔係得你一個咁辛苦先???

滕滕其實都好懂性, 我一講完佢就即刻走埋嚟攬住我話對唔住, 佢以後唔會, 佢會乖乖地咁做練習! 亞仔, 你知唔知, 亞媽都真係想你快D好番, 唔洗再遮眼, 因為我知道做遮眼做練習, 真係唔好過囉, 我明~

今日又同滕滕去見醫生喇, 醫生話進步左小小, 今次真係進步左小小, 所以真係要送架車做獎勵喇!

冇性~

姨甥仔個嫲嫲成日都講"D細路冇性架!"

其實佢地本身真係冇性~! 就算我唔舒服, 滕滕都要我星期六陪佢去上英文班! 所以, 我問滕滕, 你唔洗理我生死架喇, 我唔舒服你都要我去陪你上堂, 如果萬一我行行下暈抵左咁點算??? 我真係估唔到生個仔出嚟係咁冇人性架 >< !

隻腳呢幾日無啦啦痛, 敷左藥酒, 只係UP住唔摔, 都已經好痛~

D藥酒好勁, 乸到塊皮硬晒!

好彩敷左4日就冇咩事, 滕滕亦開始有番小小性走嚟問我: 媽咪, 你隻腳仲痛唔痛呀?!

約束

暑假期間, 堂家姐帶左個仔嚟滕滕間畫室到學畫畫, 暑假完左佢就係屋企附近嘅YWCA學, 佢得出嚟嘅結論係, 滕滕學嗰間有既定嘅模式教小朋友學, 而YWCA就只係開個topic出嚟尤得D小朋友任畫!

堂家姐話佢like比個仔任畫, 佢唔太鐘意滕滕嗰間畫室咁有既定嘅模式去教小朋友畫畫嘅技巧!

我堂家姐話我, 咁細個就要去守規矩跟模式去做, 佢覺得過份, 而我就答佢, 係今時今日嘅香港, 你去邊到係唔需要守規矩? 就算出外都要守嗰個國家嘅規矩架啦, 點解唔係理所當然嘅呢?  堂家姐直接咁反對我話規矩呢樣嘢, 佢話個仔係屋企可以任佢點樣畫水彩整到四周圍係, 因為佢仔咁細個唔識(已經5歲)!

我同我堂家姐教仔個立場真係完全唔同! 我覺得小朋友1/2歲都可以話佢唔識, 到3歲都開始完全識得叫你買玩具, 4歲博咀都不知幾叻, 5歲都話叫唔識???

佢教仔嘅方式, 可以令到個仔唔需要問過亞媽可唔可以同亞嫲去食壽司, 就直頭唔理食左先算, 而我, 就絕對唔接受滕滕唔尊重我, 冇問過我就去做一d唔知啱唔啱嘅事!

我唔敢講教仔方法啱唔啱, 但就唔係我嗰套囉, 我要滕滕尊重我時我亦會尊重佢, 做嘢要有商量要諗過, 唔係話你係細路仔就大晒唔識, 規矩要守, 因為你亞媽我每一日都要守規矩, 唔單只你一個要!

只要, 努力多小小啫!

今日bk左去私家check 眼, 我同個視光師講剛嗰兩次番政府專科check, 個result 都話佢冇進步過!

呢個視光師真係好pro, 我講完晒係政府專科嘅嘢, 同攞晒我比滕滕做嘅exercise 佢睇之後, 佢就開始同滕滕做檢查喇!

$400檢查一次, 真係堅抵! 滕滕一路做檢查, 我就一路問問題, 我不斷問, 個視光師就不斷答, 好詳細好有耐性, 而且答得我又清楚!

視光師幫滕滕check 左一半之後, 佢就同我講, 其實滕滕而家以佢本身弱視嘅程度嚟睇, 佢已經好左80%, 而剩抵嗰20%, 就真係難小小再去improve, 如果真係improve到, 就當佢bonus 囉! 以佢地嚟講, 好左80%, 已經可以講話接近ok, 而嚴格嚟講, 以滕滕本身嘅情況, 嗰20% 未好番, 只係得嗰好小弱視! 而政府專科所講話佢最尾嗰兩次都冇進步過, 其實係因為滕滕而家停左係呢個stage 到冇郁咁解!

我一路以嚟都有問住滕滕睇嘢有冇又清楚左小小呀, 所以其實我大概都知道個情況佢係有進步到嘅, 只係唔知原來以專業嚟睇, 佢已經進步左80% 咁多啫!

因為政府專科話滕滕冇進步到, 所以要求我同滕滕去配過副鏡片, 希望可以幫到佢improve, 一檢出嚟, 真係好surprise d度數高左, 究竟係唔係我比滕滕做嗰d exercise 有問題呢??? 所有一切一切嘅疑問, 呢個視光師一一咁解答左我, 而且佢仲讚揚我嘅努力! 更係啦, 自己個仔嚟架嘛, 我唔幫佢就冇人幫佢啦! 而我嘅心機真係冇白費到喎!

今日呢次檢查, 我真係得益良多, 我所有謎團已經解開, 而且仲有佢地比嘅exercise 我番去同滕滕做!

當我上次聽到專科醫生答我冇嘢可以幫滕滕去改變隻眼時, 我真係極之失望, 而今日睇完眼, 希望又嚟喇!

只要唔好放棄, 人生真係充滿希望呢!

lai 嘢啦!

中秋節正日, 去左最神聖錢唔係問題嘅二姑奶屋企做節! 因為錢對佢嚟講完全唔係問題, 所以屋企做節都勁過人!

見到d蝦隻隻成隻腳趾公咁粗, 我咁like食海鮮, 當然第一時間攞嚟食啦!  一攞上手感覺到唔係熱嘅, 我就知唔係剛剛煮! 其實好正常煮定, 因為做節喎, 有d嘢可以唔係熱食嘅, 煮定好正常嘅! 不過已經食左幾隻嘅我, 最神聖錢唔係問題嘅二姑奶個老公就話係尋日煮, 頭先先係雪柜攞左出嚟一陣, 仲問我地凍食好唔好食!

...........第一時間, 我望住老公! 老公都已經知道, 望住我嘅眼神就係: 你lai 嘢! 係~ 我lai左嘢!

好彩嘅就係我冇比滕滕食, 唔好彩嘅, 就係我腸胃炎!

次次食生蠔我都lai嘢, 而我明知都去食, 因為我覺得咁好食, 食完腸胃炎都值得! 而食左落肚嗰幾隻, 隻隻都成隻腳趾公咁粗嘅蝦, 值唔值得食完會腸胃炎, 就見人見智!

因為我腸胃炎, 食左藥好眼瞓, 瞓醒左就出廳係sofa 再瞓, 呢幾個鐘, 滕滕耐唔耐就走過嚟錫我一啖, 就好似我耐唔耐都走去錫佢一啖咁~

個胃d腸雖然唔舒服, 但個心就好sweet 囉~

個工人見我唔舒服, 就話同我按摩下, $4010包埋按摩, 真係都唔錯吖!

有意義!

聽日就中秋節正日, 我記得舊年呢個時候, 我同滕滕都係做同一樣嘅嘢, 就係去老人院做探訪喇!

事隔一年, 滕滕大個左好多, 佢可以自己單拖揸住個咪唱歌比D公公婆婆聽, 而我當然唔係距離佢好遠啦, 我係前面就同佢拍video!

平時嘅探訪, 比起有節日嘅探訪, 得嚟嘅感覺寧捨唔同, 感覺上有意義好多, 因為一首嘅節日歌, 真係覺得好有feel~

1個鐘頭多嘅探訪, 滕滕都有同我講好悶, 因為佢心急去表演唱歌, 但冇耐性去睇其他小朋友表演! 所以我又要諗諗點樣去train 下滕滕耐性呢方面喇!

神奇扭板

6月開始減肥, 初初諗住游水減, 點不知敵不過D泳池水, 結果成塊面都皮膚敏感! 冇得去游水啦, 咁就集中扭板囉~

原本唔去游水嘅日子就扭板, 冇得游水就日日扭囉, 扭左三個月輕左6磅喎! 以我覺得咁懶嘅方法, 居然都可以輕到6磅!

腰瘦左冇3寸都兩寸, 更神奇嘅係手臂都起碼瘦左1寸, 原本已經開始迫爆手臂嘅外套, 而家鬆晒, 背肌薄晒, 低腰褲而家著左條腰冇漲晒, 就連小腿都瘦左小小~

幾十蚊塊嘅扭板, 真係堅抵呀!

你願意嗎?

上星期有一日, 滕滕打電話嚟要求我買兩把風扇, 一把買比個工人, 而另外一把係買比普通話老師! 原因係因為普通話老師次次上堂都要係另外分社好急速咁行過嚟, 次次都好趕, 而滕滕覺得老師好辛苦, 所以就要求我買把風扇送比個老師, 仲要同話我: Kitty 老師係咁猛嘅太陽下趕嚟, 你估佢唔辛苦架!

我知佢辛苦! 但係你有冇諗過你亞媽搵錢番嚟都一樣好辛苦嘅呢???

放假放埋聽日, 呢個暑假就完喇, 所以就諗住帶隻豬仔去冒險樂園都玩下啦, 一入商場, 就見到有"樂施會"嘅staff 係到做推廣! 了解左一陣, 我就問滕滕佢想唔想捐錢比d窮人, 等佢地有衫有鞋著有乾淨水飲呀, 如果佢想就要負出代價, 就係會每個月少左一份禮物! 當時滕滕好快咁答左我"好!", 但跟住又再問"咁我嗰份係咩禮物嚟架?!"

哈哈~ 你份禮物係咩嚟?! 我都答唔到你喎,問題係你少左份禮物啫! 既然滕滕已經點頭, 我就參加左每個月供款喇!

其實我都幾開心滕滕肯去幫人, 起碼佢明白呢個世界係有人需要幫助, 而佢亦肯去幫助人! 施比受更有福, 因為既然有能力去幫人, 咁每個人只要付出小小, 呢個世界就更美好!

完全係一間垃圾幼稚園!!!

"聖公會青山聖彼得堂幼稚園" <----呢間學校簡直係垃圾, 完全係垃圾! 我當初揀呢間學校, 並不是因為佢係區內"名校", 而係知道佢多外籍老師, 我覺得可以經常會接觸到外國人, 所以間學校係學習上面都幾努力會令到小朋友容易接受英文!

今年滕滕K3, 經過係兩年嘅學習過程, 我完全體會到呢間學校有幾垃圾, 仲有個校長係幾咁廢!

呢間學校, 成日係到講自己有幾勁, 有幾咁新嘅教育理念, 有幾咁好嘅資源提供! 但可憎所有嘢都只係講!

間學校真係"好似"好勁, 就例如佢地有上網借圖書, 強調唔係有好多間學校都有呢種服務, 但借左幾次書之後, 我就發現有好多問題! 1.網頁搵書好麻煩, 一D都唔清晰, 指引唔明確, 分類仲有D九唔搭八! 到入到去某一頁搵書時, 每一頁都有約10本書, 就咁睇個first page, 跟本就唔知本書借左未, 下下都要再click 入去睇下係唔係"已借出", 即係講頭一頁有10本書, 即係本本書都要click入去睇下借左未, 續頁續頁click, 有時真係click 到第10頁先可以借到第1本書! 2. 到比我搵到本書借喇, 又要去第二個網頁到填form, 要填書名, 本書嘅code, 我仔叫咩名, 我嘅聯絡電話! 其實每次入去網頁借書都一定要登入架啦, 到我搵到書要借, 又要再填過d資料一次! 3.到填晒d資料, 要借d咩書之後, 一click 就話已經ok喇, 但都要等3-5日, 要等唯一一個嘅書記小姐搵晒我想要嘅書出嚟, 打電話通知我, 我先可以去攞!    呢個system, 我同學校反應過, 因為咁麻煩嘅程序, 又唔方便搵書, 跟本就係想人唔好借! 但可惜, 呢間學校要話比人知佢有幾勁, 又想提交一份好嘅report 比同教育局申請x款, 就係咁sale 自己, 成日話唔係好多學校有網上借書服務! 我同個廢校長講過, 建議佢地改善個system, 但廢校長就第一時間張個責任推卸, 佢話呢個system 只係係荒間買, 並不是佢地整出嚟! 廢校長呀, 你咪當我傻先得架, 荒間買嘅, 都可以比錢人去執去改吓化, 你學校個個月收我地八百幾蚊學費, 就連小小錢都唔想攞出嚟???


一間學校已經有十幾個外籍老師, 係唔係以為好勁呢! 我初初都以為咁樣, 會令到滕滕容易d接受&鐘意英文, 但原來唔係囉! 早幾個月嘅一次觀課時, 我睇驗到呢間學校, 又一間廢物學校! 係觀課其間嘅一課英文堂, 係就係西人上, 但係當個西人老師發問問題之後, 有D英文比教好嘅小朋友好自己即刻舉手想答, 而好幾次呢D西人老師見呢D咁積極嘅小朋友即時舉手, 結果好順理成章就叫左呢D小朋友答! 我真係好想問, 咁其他冇舉手嗰D小朋友呢? 你地有冇了解過佢地係唔識吖? 唔理解吖? 定係唔想答呢? 如果冇舉手嗰D小朋友原來係唔識, 咁唔識嗰D, 就永遠都唔識囉, 因為個老師冇去揀其他嘅小朋友去問! 咁我真係唔明囉, 收左咁多錢學費, 但請番嚟D西人老師, 跟本都唔識去引導小朋友嘅!

係我心目中, 做教育嘅, 就應該好有愛心, 從各方面去幫助小朋友, 但到左K2之後, 我真係深深咁感受到呢間學校, 跟本就只係想去搵錢, 表面做到好好, 好似好完善, 好似做晒各方面嘅需要, 但可惜原來, 只係有頭威冇尾陣, 好似好多嘢提供架, 但我覺得所有嘅嘢, 跟本佢地只係為左想學校更加出名, 完全都唔係幫助小朋友!

仲有一年就讀完, 我真係好想好想快D離開呢間咁垃圾嘅學校! 因為我一聽到校長回答我嘅問題時, 佢只係想推卸責任, 成日只係識講, 有時D嘢要用比較大嘅資金去做! 我真係好想串佢一句, 你收一個學生八百幾/九百幾蚊一個月, 你地都唔夠資金咩???

勇!

既然會生番, 我又洗乜怕呢, 所以今朝起身, 頂唔順嗰種感覺, 真係已經去到頂點, 所以真係完全冇考慮就去左攞把鉸剪, 兩下, 我就剪短晒把頭髮!

成世人我樣樣嘢都好長情, 只係對把頭髮就短左小小, 半年唔攪佢我會開始憎佢, 今次我真係憎到佢死, 因為游水游到傷晒, 上次係樓下剪又比個師傅亂剪, 所以剪完之後都覺得自己勇, 最多剪完唔掂咪出去比人剪囉, 怕咩!

我隻手好痛~

自7月14日去完牙科覆診之後, 我就日日嘅下午係到整d dots exercise!

一日連續咁整差唔多4粒鐘, 結果我隻手筋膜炎!  

滕滕出世之後, 因為湊佢時用錯力, 嗰時都試過一次筋膜炎架喇, 所以我都費事去睇醫生, 自己搵藥酒up下佢, 等佢慢慢好囉~

老公問我嗰d dots exercise有冇得買, 有就唔洗自己整到手痛啦! 我夠知亞媽係女人啦, 有得買我都買左喇, 日日整幾個鐘, 你估真係唔辛苦架咩!!!

最肉痛的一天!

5月嗰時就已經報左名去玩, 等等等等, 等到今日終於可以去, 但真係諗唔到會樂極生悲!

呢個係充氣嘉年華, 所有都係充氣出嚟比小朋友去跳跳跳, 點不知玩第二個遊戲時, 滕滕就比個小朋友衝埋嚟撞甩左隻門牙! 當時我正係龍尾再排多次隊, 諗住比佢地可以玩完再玩, 但點不知堂家姐打電話比我, 叫我即刻去前面, 因為個仔撞到!

一見到滕滕, 佢當然係到大喊啦, 而且仲成口血! 當時D工作人員已經開始一個一個咁埋嚟, 救護員都行埋嚟同滕滕檢查, 睇完之後就問我需唔需要CALL 白車喎! 滕滕一聽到話call 白車入醫院, 佢就仲更大聲d喊話: 我唔入醫院呀~!!!  當時我第一時間安慰佢, "入醫院都係比醫生檢查下你d牙, 我而家打電話比牙醫叔叔, 如果牙醫叔叔有開門, 我地就即刻搭的士去比佢睇, 咁我地就唔洗入醫院架喇!" 好彩, 我個frd 今日有開門, 跟手我就叫嗰到d人即刻同我call 部的士番入屯門睇牙!

呢個遊戲, 家長係唔准入去, 而且亦都係封住左我地睇唔到, 所以當時一見到滕滕咁, 我就問嗰到d工作人員, 裏面嘅位置你地冇人睇住架咩??? 當時某位工作人員即時答我有, 而且仲有幾個係唔同嘅位置! 既然有幾個, 我好想知道你地d同事係唔係係到發緊夢, 點解冇一個睇到件事嘅發生, 亦都冇人睇到有小朋友係裏面衝埋去我個仔到??? 當然, 佢地答唔到我我問呢個問題!

上左的士之後, 滕滕都開始冷靜落嚟, 只係佢唔肯吞口水, 怕仲有血! 今次呢個的士司機, 真係我遇過最最最好人嘅一個, 佢聽到我係咁安慰滕滕, 佢就堅持去油站買左兩條雪條比我地, 但可惜滕滕一樣嘢都唔肯食! 滕滕冷靜左之後就開始攰瞓左, 我見到個仔咁, d眼淚不由自主咁流出嚟, 因為我真係好肉痛, 無啦啦比人撞到甩左牙隻, 另外一隻就鬆晒, 真係好赤呀我! 司機見到我係到喊, 佢都好好咁不停安慰我!

其實我唔太擔心撞甩牙會對d牙有咩問題, 因為我有隻門牙都係比細佬用麻雀掟甩, 我唔開心, 就真係只係肉赤, 而如我所料, 我frd 檢查完之後, 甩左嗰隻仲有牙碎係裏面, 撞刑鬆晒嗰隻就都段左所以都要剝埋! 而因為係比人撞甩, 咁有1/3機會長出嚟隻恆齒會歪!

 

 

自滕滕上左的士之後, 佢都冇再喊, 我覺得佢真係幾勇敢, 我諗比著有d小朋友, 應該都仲不段咁喊緊! 跟住比我frd 剝牙打針時, 佢都冇驚到喊, 因為我途中不斷咁同佢講嘢, 問佢一陣想買架咩類型嘅車! 所以睇完牙之後就去左買左兩架車, 買完仲去食嘢潻!

我個仔, 我真係覺得佢好勇敢!

唔識嘅, 麻煩唔該唔好出聲~

呢個世人好多人都好八卦, 尤其係d鐘意走嚟攪亂檔嘅人!

係YMCA上堂, 我就識左個咁樣嘅女人! 佢以為自己好識教女, 但係其實下下都就到個女不得了, 樣樣都縱個女, 個女4歲都要個亞媽陪上堂! 我在旁睇到都覺得好攪笑, 因乜原因4歲都要陪上堂呢, 又唔係第一日上, 都上左成年啦!  不過, 呢D嘢唔關我事, 嗰個又唔係我個女!

偉大嘅FB, 真係幾有用, 有D嘢有時我唔識, 可以係上面問人, 好多人都好樂意去解答! 識嘅咪答我囉, 唔識嘅唔該麻煩唔好插咀! 係YMCA識嘅呢個女人, 佢就係咁多事!  我問人IP CAM APPS D嘢, 佢就插埋咀埋嚟話好多係免費, 仲講到我唔多識去搵! 亞姐, 究竟你知唔撚知我問緊乜架??? 你屋企又冇裝CAM, 你知乜嘢叫互相可以對話咩???  我真係好想講, 乜你又識搵我想搵嗰樣嘢咩???

又有一次係個group 到講學數學, 滕滕就學緊奧數, 佢唔知唔識又插入嚟講, 亞姐, 究竟你知唔知人地係到討論緊乜架??? 就連人地所討論緊嘅嘢你都唔知, 九唔搭八咁講左另外d嘢, 唔該麻煩你收收你把口啦! 如果我係你老公, 我真係好頂九你唔順囉! 唔識唔緊要, 但唔好扮代表啦!

我的可憐豬仔~

7.14星期一去見完眼科醫生, 已經係第二次覆診話滕滕冇進步過! 

其實我都有小小心裏有數, 因為我耐唔耐會問滕滕係隻左眼而家點, 佢都係答我: 仲有好小好小蒙查查!

"仲有好小蒙查查", 我可以感受得到, 即係小小蒙, 可以睇到, 可以接受, 亦即係可以唔需要再用力用功去用隻左眼, 因為大致上係睇到嘛! 所以果然不出我所料, 我問隻豬仔, 佢真係咁樣諗! 所以醫生話佢冇進步過, 我一D都唔出奇! 而出自醫生把口話冇進步, 就可以再一次確認我講嘅係冇錯, 等滕滕相信我嘅說話!

暑假開始, 唔洗番學都當然都要遮眼, 所以我安排左功課要佢遮眼時做係訓練左眼! 但係見完醫生之後嘅星期二三四呢幾日, 除左星期三之外, 我日日都火嚟, 因為我要求貼簿, 居然個幾鐘都未貼到一頁, 所以星期二就比我罰到佢貼到夜晚九點半, 而且將所有嘅玩具全部收起未來幾日亦都冇得睇電視!

試問一個小朋友完全冇晒娛樂, 佢可以係到做乜? 冇玩具玩冇電視睇唔准落公園, 真係冇嘢可以做囉! 而我咁做, 其實都幾變態, 但係我唔迫佢, 唔通尤得佢咩! 所以星期五就2266同拆掂, 我問佢究竟想點, 如果唔想貼簿, 咁有咩佢可以我幫到佢!

佢答我佢寧願連線佢都唔想貼簿, 所以7.21 開始我上網搵, 搵有關連線嘅exercise 比佢! 因為網上搵番嚟嗰D exercise D字都係好大隻, 所以我要自己改晒佢, 而且仲要增加no., 原本係只有1-30嘅, 我就自己改到1-80 or 1-100.  

日日係咁整都唔係講少, 整左兩個幾星期整左四十幾張, 我發覺隻手指公開始痛, 應該就好似同之前筋膜炎一樣咁.......所以我係時候要停一下!

我好希望呢D exercise 可以對滕滕有幫助, 因為係政府睇, 個死人醫生話冇嘢做可以幫到佢隻眼, 但係去私家到就提供左類似嘅exercise 比我!

真係好唔明, 乜做醫生唔係有仁慈救人嘅心嘅咩? 做醫生做到咁仆街, 做嚟把鬼咩!

我都可能係怪獸~

而家讀書真係好辛苦, 好多小朋友k1就已經去學呢樣去學嗰樣. 老師甚至乎打電話比我要我同滕滕溫下書, 因為佢d中文認寫差d喎! 咁樣, 唔去上d  courses 點得!!!

唔好講輸唔輸在起跑線先, 就係講而家standard 嘅水平, 好明顯地係同我地以前完全唔同! 以前k2我地學"上大人", 而家k2學"品德, 作業, 動物"! 英文都係ABC啫, 而家就係生字詞語! 試問一個家庭, 父母要番工, 去邊到搵到咁多時間去教個小朋友讀書認字呀, 就算日日係屋企唔洗番工, 都唔係咁搵個小朋友去受罪成日讀讀讀吓嘛, k2咋!

呢排暑假開始喇, 我同滕滕報左5個班, 係要嚟填佢唔洗番學嘅時間! 4個好似好多呢, 但係好多都好好玩架, 一個係煮嘅食, 一個係做手功, 一個係講故事, 一個係英文drama, 而最後一個就係去比佢試堂上面試嘅! 呢個我係一定要佢上, 因為我已經耐唔耐比定心理準備佢第時去學校到interview 係點, 老師會問佢平時係屋企做d咩, 爸爸媽媽又會同佢做d咩, 而作用我都只係想佢知下到時係點嘅啫!

今日滕滕第一日上整嘢食, 整左嚿咁嘅嘢番嚟, 講明係我同佢老豆一人一半, 我唔好食多! 雖然呢嚿chocolate cake 唔太靚, 但食落去d味道又幾好味唔太甜喎!

差一年嘅時間分別真大, 舊年同滕滕去整macaron, 佢完全好似冇興趣咁, 但今日佢整完番嚟, 就問我點解平時冇得去玩整嘢食喎!

而另外嗰d course, 都係好輕鬆嘅, 希望佢從玩樂之中可以學習, 因為我自己都係一個好動嘅人, 唔太鐘意係沉悶嘅環境裏面學習新事物, 更加唔鐘意比人強迫去學習, 所以咁耐以嚟滕滕所有嘅courses, 我都唔會去問佢: 你今日學左d咩番嚟?!

我嘅心態就係去多接觸, 我覺得多接觸就自然會學到嘢, 唔需要下下都迫! 但我呢樣諗法, 有人會覺得好奇怪囉, 點解就連個仔去學咩我都唔知又唔問! 其實睇下做亞媽個心態囉, 如果你覺得下下去學嘢都一定要係學到嘢番嚟, 對個小朋友or對個大人嚟講會唔會壓力好大呢? 點解去學嘢就一定會係學到嘢番嚟呢? 咁大個成年人去上堂, 都未必一定攞到嘢走啦, 更何況係一個小朋友. 咁細個小朋友就去迫佢, 我怕佢好快就同亞媽講我想跳樓囉!

真多餘?

話說早輪撞到滕滕同學&媽咪, 傾左兩句, 就發現時下D家長唔多鼓勵自己個小朋友去克服困難, 見辛苦小小就尤得佢地唔好做, 攪到我好似一個唔多正常嘅媽咪咁, 下下都要滕滕做左佢應該要做嘅嘢我先肯放過佢!

今朝番工搭車, 我又遇到兩母子, 又再一次令到我深深感受到"怪獸家長"!

呢對母子係藍田上車, 而家應該已經唔洗番學, 所以應該係去上堂, 言語間個媽媽不斷咁"鵝"個小朋友叫極都唔早D起身, 而家已經有小小遲到, 雖然媽媽係"鵝"緊, 但仍然都仲問緊佢個仔想食面包定食餅(比佢選擇), 而小朋友呢就係兩樣都唔想, 仍然係未瞓醒發緊"猛爭"嘅階段!

見到呢一幕, 我就諗起之前約左我堂家姐(&表弟)去九展睇BARNEY! 佢地又係遲到, 表弟叫極都唔起身, 起左身又唔郁唔去刷牙! 到我地已經去到九龍灣時, 佢地先係天水圍出門口! 當時因為時間緊迫正正差唔多就嚟12點, 所以我就搵左間拉麵館邊等位就邊等佢地!

我影左張相比堂家姐話我地係間拉麵館到等緊位, 點不知最細嗰個-表弟, 佢話佢唔想食拉麵, 要食SPAGHETTI! 我即時反應就係: 我而家排緊隊攞位, 唔會又去第二到再排過架喇, 如果想食SPAGHETTI的話, 下次就唔好遲到, 早D嚟就可以揀自己鐘意食嘅嘢!

當堂家姐到左時, 我都再一次同細嗰個講多一次我剛才番話, 係我字典裏面, 唔係你想我就要就你, 你乖就可以聽下你想點, 但曵就會乜都冇, 就連發言都冇權!

我唔明, 小朋友就想要人就佢啫, 就連個亞媽點解都唔去話比個仔知咩叫對與錯! 因為你唔起身, 而家遲到要人地等, 已經係唔啱, 仲想要有要求???  如果我係今朝係巴士嗰個亞媽, 我晨咁早就已經唔會再比選擇個仔食乜喇! 食就食, 唔食就吧!

有口話人!

只係一張相, 點解有D人會咁大反應嘅?

平時我好少比電話滕滕玩, 但當week-end 出街時, 等位呀, 等食嘢時先會比佢打下機, 但打機之前都會先讀下d中文字!

d人唔知就一開口會話: 唔好比佢地打咁多機啦! 壞眼架! 我心諗你唔知咁多就唔該收嗲啦, 關你咩事呀, 我教仔有分數! 呢d人唔識我冇開口, 但更唔明嘅, 比個仔睇u tube 嘅都出聲講嗰下先迷, 因為"有口話人冇口話自己!"

點解有d人唔檢討下自己先去話人嘅? 我自問唔係10全10美, 我都不能夠做到100分嘅好媽媽, 但唔該麻煩你都未教好個仔時就唔好出聲話人地喇!

幾時開始.........?!

幾時開始, 我覺得我同亞媽嘅距離越嚟越遠呢, 好多嘢都好似溝通唔到, 講佢唔理, 講極都唔明, 仲要覺得佢自己冇問題!

其實個個人為自己作辨時邊個會話自己係錯架, 個個人都會搵唔同嘅解釋去support 自己.

自從亞媽食左齋之後, 我覺得佢個人係隨和左, 唔會計較, 好似係好嘅改變, 所以我地初初冇人抗拒佢番佛堂, 但久而久之, 佢番佛堂嘅時間就越嚟越多, 就連做節嘅日子佢都話佢要番佛堂叫我地唔好番去食飯!

我真係好想問下, 有邊個父母聽到話d仔女番屋企食飯係唔開心? 我諗除左我亞媽叫我地改時間番之後, 冇一個亞媽會咁做!

亞媽頭腦唔醒, 成日都比人厄買嘢, 就連50蚊張磁石貼子可以去幅射佢都信! 我地做仔女嘅一聽到,就更係第一時間同佢講啦! 但係佢就覺得我地唔信佢! 真係吹九脹!

所以亞媽嘅自信心, 就開始由佛堂而起! 番得佛堂多, 有職位有岡位, 佢嘅表現就慢慢比佛堂嘅人認同, 而佛堂嘅人對佢亦都有尊敬嘅態度, 所以我地仔女嘅說話, 亞媽慢慢就不接受, 而且仲堅持自己嘅一套!

有一刻我諗過, 真係好想打去佛堂吊九個主持人, 點解張我媽個腦洗到咁, 屋企人說話唔聽唔理, 亞媽永遠都將我身邊所有嘅人叫番佛堂! 我真係好討厭! 點解我亞媽而家變成咁樣!

以為自己好醒咩? 其實原來係豬頭丙!

狗口長不出象牙
鼠眼看不通遠景
豬腦想不到易事

最尾兩句, 係我食左感冒藥臨瞓前諗到嘅, 因為我真係好唔明, 蠢唔緊要, 但就唔好仲去諗埋D縮數啦!

今日我早走, 落到公司樓下就send whatsapp 問馮小姐ABC個客隻船幾時到目的港, 因為我要預計搵ups send 文件. ABC呢個客都係麻撚煩嘅其中一個嚟, 船未開就日催夜催問幾時send 交件比佢, 所以過左一陣又就通知馮小姐唔好星期一寄, 叫佢一陣放工攞埋去UPS個counter 到啦!

好神奇嘅係, 問馮小姐隻船幾時到, 佢就睇到whatsapp, 但叫佢放工攞埋份單去UPS放抵, 佢就話睇唔到, 仲串撚到答我, 佢已經走左喇喎, 你唔打電話比我?!

我明明係見到佢on line架, 見佢on line左唔覆, 我就再whatsapp多次, 跟住佢又再on line! 佢居然答我佢唔知! 哼~ 咁既然你睇唔到, 星期六朝早就番公司就call UPS 嚟收件囉!

我唔係專登整佢, 未放工我就通知佢, 就係因為唔想佢又要番轉頭, 點不知佢串撚到呢~ 遲又係你做, 早又係你做, 仲乜要玩九自己呢???

明知有d單係唔可以提早比廠, 因為你自己放假, 就想早d比? 問嚟都多九魚嘅, 咪盞人地越嚟越憎你! 平時d嘢就唔想心, 做左八年同一樣嘅嘢都成撚日做錯, 自己放假, 就想人地去就你?

咩叫自由???

自從亞唔亮叮強行通過撥款之後, 我就發現呢個香港真係好黑暗!

上星期個仆街客嚟公司見老闆之後, 我都預左老闆會點做, 所以我係自己私人電話個whatsapp到打 "沒有最賤嘅客, 只有更賤嘅客!" 直到今朝, 老闆whatspp我, 佢話: 好震驚! 如果一間餐廳嘅門口貼住張紙寫住沒有最賤嘅客, 只有更賤嘅人, 不知此餐廳生意如何?客人的感想如何?

如果佢唔係老闆, 我即時會覆番佢: "吹咩! 關你撚事!" 因為佢係我老闆, 幾分薄面我都要比, 所以我覆左佢: "乜私人電話都要有規條???"

點解, 我個私人電話嘅status要同你交代??? 請問你係邊位??? 再嘈我可以blk撚埋你!  我set左冇上線時間都係因為你, 而家你唔好迫我去後巷, 我最憎人去管我, 尤其係私人事, 請問關你乜撚嘢事???

益左你, 因為只係你好彩!

跆拳教練打電話嚟話滕滕可以去嘗試下去比賽, 因為佢覺得"速度"呢part, 佢可以去試下, 所以今朝倒塔咁早就去到灣仔喇!

要人9:15am 去到報到, 但10:30am都未開始, 真係有d火嚟, 蹝晒d時間係到講埋d廢話, 同埋比d議員影相!  早知係咁, 我唔洗咁早到啦!

人地話行通道唔好企人, 強人就話亂嚟啫, 香港其實都有d咁黑人憎嘅人, 企係正正前面, 又唔怕醜同唔驚比人話喎!

呢隻豬仔真係唔留心, 人地只係叫佢踢兩腳嚟度下個高度, 佢就以為開始, 就出盡力去踢, 到左正式開始時就後段開始冇力, 冇力都唔緊要, 仲要走去望人地!

當完成比賽而又未公報結果時, 我就同隻豬仔講, 佢今次應該冇得羸, 因為佢有兩個位失誤, 第一個就係冇留心人地講開始未就發力不段去踢嘥晒d力, 令到正式開始時之後嘅尾段開始冇力, 第二就係開始冇力時就八卦人地分心!

當公報結果時真係好surprise囉, 居然第三名喎, 我知道冇咩特別開心, 只係覺得滕滕好好彩囉, 其實我同滕滕講佢都冇盡全力, 跟本就直頭冇獎攞啦!

隻豬仔佢以為佢自己攞第一, 直到我比得獎張相佢睇清楚之後, 我即時feel到佢嗰份興奮退減, 我問佢開唔開心, 佢答我唔太開心囉, 因為唔係第一!

更係啦, 第一名係比盡全力嘅人架, 你估比你呢d咁唔專心嘅小朋友去攞咩, 其實我覺得你跟本就唔應該有獎啦, 咁八卦去望人地, 就連開始左未你都未知!


人有要求先有進步, 經一事長一智! 要從失敗中學習先再會有進步! 一個人太容易就自滿, 會好快遺失自己, 所以我唔希望滕滕覺得佢冇盡全力就可以去攞獎, 我想佢係失敗中檢討從而下次去改進, 我冇唔鼓勵佢, 亦都冇因為佢唔係第一而去責怪佢, 我只係想佢知道凡做每一件事, 只要盡晒力就已經係問心無愧, 而冇盡力嘅人, 失敗就一定唔洗問架喇! 

以為小朋友會唔明咩, 我覺得佢一定明我講乜囉!

而家D人真奇怪~

尋日朝去買飛睇戲就撞到滕滕個同學, 呢個同學個媽媽都算健談, 佢見我之前問佢有冇識人係一個私人屋苑住, 佢就問番我報唔報到嗰到嘅泳班, 咁我又見佢咁問, 所以我就循例咁問下佢個仔一唔一齊學!

點不知佢答我, 佢個仔覺得稍為覺得辛苦小小嗰D就唔學架喇, 最好比佢唔好點郁嘅就可以囉!

吹完兩句水之後就走, 當其時我滿腦子真係10萬個為什麼, 點解而家D家長, 可以尤得佢地嘅小朋友想點就點嘅! 小朋友始終都係小朋友, 佢地咁細個跟本就唔識去分辨事物, 我地作為父母乜唔係鼓勵佢地去比心機努力向上, 遇到困難就要去克服架咩???

就好似另外有個媽媽咁, 佢個仔怕水, 但媽媽就想佢去學游水, 希望身體可以強壯D唔好成日病, 個爸爸聽到個老婆話今個暑假又想去幫個仔報泳班時, 就不停咁問會唔會有危險架, 個泳池D水會唔會太深架, 係暖水池定凍水池嚟架, 會唔會太凍架, 最攪笑就係亞媽又和應喎, 呢D所有嘅對話都比個小朋友聽到晒, 咁明明個仔只係小小驚都變左多多驚啦!  個媽媽同我講番佢兩公婆嘅對話時, 我即時就講, 你冇嘢吓嘛, 你其實係想嚇佢唔好去上泳班囉!你老公有冇腦架, 講明係for 3-5歲嘅小朋友, 你覺得人地會唔會比個大人池你去上堂呀!

真係覺得而家世界變左, 所以先咁多公子&公主出嚟. D家長寧願去比錢小朋友上堂去學習自立, 咁不如比錢自己上堂先囉~

變形變形變形~

滕滕就連超人都係啱啱冇幾耐之前先識, 雖然識但係其實佢真係都唔知係咩嚟! 咁變形金剛, 佢更加唔會知係乜東東, 我只係講係機械人嚟, 好人對負壞人!

星期五去完青衣城睇展覽, 滕滕都唔覺有d咩特別架, 但係今晚睇完戲, 就當堂唔同!

係唔係所有壞人都可以用黑色嚟代表嘅呢? 就例如黑社會咁! spiderman呢壞蜘蛛又係黑色嘅, 呢套變形金剛d壞機械人又係黑色!

一嚟係西片, 二嚟對小朋友嚟講, d內容都未必太明, 所以一路睇戲滕滕就一路問我, 結果比我隔離嗰個女人話!

其實真係好瘀, 因為滕滕真係問我好多嘢, 所以我唯有係佢想講嘢時就即刻come住佢把口, 又或者佢未問, 我就係佢耳仔邊講左先!

睇完戲我就同滕滕講上次熙媽送比佢架車, 就係Bee嚟架喇, 所以係不久嘅將來, 我應該就要同佢變形, 變做超人, 因為佢已經即時問佢老豆, 識唔識同佢變形!

努力中~

當發現自己想著嗰件衫已經係迫爆時, 我真係唔可以再容忍自己咁樣落去, 所以早一個月多D, 我就已經開始游水, 盡量一星期最多3次, 最少2次!

我亦都買左塊呢D扭扭板, 每朝扭20分鐘!

呢塊扭扭板真係唔可以睇少佢, 尤其係兩邊嗰條象筋, 用力拉起佢的話hold住20分鐘, 真係好攞命~  今晚同好朋友食飯, 佢都話我兩隻手臂d肉好實, 所以明顯地我一著件衫時, 雙手臂係因為結實左而冇迫爆, 有小小鬆左!

因為幾個星期最少游兩次水, 所以我已經feel到個身d 肥肉好似少左.

希望我可以keep住呢個暑假去游水啦, 因為瘦番之後就唔洗咁辛苦去減食喇!

屈服? 我唔會!

我有D性格真係好硬頸, 有D嘢真係唔洗指意我屈服, 尤其完全不是我錯嗰陣時!

鬧我八婆嗰個仆街佬, 上一張單出貨之後投訴有兩三個紙箱裂開左, 其實只有1488箱啫, 得嗰兩三個紙箱有問題, 我跟本就唔覺得係一個問題! 我打電話去廠叫佢地咪跟緊D囉, 因為個仆街客嘈吖嘛, 爛左嗰D紙箱咪換過個比佢當比佢執藥囉! 同廠講電話先知道, 原來訂紙箱老闆個外甥, 已經唔係第一次紙箱錯size都照收貨!

我同老闆匯報番呢個問題, 更係想佢自己打電話去廠問過究竟啦, 話晒我冇權鬧廠嗰d人, 因為個個都係老闆嘅親戚嚟, 而且呢d嘢, 一定係老闆出口囉!

點不知, 我無啦啦比我老闆鬧左一獲, 佢話既然知道佢外甥跟訂紙箱跟得唔好, 點解我唔去主動攞嚟做, 做多d, 我唔會有問題架, 點解我唔去理去跟!

我當時個心真係諗: 你係唔係痴撚線架!!! 我無啦啦去鬧你個外甥咩??? 佢做左呢個工作十幾廿年, 我點樣無啦啦去話以後唔洗佢去跟我要跟呀!!!

我真係好撚興, 所以我收左線之後send whatsapp比老闆同佢講: 如果你要我去跟紙箱係完全冇問題架! 但麻煩你, 係我接手之前, 你同林生講一聲, 以後訂紙箱呢個工人就完完全全比晒陳小姐去安排!

由嗰日開始, 有咩事我都只係send whatsapp比老闆問, 因為我真係好撚興囉, 直至到今時今日都仲係!

百思不得其解 II

契妹嗰兩條褲, 由上星期六開始問個賣家補番發比我未, 問到星期一, 足足玩九左我3日!

一問佢, 佢就問我快遞no., 答晒佢要問嘅資料之後就冇影, 問極都唔覆, 一覆又再問我快遞no., 我再答佢, 跟住佢又唔覆, 過左成個鐘佢又再問我咩事! 大佬, 唔火嚟就假啦吓嘛, 再問佢, 佢就比個補貨快遞no. 我, 第二日一check話唔啱, 再問番個賣家, 佢又問我咩事, 我講晒之後又唔答, 再問左十幾次, 佢先答我個no.唔啱嘅!

今日契妹終於都問我佢嗰兩條褲點喎! 我第一句答佢, 我真係好想吊佢老母囉, 問極都唔覆, 覆我就係錯嘅, 再問又唔理我! 想點很樣呀!!!

我同契妹講過啦, 叫佢唔好去換貨啦, 又唔聽人講, 條褲咁平仲要叫人同你換貨, 你係佢都唔老嚟啦! 而家咪唯有等囉!

橫掂契妹成日都話佢唔趕嘛, 我就尤九個賣家發貨又好, 唔發貨又好, 等我得閑先追下一次囉!

契妹知道我火嚟之後, 就冇再問我喇! 更係啦, 今次真係攪著我囉! 如果係我親細佬, 我鬧左佢九年喇!!!

沒有最賤嘅客, 只有更賤嘅客!!!

呢個仆街都算賤喇, 尾數未找, 仲要聲大夾惡咁打嚟間接鬧我八婆, 男人之中, 佢都算係仆街中嘅仆街囉!

嗰單貨都係港紙萬幾蚊之嘛, 個幾兩個星期前都已經知道咩時間出貨架啦, 點解呢個男人冇品得咁交關!

嗰次之後, 佢都冇面目嚟搵我啦, 有咩事都搵個女人打電話嚟, 擺明上次就係鬧我八婆!

上星期一, 呢個仆街佬搵我老闆其中一個合作開嘅話想要數期喎! 我又真係唔係好明喇, 佢把口大口氣嗅到話自己有幾勁有幾勁, 又話出嚟做左生意咁耐冇人唔識佢! Oh sorry, 我同我老闆真係唔識你囉, 尤其係我老闆! 其實, 佢咁撚勁, 咪唔好R數期囉, 仆街!

老闆叫我覆佢做L/C 30日, 我就諗住拖下佢, 星期五放工先覆佢, 點不知佢心急到星期五早上直接打比老闆想話係30% deposit & 20 days credit  balance!  我真係其差一著, 冇諗過個一個男人心急成咁! 而我, 就覆左佢係40% deposit!

個撚樣, 星期六朝早已經睇左我比佢個mail, 亦冇咩回覆, 但係點不知老闆同我講, 個撚樣今日下午嚟公司!

R爛腳咁男人見得多, 上到門去R爛腳唔怕醜嘅亦唔少, 呢個仆街就係其中一個喇! 當啱呢幾日落雨, 今日我著左短褲, 所以就可以避開唔洗見佢!

我做女人都算大方, 之前比個仆街鬧過我八婆, 上星期我都可以當冇咩特別咁SEND個MAIL比佢 thank you佢個enquiry! 另一方面亦都可以講我冇得揀, 明知佢係鬧我八婆, 但我都冇得選擇要send mail比佢!  我大方, 並不代表對方都係一樣, 因為個仆街冇覆我就直接打左比老闆, 所以, 其實我深深處係更加憎佢!

馮小姐見到個仆街話番比我知, 明乎其實一睇個樣就知佢黑人憎, 所以我好慶幸我唔需要見佢! 就連萬幾蚊港紙都找唔到, 仲打去鬧人唔出貨比佢嘅仆街, 我真係睇唔起佢!

百思不得其解!!!

契妹叫我幫佢淘4條褲落嚟, 其中兩條吊腳佢想換, 但係兩條褲加埋都只係RMB59.8, 我話你SEND番上去, 再SEND番落嚟嗰d運費咪仲唔化算, 但, 契妹死都話要換!

點解D人講極都唔理人架!!! 計起嚟條數跟本就唔應該咁囉! SEND左上去, 個賣家又話第二日同我寄出, 點不知原來厄我, 仲要求其比個單号我, 攪左3日, 原來都仲未發出補貨!

真係攪到我好興囉! 明知咁平, 其實人地都唔預你換架啦, 但係就死都要去換, 真係搵著我嚟攪! 我已經講左人地唔想換就更架啦, 因為咁平, 仲咩仲要死都要換啫!

邊個夠薑話我個滕滕流先!!!

尋晚滕滕同我講, 佢摸到個牙窿有硬硬地凸出嚟, E~ 我一模, 原來出緊牙喎!

滕滕係5月頭先甩第一隻, 我諗住起碼最少要3-4個月先會出牙, 真係冇諗過佢咁快就有牙出!

之前我堂家姐問我滕滕係唔係有問題, 唔知滕滕咁快出第一隻嘅恆齒, 又會唔會走嚟問我係唔係唔正常呢?!

Oh~ 有d surprise~

滕滕耐唔耐都會攞白紙去畫下畫, 有d就送比老師, 有d就送比我, 有d就送比嫲嫲!

大大話話都好似學左畫畫差唔多有兩年, 兩年嚟嘅學習, 真係原來有收獲嘅!

呢副畫, 滕滕叫我教佢畫隻船, 咁我就畫左一隻船, 而佢就自己畫多隻船, 再加d煙, 再加埋個陀係兩隻船下面! 見佢畫左d 魚係係下面, 我就用我麻麻地嘅畫功去教佢條魚尾, &加小小魚鱗!

 

 

最堅嘅, 就係滕滕問我點樣去畫風, 大佬, 我真係唔識點樣去畫風喎, 我只係話, 張d頭髮畫到飄起晒, 應該就代表有風啦!

講完我就覆個whatsapp, 點不知轉頭佢就已經畫左好多樓係個背景到!

嘩~~~ 我覺得好靚呀!

雖然好靚, 但係有D嘢我都教佢去執執, 執左之後就更加完美喇!

其實係唔係我個人問題呢?

早兩個星期同老闆講番廠嘅問題, 佢個外甥原來已經唔係第一次訂D紙箱番嚟係錯size, 即係錯左嘅size 照收貨!

因為公司呢排冇乜錢, 老闆心情唔多好, 所以就係因為佢"外甥見d紙箱錯size 都照收貨" 呢件事, 我無啦啦比老闆小左一大輪, 話我點解做多小小嘢都唔想去做! 一個人做多小小嘢都唔係問大問題, 點解我唔主動去攞嚟自己做!  請問, 點解不嬲都係林生跟開訂紙箱, 仲咩事無啦啦我就去搶佢D嘢嚟做咩??? 關我乜事??? 不嬲都唔係我訂紙箱, 而家佢訂錯size, 關我撚事咩!

我做錯比人鬧我冇嘢好講, 但係我冇做錯, 我理九得你邊乜水, 邊個無啦啦搵我嚟出氣就唔得!  因為佢係老闆, 所以我冇反佢枱, 但我就好串咁覆佢: 如果你係想我以後去跟訂紙箱的話, 係冇問題架, 但係唔該麻煩你就同林生講一聲, 訂紙箱一事就以後由陳小姐去做!

當我用whatsapp覆左老闆之後, 直到而家兩個星期, 我冇搵過我老闆, 有嘢都唔七問佢自己攪掂! 

係公司, 個會計我睇佢唔順眼, 係老闆面前扮可憐扮弱者, 份人又假, 又污糟立塌! 我冇攪佢時佢就同老闆講我d假好難計! 而馮小姐, 日日新鮮, 每日都有問題, 但個個問題跟本就唔應該由一個做左7年嘅人去問!

唉~ 究竟係我嘅問題定係人地嘅問題??? 我而家日日番工都冇嘢可以同佢地講!

我努力時就係滕滕嘅進步

已經係第三次scan 紙卡整落電話到喇, 我呢個咁嘅行為, 以為逢係媽咪聽到都即刻話要, 但係原來唔係嘅!

第一次整左, 我冇問堂家姐要唔要, 因為感覺上覺得佢會唔要, 因為覺得佢會話唔想比個仔睇咁多電話, 但基於自己覺得係好嘢嚟, 唔比佢好似對唔住自己, 所以整第二次時終於都問左佢! 結果, 就係我自己law lai chin, 真係無啦啦問乜九嘢吖! 佢一聽到, 就問我咩size, 係咩quality! 大佬, 都講明係用電話睇, 乜Q嘢size or quality呀! 我心想, 整撚埋比你, 仲要問長問短先要! 而佢嘅答案如我所料, 話唔想比個仔睇咁多電話呴! Fine~ 冇問題, 但係好唔明嘅係, 我問佢佢比個仔一路食飯一路用電話睇卡通片就唔會壞眼喇咩???

星期日多數會同豬仔出街, 但每一次見到朋友都比人話我, 叫我唔好比滕滕玩咁多電話! 我唔想人地話滕滕玩電話, 我亦都唔想比人話我比滕滕玩電話, 因為滕滕只係每個星期六or日先可以玩, 仲要讀左字卡先可以玩, 呢d嘢人冇人知, 只有我知滕滕知, 就係因為有我&滕滕知, 所以我唔會理九人地點睇, 不過呢d人最好收口, 因為我唔like!

今次已經係第三次整字卡, d字卡開始有小小冇圖畫, 因為有d詞語真係唔知用咩圖畫嚟形容! 我覺得滕滕d中文真係差過英文! 英文好似易記d咁, d中文字呢, 真係發晒火佢都記唔到, 我都唔知點解......

不過, 呢幾排我又覺得滕滕D中文好似又進步左小小, 有D字佢知道自己成日都唔記得, 我感覺到佢好似要自己成日去提醒自己去記住, 就係過左兩三日之後我再問佢, 佢就即刻講到出嚟! 我唔知佢用咩方法, 但就感覺到佢係有用功過嘅!

比起姨甥仔, 滕滕真係冇咁聰明, 但係講好學程度, 佢兩個都一樣係每事問囉!

又一無聊佳作~

其係我個人係唔係不甘寂寞呢, 因為我成日都好無聊去攪好多新意思! 自從我上一次張D蚊膏溶左佢倒入去個吉唇膏樽唔洗用手搽之後, 到左而家, 我又諗到又有新嘢玩喇!

星期六去上英文班, 滕滕又有個同學配左佢嗰副眼鏡!

一個就全透明+紅, 一個就透明綠+橙, 我見到佢地咁襯, 我都好開心囉, 所以今日我番到嚟見到滕滕另外嗰副眼鏡咁悶, 我就問佢想唔想我同佢油一油喇!

哈哈~ 我都覺得唔錯呢!

毅力

我真係估唔到我個滕滕其實都幾堅下, 尋日就玩"未"水, 今日就玩跌冬瓜!

去流冰真係要等埋老公先去得, 因為滕滕實在太重, 平路佢跌我都仲可以拉一拉實佢, 但係著住對冰鞋, 我真係怕我顧得掂自己時顧唔到佢!

等等等, 滕滕等左兩個星期, 終於都等到去流冰喇, 同老豆一入去冰場, 就已經話唔洗拖住喎! 大佬, 你有冇咁堅架~ 你睇到人地流得咁疏乾, 你就以為好容易架喇, 你真係實在太高估自己喇! 所以未踩夠半個鐘, 就已經跌到眼鏡都爛埋, 面都損左!

我問個老豆囉, 你係後面跟住架, 點解佢會跌到咁架???

滕滕個決心都幾堅下, 跌到咁都冇喊, 仲繼續踩踩踩! 跌完起身又再踩, 踩兩下又跌又再起身踩, 佢嘅毅力真係唔係講少!  而呢種性格就真係唔似佢老豆喇! 佢老豆, 做唔到就比我做囉, 未識我時, 做唔到就唔做喇!  剛好同滕滕相反!

踩左個半鐘一出嚟, 滕滕條褲個pat pat居然濕晒, 因為成日跌, 所以濕晒, 而我個心酸左一下~ 點解咁跌法你都仲要繼續架, 你個pat 唔痛架咩?!

流冰完第一時間就係想去老公副眼鏡嗰到整番副眼鏡, 因為其實我地流冰前已經去滕滕買眼鏡嗰到較過一次副眼鏡架喇, 玩完流冰, 嗰間嘢已經close 左, 所以唯有去第二到啦, 點不知行過間眼鏡舖, 老公話入去睇下d副, 點不知撞到個舊同事個老公轉左嚟呢邊呢間舖到喎! 咁就更係當然麻煩佢幫滕滕整下副眼鏡啦!

早兩個月我已經係d代購到物色緊d超比滕滕, 我希望可以搵到酊超係可以套係滕滕而家副眼鏡上面嘅, 但係個答案多數係冇囉, 而我問朋友個老公, 佢話小朋友嘅太陽眼鏡有d款係可以換有度數嘅眼鏡片架! Yeah~~~ 我一聽到都不知幾開心囉!!!

結果, 我就買左呢副比滕滕喇!

因為7月中我地又去見醫生喇, 到時如果滕滕要換鏡片時, 到時就又要洗一大筆, 兩副普通片, 一副太陽眼鏡片! 計到條數都好肉痛下, 不過佢要換鏡片, 就代表佢對眼有進步, 所以我想痛D喎!!!

努力!

一年嘅時間變化真係好大, 舊年滕滕都仲未敢"未"水, 但係今年我只係同佢去過3/4次游水啫, 佢就叫我同佢"未"水, 玩左一陣仲叫我"禁"住佢係池底唔好比佢升起, 等佢忍唔住時先比佢升番上嚟!

我個心諗你都幾夠薑架喎, 叫我"禁"住你係池底!

個救生員聽到滕滕咁樣同我講, 就忍唔住嗌落嚟教滕滕游水喇, 叫佢唔好揸住個鼻, 要用個鼻嚟噴氣, 咁就唔洗驚個鼻入水啦! 哈哈~ 估唔夠個救生員哥哥都幾鐘意滕滕喎!

游游下之際, 開晒大聲公話叫D人上池唔好再游要轉池, 因為發現嘔吐物喎! 真係吊那星囉, D人咁冇公德心架!!!  轉左池一陣, 係我游緊水之際, 個救生員哥哥又過嚟喇, 仲叫滕滕過去佢前面, 教番佢一兩下喎, 點不知呢隻豬仔驚囉, 第一時間叫我一齊去先敢去!

我真係估唔到, 滕滕份人某方面就咁有自信, 一叫佢單拖行埋去某D人到, 佢就驚到滕滕震喎! 可能我真係比得太多新聞報導, 有關太多拐子佬嘅case 比佢睇喇!

邊個小家?

其實究竟係唔係我個問題呢? 我諗左一輪, 唔通問題真係我? 因為我朋友笑住話係我嘅問題!

其實我已經好容忍架, 當滕滕出牙時不停咁咬嘢, 咬爛晒張sofa d 皮, 我堂家姐就話我個仔有病! 當滕滕兩歲幾講嘢都仲未係好叻時, 我堂家姐又話我個仔有問題! 當滕滕剛5歲冇幾耐就已經甩左一隻牙, 我堂家姐又話我個仔係唔係有問題!

點解佢個仔早小小做嘅嘢, 而我個仔未做, 就係我個仔有問題! 佢個仔未做, 而我個滕滕就做左先, 亦都係我個仔有問題! 點解乜撚都要攞佢個仔嚟做比較???!!!

佢個仔又古惑又唔聽話, 講道理唔聽唔做, 做功課幾乎晚晚都小吵, 一個月總有兩三次大吵, 永遠有個仔講點都要人服從佢, 咁佢個仔冇問題咩?

其實我都唔想數佢! 但點解永遠成日都要話我個仔有問題!

我個仔除左力大無窮成日都整爛嘢, 耐唔耐百厭叫整都係瘋癲狀態之外, 我唔見得我個仔唔乖喎, 起碼我從來都冇因為佢D功課而勞氣過, 滕滕亦都唔會因為唔服氣而鬥氣, 因為佢從來都唔會唔服氣, 亦都極少發皮四, 再者滕滕唔會唔聽我講道理囉!

再講, 我舊工人姐姐到而家仲whatsapp滕滕d相比我, 又whatsapp我送比佢嗰d禮物嚟say thank you to me, 我話個舊工人如果番嚟香港做, 真係可能想番嚟同我做! 只係講左兩句啫, 就好唔抵得咁話到時發生d咩事都冇人知!

今個暑假, 係我堂家姐主動話要同滕滕一齊嚟我屋企附近學游水, 因為開班嗰個私人屋苑係我堂家姐個朋友嘅屋苑嚟, 舊年我地上過一季環境10分之唔錯而且又乾淨! 但係我話星期六咁早要起身搭成個鐘車過嚟會唔會辛苦左d呀! 以我堂家姐嘅懶勁嘅性格, 佢答我, 絕對一d都唔係問題喎!

我一早已經睇死佢唔會過嚟, 因為連埋要早起身嗰個幾鐘, total 要早兩個幾鐘起身, 跟本就冇可能! 所以當我堂家姐話最尾兩堂可能要改平日上, 一陣又話錢唔係問題, 一陣又話要睇住個仔上(堂), 一陣又乜乜七七之後, 問左兩個星期佢都冇再同我講過上唔上喇!

我之前已經講明, 佢上唔上我都會照上, 所以佢問咁多嘢之後, 唔上堂我已經預左佢, 所以我send whatsapp 問佢係唔係已經幫我報左名啦, 點不知過左一陣佢覆番我問我, 乜我唔係自己報名咩?!

吊那星~ 玩嘢咩!!! 我唔係係嗰到住點報呀??? 而家我個仔唔怕學游水, 又係我個仔有問題呀???  拖左我咁耐, 問左我咁多條游水嘅問題, 又話同其他興趣班撞時間上少一兩堂就錢唔係問題, 咁final 唔上又唔出聲, 而家仲問我乜唔係我自己報!  乜你會覺得拖左我咁耐我就會頂你唔順自己去報咩?

我真係唔想咁諗佢係妒忌我, 但我真係覺得係囉, 如果唔係, 仲咩事要玩九我先???

嚇死人嘅豬腳~

同滕滕買鞋都幾麻煩, 隻腳咁鬼肥, 肥到真係如果佢拗柴的話, 真係唔知究竟佢係肥OR腫!

因為太肥嘅關係, 夏天著對膠拖, 出汗就會啜住對腳面, 佢就同我講行路時好痛, 所以我想買對布鞋比佢夏天可以就咁穿落去著!

不過, 我用筆圍住佢隻腳一畫, 真係好SURPRISE!

點解仲大過我隻手嘅!!!!

試問有咩係唔爛得嘅?

我真係諗極都唔明, 點解講極滕滕都仲係咁粗魯??? 成日都已經叫佢溫柔D, 斯文D, 乜真係咁難咩?

過年之後第二副新眼鏡收到喇, 而呢到PARTS少左, 所以真係又冇咁易鬆喎! BUT, 冇嘢鬆, 原來都有嘢可以爛嘅!

係唔係個口冇嘢好做, 好痕呢? 咁都要放入口到咬? 講明架喇, 再咬就真係要打嘴囉!

換左耳勾之後, 只外嗰副有3件細PARTS 都要換喇, 因為之前整過之後用左一日就開始又鬆, 咁即係代表D PARTS 唔換唔得囉!  因為呢副眼鏡多PARTS時又多顏色揀, 所以今次嚟個CROSSOVER, 將3件PARTS換左橙色!

今日新鮮熱辣到手, 滕滕一見到之後, 即時要換!  更係啦, 咁鬼靘, 我話換左做橙色, 就真係冇錯呢! 下次如果又要換, 等我試下換藍色先!

麻煩, 唔該入洞吧!

一個識左廿九幾年嘅中學同學,  早個幾星期我反九佢枱!

呢個同學, 由佢離婚, 到再同另外一個大家都好熟嘅男同學再結婚前, 大家都好FRD好好, 耐唔耐會大家出嚟見面吹水, 但係我勢估唔到由佢結婚之後就改變晒!

我係個group 發表我想講嘅偉論之前, 有一個同學叫我三思! 一思二思三思, 我都係一次兩次今次已經係第三次, 我真係忍唔住要出聲, 如果叫我唔出聲唔講, 第日唔啱傾就講少d, 我就真係做唔到, 因為我個人一就一二就二, 我性格係唔可能咁樣就當冇事!

其實事情冇咩大不了, 只係呢個同學一次兩次三次咁放飛機! 有事唔出嚟冇問題, 但係我地打算約出嚟之際, 佢話冇時間冇心情, 但轉個頭就係FB 到post 左相佢同人地食飯! 我想問, 咁你當我地係咩? 麻煩係唔係都唔好咁事無忌憚咁show出嚟比全世界人知, 係唔係都blk晒我地呢幾個, 唔好比我地知你講一套做一套吖!

事實我真係好嬲&好失望, 點解佢而家變左咁嘅???

呢個同學同另外一個同學結左婚之後, 乜叉佢都話"我老公話! 我老公話", "我問下老公先"! 吊那星, 你老公我地唔識架??? 你老公我地都係識左廿九幾年, 我地成班女仔吹水, 乜七都話老公話老公話! 我真係覺得有點兒那個囉! 

一個教書做主任, 一個做法援, 我真係唔明白點解個腦咁廢嘅, 搵agent請工人明明話要個工人7月中先到, 但係個agent 同佢講佢都唔知點解個工人無啦啦5月頭就已經到左喎! 真係幾撚好笑, 個agent買機票比個工人嚟架, 個agent話都唔知點解會早到, 佢兩個居然都信!

有左bb想買cam, 發個問題係個group chat到, 答佢個cam d嘢, 佢就話我老公個朋友話係咁咁咁, 我老公個朋友話係乜乜乜, 但係我老公個朋友話係物物物喎! 結果佢同我講佢老公個朋友話, 唔係個個cam都支援到所有寬頻公司, 呢一刻我真係忍唔住即彈佢, 既然你老公個朋友咁勁, 咁有乜你都問佢啦, 你老公個朋友應該乜嘢都識可以答到你架喇!  我真係仲好想講, 有冇人咁唔用腦諗嘢架, 一間公司出部手機出嚟, 會唔會某d 電話公司用唔到呀, 麻煩唔該用下個惱諗下嘢啦!

其實我真係好撚頂佢而家唔順, 乜撚都老公老公!

發表我嘅偉論之後我就quit左個group, 既然生活裏面佢兩公婆就只有大家嘅存在, 咁不你地如入洞住啦!

究竟心胸要幾撚闊先得???

其實我真係唔明, 夾柜走貨已經唔係今時今日嘅事, 亦都唔只試過一次, 點解到今時今日, 居然仍然係錯同一樣嘅嘢, 出現同一個問題???  話, 已經唔係第一次, 已經係N咁撚多次, 點解仲可以比人小完仍然都一樣, 態度亦照舊???

我真係比馮小姐激撚到噴火, 老闆居然話而家唔係太忙就算啦! 大佬, 就係而家唔太忙就可以做咩就錯咩嘅呢??? 究竟有冇帶個腦&用個心去番工架??? 比人話得多都瘀啦, 唔好撚話比我知比人話得多就化撚左呀!

自從佢因為嚿橙就去鬧個女之後, 我到而家真係完全唔想同佢講嘢, 因為佢D後母樣完全出晒嚟, 再加上佢做嘢做到咁撚HEA, 叫九左佢唔好成日上網睇埋D無謂嘢, 又叫九左佢用個心去做嘢, 但係仍然都係咁撚樣, 我都唔明, 點解可以咁厚面皮~

我個仔, 大個喇~

我教向教滕滕都係以自己做人嘅中旨去教, 我希望去教出一個明白事理, 懂得去分辨事非嘅人! 不過我知道, 唔係我教佢咩佢就吸收D咩, 因為有時都要講DNA嘅, 如果萬一佢遺傳左佢老豆OR我d 壞處, 真係有時想教番啱都難!

有次滕滕叫佢老豆順手係佢隔離遞個remote control比佢, 點不知老公唔幫佢攞, 滕滕跟手就話佢老豆咁衰, 而我嗰次唯一係到扇風點火咁同滕滕講, 既然佢咁衰, 咁佢以後叫你幫佢攞嘢, 你咪唔好幫佢攞囉! 但係滕滕居然答, 咁我又唔想好似佢咁衰呀!  聽到, 我好surprise 囉!!!

尋晚臨瞓前我地又傾計, 我呢排就不斷咁提起其他同學, 目的就係想佢同其他同學玩多d, 唔好同一個麻煩同學玩, 因為佢媽媽麻鬼煩, 小小事都化大! 但係滕滕呢, 佢feel到我唔想佢同嗰個同學玩咁多, 而同我講, XXX只係講過一次大話啫, 媽咪你原諒佢, 比一次機會佢啦! 咁佢如果改過唔再講大話咪得囉!  我一聽到, 我真係估唔到我個仔而家已經識得諗呢D嘢, 我真係唔可以唔承認佢開始大個喇! 

K3 學生相

上星期學校有兩日叫穿校服番學, 因為有人嚟影學生相, 而我又同舊年一樣, 都係自己嚟!

如果我想影得個輪廓清晰D, 就要用單鏡機, 但係出嚟嘅效果其實我次次都唔係好滿意, 因為我冇買閃光燈, 所以次次都會有個背影, 如果執走晒個背影, 就好似CAP圖咁好唔自然~

之後, 我又試下用手機, 出嚟嘅效果雖然唔SHARP, 但個背影容易執走喎!

我好失敗囉, 學過PHOTOSHOP都冇用, 屋企冇佢個SOFTWARE 都唔知點整, 而舊年就用小畫家去攪, 1出8, 而今年呢, 就唔洗煩喇, 而家D apps真係犀利到呢, 一揀左張相, 佢就自動同你攪掂!

 

 

仲可以係屋企print埋, 真係爽到呢~~~

真係連出門口都可以慳番!

第二隻

相隔兩個星期, 第二隻係今晚都比我攪掂埋左!

上次甩第一隻時, 呢隻都只係小搖, 真係估唔到咁快就已經甩埋出嚟!

其實咁快, 我覺得係隻豬仔應該成日搵條利去撩佢攪佢, 如果唔係點會快得咁交關先!

早兩日滕滕都已經同我講好鬆, 問佢洗唔洗我同佢tick隻牙出嚟佢又話唔洗, 今晚又同我講隻牙好鬆佢覺得好辛苦! 結果今次一下一拉我就攪掂左! 今次喊都冇喊, 佢話因為完全唔痛喎!

更係啦, 上次比個工人嚇一嚇, 個工人又話佢好驚, 驚啫, 都唔洗講出口吓嘛, 你估我唔驚架, 我都驚驚地架, 但係如果就連我都驚埋出嚟, 咁個仔應該仲驚囉!  所以, 亞媽比個仔嘅勇氣真係不可以缺少!