變形變形變形~

滕滕就連超人都係啱啱冇幾耐之前先識, 雖然識但係其實佢真係都唔知係咩嚟! 咁變形金剛, 佢更加唔會知係乜東東, 我只係講係機械人嚟, 好人對負壞人!

星期五去完青衣城睇展覽, 滕滕都唔覺有d咩特別架, 但係今晚睇完戲, 就當堂唔同!

係唔係所有壞人都可以用黑色嚟代表嘅呢? 就例如黑社會咁! spiderman呢壞蜘蛛又係黑色嘅, 呢套變形金剛d壞機械人又係黑色!

一嚟係西片, 二嚟對小朋友嚟講, d內容都未必太明, 所以一路睇戲滕滕就一路問我, 結果比我隔離嗰個女人話!

其實真係好瘀, 因為滕滕真係問我好多嘢, 所以我唯有係佢想講嘢時就即刻come住佢把口, 又或者佢未問, 我就係佢耳仔邊講左先!

睇完戲我就同滕滕講上次熙媽送比佢架車, 就係Bee嚟架喇, 所以係不久嘅將來, 我應該就要同佢變形, 變做超人, 因為佢已經即時問佢老豆, 識唔識同佢變形!