已經食緊第二次藥喇, 都仲係未好, 而且條氣由尋日下午開始開始有d速速地!
食左藥, 個人好鬼死high, 乜都上唔到心, 唔知想點.............
今晚決定去睇過另外一個醫生, 希望快d好, 因為我好耐冇錫過滕滕喇!!!
2010年3月31日 星期三
我都好想玩埋一份!
原來當自己嘅仔女不段成長嗰時, 見到佢地, 真係有無窮嘅樂趣!
早嗰輪, 有段時間好鬼死熱, 中午可以去到成廿七八度, 所以就同滕滕執下d衫仔, 太厚就收埋佢, 順便就攞番d夏天衫出嚟, 我一路執落個箱到, 滕滕就一路同我攞番出嚟, 我已經一件一件咁重疊好左, 佢又同我一件一件咁摷到亂晒龍, 我一路執, 佢就一路攪, 一路摷! 係嗰個moment, 我覺得滕滕好可愛!
今日, 個工人攞左d針線出嚟整嘢, 放左滕滕係自己張床到, 滕滕見個工人冇理佢, 佢就張自己張床嗰d被、cushion 全部都掉晒出嚟, 一樣一樣咁掉左落地! 係嗰一刻, 我覺得滕滕好得意!
過左一陣, 我聽到滕滕同個工人係到大叫大嗌, 咁我就望一望個cam, 原來佢地係到玩緊伏哩哩! 係呢一刻, 我都好想玩埋一份, 但係可惜我係公司!
2010年3月30日 星期二
2010年3月29日 星期一
唔係性馮, 叫老馮吓嘛!
今日小學同學出嚟食飯, 不過就冇我份, 因為原本同滕滕去影相, 但係佢撞瘀左塊面, 影唔到, 但係影唔到唔代表我可以去, 因為我大感冒, 而家都仲high 緊!
每一次食飯都係我做統籌去邊樹食、幾時食、食幾多點, 但係做做下, 我發覺真係好難頂, 因為有d人就唔覆, 覆左嗰d(一兩個)又係到亞吱亞咗, 又話唔好食, 又話遠!
唔知係唔係我做得唔好, 所以d人先至有咁多嘢講呢? 好彩, 我發現原來唔係, 因為我唔去, 所以就比左另外一個同學去做統籌, 而呢個同學打番電話比我, 話佢好反眼, 因為其中有個煩同學又嚟料喇!
因為有個同學有張40% off 嘅 coupon係 ruby tuesday, 但係銅鑼灣冇晒位, 所以book左九龍灣, 呢個煩同學一聽到就話: "吓, 咁遠呀!" ............唔係亞嘛, 朗豪坊、青衣城你又話遠, 尖沙咀你又話唔識去! 而家德福係又話遠??? 咁不如係你屋企樓下食好唔好???!!! 好啦, 唔緊要, 如果想係hk, 咁有邊到你可以提出嚟吖! 好啦, 呢個煩同學就講左兩三個地方喇, 講完就更係叫佢bkg埋位啦, 佢咁熟! 係呢個moment, 呢個煩同學就唔出聲喇! 喂, 撥個輪有幾難先??? 意見就多多, 叫你打個電話就亞吱亞咗!
我都唔係好明呢個煩同學究竟咩事, 佢由細到大, 我都唔覺佢係咁, 但係自從佢係出面讀完書番嚟, 佢就變左係咁喇! 一個人係外國, 冇親戚, 得朋友, 係hk, 家人又少聯絡, 應該好自立先至係, 但係佢就啱啱相反, 乜都要人地做埋比佢, 就晒佢!
我真係唔係好明, 點解有d人係咁, 永遠都好似老馮咁!
2010年3月28日 星期日
飄呀~飄呀飄~ high呀~ high呀high~
結果都係頂唔順, 我病左喇! 尋日睇左醫生, 打左支針, 跟住就瞓, 瞓瞓瞓, 大昏迷, 到左夜晚八點先起身食飯! 餵完奶, 又再瞓過!
今日同尋日成day 都好high, 轉轉轉............
老公今朝先放工, 所以唯有問個工人有冇嘢做, 如果冇嘢做就唔好出去, 幫我睇住滕滕, 佢話有嘢, 不過可以等滕滕食完早飯, 佢瞓左先出去, 好, 頂到四點幾, 老公起身, 接我手, 跟住我又再瞓喇...........
個工人六點幾就番左嚟喇, 佢話見我唔舒服, 所以早d番喎!
都算佢係咁啦!
2010年3月26日 星期五
你究竟想我點呀???
因為滕滕嘅出世, 屋企就換左張皮SOFA, 因為布SOFA吸塵, 雖然可以成日洗, 但係日日抺都冇用, 因為布始終係會藏塵! 對BB嚟講都唔係咁好, 咁衛生!
不過, 換左張皮SOFA都並唔係可以解決所以嘅問題, 雖然叫個工人日日用消毒藥水去抺張SOFA, 但係就................
我都唔知可以點, 而家張SOFA比滕滕成日咬, 吞晒D皮落肚.............
2010年3月24日 星期三
改期........?!
今個星期日同下個星期一都bkg左時間去同滕滕影相!
雖然佢隻豬腳就嚟好番, 不過我尋晚番到嚟, 就見到佢塊面瘀左喇!!!
一見到我就即刻問個工人咩事啦, 佢話滕滕朝早起左身之後, 係張床到跳, 跳跳下撞左個床pan到喇, 跟住就豪哭喇! 係呢個moment, 個仔係房到豪哭, 老公一d都聽唔到, 好似死豬咁瞓到
瘀左嗰個位都唔係好緊要, 不過始終都有小小色架嘛, 咁今個星期日點去影相啫!
今日番嚟仲黑左小小, 咁點呀, 我都唔知點呀, 改唔改期呀???
滕滕豬, 你唔好咁百厭啦, 跳還跳嘛, 都唔好跳到痴左線啦, 你而家塊面瘀左, 好似比人打咁呀, 唉, 隻豬腳都未好晒又撞到, 睇見你咁樣, 係唔係想痛死我呀!
2010年3月23日 星期二
可憐的豬腳-PART III
好番喇, 好番喇, 就嚟好番喇!
雖然隻豬腳就嚟好番, 不過滕滕今日自己撞左落張床pan到, 冚瘀左塊面呀!!!
星期日如果仲未好番, 咁點影相呀???!!! 可能要delay 呀~
一拍兩散
公司呢幾年生意每況愈下, 好彩老闆有做買賣料, 如果唔係真係食屎都有份!
就係因為每年生意越嚟越少, 所以唔栽員都偷笑, 更何況係加人工吖! 因為我知道我老闆係唔會栽人嗰種人, 而佢係兩年前就同我講過真係好難頂, 如果真係要栽人, 栽淨我一個, 我會唔會同佢同甘共苦! 咁當然我嗰時唔會都講話會啦, 但係最終都係冇, 因為佢唔想另到被栽嘅人失業!
公司本身唔係有好多人, 有一個會計, under我嗰個同事+朋友, 老闆 & 老闆娘, 一共5個人! 係上個星期, 老闆問我, 話今年不如加番小小人工等大家開心下, 因為幾年冇加過人工喇, 所以佢想個會計 & 同事+朋友就每人三百, 我就五百! 佢講完就問我好唔好, 而我就第一時間話: 唔好!
其實大家都心照, 因為年年d生意真係每況愈下, 唔栽員都已經好好啦, 仲講咩加人工呀! 人人日日大部份時間係到抓腳指, 個會計朝朝早一係就煲電話粥, 一係就真係去廚房煲粥, 老闆12點番嚟就先開始開工, 有陣時老闆叫佢做OA去攞柜紙交票, 交完票四點幾就比佢放工喇! 我嗰個同事+朋友都唔使講啦, 日日都上網睇人地D cake, 一係就睇佢結婚嗰d嘢, 如果我冇嘢比佢做, 佢就抓得仲緊要個會計! 所以有時叫佢出去放單, 放完之後, 我都唔使佢再番嚟喇! 我就唔使講啦, d客不定時咁出現, 有時就忙都仆街, 有時就煩到死, 有時就閑都嘔, 基本上番到屋企都要定時定候check 住個mail, 因為d客同我地有時差, 我地放左工, 佢就係lunch 之後, 所以放左工都要check 住個mail, 因為分分鐘就係屋企覆左個mail就有單喇!
喂, 點睇要加人工, 都唔會係嗰兩個抓人啦! 佢地成日都放早, 番到公司又冇咩做, 仲話加佢地人工, 唔係呀化!!!
所以話我衰都係咁話, 我寧願唔加嗰五舊, 我都唔想佢地兩個有人工加!
2010年3月22日 星期一
你比嘢咬, 關我叉事呀?!
我已經好鬼火滾架喇, 因為滕滕生日嘅兩個星期前我已經問我個同事+朋友邊到有d "1"字 cake 係特別D嚟訂, 因為佢識整CAKE同埋有研究, 佢就答我美心、聖安娜嗰D都有! 頂你, 我問你邊到有特別D呀, 你就諗都唔諗就答我美心、聖安娜, 我夠知啦, 不過, 你識唔識"特別"呢兩個字呀!!!!!!!!
咁算啦, 唯有再問下人啦! 跟住我就係出面自己搵左一個自家制嘅, 不過呢個自家制嘅CAKE, D CAKE 部份係比較硬D, 所以係滕滕星期日生日食完個CAKE 之後嘅星期一, 我番工就問佢係唔係會咁, 佢就答我唔會, 因為佢都冇落嗰D 嘢, 個CAKE 都唔會硬! 佢一講完呢句, 佢就係佢個電腦到click左入一個blog到比我睇, 佢話嗰個人整cake 好叻, 係日本攞個獎, 而且佢好多時都係呢個人到偷師, 佢好多cake 到係係佢呢到學, 同埋呢個人都有接job嚟做!
李露媚!!!!!!!!!!!!! 我一行開左, 就火到嚟, 我之前問佢有冇d資料比我, 佢就話美心、聖安娜, 到我食埋個cake, 你就先比條link我睇, 究竟你真係個人蠢得咁交關定係專登架!!!
我好久之前係 lane crawford 買左條珠鍊, 咁我就剪散左佢, 同佢度好長度, 想整落條鐵絲到比佢結婚用(係專登整嚟借比佢), 但係因為要買d特別嘅glu去痴住頂頭頂尾嗰個位, 不過因為自己唔係可以成日出去大南西街嗰邊, 所以遲遲都未買, 而佢係兩三個月前都有問過我係唔係整條練比佢, 所以係前日我就同佢講, 如果佢得閑, 出開去就幫我係大南西街到買支glu. 一唔講就尤自可, 我一同佢講叫佢買, 佢就同我講佢亞嫂有喎, 因為佢亞嫂有整開, 所以唔使買, 問佢就得!
李露媚!!!!!!!!!!!!! 我唔叫你去買, 你都唔講, 你冇撚嘢下嘛!!! 明知我而家生左都鬼死唔得閑架啦, 見我咁忙都唔會話你買膠水就叫我幫你整!!!
你係屋企就死豬咁灘係到, 去買支膠水都唔會主動話你去買, 我整條鍊比你, 係你結婚用架, 唔係我用架!!!
呢掛濕度咁高, 成日就話你比嘢咬, 咬到幾多粒, 講咁多次, 你都係想講係我D紫羅蘭係你後面啫! 你估d蚊G係我d紫羅蘭到出嚟架, 你唔同老闆講佢嗰兩棵鐵樹生蚊G咬到你一粒粒! D蚊G淨係咬你一個, 又唔見個會計有, 又唔見我有?! 你比嘢咬, 關我Q事呀!
又大個仔左喇!
尋晚去左愉景, 因為老公終於都得閑去睇要買嘅bb車喇, 所以去探完豆鼓表弟之後, 我地就落愉景買嘢同食飯!
因為家姐叫我幫佢買支排氣管, 所以我就算便買左個杯仔比滕滕!
番到嚟, 望住隻杯仔, 我發現個仔好似又大個左咁.........而家已經用杯飲水喇!
時間真係過得好快, 好似係冇幾耐之前, 佢都仲係我個肚入面, 好似又過左冇幾耐之後, 佢就自己開始食粥仔, 又好似冇幾耐之後, 佢就開始學爬...........到左而家, 佢就開始用杯飲水, 好似我地大人咁.........!
睇住個仔一日一日咁大, 真係有d唔捨得, 唔想佢大得咁快, 但係又好矛盾, 因為好開心睇住佢大得咁快!
2010年3月21日 星期日
滕滕你好可愛呀, 點解你咁叻豬仔嘅!2010年3月20日 星期六
2010年3月19日 星期五
2010年3月18日 星期四
給公老的情信..........
老公,
今朝起身聽到新聞報導話碧咸因為腳傷唔能夠參加今年嘅世界杯...............! 世界杯? 原來四年一度嘅世界杯又嚟喇!
諗番起嗰年嘅世界杯, 我同個朋友係到飲緊嘢, 撞到個同事(即係你朋友)就同佢打聲招乎, 而呢一聲招乎就改變左我嘅一生!
第四年喇, 今年係我地一斉過嘅第四年世界杯, 因為已經係第四年, 唔知你仲會唔會同我一斉出去睇波呢?!
曾經你講過無論我摷皮摷到成個亞婆咁, 你都會錫我、攬我、拖住我!
曾經你講過無論我個樣變左一個肥婆, 你都話好可愛, 因為d肥豬肉dum 下dum 下, 好得意!
曾經你講過無論我個身材會變成點, 你都話唔會離棄我!
好開心, 你而家瞓覺嗰時仲有時會攬住我, 出街嗰時會拖住我, 但係我又想問多次, 到我60歲嗰時, 係唔係都係咁呢?!
舊年我地家庭有一新突破, 因為我地多左個滕滕豬, 呢隻豬仔攪到我地好鬼死忙, 成日都好唔得閑, 一放工、放假d時間就比晒佢, 就連我地臨瞓前嘅喁喁細語嘅時間都冇埋, 怕嘈醒佢! 所以基本上我地嘅時間就已經唔係我地架喇!
滕滕豬係上天賜比我地嘅一份禮物, 而呢份禮物, 我地足足等左三年, 係呢三年裏面, 由開始唔係好緊張, 攪到個個月都好緊張! 係嗰個時刻, 好多謝老公你無限嘅容忍, 因為我都知你有壓力, 但係又唔想比我知你唔開心, 所以每一次都好盡你嘅能力去做到最好! 我知好多時我無形咁比左好大壓力你, 但係你都處處去配合我!
多謝你! 直至滕滕降臨左係我身上, 我可以真正咁感受佢到每一日係我個肚到郁動, 我可以感受到佢係我個肚到同我容為一體, 我亦都可以感受到呢個就係我地兩個嘅結晶品..........
今年踏入第十一年喇, 十一年話長唔長, 話短唔短, 係呢十一年裏面, 大抄小抄, 乜都抄過, 就係因為有抄過, 所以我地先至可以有今時今日! 我希望到60歲嗰時, 仲係同你頂緊咀, 仲係比你話緊我嗌交唔執輸, 但係, 唯一我唔想見到嘅, 就係到時你都仲係係到跳蛇舞嚟激我囉!
老公, 再問多你一次, 到我60歲, 你係唔係仲會攬住我瞓覺呀? 仲會唔會拖住我去街先? 同埋仲會唔會錫我呢個摷晒皮嘅咀呢?!
2010年3月17日 星期三
忽然轉性!
尋日冇番工, 所以可以等老公放工番嚟同佢一斉去買餸, 去緊途中, 我同老公講我地真係要搵番d二人世界嘅時間, 因為自從滕滕出左世之後, 只係得兩個人相處嘅時間好似冇晒, 就係因為少左兩個人嘅時間去溝通, 所以感情好似淡左!
講完呢樣嘢之後, 我就又再講佢打機嘅事, 我同佢講: "講真, 我真係唔知點解一見到你埋位打機, 我d火就爆爆聲咁起, 而且仲好想"中"你!
講完之後, 老公冇問我點解, 佢只係係到笑!
因為時間緊迫, 過一陣佢又要番工, 所以番到去之後就即刻食飯! 食完飯, 佢冇去打機, 再過一陣, 佢都冇坐埋去! 因為佢要我同佢打篇嘢去電信局到投訴, 所以我幫佢打完之後, 我就行去同滕滕玩! 當時只有半個鐘佢就要番工, 咁我亦都諗佢一定點到死埋去打兩舖先行人, 但係出奇地佢居然過嚟同滕滕玩波波喎!
佢唔打機? 我真係唔係好信? 但願佢真係可以打少d!
2010年3月16日 星期二
可惜我是人馬座..........
人馬座（十一月二十三日～十二月二十二日） 天生愛好自由, 不受束縛, 不受監視, 不愛交代, 不喜歡有人煩。喜歡轟轟烈烈的愛情 樂觀、坦率、自尊心強、喜歡自由與戶外生活，十分好奇，為 了追求知識及獲得新奇經驗，愛做遙遠冒險的旅行。頗富直覺 與鼓舞他人的力量，有處理緊急事務的才能，心思運轉很快， 往往將精力分散於多樣事務，而不願集中在單一目標。
2010年3月14日 星期日
Happy Birthday to my lovely baby- II
今日滕滕1歲生日喇, 食完早奶, 我就抱左佢瞓係我隔離, 因為我好攰想瞓多一陣, 所以滕滕都好叻仔, 倍我瞓到成10點先起身!
我一見佢瞓醒起身坐左係到, 我就第一時間唱左隻 Happy Birthday歌仔比佢聽, 一路唱佢就一路笑住咁對住我跳舞! 雖然我知佢唔知我做緊咩, 但係睇見滕滕咁開心嘅樣, 幾攰都要身起喇, 因為佢想起身玩呀~
今日中午老爺奶奶、亞媽都入左嚟同滕滕玩, 玩都5點幾, 我地就出去喇, 因為bkg左枱六點食飯!
呢個cake 就係特登訂架, 不過可能我同爸b期望過高, 攞左番嚟都覺得個款油麻地咋, 因為個"1"ok呀, 但係旁邊個bb就顯得好細囉, 同埋如果個bb係坐係到, 唔係瞓係到就仲好喇! 仲有呀, "HIN HIN"個名唔係好起眼囉! 唔知係唔係我地期望過高呢, 一見到個cake, 我地有小小失望囉!
影呢幾張相, 滕滕好唔合作呀, 一係就唔望住, 一係就係到喊, 氹左幾耐都唔彩呀!
番到屋企就好好多喇, 因為可能頭先坐得耐唔耐煩呀, 所以番左去自己個地頭到, 就唔同晒喇! 成個人好似痴左線咁, 又叫又嗌!
不過後嚟入左D相係部 notebook 之後, 發現點解亞公亞婆冇同滕滕影過相架!!! 有冇攪錯, 唔公平呀~!!!
2010年3月13日 星期六
咩事先?! 係唔係好悶呀?!
我發現滕滕上兩個星期已經開始唔係好鐘意食粥仔, 一見到碗粥係, 都唔係好似之前咁, 渴住嚟要食, 反而見到就寧轉個頭!
而呢排就仲大獲, 要比玩具佢、氹佢, 分散佢注意力佢先肯食! 同埋見到碗粥, 好似見到藥水咁! 聽人講話bb到一歲左右就開始唔鐘意食粥仔, 唔通.........真係咁?
滕滕, 你唔好咁啦, 食粥仔係唔係食到好悶, 不如開始比飯仔你食吖?
2010年3月12日 星期五
Happy Birthday my lovely baby-I
今晚契妹入嚟同滕滕預祝 1 歲生日!
睇下滕滕個樣就知佢唔知我地係到做緊咩啦, 不過唔知出年會唔會知道呢?
契e 買左個車車cake、外套、口水牌同埋一對波鞋比滕滕, 又買左個吊咀比我, 老公問契妹仲咩買禮物比我喎?!
仲使問!!! 更係啦, 因為我生得滕滕咁辛苦, 所以契妹買埋禮物比我囉!
你睇下, 你睇下, 老公, 點解你咁冇心肝架!
呢個豬仔仲懵成成, 吹蠟燭又唔知, 吹左都唔知!
契e好快d結婚喇, 因為滕滕出年想收你地封利是呀!
呢d就係契e送嘅禮物喇!
著左上身, 睇下幾靚仔, 最緊要就係唔好仲似爸b個樣咁, 一個懵樣嘛!
係唔係成個運動健將咁呢!
2010年3月11日 星期四
好囉, 安落晒喇!!!!!!
因為已經confirm 左兩樣嘢喇, 第一樣係好重要嘅, 就係滕滕個生日cake, 我好期待, 因為個cake 係係上網人地推介, 係自家制嘅, 而呢對拖友, 個男朋友係以前係TCBY到做整cake 嘅師傅嚟! 我已經confirm左個款, 希望星期日到時見到會好靚啦!
第二樣就係滕滕嘅做形照! 我bkg左兩間, 一間係"FACE", 我buy呢間嘢係因為我一路都希望同鐘意影d比較natual /家庭feel 嘅相, 所以我就決定撰佢! 而另外一間就真係影有做形架喇, 呢好似什麼扮消防員、 機私呀嗰d, 因為呢間係個blog友(熙媽, 多謝你嘅推介)個價錢好底, 所以點都要滕滕扮下嘢、戇居下都要啦!
好囉, 而家仲有BB車要睇, 不過睇嚟都可能有排.......
2010年3月10日 星期三
好開心, 因為終於可以買到喇!
今日終於買到我想買嘅50D喇, 終於真係買到喇! 好多謝我嘅朋友亞寶倍我去, 仲幫我配埋我應該要配嘅配件同埋一本書!
不過我真係諗都冇諗過買部相機, 係要買個防潮箱/柜架, 買相機配件唔緊要, 因為我都預左, 但係要買個箱/柜去放個相機我就真係冇預料到, 因為我諗住好似亞爸以前咁, 放係個 drawer 就得囉, 原來係唔好架, 如果想個相機keep 得好d!
我仆街呀~
因為明晚約左個朋友去買相機, 所以今晚見咁早, 所以就預備定星期四晚dinner 嘅嘢, 因為有契妹入嚟同滕滕慶祝birthday!
我已經攞左個大個嘅環保袋去, 所以就好貪心咁買左8罐可樂, 4pack 紙包飲品, 同埋加加埋埋有成78罐罐頭! 因為實在太重, 未放晒d嘢入去個環保袋到, 個袋已經發出左d爆線聲, 所以唔想攞車仔都唔得!
而家百佳d車仔我諗已經全部都好似jusco咁係加個籃上去, 其實佢換左呢d車仔, 係好推過舊款嗰d, 因為比較輕巧.....如果係supermarket裏面用! 不過, 可惜我今次要借番屋企, 因為我實左買左太多嘢喇!
首先架車仔對前輪係比後面對輪係比較埋, 而街嘅地下係一舊舊大磚, 所以係我推緊架車之際, 突然click 到其中一舊高左嘅磚, 跟住架車仔就向前反, 而我就差d跟埋一斉仆, 雖然係差d, 但係上5寸下5寸嗰個位就已經踢到架車仔到!
2010年3月8日 星期一
亞媽生錯左我!
老公已經做左呢份工有幾年, 而呢份工係要on-shift 架, 就係因為要on-shift, 所以我好enjoy佢要番工嘅日子, 因為我可以成日搵朋友食飯, 如果佢唔使番工, 我地都好enjoy一齊嘅時間, 因為唔係成日可以見到!
就係因為咁, 所以係未生滕滕之前嘅其中一年嘅過年前, 我就同老公去買左d油番嚟, 全屋番新, 唔係一齊番, 而係我自己一個人全屋番! 除左個天花、廁所同廚房之外, 個廳同d房, 都係我自己一個攪掂!
因為之前個工人貼左張"ABC" 係個牆到, 所以當滕滕扯左出嚟之後, D油就更係一齊甩埋出嚟啦! 而且我又見今個星期有朋友嚟屋企, 同滕滕慶祝生日, 所以我就襯住星期日就批左D灰係個牆到, 等到今晚, 見到D灰已經乾晒, 就預備批番滑佢, 油番D油上去! 老公一見我預備攞個吸塵器出嚟, 就知我想點, 但係佢就第一時間就叫我唔好整住, 因為佢想打機!
我都唔明, 佢仲有十幾分鐘都要番工出門口架啦, 都仲想打! 所以我第一時間就同佢講, 已經唔係叫你做, 你都仲叫我唔好做?! 我唔做, 係唔係要我等你十年呀?! 所以二話不說, 我都唔理佢, 照預備我想做嘅嘢! 因為油油我想等滕滕瞓左先油, 所以只係批左D灰先啫, 批完, 我就同個工人講: "由明天開始, 你就叫我先生, 而先生呢, 你就叫佢做太太啦!" 講完, 老公就係到笑喇!
廁所個天花, 係滕滕未滿月, 我就已經叫佢叫人整(整個假天花), 而家滕滕就嚟 1 歲, 到而家都未整! 佢嘅解釋就係話佢想自己整喎! 自己整? 除左電轉我係唔識用之外, 其餘屋企嘅嘢, 我都可以自己攪掂, 如果我識用電轉, 我諗廁所個天花, 我就唔使等佢囉!
2010年3月7日 星期日
這個大頭蝦媽媽!
呢個星期日, 滕滕就1歲喇, 但係之前我仲約左人喎, 真大懵!!! 我唔係唔記得佢生日, 而係好似都唔覺佢咁快就1歲! 係舊年嘅而家, 我仲係番緊工, 仲係唔想佢咁快出世, 因為我真係好enjoy佢係我個肚嗰種feeling!
雖然陀住佢係好辛苦, 仲好重, 但係我真係想feel耐d係佢我個肚嗰時嗰種感覺, 因為唔知呢世人仲會唔會有第二次! 如果好彩又有左, 咁就可以再feel多次, 但係如果個天只係比滕滕一個我, 咁呢種feeling, 就永遠都係我個惱入面回憶!
而家有時諗番起, 如果唔係係地鐵遇到個八婆, 唔知滕滕會遲多幾時出世呢? 就係呢個八婆, 攪到滕滕出世嗰時得嗰6磅9, 如果滕滕足40週, 應該最少有7磅半囉!
?!2010年3月6日 星期六
2010年3月5日 星期五
垃圾!
今晚同個朋友係上環寶湖金宴(酒樓), 以為諗住會OK啦, 嘩, 點不知入左間黑店喎!!!
一入到去, 我地打算食海鮮為主, 所以一坐低我地第一時間就想叫蟹、蠔, 不過佢地就第一時間就話冇!
咁好啦, 佢地嗰到有D推介好似真係好平, 有片皮鴨($38), 有魚翅($18), 另外仲有一樣特價我就唔記得, 因為冇叫, 只係叫左呢兩樣! 另外我地仲叫左豆鼓蟶子王, 椒鹽九肚魚, 兩客乜鬼南非鮑魚, 同埋椒鹽中蝦!
埋單要$498, 但係我估唔到我今餐食垃圾囉!
因為我第一次食片皮鴨, 我唔知係唔係一定要係油先好食, 因為一放入口, 成口都係油, 而且一路食, 就好似一路係到飲油, 仲有, D鴨送到嚟枱都已經凍晒, 食完第一件, 我已經唔想再食第二件!
魚翅, 好彩18蚊咋, 但係如果比我再撰, 我會撰街邊嗰D食囉, 起碼D餸一定多過佢, 所以講真18蚊我都嚴佢貴!
什麼蟶子王, 連飲酒嗰d咩珊瑚蚌、桂花蚌都不如, 又細隻, 又唔彈牙, 仲要叫蟶子王!殼
嗰兩客乜鬼南非鮑魚, 預左佢細隻就更架喇, 但係估唔到細隻得咁緊要囉, 而且又冇嚟味道!
嗰碟椒鹽中蝦就仲離譜, 因為佢講明係游水, 但係食食下我地發現d蝦應該係雪藏囉! 點解, 因為我地發現d蝦殼唔離, 而且蝦頭嗰個位, 仲係未熟, 應該係係雪柜攞出嚟煮, 但係又煮唔得透囉!
成晚, 最正常應該係碟椒鹽九肚魚! 唔係特別好味喎, 而係其他樣樣都唔得, 所以先顯得呢樣係ok咋!
仲有, 嗰到個個d 伙計個個都冇禮貌, 而且仲要好似話你好叫佢做嘢咁!!!
所以嗰到d嘢食同埋伙計, 跟本全部都係垃圾!!!!
垃圾!
今晚同個朋友係上環寶湖金宴(酒樓), 以為諗住會OK啦, 嘩, 點不知入左間黑店喎!!!
一入到去, 我地打算食海鮮為主, 所以一坐低我地第一時間就想叫蟹、蠔, 不過佢地就第一時間就話冇!
咁好啦, 佢地嗰到有D推介好似真係好平, 有片皮鴨($38), 有魚翅($18), 另外仲有一樣特價我就唔記得, 因為冇叫, 只係叫左呢兩樣! 另外我地仲叫左豆鼓蟶子王, 椒鹽九肚魚, 兩客乜鬼南非鮑魚, 同埋椒鹽中蝦!
埋單要$498, 但係我估唔到我今餐食垃圾囉!
因為我第一次食片皮鴨, 我唔知係唔係一定要係油先好食, 因為一放入口, 成口都係油, 而且一路食, 就好似一路係到飲油, 仲有, D鴨送到嚟枱都已經凍晒, 食完第一件, 我已經唔想再食第二件!
魚翅, 好彩18蚊咋, 但係如果比我再撰, 我會撰街邊嗰D食囉, 起碼D餸一定多過佢, 所以講真18蚊我都嚴佢貴!
什麼蟶子王, 連飲酒嗰d咩珊瑚蚌、桂花蚌都不如, 又細隻, 又唔彈牙, 仲要叫蟶子王!殼
嗰兩客乜鬼南非鮑魚, 預左佢細隻就更架喇, 但係估唔到細隻得咁緊要囉, 而且又冇嚟味道!
嗰碟椒鹽中蝦就仲離譜, 因為佢講明係游水, 但係食食下我地發現d蝦應該係雪藏囉! 點解, 因為我地發現d蝦殼唔離, 而且蝦頭嗰個位, 仲係未熟, 應該係係雪柜攞出嚟煮, 但係又煮唔得透囉!
成晚, 最正常應該係碟椒鹽九肚魚! 唔係特別好味喎, 而係其他樣樣都唔得, 所以先顯得呢樣係ok咋!
仲有, 嗰到個個d 伙計個個都冇禮貌, 而且仲要好似話你好叫佢做嘢咁!!!
所以嗰到d嘢食同埋d伙計, 跟本全部都係垃圾!!!!
2010年3月2日 星期二
可唔可以唔係我做呀?!
我都唔明, 點解D 舊同事 gathering 係我做leader, D舊同學gathering, 又係我做leader!
我唔想做攪手呀, 又要約幾時食, 呢個一陣又話嗰日唔得, 嗰個一陣又話嗰時唔得, 又要夾時間, 又要搵地點, 一陣呢個又話嗰到好遠, 嗰個又話唔就腳! 其中有班同學唯一有一個係香港住, 又話佢過海好遠喎, 連朗豪坊佢都話唔就腳喎! 好啦, 另外班舊同事就好d, 因為得我一個住新界, 其他全部都係香港、九龍住, 所以如果約係銅鑼灣、灣仔就ok啦, 但係老尖就唔好喇, 因為有人唔識尖沙咀喎!
最慘就係d人係e-mail同fb到唔覆! 一定要打電話比佢地!
喂, 可唔可以以後唔係我做呀, 我真係真係好唔想做攪手呀!
2010年3月1日 星期一
我都唔明點解有d人可以咁煩!
呢條女不嬲都係神化就係人都知, 不過煩到咁我就真係唔係好頂得順!
呢條女係我老公舊公司d同事, 頭頭尾尾都已經識左10年, 就算大家已經離開左嗰間公司, 都有個 leader keep住搵埋一斉出嚟食飯見下面架, 而大多數我地係係屋企出去嗰時, 都會兜埋佢, 因為嗰條女住係同區, 咁當然佢會打比我地, 叫我地同埋佢一斉出去啦!
因為上星期六又有gathering, 咁車埋佢唔係一個問題, 但係我都唔明點解次次都係人地入埋佢個屋苑, 去埋佢樓下等呀! 你估我地係你條仔咩??????
好啦, 入埋去個屋苑, 係埋佢樓下等都不特止, 仲要遲到!!!!!!!!!!! 之前係電話到, 我已經聽到老公同佢講, 叫佢爽! 爽呀, 仲唔明, 唔撚係亞化!!!! 仲要遲到, 喂, 你冇撚嘢嘛!!!!! 你好唔好意思架!!!!!!!!!!!!!! 你估我地係你條仔咩??????
講真我同我老公已經唔係好alike, 但係我都唔係好明, 點解老公唔叫佢係門口等!!! 好啦, 去到紅隨要比錢過海架啦, 兩回兩程, 佢一d都唔醒目, 人地車埋你出出入入, 醒少少, 比一程都好吖!!!!!!! 你估我地係你條仔咩??????
我都未見過d人咁唔醒撚目, 下次如果又食飯, 我一定同佢講我地嗰日係九龍, 叫佢自己去!!!
成12點幾番到屋企, 無啦啦條女點幾打電話嚟, 話佢個電話留左係我地架車到喎! 痴九線架, 點幾打嚟, 你嘈醒左我個仔, 我真係唔知小你好唔好, 係唔係有病呀!!!!!!!!!!!!!!!!!!!!! 你唔係想叫我老公點幾落樓,幫你睇下係個電話係唔係架車到呀, 你忽上惱呀!!!!!!!!!!!
嘩!!!條女真係好撚好撚煩呀, 頭先又打嚟, 話佢個電話好趕攞番, 問我老公可唔可以放左工, 去佢屋企比番佢喎!!!!! 你話, 你話呢d 咩人嚟架, 撚到人都唔知, 仲要好似唔覺得煩到人, 唔怪得佢條仔都頂佢唔順, 要同佢分手啦!!!!!
我同我自己講, 以後出去都唔使指意我地車埋佢呀!!!
訂閱：
文章 (Atom)