今日滕滕1歲生日喇, 食完早奶, 我就抱左佢瞓係我隔離, 因為我好攰想瞓多一陣, 所以滕滕都好叻仔, 倍我瞓到成10點先起身!
我一見佢瞓醒起身坐左係到, 我就第一時間唱左隻 Happy Birthday歌仔比佢聽, 一路唱佢就一路笑住咁對住我跳舞! 雖然我知佢唔知我做緊咩, 但係睇見滕滕咁開心嘅樣, 幾攰都要身起喇, 因為佢想起身玩呀~
今日中午老爺奶奶、亞媽都入左嚟同滕滕玩, 玩都5點幾, 我地就出去喇, 因為bkg左枱六點食飯!
呢個cake 就係特登訂架, 不過可能我同爸b期望過高, 攞左番嚟都覺得個款油麻地咋, 因為個"1"ok呀, 但係旁邊個bb就顯得好細囉, 同埋如果個bb係坐係到, 唔係瞓係到就仲好喇! 仲有呀, "HIN HIN"個名唔係好起眼囉! 唔知係唔係我地期望過高呢, 一見到個cake, 我地有小小失望囉!
影呢幾張相, 滕滕好唔合作呀, 一係就唔望住, 一係就係到喊, 氹左幾耐都唔彩呀!
番到屋企就好好多喇, 因為可能頭先坐得耐唔耐煩呀, 所以番左去自己個地頭到, 就唔同晒喇! 成個人好似痴左線咁, 又叫又嗌!
不過後嚟入左D相係部 notebook 之後, 發現點解亞公亞婆冇同滕滕影過相架!!! 有冇攪錯, 唔公平呀~!!!
你老公最後都可以放假呀?真開心呀
回覆刪除[版主回覆03/15/2010 14:38:00]係呀, 最終都有人同佢掉喇, 不過一掉要掉埋星期六, 所以佢好鬼攰囉!
為咗bb係值得嘅，咁你老公送咩比你呀?
回覆刪除[版主回覆03/15/2010 15:41:00]我老公冇送嘢比我喎, 因為佢話佢已經送左滕滕比我喇!
你同你老公講，係媽媽受難節黎架
回覆刪除[版主回覆03/15/2010 16:01:00]雖然生嗰一刻係好痛, 但係過後左諗番起都唔算係d 咩喎, 因為可能我係私家生, 唔使受咁耐苦啦, 但係就算再痛耐d, 我覺覺得只係嗰一兩日啫, 更何況唔係人人可以有呢種經歷喎, 所以如果再叫我生, 我都會, 因為我都想痛多一次 ! 但係唔知我講完之後, 下次會唔會lai嘢呢!
私家醫院生幾錢呀?
回覆刪除[版主回覆03/15/2010 16:38:00]我嗰個醫生價錢好合理架, 我順產都係三萬蚊咋! 同埋我嗰個dr好有醫生, 個人又溫柔, 又和藹, 又細心, 而且仲好有愛心架, 所以做佢老婆應該好幸福, 因為佢真係好好好好人架!
咁又ok喎，最重要係醫生好
回覆刪除[版主回覆03/15/2010 16:58:00]係呀, 真係算好合理架, 個dr仲要咁好, 我下次生都一定會搵番佢架!
我記得，Dr.Fan嘛
回覆刪除[版主回覆03/15/2010 23:38:00]係呀! 係呀!
滕滕 Happy Birthday!
回覆刪除祝滕滕身體健康, 高大長大, 聽晒好媽媽的一切說話~
[版主回覆03/17/2010 09:46:00]多謝多謝! 我都希望佢第日聽晒我話呀!