今日冇番工, 因為BKG左同滕滕去打針, 不過今日終於冇打針, 因為要去睇醫生, 因為佢隻豬腳變左做熊掌............呀 
尋日朝個工人已經同老公講話滕滕隻腳比嘢咬架喇, 最初都係一點點, 但係我尋晚番到嚟已經腫起一舊舊, 而且出晒水泡!
瞓到半夜兩點幾, 滕滕隻腳就痕到醒左, 係到大喊大叫呀! 睇見佢對腳互擦, 痕得好緊要咁, 真係好心痛!
所以今日打針都冇去, 就去左睇醫生!
睇到隻豬腳, 已經好心痛喇, 佢尋晚勁喊嗰時, 我就知佢勁痕喇!
真係陰公喇, 我嘅滕滕豬!
醫生話滕滕係比D昆蟲咬, 而且過敏喎!
D衰蟲真係衰, 咬成滕滕咁, 姨姨幫你打瓜D蟲
回覆刪除[版主回覆03/17/2010 09:44:00]可能滕滕平時成日咬人, 所以隻嘢咬番佢夠本呀!
嘩~咬到咁~~~~~有冇藥膏搽呀?
回覆刪除[版主回覆03/17/2010 09:44:00]睇左dr喇!
佢係邊到野到啲蟲吖，係咪前幾日潮濕，吽咗啲蝨出黎呀
回覆刪除[版主回覆03/17/2010 10:35:00]星期一一起身,個工人已經同我老公講佢比嘢咬架喇, 跟住我諗諗下, 可能佢生日嗰晚係稻香食飯咬架, 因為坐坐下佢周身郁唔自在, 所以我估係係嗰時咬囉!
真係陰工，咬到咁
回覆刪除[版主回覆03/17/2010 12:46:00]係呀, 佢d肉痛, 但係我個心仲痛呀!
睇到都心痛呀! 咬成咁...............
回覆刪除就黎天氣又熱返, 勤d 幫滕滕換紗布, 唔係流汗淹住好辛苦架~
[版主回覆03/17/2010 12:48:00]而家都過兩三個鐘同佢換一次紗布架, 因為d 水泡爆左, 會不停流水出嚟, 所以避免發炎, 都要換密d!
個人話頭先換紗布嗰時, d水泡乾乾地水喇, 所以希望快d好啦!
陰公豬,咬到咁,睇到都心痛.
回覆刪除[版主回覆03/17/2010 12:48:00]簡直係赤赤痛啦!
陰功豬囉 我初初仲以為係比嘢 "陸親" ... 今日好翻啲未吖？
回覆刪除[版主回覆03/18/2010 00:25:00]今日好左喇, D水泡已經收左水喇, 最衰都係D 死人嘢咬到滕滕咁囉!