我已經好鬼火滾架喇, 因為滕滕生日嘅兩個星期前我已經問我個同事+朋友邊到有d "1"字 cake 係特別D嚟訂, 因為佢識整CAKE同埋有研究, 佢就答我美心、聖安娜嗰D都有! 頂你, 我問你邊到有特別D呀, 你就諗都唔諗就答我美心、聖安娜, 我夠知啦, 不過, 你識唔識"特別"呢兩個字呀!!!!!!!!
咁算啦, 唯有再問下人啦! 跟住我就係出面自己搵左一個自家制嘅, 不過呢個自家制嘅CAKE, D CAKE 部份係比較硬D, 所以係滕滕星期日生日食完個CAKE 之後嘅星期一, 我番工就問佢係唔係會咁, 佢就答我唔會, 因為佢都冇落嗰D 嘢, 個CAKE 都唔會硬! 佢一講完呢句, 佢就係佢個電腦到click左入一個blog到比我睇, 佢話嗰個人整cake 好叻, 係日本攞個獎, 而且佢好多時都係呢個人到偷師, 佢好多cake 到係係佢呢到學, 同埋呢個人都有接job嚟做!
李露媚!!!!!!!!!!!!! 我一行開左, 就火到嚟, 我之前問佢有冇d資料比我, 佢就話美心、聖安娜, 到我食埋個cake, 你就先比條link我睇, 究竟你真係個人蠢得咁交關定係專登架!!!
我好久之前係 lane crawford 買左條珠鍊, 咁我就剪散左佢, 同佢度好長度, 想整落條鐵絲到比佢結婚用(係專登整嚟借比佢), 但係因為要買d特別嘅glu去痴住頂頭頂尾嗰個位, 不過因為自己唔係可以成日出去大南西街嗰邊, 所以遲遲都未買, 而佢係兩三個月前都有問過我係唔係整條練比佢, 所以係前日我就同佢講, 如果佢得閑, 出開去就幫我係大南西街到買支glu. 一唔講就尤自可, 我一同佢講叫佢買, 佢就同我講佢亞嫂有喎, 因為佢亞嫂有整開, 所以唔使買, 問佢就得!
李露媚!!!!!!!!!!!!! 我唔叫你去買, 你都唔講, 你冇撚嘢下嘛!!! 明知我而家生左都鬼死唔得閑架啦, 見我咁忙都唔會話你買膠水就叫我幫你整!!!
你係屋企就死豬咁灘係到, 去買支膠水都唔會主動話你去買, 我整條鍊比你, 係你結婚用架, 唔係我用架!!!
呢掛濕度咁高, 成日就話你比嘢咬, 咬到幾多粒, 講咁多次, 你都係想講係我D紫羅蘭係你後面啫! 你估d蚊G係我d紫羅蘭到出嚟架, 你唔同老闆講佢嗰兩棵鐵樹生蚊G咬到你一粒粒! D蚊G淨係咬你一個, 又唔見個會計有, 又唔見我有?! 你比嘢咬, 關我Q事呀!
你個朋友真係好撚得呀，呢啲人割蓆啦
回覆刪除[版主回覆03/24/2010 11:28:00]我份人真係唔夠狠, 如果唔係一早就割左啦!
呢啲咁嘅自私精，你就唔好事事上心啦
回覆刪除[版主回覆03/24/2010 12:04:00]如果我唔當佢係朋友, 我就唔會囉, 就係因為當佢係, 所以個人先會咁嘛!
咁朋友都有好多種架嘛，狠狠地話下佢，等佢知自己蠢
回覆刪除[版主回覆03/24/2010 12:30:00]如果唔係日日都見到, 我都會話佢嘅, 但係而家日日都對住, 我就唔想喇!
總之就係自己錯左喇, 叫左佢嚟做!
咁點算呀，你老闆又唔炒人，佢又唔會自己走喇，你咪要對住佢..............成世?
回覆刪除[版主回覆03/25/2010 13:11:00]係呀, 大家等退休呀!
你血壓ok嗎?日日對住D咁嘅蠢人, 唔怪之得你話想要D蠢人藥喇~
回覆刪除[版主回覆03/25/2010 13:13:00]我都唔知佢真蠢定假蠢, 總之就反爆雙眼啦!
我之前係msn個status講過: 都唔知係唔係fd 嚟架, 明知我想要d資料都唔比我!" 咁佢呢個星期都有再比d cake 嘅資料我呀! 你話係唔係真係比佢吹到pang pang 聲吖, 而家先比我, 有QX用咩!!!