今日中午約左表姐去飲茶, 飲茶之前同滕滕更係要換左條新片先出去啦, 一路換個曵豬就一路反身, 已經唔可以好快咁換好去喇, 所以我就攞住條揹帶同佢講: "你望下呢條係咩嚟, 你認得佢架, 你仲唔快d比媽me同你換左條片片佢, 快d去街街!"
講完之後, 佢就冇咁郁, 咁我就放左條揹帶係佢個身上面, 繼續同佢換片, 我一路同佢抺個肥pat嗰時, 滕滕居然自己隻手係到第下第下, 郁下郁下, 係到穿下穿下穿落條揹帶喎!
咁當然佢更係唔識穿啦, 但係當佢自己以為穿好左之後, 佢第起雙手, 叫我抱佢呀!
滕滕你好可愛呀, 點解你咁叻豬仔嘅!
而家D細路好醒架, 我每次攞條咩帶出嚟, 熙熙就知道有街去, 每次同佢著鞋, 佢只係想第一時間掉咗佢!
回覆刪除[版主回覆03/22/2010 16:09:00]睇見佢地每一日都係到成長, 我地已經好開心喇!
好想出街喎~~~
回覆刪除[版主回覆03/23/2010 11:12:00]係呀, 因為佢一出街就尖叫架喇!
係喎, 想問你幾日架喇, 做咩換咗滕滕張咁戇居嘅相上嚟呀?
回覆刪除[版主回覆03/25/2010 13:07:00]因為之前執緊佢d相, 睇到呢張又笑左出嚟, 所以就換左呢張上去囉!
佢個樣之所以咁, 係因為佢老豆坐左係佢隔離, 咁滕滕跟住個樣就啤住佢喇! 所以我地大家都話滕滕應該係到諗: "你想點呀?!"
滕滕真係深得你嘅真傳喎~
回覆刪除