攪掂!

好朋友係滕滕出左世半年到, 搵人係加拿大帶左份禮物比我! 直到今時今日, 我先攪掂左咋!

雖然搵相係煩, 但係原來整啱size去晒, 唔止煩, 仲要係幾難!  因為搵到張相之後, 仲要cut到張張個頭差唔多大先可以攞去晒! 唔整都唔知原來有難度!

唯一唔夠完美, 就係d顏色, 如果可以真係想執執d顏色同光暗先去晒就仲好! 不過, 可惜我冇咁多時間同精力!

同埋, 整左d相上去, 先發現成個相架個 color 好dry, 一d都唔sharp, 相唔執唔緊要, 但係唔攪攪個相架d顏色, 真係過唔到自己..........

唔比面啦~

隻豬兜, 真係冇一日冇做錯嘢, 日日都總有最少一次! 其實唔做錯嘢, 乜真係好難架??? 可能對一個正常人嚟講就唔係好難, 但係對一個豬兜嚟講, 可能真係唔係咁容易!

尋日開張單, 我專登搵番舊單D item差唔多嘅, 等馮小姐唔使再專登搵番d shipping marks整張生產單! 佢個人真係聰明, 張個客所有special 嘅 shipping marks改過晒佢做我廠standard 嘅 shipping marks! 一見到, 當堂要真係拍手掌咁, 邊有人豬乸得咁緊要架!!! 睇到咁, 我就第一時間出大廳, 好大聲咁同佢講, 我搵番張差唔多嘅單去save as呢個新單比你去做生產單, 就係費事你去搵個客d special shippings, 唔想你又做錯嘢, 而家你張d shipping marks改番晒做standard嘅, 咁我使乜搵番張差唔多嘅舊單改嚟比你睇! 你搵一日唔做錯嘢得唔得架?!  講完, 舒服晒~

尋日我只係卦住佢錯左嘅shipping marks, 有d嘢check漏左, 今日廠就打嚟問個出貨日, 原來隻豬兜打左5月15, 但係其實出貨要係4月15! 幾大獲吖! 所以今日我又好大聲話佢, 張生產單今次大錯, 仲錯嚟好離譜, 因為佢打遲左一個月出貨! 嗱~ 我今次堅大聲架, 老闆一定聽到架!

我知老闆一定聽到, 但係佢冇問番我咩事, 因為我咁大聲, 已經代表左係話比佢知, 隻豬兜又錯喇!

而家, 我唔比面喇, 之前佢做錯咩就係msn到話佢叫佢改, 而家, 我唔會咁做, 我要佢係人地面前樣衰!

咁解咁都得???

嗰日同老闆抄完一輪, 放工番到屋企, 老公同我講滕滕將個窗簾拉左落嚟~! 個窗簾好彩唔係一條通, 係我地係宜家到買左右兩個臂, 用條"威也"嚟當條通咁張d窗簾穿住!

滕滕扯左d窗簾落嚟, 攪到條"威也"都段埋! 點解"威也"都可以扯段埋, 究竟我個仔食咩架???

知道佢扯左個窗簾落嚟 , 我都唔知點解, 我唔想再鬧佢

冇心機~

今日, 心情唔好, 請左半DAY病假! 其實原先係請大假, 因為滕滕學校有活動, 不過尋日比人訓話完, 當堂今日冇心機, 唔想番工!

其實真係連下午都唔想番, 不過如果唔番, 就擺明擺得太明顯喇, 如果咁, 老闆真係可能會嬲我!

唔知點解, 我有D怕老闆會嬲我, 因為佢1年365日都日日笑晒口, 如果佢嬲得我, 就證明佢真係好嬲!

我反覆自問我自己有冇做錯, 可惜, 我真係一D都唔覺得自己有問題, 同埋亦都唔覺有D咩錯! 可能錯就係錯左老闆佢本身大男人主意, 一定要人聽晒佢講!

我條氣今日都仲係唔多順, 不過, 我唔會因為尋日嘅問題而唔做嘢, 就算因為尋日嘅問題, 我仍然都會係屋企check住d mail(幾鬼賤骨頭, 唔做唔安落嗰隻), 而只係唔會即時覆, 除左個大客之外!

直到頭先放工, 我先攞張病假紙比老闆簽, 佢見到我, 亦都好似當冇事發生咁(不過感覺有d尷尬), 雖然如此, 但係種氣氛唔多好! 

til 那星, 痴九線!!!!!!!!!!!!!! 都5乸係正常人黎架！

今日放工同老闆又再傾馮小姐問題, 結論係:

痴九線1: 老闆話一動不如一靜, 如果抄左佢再請番個人番嚟, 嗰個人可能冇馮小姐咁蠢咁順灘, 唔會比我點佢行就行企就企, 如果請左個新人番嚟, 我又係覺得佢有問題仲要頂喉頂肺, 結果又要換, 到頭來我又要TRAIN過個新, 咁辛苦嗰個會係我----> 唔該晒! 請佢番嚟時, 已經一早講左佢要做d乜架啦, 如果唔係唔通請佢番嚟坐架!

痴九線2: 老闆話馮小姐雖然蠢, 但係蠢又蠢嘅好處同可愛, 因為無論我叫佢做咩佢都第一時間去做, 點佢去寄版就去, 點佢去放單就去, 真係行就行企就企, 就例如佢每日下午中午都幫我洗埋米煮埋飯----> 唔該晒囉, 但係佢洗米, 我係要洗碗架, 唔撚係咩我都要佢做晒, 尤其係私事!

痴九線3: 老闆話馮小姐雖然係蠢得嚟爻咀, 但係佢本身跟本就唔係我嗰皮, 同我個level跟本就唔同差好遠,佢頂我咀跟本就唔會對我有咩威脅, 所以叫我尤九得佢頂, 當係拗下咀會冇咁悶----都係唔該晒囉, 比人鬧頂當就當係拋下咀吹下水, 睇下出面邊有工做錯嘢仲要爻咀唔撚洗比人小架, 都痴交線!

痴九線4: 老闆話因為我同馮小姐能力相差的太遠, 所以就因為我能力太高, 所以我應該係可以適當地去調好自己, 用正確態度去對馮小姐, 再加上馮小姐個人低得咁緊要, 跟本就唔可以配合到我, 所以而家跟本就係我問題! ----> 多謝晒! 咁係唔係即係以後我當佢低能兒童咁看待呀???

痴九線5: 老闆話我明知馮小姐個人咁低, 個胸襟就要廣闊d去接受佢容納佢, 同埋, 係因為我本身心情唔好, 所以睇見佢做咩都唔順眼, 但若然如果我個胸襟可以包容到佢(智商咁低), 咁佢做錯左咩都跟本唔係一回事! ----> 咁我想問, 如果既然知道佢而家越嚟越有問題, 跟本我唔需要比11000佢! 當佢低能兒童咁比二三千一個月佢就得啦!

痴九線6: 老闆話馮小姐因為知道自己個能力有幾低, 所以做錯d咩就一定比我捉到, 咁一路係咁, 馮小姐對住我就越嚟越冇自信心(因為下下都比我band), 咁所以樣樣嘢都要走嚟問我, 不能夠自己判斷! --> 咁係唔係即係又係我錯吖? 咁係唔係見到佢有d咩做錯唔好話佢先??? 咁佢本身個人係冇主見, 乜7都要問人自己決定唔到, 咁係唔係我比意見呢方面, 又係我錯在先先???

痴九線7: 老闆話因為公司生意跟本就唔係好忙, 而馮小姐做錯嘢跟本就唔係一回事, 原因就係公司唔忙, 所以可以做錯! 唔忙, 做錯, 佢話唔緊要! --> 請問, 公司唔係咁多嘢做, 點解只係copy & paste 都可以做錯嘅? 我叫佢張其中一個item, 由"abc"改做"xyz", 咁簡單佢都可以做錯, "abc"改番做"abc"! 老闆都話可以原諒! 真係唔該晒!

老闆講咁多嘢, 其實都只係講問題跟本係我嗰到, 因為我心情唔好所以睇佢做咩都唔順眼, 如果我心胸可以廣闊d, 明白了解馮小姐咁蠢, 應該係要原諒同接納佢(因為佢天生咁蠢), 咁我個心就唔會咁唔妥佢, 因為呢d蠢人先至係最好最冇殺傷力, 叫佢行就行企就企!

你話, 呢個世界有冇d咁痴九線嘅老闆架?????????????

邊個可憐我???

因為亞媽係我公司做part time, 所以佢都識得馮小姐, 我同亞媽講馮小姐而家做嘢成日都做錯, 蠢之餘仲要爻咀爻舌, d嘢又成日唔記得, 亞媽聽完之後, 就叫我"原諒佢!"

聽到亞媽叫我原諒仍, 我就問亞媽, 乜你覺得佢好可憐咩? 點解要我原諒佢? 亞媽話佢唔識就叫我比d耐性教到佢識為止喎! 我同亞媽講, 教佢就更係冇問題啦, 但係個問題係佢做左5年啦, 之前識嘅, 而家就唔識, 以前係做到, 而家就乜都唔記得晒, 下下都唔用個腦去諗嘢, 樣樣都走嚟問我, 咁不如我做埋佢嗰份啦!

仲有, 佢咁可憐, 咁有冇人可憐下我吖??? 我日日對住個廢柴, 有冇人可以幫下我, 體諒下我先???

我頭先同老闆講, 我想辭職呀, 因為如果日日都要我咁樣對住佢, 唔係佢死囉, 而一定係我死! 同埋, 我真係諗唔到點算, 因為我已經又再一次唔想同馮小姐講嘢, 因為而家話佢d咩, 都仲要搵把死人口嚟爻番你!  不過, 我估老闆都係瀨皮當冇聽過多喇~

小氣???

有時我係到諗, 究竟係唔係我好小氣呢???  有個人我由細識到大, 佢個仔同我個仔差唔多大, 之前我地大家都會佢買下嘢比我個仔, 我又買下嘢比佢個仔! 不過由開始佢老公係到彈三彈四佢叫我係淘寶幫佢買嘢之後, 我就開始有d反感, 再加上呢個我由細識到大嘅人有時開始challenge我同我老公對滕滕嘅方式之後, 有時我都唔係好想同佢講仔經!  我估佢見同我咁熟佢先challenge 我地卦, 不過佢就唔記得左, 就係因為佢幾年前用一d命令語氣order 我之後, 我嬲左佢幾年!

因為大家生左之後, 係佢主動搵番我, 咁我地先又再開始聯絡, 不過可惜, 我越嚟越覺得, 只係我見到d 好嘢就問佢買唔買, 佢有嘢要我係淘寶幫佢買佢先搵我, 而佢, 有d咩特別嘢玩, 有d咩嘢睇, 佢永遠好似冇乜單聲過我!

其實唔緊要, 每一個人做過d咩我都在心中, 既然如果我知道佢心中冇我, 仲要係大家係堂姐關係, 佢口口聲聲四周圍同人講我係佢個妹(唔係堂妹), 咁其實我唔再需要有d咩正嘢係話比佢知囉, 亦都唔使下下唔使錢唔同佢計係大陸訂落嚟嘅運費囉!

記仇!

唔係只係大人先會記仇囉, 小朋友都一樣會架!  呢條友仔, 我覺得佢記住我尋日上左車唔理佢, 番到屋企又罰佢, 所以曵到今日都係痴左線, 又係不停咁挑戰我嘅低線囉~

其實我可以點做呢?! 好似尋日咁, 我已經事前比左好多次機會, 同佢講唔可以咁樣, 因為會嘈到人地, 但係佢唔理我, 咁我先開始惡言相向, 咁驚告左幾次都係唔理, 我先拖佢行開一面訓話, 咁訓話完未夠一分鐘, 佢又開始嚟料, 咁你話我把火點熄先???

我自問已經一個一個step嚟, 但係佢都係唔理我, 我真係唔知可以點做喇!

頭先, 佢仲專登行去搵個足球掟落佢老豆到, 一次話完佢就再掟第二次, 擺明撩交打咁, 老公d EQ咁低, 就即刻拖佢出房鬧完佢就推左滕滕落地!

我一睇到, 就鬧老公問佢係唔係痴線, 就算個仔曵都唔應該動粗係嘛! 跟住就抱左滕滕入房氹番佢喇! 我睇到老公嗰下唔算好大力, 所以應該唔會有咩事, 不過條友仔就打蛇隨棍上, 成機咋晒嬌話爸B推佢落地!

我覺得滕滕係記住尋日我上車唔等佢, 跟住再者就比我地車輪鬧佢話佢曵, 咁佢先所以今日繼續! 唉~!

痴左線囉~

今晚last去教堂rehearse, 係4月8就正式喇, 去到先有小小緊張! 原本諗住開開心心去啦, 點不知呢隻豬仔痴左咁又跑又叫又跳又爬地又除鞋, 叫極都唔聽又唔守規矩, 攪到不知幾尷尬, 人地好心就同我地講佢開心就尤得佢, 但係有d人嘅眼神唔係啤, 但係就眼都唔眨咁望住我地個仔囉! 我地心知咩事, 因為佢真係停唔到嘛!

當時真係忍住度火, 因為呢條友仔真係不停咁挑戰我地, 叫佢唔好只係停一停啫, 佢就偏唔理, 叫佢跟住前面行, 佢就即跑左去第二到, 大佬, 咁樣點採排先??? 所以我"禁"住自己把火, 直到走嗰時上車, 等我都唔等佢就關門, 由得佢係車外面拍門!

到左番屋企, 都唔使問, 罰企扭耳仔冇得走!

結果係點呢???

唔知係唔係人大左, 都會留意埋時事國家大事嘅呢???  比著以前話選特首, 真係得一個悶字, 仲走都走唔切啦!

不過, 今年唔知仲咩好有興趣想知答案, 因為出嚟選嗰三個人, 大冬瓜跟本就係陪襯, 而另外嗰兩個先鬥得精彩, 互挖對方d衰嘢出嚟, 直頭係想對方打落地獄咁济!

如果比我撰, 我都唔會揀一個深不可測, 因為呢d人跟本就唔會知佢諗咩, 到知嗰時都已經可能係死左喇! 

星期日就有結果啦, 其實我估流選囉, 因為淨抵呢兩個都係衰都冇朋友, 跟本揀都揀唔落手!!!

領悟~

其實, 馮小姐而家冇一日唔令到我反眼, 一D可以只係用個腦轉一轉就可以諗到嘅嘢佢都可以諗唔到!

所以我日日同老闆投訴, 我遲早應該會爆血管, 因為佢成日叫我忍下忍下&忍下, 因為佢係我叫佢嚟做, 而家又叫佢走, 好冇道義喎! 成Q日講道義, 咁有冇幫我諗過人容忍有個限度架, 我唔係冇比機會佢, 話又話過, 鬧又鬧過, 串又串過, 氹又氹過, 都仲係咁樣, 咁我可以點做吖???

老闆成日又講, 佢呢D好吖, 蠢得咁交關, 比你點左佢又唔知, 知就後知後覺, 就算串完佢可能佢都唔知我係串緊佢, 以為我係教緊佢潻! 再者, 佢咁驚我, 我叫佢行就行, 企就企, 叫佢出去放單, 比板客, 即叫即做冇爻咀, 唯獨係我話佢做錯嘢時就一定死撐!

今日個outlook死左, 好彩堂細佬remote control同我攪, 做緊backup之際, 馮小姐就攪緊d煩嘢, 因為係煩嘢, 佢都硬係要我出口大聲叫佢咁咁咁、咁咁咁!

其實我大聲叫出去叫佢咁咁咁, 我知道都好冇禮貌, 但係實在聽唔過耳, 雖然係咁, 但係馮小姐聽到之後又即刻跟住我去做喎! 嗱~ 呢d就正所謂老闆講, 我叫佢行就行企就企, 比人鬧都唔識走(雖然係有爻咀)嗰種!

睇見佢咁聽話, 諗深一層如果比著第二個, 可能已經唔老嚟&把明唔妥我好耐, 仲繼續企係到比我點咩!  呢d唔通有得必有失?! 就係因為佢豬咁蠢先咁好洗好用好抺??? 

終於買左喇!

我有個電話, 係for 公司客, 個電話嚿電已經開始唔掂左好耐, 講左半年都唔捨得"的"起心肝去買, 因為唔捨得比錢~ 結果, 今晚終於去買左喇!


其實公司電話唔需要買咁靚, 因為又唔係主機, 所以本身我只想有兩個條件, 一就係白色, 二就係想大隻d~  原本HTC係我首選, 不過HTC冇全白色平機, 所以另一個choice 就係samsung!

真係好難選囉, HTC二千蚊左右D機真係幾細部, 但係samsung普通白色機我就唔鐘意佢平過頭, 解像度低, 所以今晚諗嚟諗去都唔知想點! (平時嘅我一定唔會係咁囉)

直到我聽到有個人問個staff另外有部samsung 機有咩色之後, 一睇, 我就即刻決定左喇~

因為有紫色呀!!! 真係好靚囉~!!!

trade 埋舊機都係一千八百幾, 好! 跟住一路行番屋企就覺得自己right choice, 因為聽收音機, 一個hand free兩個機都可以用到, 幾好吖!

多嚿魚!

我公司搭lift, 都要上十級八級樓梯先可以搭到! 我公司係工廠區, 所有屋苑屋村都要上左個地鐵站跟住仲要再上先可以去到, 即係好似上山咁!

馮小姐會儲埋好多紙皮廢紙, 一次過會叫一個亞婆嚟攞晒走! 而呢個亞婆, 應該冇八十都起碼75有多, 因為佢已經好老, 成個背已經彎曲晒, 成個人已經縮晒水! 據亞媽同我講, 佢同亞婆傾計時, 知道呢個亞婆同個仔同埋d孫一斉住, 並唔係獨居老人嚟!

當我知道亞婆唔係獨居老人之後, 我問馮小姐佢知唔知, 佢都話知, 咁我就再問馮小姐, 佢有冇諗過公司樓下, 要上十級八級樓梯先可以搭lift個位, 佢有冇諗過, 亞婆點樣拉住d咁重嘅紙皮落去?! 佢嘅答案係佢有問過亞婆, 亞婆話d搬貨工人會幫佢搬落去!

我知佢都知, d搬貨工人唔係成日係到, 咁如果人地做緊嘢, 見到一個彎晒身嘅亞婆係到幫又唔係, 唔幫又唔係, 咁即係幫就會阻住人做嘢啦, 咁我又再問, 樓下d搬貨工人好似唔係成日係到架喎!

我同馮小姐講, 你有冇諗過亞婆, 如果因為你叫佢嚟攞紙皮而整到或者跌到???  亞婆唔係等呢d賣紙皮嘅錢開飯食, 又唔係獨居老人, 而且佢唔係六十寧歲嗰d, 真係老到連撞一撞都會段骨嗰隻, 咁仲咩要叫亞婆嚟攞先?  我明白d老人家想儲多個錢, 佢同個仔住執執埋埋都可能會買嘢比d孫仔, 但係佢又知唔知如果佢同d後生住, d後生可能會好反應自己個亞媽成日執埋d紙皮番屋企咁污糟??? 佢唔知, 我知, 因為梓祐嫲嫲都有執, but 佢個仔同埋個乞e都唔鐘意! 再者嫲嫲都有兩三層樓揸手啦, 咪又係去執!


不過馮小姐話佢唔忍心同亞婆講大話話公司冇紙皮比佢喎, 而且佢話佢問過亞婆係唔係真係咁窮喎! 佢不停咁同我解釋點解佢叫亞婆執, 但係我只係話: 只要你覺得冇問題就可以啦, 我唔會阻止你叫亞婆嚟攞, 你可以叫亞婆去埋你屋企攞潻, 只要你自己係覺得ok就可以啦, 唔使再同我解釋啦!

我唔係好明, 既然佢咁可憐亞婆, 佢下次同我再講, 我就叫佢放工幫亞婆拖d紙皮上上面屋村比佢囉!

我家的傻奶奶~

今日奶奶好早就入左嚟我到, 接左滕滕放學, 跟住就去左飲茶喇! 兩點幾飲完茶番嚟, 明明我都聽到佢講嘢, 不過過左一陣, 點解好似唔見左嫲嫲咁嘅???

我打番屋企, 工人話奶奶知道滕滕要瞓覺, 所以就落左公園坐喇! 吓?! 使唔使呀? 滕滕明知嫲嫲嚟同佢玩, 咁佢唔想瞓係好正常啫, 咁唔瞓咪尤佢囉, 等夜晚就早D瞓囉! 所以我打比奶奶, 問佢仲咩傻得咁交關, 叫佢番上樓啦!

到左我今晚番到嚟, 隻豬仔攰到碗飯都只係食左一半, 食完飯係我沖緊涼之際, 未夠八點半就瞓左喇!  以為安落左, 佢去瞓左啦, 點不知九點幾喊醒, 跟住仲嘔潻!

唉~希望真係攰過頭啦! 聽日唔好又唔舒服呀!

與Dickson開心的一天!

今日同滕滕去左搵Dickson玩, 首先滕滕可以坐下佢第一次坐嘅叮叮, 佢居然話: "媽me, 叮叮好嘈呀!"

乜佢呢個招牌笑容真係好可愛咩, 旁邊d公公婆婆叔叔, 連埋d賓賓姐姐都望住佢笑, 跟住仲同佢傾計潻!

呢個lunch, 我地食左成兩個幾三個鐘, 起初兩個都好耐儉架, 都係坐係到推下車仔, 玩玩下就開始痴左線咁係到走嚟走去喇!

Dickson好可愛, 同埋比起滕滕真係耐儉好多, 成日係到暗笑~!

好彩滕滕冇嚇襯佢囉, 因為滕滕成日都攬住Dickson攬到實一實, 上次見到熙熙又係咁, 所以今次我醒喇, 係咁提住滕滕叫佢唔好咁大力, 因為條友他真係cool到人地透唔到氣架!

飲完茶我地又搭番叮叮去上環再搭巴士走, 滕滕聽到又搭巴士當堂叮起雙眼, 唔使講出口我都知道佢話好喇! 不過, 坐唔到一陣, 佢開始有睡意喇! 更係啦, 之前玩到痴左線嘛~

番到屋企, 又拆禮物喇, 因為Rainbow 又送左架車比佢喇! 真係開心到呢!!

多謝你地嚟玩呀, 好熱鬧呀!

今日唔好講滕滕, 我都好開心呀!!! 其實, 尋晚我有小小瞓唔著架, 因為怕今日有嘢唔記得做, 結果, 真係呢~

今日同滕滕攪呢個Birthday Party, 真係有d手忙腳亂, 查實, 唔係好多嘢整, 因為我都係只係買左d朱古力手指餅, m&m, 紫菜, 菠蘿腸仔, 叫姐姐整左d雞翼, 仲有買左d嘢飲咁就算喇, 真係咁簡單, 但係都仲係有嘢唔記得, 就係舊年"happy birthday"條banner唔記得攞出嚟卦起佢啦, 生日party 嗰盒box set又唔記得攞出嚟玩啦, 又唔記得吹波波啦, 總之, 之前嗰晚記得嘅, 今日都唔記得左一半喇!

今朝亞chris 已經約左食lunch架喇, 話要比suprise 隻豬仔, 結果佢真係痴架, 一次過買左兩架車比佢!

呢架, 一番嚟就收埋佢, 因為費事佢開心過頭, 所以到第一架貨車爛左, 咁第二架先出場就very good 喇~

言言同micheal一早嚟到都唔記得仲未吹波, 到熙熙嚟埋, 佢地成日都爭車玩, 所以好彩好快就記得要吹波波喇!

我呢個波波池, 起碼一定乾淨過街嗰d架!  不過, 今晚發惡夢唔好搵我喎!!!

而家真係物價高漲囉, 呢個cake真係唔平! 不過算啦, 滕滕開心就得喇!

因為成個下午, 間屋都好嘈, 連滕滕都走埋嚟同我講: !媽me, 好嘈呀!"

最開心就更係拆禮物嘅一刻喇, 睇下幾多車車~ 滕滕真係開心到爆炸囉!

不如, 各自各精彩啦苯!

終於今日比我聽到喇!!!

今朝有個煩亞嬸客打嚟起勢咁話循例問下我地上次裝嗰批貨有冇裝少到, 煩到我結果係我老闆力撐之下打番去比煩亞嬸個老闆問下究竟, 仲咩事冇事搵事嚟攪!

係我同人地老闆傾完電話, 成個人爽晒嗰一刻, 居然比我聽到!!! 聽到個會計播d"呀~ 呀~呀~呀~"嗰d佛歌!

一聽到, 當堂個心d煩氣出番晒嚟! 因為有冇咁痴交線呀, 係公司播埋d咁樣嘅歌! 咁如果個個都係咁, 你又播佛歌, 我又播聖詩, 佢又播madonna, 跟住佢又播micheal jackson, 各自各精彩咁樣好唔好吖!
做人唔該自律d啦, 已經成日請病假, 唔係話手痛, 就腳痛, 一係就腰骨痛, 好彩佢已經收左經啫, 如果唔係, 一陣話埋經期痛, 咁一個星期番2日好唔好? 而家冇事番工就係到播佛歌, 請問, 你當呢到係佛堂呀???

老闆成日話唔好意思話佢, 而且佢又真係乜又痛物又痛, 不過, 可惜我覺得唔係囉! 星期二我要趕住一放工就走, 個八婆同我一斉落樓, 我咁趕, 佢都仲行得快過我囉, 請問佢有幾撚病, 又邊忽睇到佢痛呢??? 唔通播住d佛歌開工, 個人會精神d?  佛祖唔通聽到有歌聽, 就真係即刻係佢身邊照住佢???

所以一聽到d煩音, 我就二話不說咁行出去同佢講, 我聽到你開呢d歌, 我個頭會好痛, 麻煩你唔該一係細聲d,一係就帶耳塞啦!

講完, 個八婆會計老姑婆就話唔好意思, 即刻熄左個聲喇! 到放工, 我同老闆講番呢件事, 老闆話今次撐我喎, 因為佢都唔鐘意個會計播呢d煩音, 不過佢就唔好意思出聲, 而家我出左聲, 就真係好囉, 再者我咁講, 好有禮貌又好得體, 所以佢話個會計可能以後都唔會開, 又或者帶耳塞聽喎!

聽到老闆講, 我反反眼囉, 邊有老闆話個員工係會唔好意思架??? 不過, 我同老闆講原本我話個會計, 個個都係咁開, 間公司仲成公司嘅, 不過, 諗深一層, 一陣個會計喊住嚟同你講我恰佢, 就費事啦~! 老闆聽到我咁講, 佢即刻倒番轉, 反番我眼呀 !

Happy Birthday, my lovely Nigel-2!

隻豬仔, 今日3歲喇! 唔經唔覺生左都3年, 而且隻豬仔而家仲鬼死咁大件, 比起當初佢一出世嗰時嘅一嚿粉團, 真係差天共地!

其實真係好唔捨得佢大得咁快, 一日比一日精靈, 一日比一日明白事理, 一日比一日曵!

每一個媽媽, 真係都會覺得佢自己個仔女寧捨可愛, 寧捨得意, 睇下我呢隻豬仔食cake食到咁就知啦~

今日係滕滕正日新曆生日, 我就叫左嫲嫲公公婆婆入嚟同呢隻3歲豬食飯!

原本諗住訂個"3"字生日cake架, 不過亞婆亞公囉, 一時又話嚟, 一時又話唔嚟, 一時又話嚟埋佢嗰份, 攪到訂唔切cake, 不過好彩, 仲有呢個cake頂上咋!

不過, 我都話架啦, 一出街呢隻豬仔就痴左線, 今日生日, 仲痴得緊要, 叫佢冷靜, 佢就越癲, 唔通佢知道生日真生真係開心d架呢~

好煩呀!

我都唔記得係唔係舊年又係為左滕滕生日同亞媽嘈囉! 我都唔明, 點解我屋企嗰兩老咁鬼煩, 我同奶奶講, 星期三係滕滕新曆生日, 叫佢一斉出去食飯, 奶奶就扒晒飯即刻話好, 而我老豆亞媽呢, 一係就話亞爸可能有嘢做唔嚟得, 日日打嚟問點點點! 咩點啫, 咁嚟就嚟, 唔嚟就唔嚟啦, 想咩點先??? 好啦, 老豆話嚟喇, 亞媽又話聽到去食pizza, 就話"你去埋我嗰份!"

請問, 個仔生日, 我想同佢去食pizza, 係唔係都要問晒咁多個人, 邊個唔食豬邊個唔食牛邊個唔食狗, 咁先決定食咩呀??? 我唔明, 乜d亞公亞婆唔係聽到個孫生日食飯, 就乜都話好嘅咩??? 仲要嚴三嚴四, 係唔係因為星期三食飯阻住亞媽番佛堂先???

我同亞媽講, 你唔嚟就算啦, 人地亞嫲一聽到話同個孫食生日飯就即刻扒晒飯, 咁你唔嚟唔比面, 咁即係以後都唔使叫你喇! 因為如果出年軒軒話要係麥當當到攪birthday party, 咁又有豬又有牛又有雞, 咁即係"食埋你嗰份啦!"

廢!

馮小姐, 已經係呢間公司做左5年架啦, 佢居然同我講FOB 同CFR嘅分別係咩都唔記得晒!

5年shipping, 日日番工都係做緊shipping嘢, 咩係FOB, 咩係CFR, 點解可以同我講佢唔記得!

我嚟到呢間公司時, 自己廠都仲未可以直接做到產地証比客, 因為想個客容易清關, 所以我廠就係深圳政府申請自己做產地証! 因為只有自己申請做到產地証, 咁我地出比客嘅文件就可以統一晒用廠名做shipper! 所以因此就有兩張Invoice出比客, 一張係廠名出比個客清關, 一張係hk公司出比客收錢!

不過, 呢d嘢, 馮小姐完全唔記得晒, 而且佢仲問番我轉頭, 用廠名出嗰張Commercial Invoice乜唔係幫個客做, 等個客唔使整, 直接forwarder 比佢個客要嚟收錢嘅咩???

當時我反應真係好想問句"你冇撚嘢吓嘛?!" 我知佢蠢, 但係我估唔到佢7撚到佢到咁嘅程度囉! 稍為用下個腦諗下都知道, 如果你係個客, 你會唔會張個supplier 張invoice直接比自己個客睇呀??? 仲有, 張commercial inovice個price係under value, 你係個買家, 又會唔會張個under value直接比個客睇呢???

我今次忍唔住囉, 我叫馮小姐千祁唔好同人講佢做左5年shipping 囉, 因為佢同一個剛入行嘅冇咩分別, 既然如果佢而家乜都唔記得晒, 咁有時間就唔好做私人嘢去溫下書啦, 因為如果佢再係咁, 我同佢講我會叫老闆減佢人工, 因為佢咁做嘢法, 比7千佢都嚴多!

但係, 我再同次老闆講馮小姐個問題, 老闆都係叫我原諒佢喎, 因為老闆話無理由係我叫嚟做, 抄又係我抄佢, 講唔通喎!

"仁義"呢樣嘢, 我可以當住個更講, 我對馮小姐真係仁至義盡囉! 我已經比晒機會佢, 既然佢都仲係咁, 唔通我仲要忍佢??????????????

我真係好想搵佢老公傾下馮小姐個問題囉, 不過我又怕作用唔大.............

散晒~

尋晚, 真係散晒, 今日都只係得番半條命番工, 送左滕滕番學, 再瞓到朝早十一點幾先起身!

今日, 我都唔知究竟自己係好攰, 定係好唔舒服! 因為尋晚已經feel到成個人軟晒(但都要頂住), 番到屋企, 九秒九沖涼食左粒感冒丸就即瞓, 到今日, 都要散住咁番工!
 
今日成day都keep住食感冒丸呀, 希望食埋聽日就好番啦, 因為我唔想又去睇多次dr 呀!

歧視我呀?!

今日兩個小學同學結婚, 既然咁開心佢地可以"他"著, 就更係幫得手就幫手啦! 女同學叫我早D去酒樓幫佢影下相, 因為d專業人士要成五點幾六點先到, 所以講明我唔pro架, 影得唔靚就唔好怪我!

我唔係好明, 乜女人揸住部單反機好出奇架咩??? 我擺明係係到影下d snapshot 架啦, 因為我都左影影, 又影影, 九唔搭八又影得一餐, 但係我都唔明, 我同d來賓講"企埋d影下相吖!", d人好似唔係好想採我咁囉~ 最攪笑係我同個同學個家姐講幫下佢地影下相(同學個家姐, 係同我同一間中學, 佢認得我, 知道我係佢亞妹個小學同學), 佢家姐個態度好似唔係好想理我, 同之前係另外一個中學同學個婚禮到撞到時係兩個完全唔同嘅人嚟, 而且仲扮唔識!

我係個婚禮到, 對每個人都好nice, 好有笑容, 因為我想幫同學影下佢d來賓係有幾開心, 佢地d daddy mammy 同賓客交流, 所以我每次叫人影相, 都好有善架, 不過只可惜換來(尤其係)d中人不太禮貌&不揪不睬嘅態度!

同另外一個好朋友講, 係唔係d中女學得我扮勁呀?! 講真, 識得相機嘅人一睇, 就知我部單反機咩料啦, 又唔係紅圈, 又冇大光圈, 又冇加閃光燈, 咁有d咩料啫~ 我只係搵部好小小嘅相機幫下好朋友影下相啫, 唔係咁都當我扮嘢嘛???!!! 咁係唔係我要攞部傻瓜機出嚟影, 先唔會比人咁樣對待先???

Happy Birthday to my lovely Nigel-1!

今日契妹入嚟同滕滕預祝生日, 條友仔都不知幾開心, 成日就係到講: "軒軒就嚟生日喇!" 佢好似驚死人地唔知佢就嚟生日咁!

亞妹買左呢個cake 比滕滕, 佢自己一條友食晒四分一, 一路食, 就一路話: "好好味呀!"

當見到亞妹同佢男朋友攞d車出嚟, 佢對眼就一直冇離開架車, 叫佢望極個鏡頭, 佢對眼都係咁!

 

又係時候喇~

其實日日對住間屋, 見到d 牆花鬼晒, 真係周身唔自在! 而且下個星期六, 會同滕滕開個小型生日會, 所以今晚就"的"起心肝油下d牆啦!

今年已經好鬼懶架喇, 冇"忟"番平就油油, 就咁油上去就算喇, 因為呢個月真係忙的很, 攰得很呀!

啱啱上個星期番左一次教堂攪洗禮d文件, 下個星期二又要去多次攪咩補辦婚禮(因為我地唔係係教堂行婚禮), 跟住兩個星期六仲要去採排喎! 又咁啱, 下個星期三就係滕滕新歷生日, 聽日就舊歷生日!

淨下約契E食飯, 公公婆婆食飯, 下個星期嘅小型生日會, 要預備訂cake, 就已經未停過!

所以唯有今晚同聽晚可以分開兩part 油下間屋咋! 希望今次油左可以keep耐d啦!

唔買住先~

星期六同梓祐&嫲嫲走飲茶嗰朝, 滕滕已經打左幾個乞嚏, 飲緊茶嗰時都見佢個樣比較攰, 我都知又開始唔舒服架喇!

星期日打算同佢去睇dr, 點不知dr逢每個月嘅第一個星期日係休息, 結果去搵左另外一個dr睇! 其實一直都想試下搵多個dr比滕滕睇, 因為唔想見死一個dr! 不過試埋呢個, 已經係第三個dr, 結果都係唔得, 直到星期二朝早, 都要去睇番本身個dr!

個保險sales 已經覆左我, 佢地個網絡醫生, 係冇我地而家睇緊呢個份! 咁即係買嚟都冇用啦!

原本想搵下有邊間保險公司係有滕滕睇開嗰個醫生, 不過同朋友傾開計, 佢叫我試下同滕滕睇中醫, 因為次次睇完過一陣又再唔舒服, 好似唔斷尾咁, 所以可能睇中醫順便調理埋會好d!

呢個提議真係唔錯, 因為滕滕唔怕飲苦嘢, 而且唔使下下食西藥食到個人散晒, 仲一瞓著就bill晒冷汗! 所以食埋呢次藥, 小病或者仲差小小好番嘅, 就去睇下試下中醫喇!

  

又出血~

個工人, 咁就又兩年喇! 兩年, 佢話要番印尼, 佢話佢好卦住屋企人喎, 咁唔通話唔好咩, 我日日見住滕滕, 一番左工就已經好卦住佢啦, 所以我都會比佢番屋企嘅! 只不過, 我就要安排一下, 點樣咩時間比佢放, 因為老公係5月攞左大假嚟就個工人放假, 而且又想襯住老公放大假就去一去旅行! 咁樣, 老公就唔使嗌晒救命喇!

尋日搵個agent 去check機票, 真係嚇死我囉, 來回(直航_要差唔多$4000!!!  跟住攪續約要$1500, 再加$1000保險, total 即係要$6500! 嘩~ 如果個工人唔使番屋企, 張d大假折現, 咁咪差唔多成萬???

今日搵過另外一間agent check 機票就 $1900+$900稅, 但要轉機, 即係total 都只係平左一千啫! 都好啦, 平得一千就一千啦!

不過, 最攪笑就係馮小姐, 因為我叫佢問下佢個agent收幾多錢攪呢d手續, 同埋番印尼張機票要幾多錢, 佢就話, 如果個工人唔番印尼, 係唔使比番d機票錢佢架! 不過, 以我所知, 個contract 做滿兩年, 佢係應有嘅benefits, 番唔番家鄉, 係佢自己決定, 唔代表佢唔番去, 我地就可以唔使比機票錢出嚟! 好似例如公司出雙量(當係應有嚟講), 公司比你, 就代表點用都得, 唔通公司規定d雙糧一家要點用架! 佢仲話, 如果佢唔番家鄉, 而又要比埋機票錢佢, 咁個工人咪味好so! 哈哈~ 真攪笑, 我話, 你好似so d 喎, 你想側側駁唔比人!

我錫晒你呀! 努力d!

今日好肉赤, 不過肉赤得嚟真係好開心! 因為今日同梓祐買左個智能電話!

當初因為梓祐成績唔多好, 所以我同佢講, 如果佢可以考到人數名次一半嘅之前, 我就送個電話比佢!

上學期已經有左結果喇, 一百六十幾人, 佢考第六十幾, 而全班就考第十一! 聽到, 真係幾鬼開心, 因為終於學鬼梓祐佢有努力讀書喇!

買左個電話之後, 我feel到梓祐佢好鬼開心, 我仲配埋個藍牙比佢用潻, 幾鬼錦上添花呀!

我已經再三叮囑梓祐, 唔可以因為買左個新電話之後, 而佢只係卦住玩而另到成績退步, 因為我唔要有機會比嗰個乞E做話題, 同埋, 我仲話, 只有進步, 唔可以退步!

梓祐答我: "你放心啦亞姨, 嚟緊呢個學期, 我會再努力D架喇, 因為我要選科!"

聽到之後, 真係, 眼淚在心裏流............

好緊張..........

尋晚, 神父打嚟問我有關洗禮嘅事, 一路聽個電話, 我都好緊張, 直到收左線, 個心情先當堂興奮出嚟!

因為神父打嚟, 係要我地洗禮前番去做d儀式同交文件, 即係換然之, 神父confirm左我地洗禮一事!

好開心, 因為可以同滕滕洗禮! 我唔係想因為攞分而去洗禮, 而係我, 想佢成為教徙, 去學習道理! 而且我亦都希望嚟緊嘅時間我唔好咁懶, "的"起心肝, 帶滕滕番多d教堂!