幾叻仔吖!

已經成個星期喇, 滕滕都幾叻仔吖, 呢個星期每朝起身條片都係乾架!  一起身摸下佢條片冇事, 我就即刻讚佢喇, 跟手問佢去唔去toilet 痾v呀, 佢就話好, 如事者, 就應該好可能已經可以好快夜晚唔使著片瞓喇!

嘩~ 唔使買片, 真係慳唔少囉! 而家仲戒埋奶, 即係話咁快就已經真係唔係bb喇~ 

襯到喇! 襯到喇!

之前件紅色恤衫, 感覺怪怪咁!

我今日又買左件, 一襯落去, 完全唔同晒!

終

心情不佳...........

尋日收到個bad news, 係我伯父確實左有未期肺癌! 查實唔係因為我伯父有肺癌而唔開心, 而係我老豆同我伯父一樣, 都係由細開始吸煙, 而我老豆就更甚, 一日吸到黑!

唔知點解, 感覺開始驚, 驚我老豆都可能會係咁..............

雖然嬲左我老豆好多年, 係呢幾年先原諒佢, 但係始終都有感情, 把口成日鬧佢, 但係鬧佢之餘, 有人睇得出我都好錫佢! 唉~ 更係算啦, 真係邊有隔夜愁架!

今日真係冇心情, 約左舊同事食飯, 真係好唔想去, 不過原本因為係聽日先食, 但係都係因為我唔得所以先改今晚, 如果今晚我缺席, 我好相信我一定比人話囉!

食餐飯啫, 去囉!

角色掉轉~

有一晚放工番到嚟, 滕滕同我講佢做左哥哥!

因為佢話佢係軒軒哥哥, 個工人係LINA妹妹喎!

真係比佢笑死我! 

到左上床瞓時, 我同佢又掉轉左喇, 我係軒軒, 佢變左做媽咪!

我覺得佢鐘意做哥哥OR其他人, 係因佢唔想做最細, 因為最細往往都比人head住唔過引! 所以佢好想玩下掉轉!

天使與魔鬼

今晚番嚟屋企搵亞媽傾過計, 十點幾瞓到而家比老公D鼻鼾嘈醒左瞓唔番, 個腦就出現左魔鬼同天使!

魔鬼不停咁叫我唔好, 天使就叫我一定要去做................

又搵我???!!!

舊年7月, 奶奶同佢個仔講, 佢房冷氣個搖控器壞左, 同佢個仔講左, 佢個仔就走嚟同我講, 咁即係叫我攪掂佢啦! 因為奶奶唔識睇model#, 說明書又冇左, 所以單憑個control, 我就影左張相比samsung! 我都有比人串架, 冇model, 點叫人幫我配啫! 咁~ 我又要洒出我"黎橫拆曲"嘅絕招嚟同人講, 人地結果都要搵比我囉!

尋日, 奶奶又同我講, 佢個control 唔見左!!! 

真係好煩囉!  佢同佢個仔講, 佢個仔就叫佢再搵下, 可能擺埋左啫! 

真係醒囉! 叫佢亞媽再搵下! 搵唔到, 就走嚟同我講! 仲咩唔同佢個仔講啫???

而家control又唔見埋, 又冇model#, 我唔知點, 亦都唔想理呀!!! 我send左個whatsapp同佢個仔講話佢亞媽真係搵唔到個control! 我唔理唔理唔理唔理唔理唔理..............
 

咩定義?

基本每個星期一奶奶都會入嚟, 而每一日我放工一入門口都會問滕滕今日有冇曵! 呢兩個星期一奶奶一聽到我問滕滕有冇曵, 佢就會搶答: 佢今日好乖喎!

而呢兩個星期我都好唔客氣咁回答番奶奶: 我唔會信你講嘢架, 佢好乖, 冇可能囉!

奶奶聽到我咁講, 亦都好堅持咁答我: 係真架! 佢真係好乖呀!

"係真架!", sorry~ 我更加唔會信囉!

我同奶奶講, 我見到佢擒左上個電視柜到, 跟住由電視柜跳過去個sofa到, 我問 "咁都叫做乖? 唔係嘛嫲嫲, 你唔好嚇我啦!"

奶奶又再一次好認真咁答我, 佢咁樣真係唔算曵喎, 呢d只係頑皮!

咁請問"頑皮"同"曵"嘅分別係咩呢????????????????????????????????

食飯~

尋日出左去同亞媽亞爸食lunch, 約左去飲茶! 最攪笑係屋企附近開左間稻香, 亞媽去搵搵, 但係就冇話比我知去稻香飲!

因為屋企附近有間多彩裝修完, 我同老豆講去多彩飲, 點不知老豆又冇同亞媽講, 結果我去左多彩行左兩個圈都搵唔到佢地, 打比佢地先知佢地去左稻香!

我問亞媽, 因乜原因你會知道我會識嚟稻香呢? 我又未同你去過呢到飲茶or食飯, 點解你會覺得我會知道去呢到飲茶? 莫非你會知道我有心靈感應會識嚟???

尋日同亞媽亞爸飲完茶, 今晚就搵奶奶食飯!

點解尋日冇影相嘅??? 真係好後悔!

瞓覺~

滕滕, 每逢邊個同佢瞓覺, 佢就會咁樣.........

佢話佢咁樣係上面, 會舒服d喎~ 就連我夜晚同佢瞓, 佢都係咁, 乜咁樣瞓落嚟溫馨d架咩?

瞓著左之後, 就總有一個要比佢掂住:

唔係迫住個老豆就係迫住我! 不過迫住老豆好d啦, 如果迫住我, 我就跌落床架喇!

豬兜學人度縮數!

其實明知自己咁蠢, 係唔係唔應該去學人計數呢???

馮小姐今日食lunch問我: 我問過個agent, 佢話可以比個工人早14走, 咁出番一個月糧比佢就得, 咁即係點呀?

早前我同馮小姐講過, 如果個工人肯將14日大假提前早走, 都要補番錢比個工人啦, 因為呢14日大假, 係個工人做左兩年應得架! 但係馮小姐死唔信我講嘢, 佢仲話點解要咁so比錢佢喎(如個工人唔要假要錢的話)!

我問馮小姐, 佢要錢唔要假, 乜好so咩? 因為呢d係人地應得!

我用晒紙筆, 寫晒時間畫晒圖, 解釋完比馮小姐知, 點解比個工人早走半個月, 就出足一個月糧呢樣嘢, 佢明左之後, 即係唔出聲, 因為佢知道, 唔比呢14日係唔得!

因為馮小姐一心就諗住, 比個工人早走14日, 但係就冇諗住嗰14日係要比錢佢, 因為比佢早走左14日已經係so左佢喇!

真係唔明, 明知自己咁7蠢, 就唔好學人計縮數啦! 最好佢就唔好問我, 一於等佢比人告, 咁我就笑喇!

好快~

滕滕而家基本上平時係完全唔使用片喇, 有時下午瞓覺都見到佢冇痾係條片到, 所以星期一就同個工人講, 瞓下午覺, 而家開始唔好同佢著片喇, 瞓前同佢去一次toilet, 上左床又同佢講一次唔好痾v, 因為冇片片; 咁呢個星期嘅"tea" nap, 隻豬仔真係一次都冇瀨過尿!

而同時係夜晚臨瞓, 我都同佢講, 就算著左片片, 都唔好係片片都痾v, 因為佢開始大個, 要學爸b同媽me咁, 瞓覺都唔著片片, 遲d, 就連瞓都唔著架喇!

小朋友, 其實好多嘢佢地真係明白, 因為今個星期, 除左係有一晚飲左好多湯, 第二朝係痾左尿之外, 其餘日日第二朝瞓醒, 條片都冇濕到架! 真係要比個good  佢囉!

不過, 因為可能滕滕自己都唔想係片痾尿, 所以有一晚臨瞓(已經上左床)佢就叫左我3次同佢去toilet!  但係因為我去到就嚟瞓著佢叫先我去(last 次), 所以我就叫佢係片片痾喇! 但係, 佢居然同我講: 唔好啦~ 我唔想係片片痾呀, 我大個仔喇, 我要係廁所去呀!

好好好! 咁就係廁所去啦! 煩豬!

戒奶!

滕滕, 終於都唔肯飲奶喇!  已經觀察左成個星期, 初初以為佢只係因為食得飽唔想飲, 但係朝朝, 晚晚, 佢都話唔飲!

真係可能戒奶喇~! 不過可唔可以唔好咁早呀? 我問滕滕, 可唔可以朝早飲, 夜晚先唔飲呀?! 佢好快咁答我: 可以!

希望真係啦!!!

刻薄雞~

小學就有小學雞, 咁呢馮小姐就應該叫佢做刻薄雞喇!

馮小姐呢排, 都唔知揪起條咩筋, 係咁同我講佢工人D嘢, 下下講完都比我話佢! 尋日, 佢又嚟喇!

馮小姐問我下個星期六係五月初五, 個工人係唔係連續放兩日假, 因為端午節係勞工假嚟, 所以我答佢係! 馮小姐聽到我話係, 佢就即刻話: 又放兩日! 佢地又放假! 我都唔知佢地仲咩要放假! 端午節都唔關佢地事, 仲咩佢又有份放架!

一聽完, 我就二話不說咁答佢: 嘩! 你都好刻薄下喎! 你係唔係想用到佢盡, 用到佢謝, 用到佢梅你先安落呀??? 咁人地嚟hk打工, 咁就更係跟hk勞工法例放假架啦! 咁如果你去美國做嘢, 人地話你都唔係美國人, 又問你你跟美國假期嚟放假仲乜叉嘢先?! 咁你會點呀???

比我話完就收口喇! 不過, 又再講第二樣, 又話個工人有晚已經上左床瞓喇, 不過佢個仔無啦啦就係咁係到喊, 但係個工人就出都冇出嚟問過咩事, 又唔問下佢使唔使幫手,因為佢覺得個工人應該係要主動問佢太太有冇嘢可以幫手喎! 我問佢仲咩要個工人幫手都唔叫佢? 仲咩要諗住人地應該要主動問你啫? 如果你覺得個工人應該當你地係一家人咁, 咁你有冇當個工人係一家人先? 個工人又唔係你屋企人, 佢只不過係一個工人, 咁你有嘢叫佢做, 可以直接叫佢架,  咁請問你平時係唔係對佢好好先, 覺得你有事就第一時間飛奔過嚟問你太太有冇嘢要幫忙先?

我問完馮小姐呢大輪問題之後, 佢更係又唔出聲! 因為佢點對個工人, 佢心知肚明, 不過, 我最唔明就係, 佢點對個工人, 個工人就比番D咩佢, 點解佢都仲要去苛求一D冇可能嘅嘢呢?

懊惱~

幫滕滕預備去飲件恤衫終於都買左喇!

不過, 著左上去, 加埋件背心, 就好似有d怪!

件背心, 如果中碼, 又好似細過頭, 但係呢件xl又好似大左d! 而亞媽話中碼就顥得滕滕cute d 喎! 而家咁樣, 真係有小小後悔唔買埋件大碼囉!

唉~ 好懊惱!

Ladies Night~

今晚約左小學同學食飯, 原本係4條queen, 跟住上個星期有一個話唔得, delay到今個星期, 點不知尋日又另外一個唔得! 不過我同另外一個同學又真係好想出嚟喎, 所以就唔再等喇!

大家識左咁耐, 真係好開心, 因為可以講好多自己嘢出嚟一斉分享, 因為我會好鐘意係生活中學習, 別人長處, 我就會常試領悟! 尤其係一d括達嘅人生觀.........

今晚, 就去左青衣城間i thai到食, 因為book唔到位, 咁就唯有試下呢間嘢, 感受下jessica所講嘅幾難食啦! 嘩~ 原來! 真係, 真係都幾鬼難食!  條魚, 一d小小酸味都冇! 個併盤, d炸物凍晒! 仲有個唔知咩肉抄菠蘿, 嘩, d菠蘿酸到吖, d肉就冇咩味!  個抄蜜糖豆, 條條都冇去兩邊"骨"!  只係, 只係碟白切雞先係正常d!

雖然d嘢食唔好食, 不過因為冇時限走, 所以都坐到成十點先埋單!

開心左成晚, 應該係時候有嘢比我喇! 就係番到屋企, 見到滕滕個額頭.........

咁, 係唔係即係我出去食一晚飯, 都要懲罰我啫!

冇腦!

今日lunch, 隻豬兜馮小姐主動同我講嘢, 講佢工人d嘢!

因為佢個工人去到今年12月15日就滿兩年約, 而個工人亦都講明唔再續約, 要番印尼! 所以佢就問下我工人d嘢! 言談間, 講到滿兩年之後, 個工人有14日大假, 馮小姐就話喇, 佢唔會比大假錢個工人架, 一定要個工人早走, 即係12月1 日last day, 一定唔會換番做錢比佢, 原因就係因為佢唔想補咁多錢個工人!

我聽到佢咁講, 我就第一時間問佢, 點解你咁樣迫人架?! 如果個工人要錢唔要假, 咁你都要比錢佢, 唔係你話想點就點! 馮小姐一聽到我咁講, 佢又質疑我喇, 因為佢話佢覺得應該係佢想點就點喎! 佢講到咁, 我就問佢, 如果你而家呢份工, 老闆話你嗰14日大假唔准連住攞, 一定要每個月搵幾日每日放早半個鐘去扣, 咁得唔得呀?  馮小姐聽到我咁講, 當堂冇聲出!  跟住我再講, d假係佢, 唔係你想點就點, 就算你係donald tsang都唔可以!

跟住馮小姐又再講佢老公話, 好彩個仔唔多跟個工人, 寧願跟佢地! 哈哈, 我都係第一次聽, 寧願個仔跟自己都唔跟個工人! 咁我地呢d亞媽咪好唔正常, 因為我好希望個仔肯跟個工人, 希望個工同個工人感情好架! 起碼都知道個工人對個仔好, 個仔先肯跟佢吖!

吖~一個冇腦嘅人諗嘢, 同一個有腦嘅人諗嘢, 原來有咁大分別架!!!

真係咁索咩???

今朝搭巴士, 我竟然比我遇到一件好笑嘅事!

一上車, 我見到一個應該同我差唔多大嘅男人, 都幾型幾潮, 樣貌端好, 亦都唔算係樣衰, 見佢隔離有吉位, 咁我就一心係諗住行埋去坐! 而當時我一上車, 個男人同一時間望到我, 由我嘟卡到行去車箱中間, 佢都係凝視住我(我估, 因為我索  )! 佢望到我望到佢隔離個吉位, 佢就即刻張佢個手提袋攞起想比我坐! 點不知, 我未行到埋去, 就比我前面個亞伯坐左喇!

個男人, 由我一上車就望實我, 連我前面個亞伯都睇唔到, 唔通我真係索得咁交關???

如此賤的亞婆!!!

老人家, 我不嬲都會好尊重! 因為我自己都會老, 我唔想第日滕滕唔理我唔尊重我, 所以就算幾唔老嚟都好, 我都會好客氣!

不過, 原來有D亞婆真係賤到冇人有, 所以如果下次遇到呢D情況, 我都會好客氣咁回贈番佢!

星期日同滕滕去睇完Dr, 跟住就去左茶餐廳食個早餐, 我地坐抵左先一陣, 跟住有個好時毛嘅亞婆坐埋嚟, 坐左係我地對面!

個時毛亞婆好nice架, 又幫滕滕執架巴士上枱, 又笑晒口架! 不過, 原來咁樣先係開始!

個亞婆問我滕滕幾多歲, 我答佢3歲喇, 個亞婆就話, 3歲喇, 不過講嘢都唔得喎, 表達得咁唔清楚! 我個心諗有幾唔清楚呀? 使唔使我教佢講句粗口嚟問候你呀!

跟住就用英文指住架巴士問滕滕: "what is this?", 問完what is this, 跟住再問: "pls tell me how to spell bus?"

聽到佢問滕滕巴士點串, 我就即刻答佢: 我冇教佢呢d嘢架喎! 咁深!

亞婆聽到我咁講, 佢又即刻話, 佢個孫都唔係好大, 就嚟4歲咋, 不過就已經識好多英文, 1-12月都識晒, 點串都識喎!

去到呢一刻, 我feel到亞婆個用意喇, 佢原來跟本想踏低人地去抬高佢個孫有幾叻!

講真, 據我所覺得, 如果d亞婆主動同得小朋友講嘢, 個亞婆會係鐘意小朋友架囉, 鐘意得小朋友, 都會話個小朋友好叻, 好乖, 好聽話! 我真係從來都冇見過一個亞婆好似呢個咁仆街囉! 而家我得罰你d咩先, 你要咁樣嚟話我個仔!

下次, 如果我遇到呢d咁樣嘅亞婆, 我一定會好有禮貌地回贈番幾句比你!

Happy lunch~!

上網訂比亞媽嘅手袋, 今日可以去攞喇, 好開心又興奮!

都幾靚吖! 買比亞媽去飲架! 費事個仆街細姑姐一陣又買個A貨比亞媽!

原本亞Chris 話佢今日會off, 但係原來係下個星期, 所以攞左個手袋之後, 就約左食lunch喇!

我知道亞Chris知道我自己本身唔多捨得食, 所以佢話去飲茶就當係同佢慶祝生日喎!

係! 做朋友係在乎個心, 唔係在乎金!

所以簡單飲個茶, 就已經好開心喇

 

 

父親節dinner I

今日老公好似心情幾好, 所以佢放工番左嚟之後, 我就話不如去洪水橋嗰邊食泰國菜, 因為好耐都冇去過喇, 順便可以慶祝埋父親節!

泰國菜就冇左喇, 變左間德國餐廳!

因為我地冇book枱, 所只有露天可以坐! 都ok啦, 因為太陽已經落晒咁济, 而且仲有風!




影左幾張相之後, 係我想up-load上fb之際, 我發現我同滕滕影嗰張.........



睇到呢張相, 我反晒眼囉, 我問: 點解我件衫咁樣, 你都唔叫我整下佢! 張相咁樣, 叫我點post上去fb呀???

老公話, 佢睇唔到喎! 我呢, 就反晒眼啦 !

不過, 最唔開心就係間餐廳d waiter囉, 叫佢比杯熱水我, 就話要等半個鐘喎! 佢都痴交線, 叫我等半個鐘, 即係唔想比啦! 又冇禮貌! 所以以後唔使指意我地再去囉!


 

姣婆!

下個姑姐嫁女, 我係屋企試衫, 睇下著咩衫去飲, 每換一套, 我就著埋對高踭鞋比老公睇下ok唔ok!

滕滕條友仔, 見我攞張抺手紙放係地, 跟住張對高踭鞋放係張抺手紙上面, 然後穿落對鞋上面試比老公睇, 佢就又走去個鞋柜到揀我一對高踭鞋, 又攞張抺手紙放係地下上面, 跟住講: "我都要試比爸b睇呀!"

大佬, 對高踭鞋係我架喎, 請問你試嚟仲乜呢???

唔准郁, 唔准笑~

尋日, 馮小姐放假, 我同佢剷過個scaner 個software裝過, 見到佢枱頭~

所有呢d message, 係我remind佢叫佢一定要記住!

最攪笑係, 我叫佢搵d 紅色high light pen high light左佢等佢自己記得!

估唔到, 佢真係咁做!

所以老闆真係講得啱, 我叫佢行, 佢就真係行, 叫佢企, 佢就真係企, 叫佢唔好郁, 佢就真係唔撚郁!

講真, 呢d人, 又真係幾難搵嘅!

對話~

之前因為滕滕聽到就嚟有排唔使番學, 佢就即刻同我講佢唔想見唔到佢同學, 佢要同佢玩, 咁我就問老師幫我搭路, 比我個電話佢同學個媽咪打比我喇!

老師覆番我時, 都同我講佢同呢個同學仔都幾好朋友, 上堂本身已經係一斉坐, 而家搭校巴又坐埋一斉, 好多時佢地會自己係到傾計!

佢地小朋友d對話真係好得意囉~

(以下對話, 係老師話番比我知, 不過唔知係邊個同邊個講!)

x: (食茶點中) 你唔好食咁快啦, 你要等埋我架!

x: (食茶點中) 我飲左水水喇, 你快d啦!

x: (食茶點中) 不如, 今次我地鬥慢吖!

只係呢d小對話, 就覺得小朋友真係好可愛!

心跳加速~

星期日番亞媽到食飯, 亞媽REMIND我7月二姑姐嫁女, 問我幾多個去! 聽到又要飲宴, 即係又會見到我最憎嘅三姑姐, 所以即係又比機會我去買嘢!

星期二同亞YAN食lunch, 見到佢買左個新手袋, 就加速左我去買嘢嘅速度, 所以我已經等唔切, 今日放工出左去喇!

頭先買嘢時, 有爽同high嘅感覺喇, 因為我都買左個手袋! 我鐘意買手袋, 係因為可以用好耐, 十年唔定廿年唔定, 因為我揀嘅款一定會係襟興!

都已經買左幾個鐘啦, 個心仍然係咁跳~!  而家, 就要諗下, 個仔著咩衫..........

幾靚!

上次亞YAN幫我買左呢兩樣嘢番嚟!

呢兩個袋, 我已經好鐘意, 尤其係膠嗰個, 因為出街可以用! 真係想買多人個放係公司都再冇可能! 因為一出, 就已經買晒!

今次亞YAN話想要個"索"袋, 問我要唔要對拖下, 因為係一SET, 如果我要就佢要個袋, 我就要對鞋!

今日同亞YAN食飯就攞左對拖鞋喇! 又真係幾鬼靚喎, 衰鬼!  仲要好FIT潻!

滕滕見到, 都問我: 邊個架? 點解我冇嘅?!

被迫~

老師上個星期三打嚟, 話滕滕有個同班同學感染到手足口! 嘩~ 拿拿臨第一時間唔比滕滕番學喇!  星期四五已經唔番, 諗住隔多幾日先, 比學校消毒多幾次先啦!

星期六見老師, 我問佢而家學校幾大概幾時消毒一次, 老師答我枱櫈就會日日喇, 不過玩具就怕抺唔切, 所以兩三日先一次喎!

咁樣! 今日我又同學校請多兩日假, 睇下聽日問下老師咩料先再睇下番唔番學! 好驚! 好驚!

豐富II

今日又一輪精彩嘅節目喇! 同老公食完lunch, 我地就出發去契妹到喇! 點不知我唔記得原來契妹同我講過去到食左下午茶先去屋企, 所以飽完又飽!

因為滕滕而家大個左, 好多嘢都明, 所以今次去到契妹屋企, 係滕滕比契妹男朋友玩, 唔係滕滕玩佢地囉! 滕滕仲不停咁比男朋友整估, 但係佢就不知幾開心呀!

玩完一大輪, 就約左我表哥去個frd屋企幫朋友睇下個腦, 攪下攪下仲死埋機潻, 即係冇得攪啦, 咁就照安排嘅節目去婆婆屋企食飯喇!

死啦, 下下都玩到咁盡下, 都唔知點番學呀! 個心散晒!

豐富!

呢兩日放假查實真係幾忙~ 今朝去學校見老師, 老師comment 話滕滕而家懂事左好多, 好多嘢係學校都好服從, 明白係學校規矩, 知道玩遊戲要排除輪候! 老師都同我講佢同坐隔離嘅同學仔好老友, 兩個好投緣, 就連坐校巴都自己掉位坐埋一斉, 所以呢排放學都冇乜係校巴到瞓覺! 見到佢同同學好似我地大人咁咁老死, 真係覺得佢地好得意~

不過, 唯一老師話佢, 就係集中力仍然係唔夠, 一大班同學坐晒係到聽故事或者有活動, 佢往往都係第一個周身郁! 如果老師同佢地玩遊戲, 重覆同一個遊戲兩三次之後, 佢就開始悶, 就會攪下第二樣喇! 所以係呢方面真係要諗諗點樣train 佢..........

早上見完老師, 下午就約左Chirs去佢到同H&M玩喇, 不過, 今次一入門口, H&M就係咁係到barking, 而滕滕第一次遇到呢個情況, 所以佢驚到唔敢入屋呀! 其實唔好話佢驚, 我查實, 都有小小卻步, 因為佢地真係吠得好大聲同好有勁囉!

不過, 入左屋一陣, 滕滕又開始攪佢地喇!

起衫都係同mango玩, 因為hazel驚到死, 係咁係到"wu", 不過滕滕同mango玩, 又捉佢隻腳, 又捉佢條尾, 攪到mango發皮四  !

玩到mango發皮四之後, 佢就唔敢去野佢, 咁就轉移目標攪hazel喇!

Chris 真係醒, 比嘢滕滕比佢地兩個食, 咁之後hazel就開始唔太驚滕滕喇, 比佢摸之餘, 仲.........




, 真係玩到滕滕唔捨得走呀! 我地話去食雪糕佢都話唔去呀!

原本打算去完Chirs嗰到, 就去沙灘玩架, 不過番到去都五點半喇, 所以滕滕話不如落公園喎!

真係散散地囉, 下半day都未停過, 玩到6點半先番屋企!

心肝何在???

我呢個亞媽真係要打啦~!  頭先, 真係頭先, 先醒起聽日一早要去學校見老師喎!

半年一度嘅家長日, 就咁就差D唔記得左, 如果真係唔記得左, 你話點算吖??? 同老師講有事突然唔嚟得? 唔係嘛, 係人都知唔記得左啦!

好彩, 唔知點解突然頭先個腦無啦啦彈出嚟~!