倒數之夜!

今晚好開心可以去到個好朋友屋企食飯+倒數! 佢仲細心到整左個menu比我睇,問下我邊樣滕滕唔啱食, 佢就轉喎! 真係離晒大譜, 整左個menu比我睇!

隻豬仔, 真係氹到個朋友仔& ANTIE暈, 係咁攪住~!

之所以呢, 佢兩個就不停咁話滕滕真係好乖好得意好抵錫喎! 更係啦, 佢曵你地又睇唔到呢!

咁就過左一年喇, 時間過得好快!  希望我呢個好朋友, 可以快D生番個啦!

Happy New Year~!

新年快樂!!!

新一年大家都開開心心, 身體健康!!!

耆英s

今日3個耆英入晒嚟, 有小小覺得好嘈, 因為佢地有時會不自覺咁爭孫! 雖係爭, 不過佢地都好禮讓咁爭嘅!

亞爸亞媽入嚟, 我都尋晚已知, 奶奶入嚟, 都係今日下午先睇到!  奶奶入嚟, 唔知點解有d覺得煩煩地, 因為佢上次嚟又講, 佢個細路佬個孫, 去飲茶又點點點喇, 上次我都忍唔住同左佢講, 你講過啦, 去飲茶見到又新嘢就要食新嘢嘛!

奶奶其實對我都幾好, 但係佢真係好很長氣囉! 同一樣嘢, 不停咁講, 講完又講, 講完又講, 每個人都有頂唔順嘅一刻架! 忍下忍下, 佢已講左幾個月同一樣嘢, 次次都要我認佢, 咁我都有頂唔順嘅一日架!!! 我唔知應該可以點同佢講, 佢先至唔好再講, 因為我真係聽左百九幾次喇!!!

唯一好處, 就係亞爸亞媽今日都係到, 奶奶唔使再單對單咁同我講嘢, 起碼老豆老母係到, 我就可以當聽唔到, 唔使一定要認奶奶!

為咩呢~???

請左個工人之後, 發覺原來屋企多左個唔係屋企人, 係好唔舒服, 因為當有一次抄左個工人, 而個新工人第二日先嚟, 咁係嗰一晚, 種感覺真係寧舍唔同, 好爽好自己好舒服!!!

其實都算係迫於無奈先要請工人番嚟湊仔, 就係因為要靠佢同我湊仔, 所以我覺得, 都唔可以對個工人太差, 而且我本身都唔係d會好黑薄嘅人, 所以我覺得同我打工, 都唔算好辛苦, 因為佢只係做到我要佢做嘅嘢, 打後我就會唔多理佢, 尤得佢自由發揮, 而且遇到有咩節日我係唔使番工, 又唔多需要佢, 我就會比半日假佢出去同朋友見面! 原因係, 我都唔想成日對住個工人!

馮小姐好攪笑咁同我講, 佢專登叫個工人唔好放25号星期日, 提前一日星期六放, 因為佢25号去奶奶到食飯, 佢要個工人同佢睇仔, 佢自己攪唔掂喎, 而跟住個星期一都唔比個工人放, 因為佢放假, 所以要個工人係屋企做嘢!

我唔知佢同我講嚟仲咩, 係唔係佢覺得自己好勁, 可以洗到個工人好盡,自己就可以舒舒服服唔使做呢? 佢話佢老公話佢咁衰, 聖誕節正日都唔比個工人放假喎!  其實, 佢都知道我同佢嘅諗法都唔同, 佢鐘意下下都同個工人計到足一足, 小小嘢都要捉個工人, 而我, 就擺明比個工人有小小水腳濕, 既然大家都唔啱傾, 可唔可以唔好再同我講佢個工人d嘢呢??? 

既然咁巴閉下下都針住個工人, 咁個手提申請嚟無限上網, 連搭車番屋企都話要睇住個仔, 又為乜呢??  跟住又話想係屋企裝多隻眼,連個工人偷雞食小小嘢都要睇到佢, 咁又何苦呢???

.................

寫blog, 其實真係幾好! 有時可以將開心嘢寫出嚟, 唔開心又可以寫出嚟............

寫左出嚟, 可以舒發下, 又唔使專登搵人講, 又唔使專登搵人聽, 又唔需要有人應...............

呢兩日, 心情都唔係好好, 唔想搵人講嘢, 不過好在, 我有個滕滕! 對住滕滕喊, 唔需要解釋, 唔需要介意佢會介意我, 唔需要怕佢會同人講..........都幾好!  見到佢開心, 我心情亦都會開心番d, 見到佢曵, 我個心情又會曵d, 不過好在, 佢呢兩日都ok...........!  好鐘意望住滕滕瞓左覺, 因為係呢個moment, 係咁錫佢, 佢都唔會好跳氣咁走左去, 任我狂咀! 不過唔知.........佢可以比我咀多幾多年呢...........

其實有時係到諗, 既然自己都可以咁獨立, 唔需要靠人, 咁其實可唔可以..............

自娛~

今日, 個工人唔放假係屋企, 但係其實都係我同滕滕兩個, 其實, 得我地兩個, 咁又點啫, til~ 我地都可以自己去街!

尋日, 去UA買左飛今日去睇戲!

去到, 都係得番兩邊雙坐位選! 我唔係專登架, 滕滕未洗買飛住, 我就買左一張飛, 咁隔離邊有人坐吖, 即係都係我地坐埋!

滕滕第一次去睇戲, 全場都冇瞓過, 比我想像中好! 因為我買左朱古力軟糖、青豆、腸仔 & 朱古力餅條, 多到都食唔到咁多!  同埋, 因為套戲都OK, 冇乜悶場!

睇完戲, 我地就去食下午茶! 嘩~ 呢幾日簡直係放出嚟唔使本, 乜都比佢食!

食完我地又去行左一陣, 番到屋企都五點半喇! GOOD!

 

後悔當初~

今日係boxing day, 原本諗住老公可以陪埋我地今日, 點不知佢話約左人食飯!  我都唔明, 有家庭, 唔係第一時間陪老婆仔女嘅咩??? 老公話佢亞sir 約左食飯冇得推喎!  跟住佢又話已經陪左我地兩日, 就算出街都唔過份喎!

佢話亞sir約左食飯, 我唔信囉! 乜亞sir 唔使陪屋企人嘅咩??? 就算佢話因為轉更, 亞sir 先可以約食飯, 但係我都係唔信囉!!! 以前未生, 老公都唔會咁樣講大話去玩, 而家轉左呢間公司, 就開始講大話唔知去左邊! 雖然唔係成日都係咁, 但係我都好唔like囉!!!

22/23号, 我已經開始頭痛, 日日食頭痛藥! 真係想唔食, 不過唔食就越嚟越痛, 瞓著左都仲係痛緊! 不過, 咁樣都好, 食咁多藥, 但願我可以慢性自殺早d死, 冇眼睇咁多!

聖誕節~

好睬呢兩日老公番早, 放左工可以有街去! 成day係到等等等, 都係等到老公番嚟, 就可以出街!

今日出左TST, 滕滕又好似痴左線咁喇, 不受control, 因為開心得济啦!

原本想出TST食嘢, 不過晏左出門口喇, 出到去TST怕搵唔到嘢食太多人, 所以就係佐敦食喇, 結果, 唔係食西餐, 係食左中餐! 費事搵嘛~

可能今日唔係平安夜, 所以街上面好似唔算好多人!

生左滕滕咁耐, 先係第一次出嚟老尖過聖誕咋, 娘到爆囉, 好似一個村姑咁幾耐冇見過燈飾呢~

 

呢張相, 係叫班後生仔影架! 佢地幾個都係攞住D單鏡機, 當時我仲聽到佢地仲係到究竟緊點樣影D燈飾先係最靚! 點不知叫佢幫我影相, 佢就影到咁..........



請問D燈飾去左邊呀? 無啦啦同我係馬路邊影, 仲咩呀???

個哥哥同我影完, 就係咁say sorry 話聽唔到我叫佢幫我地影相, 好似好唔好意思咁款! 不過, 你係咁say sorry都冇用啦, 影到張相咁! 雖然佢影到咁, 但係我冇反佢眼, 因為唔可以要求人地咁多啦, 人地都係路過啫!  不過, 都係好反眼, 因為我冇諗過係到研究緊點樣影d燈飾係最靚嘅後生仔, 居然做嘢做到咁囉~!

平安夜~

今日平安夜, 番左屋企做節! 係唔係而家真係無聊得咁緊要冇地方去呢, 要番屋企做節!

好耐以前, 平安夜聖誕節都一定有節目去街, 不過由自從開始想生BB之後, 就冇乜出去, 從而冇乜同外間嘅豬朋狗友接觸, 咁樣, 唔搵唔搵就開始冇乜聯絡! 其實, 豬朋狗友, 搵唔搵都冇咩所謂, 因為跟本就唔係真心朋友, 而真心朋友, 多數就會陪自己老公男朋友女朋友, 所以一去到呢D節日位, 就有小小傷感, 因為睇見人地咁開心係到交換禮物, 自己就戇居居冇嘢做!

有時叫老公去搵下人啦, 起碼平時有聯絡下, 咁有D咩節日, 就可以大班人玩下, 聯誼下都要架啦, 不過老公就話唔想搵! 咁點啫~ 我D朋友佢又話唔啱傾, 佢D朋友又話唔想搵, 咁即係點? 以後玩自閉呀?!

好睬, 今晚番屋企, 細佬冇出去, 起碼多把聲, 滕滕見到舅父都開心D!

排骨仔~!

今之真係要拆招牌喇!!! "我家的肥滕滕"今次真係要改做"我家的排骨仔"喇!

今晚, 同滕滕R背脊, 我一R落去, 發現佢瘦左好多, 仲可以彈到琴呀!

鬼咩~ 番左學咁耐, 就差唔多病足咁耐, 食足咁耐藥, 有咩辦法唔瘦吖!

點呀, 幾時先唔再病呀??? 可唔可以唔使再keep住唔食藥呀! 一係食西藥, 一係就食猴早散, 幾時先完呀???

買車~!

滕滕而家知道買嘢係要錢, 因為我會問佢, 你想買車車, 咁你比錢我吖!

又有時朝早, 滕滕話"媽me唔番工", 咁我又會同佢講, 唔番工邊有錢錢呀!

滕滕: 媽me, 聽日買van van 吖!

我: 又買van van? 媽me冇錢喎! 成日都話買車車!

滕滕: 媽me番工, 有錢錢!

吹脹~ 乜番工就有錢架喇!

瞓到懵左!

呢兩日假期, 係屋企真係瞓到懵晒! 星期六個工人係到, 朝早瞓到十點, 跟住去睇醫生, 睇完醫生番屋企同老公食LUNCH, 跟住就由2點瞓到六點先起身! 星期日就冇咁爽喇, 朝早九點半就要起身, 但係下午, 就同滕滕由2點瞓到5點! 簡直係大昏迷!

係其餘時間, 我就趕工, 織左3條頸巾!

原本亞姐話一嚿冷只可以織一條, 點不知一嚿可以織到兩條, 當堂覺得抵番晒!

因為滕滕本身嗰條, 係年christmas抽獎抽番嚟架, 但係有個位開始散喇, 所以把心一橫, 就織番條比佢囉!

而一條係送比熙熙, 一條係送比表弟, 而另外一條就仲諗緊送比邊個!

呢個moment!

次次我睇到呢個moment..........

我都好想抄左個工人!  老公之前都同我投訴過個工人唔同滕滕玩, 各有各! 耐唔耐就係咁!

我都唔明, 又係個工人自己話鐘意湊小朋友, 但係睇到呢個環境, 我真係唔覺囉! 

個工人出年5月就到期, 我呢排都係到爭扎當中, 究竟換唔換過一個好! 換左就怕仲死, 唔換, 我又唔想睇見滕滕咁~

搵得我幾鬼辛苦!!!

我都唔明, 買個相機套真係要咁難咩???  部相機買左半年有多, 一直搵嚟搵去, 都搵唔到有相機套係啱! 唔好講話fit, 只係講啱放, size 可以放到部機入去, 都幾鬼難!

不過, 終於冇意間搵到, 仲要係fit size! 牌子就唔知咩牌子, 不過就專係比NEX-5用!

真係FIT到流油! 唔會太大阻住手袋D位, 真係 very good!!!

病中渡過的生日~

今日終於要請假, 因為病到真係要休息一天! 而生日, 就大半day都係張床到渡過!

原本今日番工, 放左工之後就同老公二人世界食飯! 但係冇番工, 係屋企出去, 咁就即係要帶埋隻豬仔啦! 咁近近地, 就去左黃金喇!

隻豬仔真係曵到冇人有囉! 間法國餐廳, 靜到連講嘢都要好細聲, 如果唔係就比人聽到d對話! 但係隻豬仔就不停咁大聲唱歌!  又除鞋又除襪! 呢樣話唔食, 嗰樣又話唔食! 結果, 我忍唔住拉左佢出餐廳, 鬧左一輪先比佢番入去坐!

食完飯番屋企, 就切熙媽親手整比我嗰個cake喇!

多謝熙媽!!!

真係好多謝熙媽, 佢專登整左個birthday cake比我, 仲攞到嚟油塘潻呀!



睇下個cake幾鬼靚!!!

你話吖, 點捨得食吖!!!

好開心識到熙媽呀! 因為做朋友在乎個心, 熙媽不辭勞苦都整左個cake比我, 真係冧死人喇!

多謝!!! 多謝!!!

到我唔掂!

今日lunch去左買好多嘢, 又重又大件! 番到公司就熱到抽筋就除咁d冷衫, 不過到左就嚟放工, 個人就開始好攰, 同埋成個身都滾晒!

作病! 作病! 我知道係作病喇, 今晚食粒感冒藥早d瞓, 唔掂就聽朝同滕滕睇多次醫生, 跟住就輪住到我睇!

好耐冇病過, 唔通就係一句"我唔申苦"就中左?!

一個迷!!!

今朝, 我叫馮小姐入嚟, 同佢傾左一陣, 原本我已經諗好晒點樣同佢講, 如果佢再係咁, 我就叫佢唔好做喇, 不過............

我一話佢做嘢越嚟越有問題, 當時馮小姐個反應係"吓?!"

我話佢, 有乜理由excel round up 嗰到出嚟4捨5入左, 小數點之後個figure 唔同左, 就問"咁點呀?", 係唔係以為舊公司, 佢都係樣樣嘢, 做到每個step都走去問佢亞媽"咁點呀?", 冇理由個腦諗都唔諗, 就問"咁點呀?"

馮小姐答我, 都未遇過excel 4捨5入唔同左呢個問題, 佢話佢當時都唔識應該點做, 因為佢整嚟整去, 個total sum都唔啱, 所以當時好亂又好驚, 因為怕我話佢咁簡單都整唔到!

同埋, 佢又話, 因為係我之前叫佢用excel裏面d 加減乘除嘅function, 所以佢怕我鬧, 佢唔敢就咁直接打個數入去!

大佬, 佢個人真係蠢過隻死鬼左嘅豬囉! 就算係我叫用excel 嗰d function, 但係凡事都有例外架嘛, 唔通我叫你唔好跑, 明明見到架巴士就嚟開喇, 都唔跑過去咩! 咁唔通有100個數字要加埋, 下下都用計數機咩!

我又解釋比佢聽, 佢下下都好似唔用個腦去諗, 就走去問"咁點呀", 某個程度上, 都幾討人厭囉! 因為我話佢,我唔明白點解佢之前係舊公司咁多嘢做, 佢都可以一路一路去做, 識得下個step可以點, 但係點解而家唔可以吖? 做人冇進步都已經唔係一件好事嚟, 唔進步仲要退步? 同埋, 我仲話, 如果我次次都下下教晒你應該點點點, 然後又點點點, 跟住又點點點, 咁不如我唔使要你, 我自己做埋好過喇!

馮小姐同我講, 佢做每樣嘢, 佢都係比心機好做, 唔係求其比左我就算, 因為佢怕比我鬧佢, 呢樣做唔好, 嗰樣又做唔好!

去到呢個位, 我又講唔出叫佢唔好做喇! 因為佢一路聽我講之餘, 我有比佢解釋, 而佢嘅表現, 顯示出佢真係, 我叫佢做乜佢就做乜, 我叫佢唔好咁佢就唔好咁, 跟足晒我, 不過就係因為咁, 先知道佢蠢撚到連轉彎都唔識!

請問, 有冇嘢可以打通佢任篤二脈架???

咁我食屎囉~!

原本星期六契妹同我食飯慶祝生日, 所以諗住唔係屋企食飯, 就冇叫個工人去買餸, 點不知滕滕大病, 所以就冇出去食飯喇!

聽日唔比滕滕番學住, 因為都仲未好番, 咁我叫老公番完通宵番嚟, 唔好瞓住, 睇住個仔一陣, 比個工人去買餸! 點不知老公答我: "吓?! 我聽日中班+夜班喎!"

佢講出嚟嘅意思係, 咁我點瞓呀? 我唔使瞓呀!

而家, 我都幾憎老公開OT, 好似老逢咁就晒佢, 佢乜都唔使做唔使理, 屋企事無大少, 都係應該我要做好晒唔好煩佢! 係~ 我明白佢不停咁開OT都好辛苦, 但係OT唔係大晒, 屋企乜嘢都唔理, 個仔病叫佢去帶個仔睇DR, 佢又話要OT, 諗住佢應該係唔係on duty嘅時候先帶個仔去覆診, 佢又話要OT! 佢O咁多T, D錢又唔係落我袋, 佢又唔知用晒去邊, 我都唔知開咁多OT仲乜7!

所以佢一話"吓?! 我聽日中班+夜班喎!" 咁我就答佢OK啦! 然後就同個工人講: "咁你聽日整嘢比BB食, 同埋你自己嗰份就得喇, 唔使煮我, 我食屎就得喇!"

懲罰我呀?

尋晚, 唔知係唔係我太開心, 而滕滕就自己係屋企, 所以就懲罰我呢?

我只係去食餐飯啫, 唔好咁對我啦! 因為今朝滕滕8點一起身就開始扭計, 唔飲奶奶要飲水(真奇怪!), 我係咁叫滕滕比我瞓多陣跟住同佢出街街佢都唔肯係咁喊, 而且個工人話佢嘔左幾次(當時9點咋)!

一聽到話滕滕已經嘔左幾次, 就即時彈左起身, 睇下咩環境啦! 結果, 佢飲左幾啖水, 過左一分鐘左右就嘔番嗰幾啖水出嚟! 叫佢唔好飲咁多, 飲一啖濕下個口好喇, 咁嗰一啖又係嘔番出嚟! 飲幾多嘔幾多! 而且, 成個人冇晒力好似條魷魚咁撻左係到, 一郁佢就叫好痛! 當時我已經知道佢應該係周身骨痛喇!

9點叫左個工人去DR到幫滕滕攞籌, 番嚟話要等廿幾個! 唉~都冇計, 都要等架啦! 但係, 滕滕耐唔耐就話要去DR到, 要食甜甜! 唉~真係幾鬼病呢, 係咁叫我快D去DR到呀!

同DR講佢一D水都飲唔到, 一去到個胃到就即刻要番番出嚟! 咁DR比左支止嘔藥水之餘, 仲比埋肛塞止嘔藥! 但係如果連塞左肛都唔得, 就要入院吊鹽水喇! 吓??? 咁嚴重, 唔好嚇我啦!

番到屋企, 我同滕滕講, 食左呢個甜甜, 就唔會嘔架喇, 不過你都唔好嘔出嚟喎, 要忍住! 好彩, 滕滕真係好乖, 我叫佢唔好嘔, 佢真係冇嘔過! 如果有人話, 小朋友邊到忍得住呀! 咁我可以話比你知, 佢唔係忍住, 而係, 佢唔會專登走去咳囉! 因為咳咳下, 就可能想嘔架喇! 所以滕滕真係好乖好合作囉!

因為滕滕病到連瞓都瞓唔係好到, 所以食晒藥, 我佢話同佢一斉瞓喇! 一瞓就瞓左4個鐘! 4個鐘頭後, 成個人番番晒嚟, 因為已經好快咁就走去玩車, 而且又擒上櫈喇!

滕滕今朝真係好堅病! 唔玩唔郁唔講嘢! 我個心諗, 你唔係嬲我尋晚去街嘛! 不過, 尋晚半夜我都已經知道lai lai地嘢, 因為個工人以為我成晚會開住個暖風機瞓,所以尋晚睡袋裏面只係薄薄, 半夜滕滕叫我嗰時, 對腳係冰凍架!

豬仔咁病, 真係好乖, 乖到跟本唔相信佢可以咁乖, 因為同佢講乜佢都好合作, 完全又冇扭計, 又冇發皮4, 想佢點佢就點! 你話啦, 如果佢平時都係咁, 就幾好呢!

 

Birthday dinner!

今天, 好似好開心咁, 因為今日已經有人同我食生日飯喇! 感覺同舊年差好遠, 因為舊年唔開心!

好開心識左呢個傻婆, 因為佢同我都差唔多, 一日戇居九十幾次! 每次都有講不盡嘅話題!

有時都諗, 其實個天對我都幾好, 好朋友雖然唔係多, 但係我覺得嗰個可以會係好朋友, 就差唔多好似可以一生一世, 因為至少我而家d朋友, 識左到而家都keep住來往! 我份人好長情好重感情, 可以講話係優點, 亦都可以話係缺點! 因為長情, 可以另到一個人迷失理智, 不能自拔!

怪我???

今朝, 我又對住馮小姐反眼喇! 我唔知佢知唔知我反佢眼, 不過我就真係反爆左囉!

個packing list draft, 個客通知round up左個total sum錯, 咁我就叫佢改啦, 通知左佢過左一陣, 佢走嚟同我講因為round up係excel個format整到咁, 佢問我點喎!

大佬, 都唔係第一日出嚟做嘢架啦, 咁個format round up左就變左唔係actual 個數, 咁而家個客要actual 個figure, 咁你話點吖!

我唔明, "咁點呀?"點解都可以問得出口! 原因就只有一個, 就係個腦唔想轉! 小學生學excel 都知道點做, 成四十歲人, 之前識, 點解而家唔識???

我同老闆講番呢件事, 我問佢, 如果係佢, 佢會出咩反應! 我同老闆講, 呢個問題跟本就唔應該問得出口! 老闆聽到我係到"發盧so", 佢以往會叫我原諒馮小姐因為馮小姐蠢過隻豬, 但係今次佢冇, 所以我見佢咁嘅反應, 我就食住上, 同老闆講, 如果有一日我真係頂佢唔順, 我真係會叫佢唔好做! 因為冇理由咁基本嘅嘢, 都唔同腦去咁, 如果下下我都要step by step咁同佢講, 咁請佢番嚟跟本就冇意思!

而老闆, 就比左signal我, 意思係我真係頂佢唔順, 我想點就點, 順住我去!

其實我忍佢, 係因為馮小姐中文又唔叻, 英文又唔掂, 如果我唔要佢, 佢跟本係出面搵唔到萬一蚊個月!
佢而家仲生埋個仔, 冇左份工, 佢真係好慘! 但係佢唔慘, 就係我慘, 因為我已經訓導過佢一次, 而家又再嚟, 我唔知我幾時可以頂佢唔住!

偷嘢!

呢隻豬仔, 自從好明白知道邊個柜筒係放餅餅之後就耐不耐打開個柜筒睇下!

大前日, 我買左包米通, 預備下次見面時送比嫲嫲, 係前日, 就比豬仔發現左, 佢以為係筍嘢, 就時不時開個柜筒嚟攪!

一日未見到, 比唔到嫲嫲, 我估佢都係不停咁耐不耐攪下, 今日只係短短個幾鐘, 佢就開左3次! 唔通, 真係咁吸引???

見到佢偷雞個樣, 真係好可愛好CUTE囉!

勤力!

太耐都冇報告過馮小姐喇! 等而家up-date下先!

自從3個月前到, 我同馮小姐所謂嘅灘開嚟講, 叫佢檢討下自己之後, 佢就好似覺得同我frd番咁, 每一日都會講一講佢屋企d嘢比我知! 佢屋企, 離唔開佢個工人、所謂嘅大女、同埋個麻撚煩嘅姑奶!

其實佢屋企d嘢, 我真係唔係好想知, 因為我冇興趣知道, 而且佢下下都講到唔知點做! 佢又係咁樣, 引我出手去教佢! 就係咁樣, 我就更加唔想出聲答佢!

我都唔明, 係唔係個腦唔識轉就真係成世都係差d嘅呢! 就好似尋日咁, 個客想delay shipment, 不過因為我地已經裝左貨還番比碼頭, 海關都已經放行左, 即係想攞番d貨都唔得啦, 咁我就叫馮小姐同船公司講唔上原本bkg左嗰班船, 會delay一至兩個星期! 不過船公d懶人一覆就話唔得, 唔可以delay! 一聽到, 我就已經教小姐問番船公司點解唔得(仲有成6日先截倉),同馮小姐講完又講, 講完又講, 教完又教, 結果, 我都唔明點解佢都仲要比船公司"禁"住嚟"恰", 最後, 又係我自己跟番! 我都唔係好明, 都教撚晒佢每個step應該要點問, 連點樣問嘅方法都教撚埋, 點解佢都仲係唔撚醒目架! 咁既然到頭來都係我做, 咁我想問, 請佢番嚟唔知仲咩呢???!!!

公司忙都係一時時, 而佢, 就每朝一開機, 就旺旺on-line! 係呀, 係旺旺on-line呀! 日又睇夜又睇, 一得閑就睇! 但係最唔明就係, 佢買咁多嘢, 送嚟公司, 一樣都冇同我分享過! 話說當天我地關係未係咁差嗰時, 買左d筍嘢我都有比佢睇, 因為女人就係咁架啦, 自己覺得好抵好著數, 就會話比人聽, 而佢, 真係另類囉!  佢由始至終, 都係只會問我點樣做, 點去攪, 點樣先最平最方便!  哈哈, 好彩我而家都唔蝕, 其實明知講左比佢知對我都唔會有影響架, 不過就係因為佢咁自私, 咁我仲咩有嘢/知道有好嘢, 都要我話比你知啫! 冇可能囉! 最好佢唔好問我啦! 不過, 我估佢都知訂, 因為佢明知我係淘寶有a/c, 佢都唔會叫我幫佢買, 佢明知一斉買share d 運費so d, 佢都唔會問我有冇嘢落嚟, 想跟我一斉走貨! 你話d人咩心態吖, 佢都知我唔多老嚟佢架啦, 所以先至唔會叫我幫佢買嘢, 寧願叫佢另外一個frd幫佢買, 但係另一方面, 佢又走嚟問我淘寶嘢喎! 有骨氣, 就連問都唔好問啦苯7!

不過, 仲有樣嘢唔係好明, 就係次次食完飯, 我洗完碗之後, 如果我跟手出廁所, 佢就一定唔會再入廁所, 但係如果我洗完碗仲係到洗下手去下廁所, 馮小姐就一定入番嚟廁所洗下手! 我想問, 點解我出去, 佢就出去, 我唔出去住, 佢又唔出去住! diu, 佢已經做左4/5年啦, 唔使下下都要同我同步吓嘛!

唔咸唔淡~

滕滕而家講嘢就真係有時講不停, 不過講d音又唔係正喎, 好多時佢講完出嚟真係比佢笑死!

成日無啦啦佢就會話 "我唔柴(睬)你呀!", 一時又會話 "媽me你曵曵, 軒軒好(好~)乖呀!"

小朋友嘅成長, 我真係覺得好珍貴, 比幾多錢都買唔番佢同我地嘅交流, 對住滕滕, 真係有無限嘅快樂!

Cheap Cheap 地!

又係年尾時候, 通常係呢個moment, 我都會睇下信用卡d積分有咩換, 因為試過有一年唔記得, 到左新一年, 就冇左自己想換嗰樣嘢, 就算有, 加錢都係貴過之前!

舊年, 用左八舊水去換左一對彩芒嘅室內無線電話, 因為係街買點止八舊水吖, 仲要係panasonic架!  

我從來冇諗過一年時間, 滕滕可以將屋企大部分家電都整壞晒, 而個電話都好似差唔多嚟料, 因為已經開始有時無啦啦熄左! 

panasonic彩芒電話我好鐘意架, 因為個畫面好清晰, 已經第二次換架喇, 今年都仲有架, 不過用一年就真係好唔抵囉!

所以今年換左個cheap cheap嚟用住先啦, 橫掂都唔知又再幾時又壞過!

橫睇掂睇, 都幾好睇同幾型吖! 我用左二百幾蚊獎賞錢加一舊水換番嚟架, 我估用一年到, 都差唔多喇! 等下一年, 希望滕滕d破壞力弱d先去換番panasonic啦!

改詞!

我真係頂隻豬仔唔順囉~!!!

平時好多時我都會同佢唱歌, 我仲會改左d歌詞嚟同佢唱, 例如:

有隻雀仔跌落水, 跌落水, 跌落水--> 我就會改左做: 有個軒軒跌落水, 跌落水, 跌落水! 又或者: 有個媽me跌落水, 跌落水!

叮噹叮噹叮噹, 放學鐘聲嚮, 再見再見再見, 我們放學去! --> 咁我又會改做:叮噹叮噹叮噹，我們放學去，goodbye goodbye goodbye, 我們再見喇! 又或者: 叮噹叮噹叮噹, 我們上學去, hello hello hello, 我們又見喇!

仲有其他d歌仔, 我都會即興咁改d歌詞嚟同滕滕唱!

點不知有日放工番到嚟, 滕滕居然張"一閃一閃小星星, 一棵一棵亮晶晶" 改晒做 "軒軒番學冇瀨尿, 軒軒番學冇瀨尿"!

而今日就唱 "軒軒番學冇痾尿, 軒軒番學冇痾尿", 我一聽到就問佢: 吓! 你唔好嚇媽me喎, 你真係今日番學冇痾尿??? 而隻豬仔, 就笑住咁唔答我囉!

聽到滕滕唱d咁嘅歌出嚟, 真係覺得佢好笑得嚟真係好得意!

與熙熙陽光燦爛的一天!

今日真係好開心&好攰, 因為約左恩EE同熙熙出嚟飲茶, 飲完茶就去左公園玩喇!

佢兩條友仔, 番左學真係唔同D, 今次出嚟, 有晒交流, 仲玩埋一嚿!

之前見面, 滕滕就搵個肚腩頂熙熙, 今次出嚟, 滕滕就攬住熙熙, 壓到熙熙有氣冇頂透!

完左個幾個鐘, 如果唔係晒到我同熙媽死咁济, 相信都唔會拉佢兩個走!  唔知係唔係滕滕知道就嚟走呢, 到差唔多想走時, 佢就同我講: "唔番屋企吖!"

唔番?! 唔好喇卦! 你唔攰啫, 我地好攰喎!

好彩, 個兩都好乖冇賴死啫!

一上巴士冇幾耐, 滕滕就瞓著左喇, 你話唔想走吖嗱~ 最多下次玩過啦!

把九幾火的一天!

尋晚買左最鐘意嘅紫色番嚟, 本身就好開心喇, 開心到今日下午, 其實都仲開心緊, 因為今朝滕滕學校有親子活動, 所以請左半日假去左滕滕學校玩!

隻豬仔一見到我, 就已經係到叫喇, high 到爆燈, 而且仲叫極都唔聽, 老師叫極佢好停下, 佢都已經唔知咩事! 上左半day學, 只有得我隻豬仔最糟, 係攪極都唔停囉, 又尖叫, 又不停咁自己唱歌, 老師講故事又唔聽係到攪同學, 坐隔離個小朋友都頂佢唔順話: 你好嘈呀!

所以我話, 如果你日日係學校都係咁, 老師真係反爆眼! 老師聽到我咁講, 佢話佢見到我, 真係興奮到爆晒燈喎!








放左學校車都冇搭, 因為我要同豬仔去食埋lunch先番工! 所以呢半day真係幾開心!

不過, 番到公司, 為左今晚餐晚飯同老公嗌交, 結果今晚同個best friend 互相慶祝嘅 dinner, 就只有我同個best friend兩個! FINE, 唔緊要, 本身我都冇預佢, 就算佢唔出嚟, 都唔緊要! 

銅鑼灣, 真係好Q多人, 搵餐飯食下啫, 都要等等等等! 去搵日本放提, 最快要九點, 去打邊爐, 等廿幾張枱, 去食鮑魚啦, 諗住實有位, 等三張枱都話唔知要等幾耐喎! 頂!!! 結果去左食日本嘢! 貴D諗住service 好d, 點不知成間d 侍應冇一個係有禮貌!!! 個個都黑口黑面! d 嘢食又上得慢, 成左大半, 佢用d好冇禮貌嘅語氣叫我搬位喎, 因為佢想叫我地走, 讓間房出嚟比有班8個人嘅! 我話, 只有一個未上啫, 等咁耐你都未有, 我食埋就走喇, 唔搬!  講完, 條老八婆侍應就即刻攞埋last一個燒帶子入嚟話, 有喇, 係咁架喇, 今晚好多人!

幾撚串呀! 咩"係咁架喇", 呢d 咩service呀???!!! 食餐飯就係咁啤住我地, 見我地食完, 就即刻收晒我地d嘢, 跟住我都冇叫埋單, 就即刻攞單入嚟叫我即埋左佢!  到呢一刻, 我已經忍唔住問佢, 我都冇叫埋單, 你迫我地走呀?! 條老公婆侍應就即答: 唔係呀! 你埋左都可以慢慢坐架!

好! 埋左我就慢慢坐! 真係佢老味個化西!!! 食餐飯點解都要咁撚興!!!

好滿足!!!

今日好開心呀! 因為我買到我最鐘意嘅嘢-紫色粉盒!

之前已經miss左一次, 買唔到個紫色銀包已經好後悔, 所以covermark一推出有個紫色粉盒, 我就第一時間去買喇!

雖然係好深嘅紫色, 但係我都覺得好靚囉, 見到埋個碎粉都係紫色, 就更係唔放過啦! 都算ok架喇, 我買左一盒粉膏, 一盒碎粉, 一樽濕粉同埋一支日霜, 咁佢就送左3支洗面奶, 一支甲油, 仲有一塊mask & 2細包另外一個brand 嘅碎粉sample比我, 所以都好滿足!

開心緊番到屋企, 就拆箱喇, 因為買左set 枱+椅比滕滕!

佢都好鬼鐘意! 而我亦都好滿意! 唔錯~ 唔錯~!

投訴!

近呢兩個月, 滕滕不停咁唱歌, 佢自己唱, 又要我唱, 又時又要一斉唱, 而家就連工人姐姐都唔放過!

個工人就更係唔識&唔知佢唱乜啦, 所以隻豬仔就教個工人唱喇!

今日番到嚟, 個工人同我講佢比滕滕鬧呀! 工人同我講, 滕滕教佢唱歌, 不過可能聽唔明滕滕唱乜,所以跟住滕滕唱都唱錯, 咁滕滕教極個工人都唔識, 豬仔就話喇: "哎呀~~~! 姐姐, 唔係咁呀!"  講完又教多次姐姐唱, 如事者話完姐姐唔識唱又再教過!

最好笑, 就係個工人笑住同我講: "太太, 軒軒鬧我呀! 佢教我唱歌, 我唔識唱, 佢話:「哎呀~~~! 姐姐, 唔係咁呀!」"

家產會計!

如果唔鐘意聽粗語, 就唔好睇喇!

個八婆會計, 我真係好撚7憎佢囉, 今日又jump晒d水, 仲要一滴都冇! 我叫馮小姐同佢講: "ADA, 個水機一滴水都冇晒, 都唔識著燈, 你叫人上嚟整!" 個八婆居然答: "係咩? 乜冇晒水咩?"

TIL那星, 如果佢jump淨小小, 佢先講唔知冇晒水, 都仲可以話佢扮唔知, 而家一滴水都冇, 即係佢都擺明唔九換, 所以我都唔需要比面佢, 一路行就好大聲講: "尋日老闆下午打側左個水樽, 都擺明就嚟冇水架啦, 咁都話唔知!"  我講完, 個會計就鬼食泥咁講左唔知d咩, 因為佢講, 我都唔理佢咁行左入去會議室食飯, 我都費九事睬佢!

說完過左一陣老闆番嚟, 房都未入, 經過個水機就撇換水喇, 而個八婆會計一聽到, 就第一時間跑出去!

點解d人死極都死唔去架??? 賤到咁就好番屋企哩九埋唔好7出街啦, 犯眾憎成咁樣! 日撚日十點幾就係廁所做運動阻住晒人地去廁所, 叮飯就較最細嚟叮半個鐘, 只係識同老闆娘講我d客TT d 錢過嚟, 話我好唔通知講清楚比d客聽個a/c no. & co. name!

五十幾歲人, 男人都搵唔到一個, 我都明係咩原因, 但係既然d性格咁仆街, 就唔好出街影響人啦!

老師真係好介紹!

老師聽我講, 知道滕滕係屋企冇嘢做, 成日係到攪攪震, 就建議我去買泥膠比佢玩喇!

我同老師講, 玩泥膠我真係有d擔心, 因為呢個豬仔, 明知唔食得都要擺入口玩嘢, 所以之前有盒泥膠都送左比人!

上個星期, 因為買唔到架百佳車比豬仔, 就買左盒泥膠喇!

嘩~ 原來盒泥膠嘅魔力真係好勁, 一坐, 就坐左起碼30分鐘喇!

幾靚仔呢~

_{^{攞左冬天校服喇, 終於有得著!}}

_{^{都幾好睇吖, 成個醒神晒啦~}}

半day的忙碌!

今日原本約左個傻婆去飲茶lunch, 但係個傻婆居然話不如去西貢lunch喎!

明明係屯門食lunch, 就變左去西貢lunch, 突然好似高級左好多咁!

滕滕當然係好high啦, 因為呢個傻婆ee話比佢放狗喎, 咁滕滕一生人嘅第一次, 就係係呢到比左mango喇!



放左狗一陣, 我地仲吹下波波! 不過滕滕好似對吹婆婆興趣唔多囉~ 唔知係唔係因為嗰到好多狗比佢追, 所以佢就attend晒係d狗到, 連吹波波都唔多玩喇!

滕滕都未試過咁攰架, 因為沿途行去攞車, 佢不段咁話要番屋企, 而且話好攰要抱呀!

好啦, 咁抱就抱啦, 跑左走左行左咁耐, 都真係攰攰地嘅!

結果一上車, 就好快瞓著左喇!