Cheap Cheap 地!

又係年尾時候, 通常係呢個moment, 我都會睇下信用卡d積分有咩換, 因為試過有一年唔記得, 到左新一年, 就冇左自己想換嗰樣嘢, 就算有, 加錢都係貴過之前!

舊年, 用左八舊水去換左一對彩芒嘅室內無線電話, 因為係街買點止八舊水吖, 仲要係panasonic架!  

我從來冇諗過一年時間, 滕滕可以將屋企大部分家電都整壞晒, 而個電話都好似差唔多嚟料, 因為已經開始有時無啦啦熄左! 

panasonic彩芒電話我好鐘意架, 因為個畫面好清晰, 已經第二次換架喇, 今年都仲有架, 不過用一年就真係好唔抵囉!

所以今年換左個cheap cheap嚟用住先啦, 橫掂都唔知又再幾時又壞過!

橫睇掂睇, 都幾好睇同幾型吖! 我用左二百幾蚊獎賞錢加一舊水換番嚟架, 我估用一年到, 都差唔多喇! 等下一年, 希望滕滕d破壞力弱d先去換番panasonic啦!