好睬呢兩日老公番早, 放左工可以有街去! 成day係到等等等, 都係等到老公番嚟, 就可以出街!
今日出左TST, 滕滕又好似痴左線咁喇, 不受control, 因為開心得济啦!
原本想出TST食嘢, 不過晏左出門口喇, 出到去TST怕搵唔到嘢食太多人, 所以就係佐敦食喇, 結果, 唔係食西餐, 係食左中餐! 費事搵嘛~
可能今日唔係平安夜, 所以街上面好似唔算好多人!
生左滕滕咁耐, 先係第一次出嚟老尖過聖誕咋, 娘到爆囉, 好似一個村姑咁幾耐冇見過燈飾呢~
呢張相, 係叫班後生仔影架! 佢地幾個都係攞住D單鏡機, 當時我仲聽到佢地仲係到究竟緊點樣影D燈飾先係最靚! 點不知叫佢幫我影相, 佢就影到咁..........
請問D燈飾去左邊呀? 無啦啦同我係馬路邊影, 仲咩呀???
個哥哥同我影完, 就係咁say sorry 話聽唔到我叫佢幫我地影相, 好似好唔好意思咁款! 不過, 你係咁say sorry都冇用啦, 影到張相咁! 雖然佢影到咁, 但係我冇反佢眼, 因為唔可以要求人地咁多啦, 人地都係路過啫! 不過, 都係好反眼, 因為我冇諗過係到研究緊點樣影d燈飾係最靚嘅後生仔, 居然做嘢做到咁囉~!
哈哈，每逢有人叫我幫佢影相，我一定睇下個背景靚唔靚，例如有無背光，後面係唔係垃圾桶，有無海景，咩景物景咁，同埋一定影兩次唔同角度，好難得先有合照嘛~~~
回覆刪除[版主回覆12/28/2011 11:59:48]佢係一個亞嬸, 我唔會叫佢啦, 如果佢係一個亞伯攞住部單反機, 我都唔會猶豫, 即係我會睇下佢係咩人, 攞住部咩機先會叫! 我就係見到呢班年青人個個拿住部單反機, 而且仲係到研究點樣影燈飾先叫其中一個幫我影! 估唔到........估唔到..........完成估唔到, 我都唔知佢影後面條馬路仲乜春!