飛行棋~

有一日, 突然醒起買左副飛行棋, 見滕滕而家識睇數目字, 所以就攞出嚟同佢玩~

滕滕當然好興奮啦, 尤其係玩喎, 仲要咁多人一齊同佢玩, 佢就真係開心到爆, 而且仲晚晚食完飯就話要玩喇, 一玩就起碼45分鐘以上! 個工人呢, 佢都好攪笑, 佢整好晒嘢就坐定定咁等玩, 我笑佢, 睇嚟你都好想玩喎!

打呢篇BLOG時, 突然諗起, 滕滕雖然識睇數啫, 但係粒"識"仔上面嘅123456 並唔係數字嚟架喎, 所以呢, 其實有D嘢真係唔需要刻意去教佢地, 佢地自己觀察觀察下, 就會知係咩一回事!

與熙熙快樂的一天!

今日又約左熙媽出嚟食佢嘅BIRTHDAY LUNCH, 佢呢兩條友仔次次都好似冤家咁, 滕滕成日叫熙熙借車, 而熙熙又成日都唔肯, 睇見佢地真係好好笑!

我地今日就出左TST Isquare嘅牛陣到, 真係好耐冇出TST, 成個地方都唔同晒!

我好似有大鄉理出城咁囉~ 因為而家好多商場多左好多, 又大又靚! 不過如果叫我搵嘢買都幾難, 因為好似D嘢完全都唔啱咁嘅! 唯有只有馬仔D嘢我先鐘意, 其他, 一D興趣都冇!

食完嘢我地去左荷里活到睇TURBO!

兩條友仔搭緊地鐵都玩得一傾, 係小朋友嘅立場, 係冇一個地方唔玩得架!

套戲唔係好長, 好快睇完, 其實真係唔錯, 因為太耐的話, 佢地會唔耐煩就會要走!

睇完戲就走LU~ 玩左大半日, 滕滕一上巴士就話好攰想瞓下喎

有乜問題???

滕滕而家星期六個schedule 就係朝早1030-1130去學游水, 下午1430-1530就去上英文理! 早上學完游水之後, 我會比佢係個club house到玩半個鐘至九個字, 跟住就番屋企食嘢, 食完嘢先去上堂! 如果夜晚冇約, 就會stay 係屋企休息下!  不過今晚就約左表叔去佢屋企食飯, 所以上完英文班番屋企坐左唔夠半個鐘就起行喇, 約左表姐一齊搭車出去!

今日成day嘅行程, 其實我都覺得接住落係幾攰, 係某d時候我都希望可以坐多一陣抖下, 而滕滕佢就冇要求過要瞓攪或者要我抱, 唯一一次要求, 就係夜晚係表叔到走, 去搭西鐵嗰時, 都唔係要我抱, 而係發左一次"猛憎"!

我覺得滕滕真係幾叻仔架喇, 成日佢都冇話過要我抱, 而且佢好少因為攰或者眼瞓發皮四, 不過當佢發"猛憎"時, 我就知佢真係好攰好攰, 而且佢d"猛憎"仲係係咁依架咋, 十分之容易攪!

不過, 呢個moment, 表姐就challenge 我, 話我: 究竟你幾時先唔比佢去瞓晏覺架! 佢遲d上小學全日制, 咁樣唔得架喎! 表姐咁話我已經唔係第一次! 係滕滕歲幾嗰時已經好串咁串過我, 佢好串咁同佢個frd講, 飲完茶(lunch), 我要同個仔番屋企瞓下午覺! 當時我個心諗你都痴撚線, 佢得嗰歲幾, 瞓晏覺有咩咁出奇啫! 而今次, 我聽到表姐咁講, 我就開始火嚟! 我問佢究竟知唔知今日我地做過咩嚟呀, 成day 都冇停過, 攰都係好正常啫! 又唔知人地做過咩就係到話人!!!

我都唔撚明, 一個四歲小朋友, 就算瞓覺有咩咁出奇啫! 你唔撚比你對女瞓係你嘅事, 仲乜7要我認同你先! 我個仔已經係超人一般咁可以一直唔洗瞓, 但係唔代表佢唔撚攰架吓化!!!

吊~ 佢都係4歲, 講乜撚嘢讀小學啫, 而家都只不過係就嚟k2, 距離小一都仲有兩年, 仲乜7嘢而家就要唔比人地瞓呀!!! 更何況滕滕玩左成日未停過攰係好正常啫! 我有我教仔嘅一套, 仲乜9嘢要呢樣challenge我, 嗰樣又challenge我!!! 雖然你係有經驗, 但係唔代表你啱架!!!

滕滕睇醫生氣管有d扯, 我唔凍嘢佢飲係好正常, 表姐又串住嚟話佢對女從來病都唔同佢戒口喎! 真係痴撚線架! 你個女病到死唔通你唔煲粥比佢食, 仲比d炸嘢凍嘢佢食佢飲架??? 我唔係好撚信囉!!!

 

滕滕話自己好乖........

已經兩年幾冇買過一樣好D似樣D嘢電器喇! 因為屋企係廳嗰D, 壞得嘅壞爛得就爛, 就連SOFA咁難有事嘅都比滕滕咬爛晒D皮!

一路以嚟, 我好想好想買把風扇, 因為唔係太熱時可以開風扇, 有風吹下感覺上會好舒服, 唔洗下下開冷氣, 唔環保時又浪費! 但係因為滕滕太強勁喇, 我怕買左番嚟又唔知幾時好快又爛, 所以見滕滕而家有嘢可以商量, 咁我就問佢, 我好想買把風扇番屋企, 可唔可以應承我唔整爛把風扇先!

再三咁問完又問, 佢答完又答, 結果就買左喇!

係未送嚟前, 我真係有d擔心! 雖然係jusco試過覺得得, 但係因為jusco嗰到有冷氣, 其實試咩都ok架, 但係講真我又都幾相信自己嘅判斷, 所以送貨嚟之後, 我即刻立即熄左冷氣去感受一番! 結果, 我真係冇揀錯!!! 把風扇好very good!!! 風力真係幾very good!!!

而最爆笑係, 我一入屋, 滕滕同我講佢今日好乖, 冇整爛把風徑喎!

新攪作~

臨放工時, 見到又一新玩意!



滕滕居然整爛左個cushion, 攪到成地都係綿花!

我當時冇即刻打電話番去, 因為我想睇下一陣番去滕滕會張d綿花收埋係邊!

上左巴士之後, 我再睇番個CAM, 情況就已經好似冇事發生咁喇~

再過多一陣, 滕滕打電話比我問我可唔可以睇電視, 咁我就成機問佢今日有冇曵喇! 隻豬仔, 好似咩都唔記得晒咁走去問姐姐佢今日有冇曵喎! 咁姐姐當然即時話佢整爛左個cushion啦, 而隻豬仔亦都即時同我講佢整爛左個cushion!

係電話到我冇鬧佢, 因為我想知究竟係咩情況下佢會整爛個cushion同埋點解會導致佢去整爛, 所以番到屋企我先問佢!  其實當滕滕同我講佢整爛個cushion時我唔係好嬲, 因為我覺得佢有勇氣同我講出嚟, 而且冇切法去隱瞞佢唔比我知!

了解過後, 原來滕滕見到個cushion爆左線見到有個窿, 咁佢就不其然咁攞晒綿花出嚟! 咁即係好奇心驅使佢啦, 咁我都明白, 佢可能覺得好得意, 究竟個cushion 裏面係咩嚟, 點解軟綿綿嘅, 咁點解d白色軟綿綿嘅嘢攞整出嚟都仲有嘅, 同埋, 白雪雪呢d又係咩嚟, 又叫做咩呢!......其實好多一連串嘅問題, 我知道滕滕都會想知, 都會想問, 因為佢平時都係咁問我!

姐姐媽咪........

呢幾排, 滕滕耐唔耐就問我, 有冇小朋友有幾個媽咪, 如果有係點樣架!  我解釋比佢知, d好慘嘅小朋友先會有幾個媽咪, 因為呢個媽咪唔要佢, 先張佢比第二個, 咁第二個又唔要佢, 先再比第三個........如果個媽咪好鐘意自己, 跟本就唔會捨得比人地, 所以就永遠只有一個媽咪!

今日, 我又提醒滕滕, 叫佢以後以後唔可以錫姐姐個咀(因為我見到嘅, 次次都係滕滕做主動), 因為我話姐姐唔係佢媽咪, 只有媽咪同爸b先可以錫咀, 所以記得記得一定唔可以錫! 點不知........滕滕答我, 佢有兩個媽咪, 一個係我, 一個就係姐姐媽咪!!!

我, 當堂叮一聲睜大對眼望住滕滕! 因為我真係好surprise, 好surprise 滕滕個諗法原來係咁! 我之前解釋晒比佢知, 我係比錢請姐姐番嚟幫我手照顧佢, 星期日係街到見到d工人放假, 我話比滕滕知我地個姐姐同呢d工人姐姐一樣, 放假會咁樣出嚟見面, 因為, 我地呢個係"工人姐姐"! 但係講左咁多原來係滕滕心目中並非係咁諗, 而且仲同我講: 我地呢個係姐姐, 唔係工人姐姐嚟!!!

睇嚟, 我要再多幾錢肉緊, 再去洗多幾洗滕滕個腦先!

新玩具

 

今日經過間鋪頭賣老人用品, 咁我就入去打個圈睇下有冇嘢買啦, 因為老豆懶到出汁, 叫極佢都唔去行下, 所以都想睇下有冇D咩係可以比佢要嚟做下運動嘅~

結果, 我買左呢部機



一聽到話懶人首選, 咁我就好有興趣喇! 個sales話只係貼係個小腿上面30分鐘, 就會拍打1600下直達肌肉底部, 而且拍打力度仲有得調較!

我開初一試時, 真係差唔多成個人彈起, 因為種感覺好似觸電, 但係試左幾分鐘後, 感覺又ok喎, 所以我就買左佢喇!


 

激死人喇!!!

自從去完旅行之後, 滕滕就曵到不勘設想! 叫極唔聽, 話極唔理! 去旅行最last嗰晚, 仲比我係酒店打!  其實我真係唔想打佢, 不過佢實在太過份喇! 次次同嫲嫲一齊, 唔係踩嫲嫲隻腳, 就推嫲嫲, 再唔係就當嫲嫲係沙包咁起勢咁壓落去!  大佬, 一陣嫲嫲有事就好大獲架嘛!!!

去完旅行之後, 我落晒命令, 公婆嫲一概都唔准入嚟, 因為我要比時間呢個超級曵豬冷靜下, 而且我要佢知道, 佢曵, 係唔會有人嚟探佢! 上個星期skip左一次冇人入嚟, 尋日婆婆就入嚟喇! 婆婆入嚟滕滕都有曵, 不過係正常嗰種曵, 今日, 就嫲嫲入嚟!

今晚一入屋, 嫲嫲就已經投訴(嫲嫲轉左性)話滕滕用玩具掟佢, 又想用對難掉落佢到! 滕滕都係第一時間駁咀啦, 我話對鞋污糟, 不過佢話對鞋未著過所以唔污糟喎! 哥哥, 唔係唔污糟就可以要嚟掟人架嘛?!  食食下飯, 姐姐同我講佢今日上英文班就走咬個西人老師喎! 嘩~~~!!! 咬人!!! 二話不說, 我即刻的起條友仔, 捉佢出門口唔比佢入屋!  亞嫲見到咁, 過左一分鍾就同我講叫我唔好關門佢一陣會走左去喎! 如果當時同我講呢句嘢嗰個係我老母, 我即時會叫佢收口!!! 不過, 我幾唔撚鐘意都好, 嗰個始終唔係我老母, 所以我只講左一句: 你放心, 佢唔會走左去!

我個心諗, 你估我唔撚怕佢比人捉走左咩, 我唔撚驚過你, 唔洗你講啦!!! 因為我當時心情極之唔老嚟, 所以罰左滕滕企左係屋企門口時, 我同奶奶再冇講過嘢, 而過左一陣, 奶奶好冇引咁話走!

其實, 舊年去旅行時我已經反晒眼, 滕滕吐口水係奶奶個頭到, 奶奶就笑住咁鬧滕滕點解咁曵! 當時嗰一刻我已經問九奶奶, 你其實係唔係好想佢不停咁吐口水係你個頭到啫, 點解你話佢曵時都笑住嚟話佢嘅! 到今次去旅行, 滕滕揸住樽水係到向住奶奶chok, 奶奶又係笑住口咁問滕滕係唔係想整到佢條褲濕晒, 等人地以為佢瀨尿吖! 我一聽到就又再反晒眼咁同奶奶講, 可能明明佢都冇意識係會整濕你條褲, 而家係咁講即係提醒左佢可以咁樣玩啦, 咁究竟你係唔係想佢咁樣同你玩先???!!!

其實我唔想怪奶奶, 因為我知道奶奶係唔知道佢咁樣講嘢係會令滕滕更加曵, 但係我好無奈, 佢每一次見到滕滕, 滕滕都好撚曵, 曵撚到我成個人都噴火!!!

所以同之前一樣, 嫲嫲走左, 滕滕都唔會好過, 因為我一定罰佢自己瞓.........

而之後我入到房, 又見到滕滕攬住佢老豆條褲瞓覺

公司的仆街會計!

我都未見過D人咁冚家產囉, 由我6月尾去旅行前, 個仆街八婆會計就已經係唔舒服緊, 仲要病到發燒唔番得工! 其實, 病到咁死, 就唔好七番啦, 番嚟害人咩! 真係冇錯呀, 佢真係番嚟害人架, 真係仆街到冇人有喎!

個會計冚家產, 咳到仆街唔帶MASK都算喇, 仲要出去對住個影印機咳, 係個廚房對住個微波爐咳(因為佢個飯煲係個微波側), 雖然個微波爐冇打開個門, 但係D制係出面架嘛嗅西, 係咁對住D公家嘢咳, 有冇咁仆街冚家產先!!!

因為馮小姐同個會計個位都係係大廳, 而馮小姐都怕撚左個八婆會計, 所以我勸佢帶番個mask! 講真, 明眼人都知怕九左你個八婆啦, 但係佢都仍然我行我素唔七理人囉! 得, 唔緊要, 你個仆街咁七賤, 我就唯有張支消毒火酒四圍噴囉! 個家產會計去過邊, 用過d咩, 我係自己用之前都會噴一次, 噴撚到四周圍都係消毒火酒味! 而且食lunch整飯前, 我就入廚房開行個冷氣, 明撚知佢唔吹得, 我就專登開到大一大, 擺明話九你入嚟係到咳, 因為我要吹走d菌呀!!!  你d嗅西都唔七怕比人話, 我都唔會介意比人話九我咁撚樣! 因為我跟本就係當你有病, 因為係事實!

仲有呀, 真係估唔到佢賤到咁緊要, 番工放工就帶mask, 怕比街d人話, 但係番到公司就除, 四周圍咳, 呢d嗅西真係唔死都冇撚用架!!!

而且仲要係我放假時, 有日問馮小姐帶住個mask係唔係同佢一樣唔舒服喎! 今次馮小姐勁喇, 佢仲好直接咁同個八婆講係人都怕左佢, 成日係到咳又唔帶mask! 馮小姐吹水咁話佢已經比佢傳染左, 睇左兩次中醫啦! 點不知個嗅西答佢, 佢嗰d係氣管咳嚟, 唔會傳染人架喎! 哈哈~ 乜條管咳會發燒, 仲要d痰厚到仆街架, 擺撚明就係唔舒服啦, 個嗅西跟本就專登去問馮小姐, 又專登話比馮小姐知唔好當佢係野人, 又專登話比馮小姐知佢係冇事! 我個心諗你好去仆街死啦八婆, 就算你係唔撚係有病, 都唔七應該對住d公家嘢咳啦! 一時又話手痛腳痛屎忽痛, 不停咁請病假, 真係病又死番嚟公司傳染人, 吊佢老味就好快d退休死係屋企唔好番嚟害人呀冚家產! 係屋企死唔怕呀, 橫掂都係自己一個, 死左都唔會野到人啦! 正一冚家產嗅西!

Swimming Class~~~

今日真開心, 因為學游水嗰到換左另外一個亞SIR嚟教, 而呢個亞SIR之前已經吸引到滕滕都不知幾緊要架喇, 因為佢講嘢又開心又大聲, 而且仲成日引D小朋友笑, 而今日終於都輪到佢喇!

呢個亞SIR真係風趣到極, 攪到滕滕不停咁佢嘢, 又不停咁同佢講嘢, 所以呢次滕滕上堂都不知幾開心!

不過, 係臨上堂之前, 真係膽都跌左出嚟囉! 就係有個家長個女臨落水前, 無啦啦係池邊嘔(企埋左一邊), 我見個媽媽同佢搵紙巾抺咀抺身, 咁即係個身都有嘔吐物啦, 但係當場個救生員都唔出聲制止唔比佢落水喎! 嘩~~~ 個家長真係好仆街囉, 一D公德心都冇!!! 所以一走左, 我就即刻打去管理處投訴喇!!!

講大話 II

繼尋日話表姐講大話一事已經笑死我, 今晚滕滕又一件比人o趙嘢趣事!

之前滕滕同我投訴姐姐, 話姐姐唔比佢張架搖控車放落水到玩, 咁我就同佢解釋番姐姐唔比佢咁做, 係因為姐姐知道架車浸左落水到就會壞, 佢唔比你咁做, 就係因為唔想你冇車玩唔開心, 所以姐姐咁做都係因為錫你咋!

其實滕滕份人都好易話為, 我次次解釋完比佢知, 佢都唔會再扭計, 亦都唔會堅持一定要做, 不過, 唯一就係佢仍然仲有一份好奇心係到!

今晚我叫滕滕打比老公, 睇下佢今晚需唔需要ot, 但係滕滕就即時同我講, 話老公今日同左佢講佢唔番, 但係, 我唔係好信囉, 因為我知道通常老公番中班, 佢都會加左更通宵, 所以我好堅持叫滕滕打比佢老豆再問一次!

滕滕用hand fee打通左電話比老公之後就問佢今晚係唔係番嚟啦, 果然不出我所料, 老公話唔番嚟, 要OT! 點不知滕滕好surpirse, 而且仲質問佢老豆: "明明你同我講左話你番嚟架, 你而家又話唔番, 你講大話!!!" 老公聽到滕滕咁講, 就已經同佢解釋佢係尋日話佢尋晚番, 並唔係話今日講話今晚番! 當然, 滕滕都唔理佢繼續話佢講大話, 而且講完就冇左聲(我以為滕滕嬲到cut左佢老豆條線)!  點不知過左兩三秒之後, 滕滕張一個浸左落水嘅電話攞嚟比我! 原來佢張個電話浸晒落水!

嘩~ 其實我當時好嬲架, 即刻turn on第二個電話同老公講, 我而家要泡制完佢先可以再同佢講! 收線, 我就開始對付條友仔喇, 我問佢, 係唔係真係想試一次張d嘢放落水到, 睇下係唔係真係壞左先信吖!

我問滕滕知唔知自己錯, 佢就同我講: "知! 不過爸b都錯, 因為佢講大話! 佢明明應承左我係番嚟, 而家佢又話唔番, 所以佢都有錯!" 去到呢刻, 原來佢張個電話放落水到, 係因為佢好嬲, 以為個老豆講大話所以谷鬼氣就掉個電話落水到...........

講大話 I

今日中午, 表姐打嚟話想叫我個工人幫佢收件貨, 咁我咪打電話番去同個工人講, 順便都要同滕滕交代一下啦, 因為佢而家乜都要知架嘛! 同佢地兩個交代晒之後, 表姐好玩嘢咁又再講話唔洗喎, 咁我當然又要再打番屋企, 同個工人講完又要再同滕滕解釋一番啦, 點不知佢條友仔講: "咁佢即係講大話啦! 佢明明話要架嘛, 而家又話唔洗, 即係即講大話!"

我同滕滕解釋, 因為表姨媽唔想煩到我地, 咁搵到佢朋友幫手, 所以咪唔需要我地幫囉! 其實咁樣咪仲好, 冇人上嚟, 又唔需要比錢個叔叔, 咁樣唔好咩!  我再話多次, 係因為唔想煩住我地, 所以唔需要我地幫佢收嘢喇, 明唔明呀! 我見滕滕答左我話佢明之後, 跟住我就收線喇, 點不知一收左線, 我係個cam到聽到佢講: "明明又話要! 而家又唔要! 咁就係講大話啦! 咁都仲唔係講大話咩!!!"

講完又講! 講完又講!

滕滕越大, 我就開始覺得有壓迫感, 因為佢講嘢越嚟越似我, 仲用番我d說話嚟對付我! 

小朋友想食糖, 通常都會窮追猛打咁係咁問我, 而滕滕都唔例外, 不過佢問左幾次之後, 我會頂佢唔順去stop佢, 就同佢講: "點解你問完又問問完又問問完又問問完又問架啫! 你問咁多次我都係唔會比你架啦! 你唔好以為問多幾次就有先得架! 如果你再問, 就聽日都唔洗指意有得食呀!"  講完, 滕滕就會stop左, 唔敢再問架喇, 因為佢知道如果佢再問, 真係連第二日都會冇得食!

呢條友仔, 去完旅行番嚟都已6日, 個心情仍然都仲係處於高漲, 仲要係停唔到嗰隻, 因為今日第一日番番學, 就已經比老師投訴打嚟同我講, 佢今日out of control, 而且係學校仲向同學揮拳! 老師而且仲話滕滕佢個心情仍然係忘我, 上堂時不停咁同同學講嘢, 已經叫左佢停, 但係仍然仲係收唔到聲! 結果, 老師就拉左佢去佢身邊, 既然佢咁多嘢想同人講, 就不如同佢講下佢有幾開心!

唉~ 真係死唔死吖! 居然仲仍然係處於瘋癲嘅階段! 所以同老師通完電話之後, 我就打番去話, 未來呢幾日都唔可以睇電視, 唔可以落公園, 只可以揀一架車玩, 其實玩具全部起收埋晒, 仲有, 今個星期嫲婆公一個都唔准入嚟, 直到個人平伏番為止!

滕滕去旅行嗰幾日, 已經都係痴左線, 最尾嗰日我已經忍唔住o趙左佢一餐, 所以老師今日打嚟之後, 我唔想再o趙佢, 於是我就係咁"rum"佢, 番到屋企"rum", 瞓前又"rum", 傾完計又"rum"! 結果滕滕頂我唔順同我講: "媽咪! 點解你講完又講講完又講講完又講架啫(足足重覆左三次)!!! 究竟你悶唔悶悶唔悶架(呢次又重覆左兩次)!!!" 

拍拖週年紀念~

我! 咁就比我老公厄左番嚟, 而且仲做左亞四15年!

人地唔知以為老公好隨和, 其實佢不知幾鬼yim 尖! 男人真係好冇心肝, 我問佢今晚因為落雨左所以cancel 左去睇螢火蟲, 咁去邊到食餐好d嘅呢, 我問佢知唔知今日咩日子, 佢先開始笑住咁問番我轉頭! 不過算啦, 我幾時都知女人係鐘意記埋呢d日子架喇!

下次唔會再去呢間到食, 因為難食都不得了, 只係得個樣, 仲要唔平, 2人餐要成八嚿水, 十分之唔值!

其實去黃金食, 係因為有d Thomas 車睇, 但係冇諗過而家變到咁差!

泳班~

真係幾驚放假前對上嗰一次泳班令到滕滕有陰影呀, 因為我從來冇expect過個教練原來係咁冇經驗囉!

上次滕滕第一堂, 個女教練真係好惡, 好嚴厲, 又冇表情, 仲要全程要滕滕自己數踢水由1-30自己數! 我見個miss 咁後生, 我就知佢對小朋友冇經驗喇!  上完第一堂, 滕滕就同我講佢唔鐘意個女教練! 更係啦, 小朋友冇耐性佢又唔知, 小朋友集中力唔夠佢又唔知, 滕滕成日望住個男教練(因為個男教練好開心, 又成日講笑引人), 佢就只係識講集中d! 集中d! 一d表情都冇, 成個死老豆咁款, 比我都唔想望你啦, 又唔係靚女! 如果唔係我有時教滕滕數數字, 佢跟本都唔會識數1-20, 數到廿幾滕滕個心已經又飛左個去個亞sir到! 結果係我忍唔住同個miss講: 佢而家K1咋, 老師未教數數字, 所以佢唔係好識數由1-30架!

完左第一堂, 真係忍唔住打去泳班到反映下意見囉, 因為佢地D教練如果係咁, 真係搵鬼人去上, 而且仲要係咁細個小朋友! 一學就咁惡, 我唔想我個仔有陰影囉!

結果, 今日上第二堂時, 果然有改善! 個miss冇咁惡, 有耐性左, 不過仍然都係冇表情架!

不過算啦, 我見滕滕冇咁抗拒佢喇, 起碼走時都冇再講話唔鐘意個MISS喇!

 

真係開心到暈~~~

今年呢個trip又係一行6人, 而地點就係越南河內!

話就話係5日,但係上機嗰日都已經係黃昏機, 去到嗰邊一落機就食晚飯喇! 但係, 雖然知道過去會食飯, 但係真係估唔到呢個就叫飛機餐! 大人or小朋友都係一樣, 得一個包+一個水!

咁講真, 個包又唔係太難食嘅~

第一晚嗰間酒店係5星, 睇落都唔錯, 不過因為冷氣唔凍, 所以就同我地up-grade左間套房!  而第二朝嘅早餐就最surprise, 因為只係包, 都有十幾款!

個泳池都唔錯呢~

呢幾日嘅行程, 其實都幾HEA, 因為冇嘢玩, 冇嘢睇, 冇嘢買, 冇嘢食! 對3個耆英嚟講, 都算幾好, 因為上山坐船呢D就真係幾啱佢地, 不過對滕滕嚟講就真係冇咩好做, 只係去過沙灘玩過一陣沙啫!

對小朋友嚟講真係冇咩話悶唔悶, 只有爸媽係身邊就已經係好開心, 再加上有埋公公婆婆嫲嫲都一斉去玩, 其實就真係開心到不得了!

我老豆係一個酒鬼, 晚晚由七點幾八點開始, 佢就已經開始進入仙境, 因為由呢個moment開始, 佢同邊個講過嘢, 講d咩嘢, 打個比邊個, 第日問番佢佢係唔記得架! 所以去旅遊外遊, 酒-係必備嘅! 而咁啱今次呢個導遊, 原來又係酒人嚟!

因為第二日上船出遊, 佢帶左6支紅酒請我地廿幾個團友飲, 佢話因為有團友生日喎! 我雖然唔係成日去旅行, 但係年年去一次都唔算少啦, 咁耐我都未見過有導遊請飲紅酒囉! 而當晚, 我係番酒店之前同個導遊講, 如果經開便利店我老公想買啤酒番酒店飲, 結果個導遊買左6罐嚟, 而且仲唔收錢!  所以我地都好識做嘅, 係第三日, 我地就請番個導遊食宵夜喇!

眼緣好緊要, 就算好傾d, 都唔代表有嘢就要益你, 而且仲要係唔識嘅, 因為全個旅程令到我地最開心就係個導遊係第四晚, 即係last 一晚, 佢同我地up-grade左間總統套房比我地呀~~~~~~~

簡直真係人都癲呀!!! 滕滕興奮到不得了, 無啦啦走嚟同我講: 嚇死我呀! 我以為你唔係到呀~!

話咁快5日旅程就結束喇, 想唔比咁多小費都唔得啦, 就算人地覺得我地好傾, 都唔需要對我地咁好囉, 所以我地比左$1100小費個導遊, 希望佢唔好嚴少啦~

呢5日, 最開心嗰個應該係滕滕囉, 因為佢足足瘋癲左4日, 因為最尾嗰一晚, 我唔o趙佢真係對唔住自己囉~ 真係曵到呢!!!