滕滕居然整爛左個cushion, 攪到成地都係綿花!
我當時冇即刻打電話番去, 因為我想睇下一陣番去滕滕會張d綿花收埋係邊!
上左巴士之後, 我再睇番個CAM, 情況就已經好似冇事發生咁喇~
再過多一陣, 滕滕打電話比我問我可唔可以睇電視, 咁我就成機問佢今日有冇曵喇! 隻豬仔, 好似咩都唔記得晒咁走去問姐姐佢今日有冇曵喎! 咁姐姐當然即時話佢整爛左個cushion啦, 而隻豬仔亦都即時同我講佢整爛左個cushion!
係電話到我冇鬧佢, 因為我想知究竟係咩情況下佢會整爛個cushion同埋點解會導致佢去整爛, 所以番到屋企我先問佢! 其實當滕滕同我講佢整爛個cushion時我唔係好嬲, 因為我覺得佢有勇氣同我講出嚟, 而且冇切法去隱瞞佢唔比我知!
了解過後, 原來滕滕見到個cushion爆左線見到有個窿, 咁佢就不其然咁攞晒綿花出嚟! 咁即係好奇心驅使佢啦, 咁我都明白, 佢可能覺得好得意, 究竟個cushion 裏面係咩嚟, 點解軟綿綿嘅, 咁點解d白色軟綿綿嘅嘢攞整出嚟都仲有嘅, 同埋, 白雪雪呢d又係咩嚟, 又叫做咩呢!......其實好多一連串嘅問題, 我知道滕滕都會想知, 都會想問, 因為佢平時都係咁問我!
呢個歲數係乜都要探索下啦，咁你又可以教下佢，so sweet
回覆刪除[版主回覆07/30/2013 17:33:23]ME TOO LA
[林林回覆07/30/2013 10:26:11]我而家對新事物都好好奇架!
[版主回覆07/29/2013 17:10:30]佢真係樣樣都好好奇, 所以有時都唔會怪佢嘅~