呢幾排, 滕滕耐唔耐就問我, 有冇小朋友有幾個媽咪, 如果有係點樣架! 我解釋比佢知, d好慘嘅小朋友先會有幾個媽咪, 因為呢個媽咪唔要佢, 先張佢比第二個, 咁第二個又唔要佢, 先再比第三個........如果個媽咪好鐘意自己, 跟本就唔會捨得比人地, 所以就永遠只有一個媽咪!
今日, 我又提醒滕滕, 叫佢以後以後唔可以錫姐姐個咀(因為我見到嘅, 次次都係滕滕做主動), 因為我話姐姐唔係佢媽咪, 只有媽咪同爸b先可以錫咀, 所以記得記得一定唔可以錫! 點不知........滕滕答我, 佢有兩個媽咪, 一個係我, 一個就係姐姐媽咪!!!
我, 當堂叮一聲睜大對眼望住滕滕! 因為我真係好surprise, 好surprise 滕滕個諗法原來係咁! 我之前解釋晒比佢知, 我係比錢請姐姐番嚟幫我手照顧佢, 星期日係街到見到d工人放假, 我話比滕滕知我地個姐姐同呢d工人姐姐一樣, 放假會咁樣出嚟見面, 因為, 我地呢個係"工人姐姐"! 但係講左咁多原來係滕滕心目中並非係咁諗, 而且仲同我講: 我地呢個係姐姐, 唔係工人姐姐嚟!!!
睇嚟, 我要再多幾錢肉緊, 再去洗多幾洗滕滕個腦先!
錫姐姐個咀的滔滔好細既時候我已經同佢講唔可以, 只可以錫爸爸媽咪個咀。但我依家都唔肯定佢無 都唔知佢邊句真。姐姐自己就話無~
回覆刪除[版主回覆07/24/2013 11:47:17]我耐唔耐就睇見滕滕主動去錫姐姐架喇, 叫整佢唔好佢都係咁!
仲有滔滔間唔時叫錯我做姐姐, 叫姐姐做媽咪!!! HURT 爆!!!!
回覆刪除有時又諗, 咁証明姐姐錫我個仔。佢兩個感情好 LAW~
[村姑 C 9 仔 *.*回覆07/24/2013 12:22:54]諗落又係你大鑊 D wor~
[版主回覆07/24/2013 11:49:00]佢叫錯你做姐姐HURT得過我佢當姐姐係媽咪!!!! 大佬, 媽咪只有一個咋, 何來有第二個可以代替!!! 就算感情好都唔可以當姐姐係媽咪啦!!!
嘩~~~有無離譜啲?你快啲調節返滕滕嘅人物關係圖
回覆刪除[版主回覆07/29/2013 17:11:45]我已經好努力緊, 成日不停咁講架喇!